پاکستان کرکٹ ٹیم نے گیارہ سال بعد ٹیسٹ کرکٹ میں کسی بھی بائیں ہاتھ کے بیٹسمین کو شامل نہ کرکے منفرد ریکارڈ قائم کردیا۔
پاکستان نے سری لنکا کے خلاف ابو ظہبی ٹیسٹ میں دوہزار دو کے بعد یہ منفرد ریکارڈ بنایا ہے، قومی ٹیم میں کوئی بھی بائیں ہاتھ کا بیٹسمین شامل نہیں ہے۔
اس سے قبل دوہزار دو میں لاہور میں نیوزی لینڈ کے خلاف کھیلے جانے والے ٹیسٹ میں پاکستانی ٹیم میں کوئی بھی لیفٹ ہینڈڈ بیٹسمین موجود نہیں تھا۔
اس ٹیسٹ کی خاص بات انضمام الحق کی ٹرپل سینچری تھی، جس نے پاکستان کو اننگز اور تین سو چوبیس رنز سے فتح دلائی۔
