Tag: ٹیلر سوئفٹ

پاپارازی فوٹو گرافر پر اسکاٹ سوئفٹ کے حملے کی خبروں کے بعد ٹیلر سوئفٹ اپنے والد کے دفاع میں سامنے آگئیں۔

مبینہ طور پر ٹیلر سوئفٹ کے والد اسکاٹ نے منگل 27 فروری کو سڈنی کے شمالی ساحل پر ایک فوٹوگرافر پر حملہ کیا تھا۔ یہ واقعہ آسٹریلوی شہر میں سوئفٹ کے پرفارمنس کے چند گھنٹے بعد پیش آیا۔ ٹیلر سوئفٹ کی ٹیم نے ان رپورٹس کے حوالے سے لب کشائی کی ہے۔

سوئفٹ کے ترجمان کا کہنا ہے کہ پاپا رازی فوٹوگرافر نے اسٹار اور ان کے ساتھیوں کے ساتھ ’جارحانہ‘ رویہ اختیار کیا تھا۔

اخبار دی مرر کے مطابق ان کے ترجمان نے کہا کہ دو افراد جارحانہ انداز میں ٹیلر کی طرف بڑھ رہے تھے اور ان کے سیکیورٹی اہلکاروں کو پکڑ رہے تھے جبکہ انھوں نے عملے کی ایک خاتون رکن کو پانی میں پھینکنے کی بھی دھمکی دی۔

نارتھ شور پولیس کی جانب سے اپنے ایک بیان میں واقعے کی تصدیق کی گئی ہے۔ تاہم پولیس نے ملوث افراد کے نام بتانے سے گریز کیا۔

پولیس نے بتایا کہ مقامی وقت کے مطابق رات ڈھائی بجے کے قریب نیوٹرل بے وارف کے مقام پر ایک 71 سالہ شخص کی جانب سے مبینہ طور پر 51 سالہ شخص پر حملہ کیا گیا جس کی تحقیقات کی جارہی ہیں۔

حملے کا نشانہ بننے والے آدمی نے واقعہ کی اطلاع دی اور اب نارتھ شور پولیس ایریا کمانڈ سے منسلک افسران کے ذریعے اس کی انکوائری کررہی ہے۔

آسٹریلیا کے اسکائی نیوز نے بتایا کہ اسکاٹ لڑائی میں شامل لوگوں میں سے ایک تھے۔ فوٹوگرافر کی شناخت میٹرکس میڈیا گروپ کے چیف ایگزیکٹیو بین میکڈونلڈ کے نام سے ہوئی ہے جس کے بارے میں کہا جاتا ہے کہ وہ ٹیلر سوئفٹ کی تصاویر لے رہا تھا۔

عالمی شہرت یافتہ امریکی گلوکارہ ٹیلر سوئفٹ اپنے نئے البم ’دی ٹارچرڈ پوئٹس ڈپارٹمنٹ‘ کو لانچ کرنے کی تیاریاں کررہی ہیں۔

ٹیلر نے اس بات کا اعلان 2024 کے گریمی ایوارڈز کی تقریب میں کیا۔ تاہم ان کے مداح قیاس آرائیاں کررہے ہیں کہ گلوکارہ کے نئے البم ’دی ٹارچرڈ پوئٹس ڈپارٹمنٹ‘ میں ان کے سابق بوائے فرینڈ جو ایلوین کو مرکز نگاہ بنایا گیا ہے۔

اس بات کے امکانات اس لیے بھی پائے جاتے ہیں کہ ماضی میں برطانوی اداکار نے ایک بار پاپ اسٹار کے لیے دو گانے ساتھ مل کر لکھے تھے اور ٹیلر نے نئے البم کے نام میں بھی پوئٹس (شاعروں) کے الفاظ کو استعمال کیا ہے۔

پچھلے سال ان کے رشتے میں دراڑ آنے سے قبل ٹیلر اور ایلوین چھ سال تک ایک ساتھ تھے۔ بعدازاں گلوکارہ کو جلد ہی ٹریوس کیلس کی صورت میں نیا پیار مل گیا اور اس وقت ان کا آپس میں تعلق کافی مضبوط ہے۔

خیال کیا جاتا ہے کہ ٹیلر کا گانا ’لوور‘ بھی جو ایلوین کے لیے لکھا گیا تھا جو 2019 میں ریلیز ہوا تھا۔ اس وقت دنوں ایک دوسرے کے ساتھ رشتے میں تھے اور یہ امریکی گلوکارہ کی کسی مرد کے ساتھ سب سے طویل دوستی بھی تھی۔

View this post on Instagram

A post shared by Taylor Swift (@taylorswift)

2020 میں، ٹیلر سوئفٹ نے اپنا آٹھواں اسٹوڈیو البم، ’فوکلور‘ ریلیز کیا تھا اور اس کے دو گانے ’ایکسائل‘ اور ’بیٹری‘ کو گلوکارہ نے نغمہ نگار ولیم بووری کے ساتھ مل کر لکھا تھا۔

بعد میں یہ انکشاف ہوا تھا کہ ولیم بووری کوئی اور نہیں بلکہ جو ایلوین تھے۔ شوبز چیٹ شیٹ کی رپورٹ کے مطابق ٹیلر نے تصدیق کی تھی کہ جو ایلوین ڈزنی کی دستاویزی فلم ’فوکلور: دی لانگ پانڈ اسٹوڈیو سیشنز‘ میں بووری تھا۔

واضح رہے کہ ٹیلر سوئفٹ کا نیا البم ’دی ٹارچرڈ پوئٹس ڈپارٹمنٹ’ 19 اپریل 2024 کو ریلیز ہونے کا امکان ہے۔

معروف ہالی وڈ گلوکارہ ٹیلر سوئفٹ اور ان کے قریبی دوست ٹریوس کیلس کا فی الحال شادی کرنے کا کوئی ارادہ نہیں۔

میڈیا رپورٹس کے مطابق دونوں شادی کے لیے مزید وقت لینا چاہتے ہیں۔ یہ جوڑا فی الحال ’بہت خوش‘ ہے لیکن ان کا آئندہ گرمیوں میں منگنی کرنے کا کوئی منصوبہ نہیں ہے۔

امریکی میڈیا میں آنے والی منگنی کی افواہوں کے باوجود ٹیلر سوئفٹ اور ٹریوس کیلس کو شادی کی کوئی جلدی نہیں۔ رپورٹس میں بتایا گیا ہے کہ وہ منگنی کرنے کے بارے میں نہیں سوچ رہے ہیں۔

ان کے قریبی ذرائع کا کہنا ہے کہ سوئفٹ اور کیلس کو اس بات کا احساس ہے کہ ان کے بہت سے دوست اور خاندان کے افراد ان کی شادی دیکھنے کے خواہشمند ہیں-

دونوں سیلیبریٹیز کے قریبی احباب کو توقع ہے کہ مستقبل قریب میں جلد ہی دونوں شادی کرلیں گے۔ تاہم، سوئفٹ اور کیلس ابھی تک اس فیصلے کے لیے تیار نہیں ہیں۔

ذرائع کا کہنا ہے کہ دونوں کے پاس ابھی بھی ایک دوسرے کے بارے میں جاننے اور دریافت کرنے کے لیے بہت کچھ ہے۔

اس ماہ کچھ رپورٹس میں دعویٰ کیا گیا تھا کہ کیلس کے این ایف ایل کیریئر سے وقفے کے دوران اور سوئفٹ کے ایراس ٹور کے بعد دونوں موسم گرما میں منگنی کرنے کا ارادہ رکھتے ہیں۔

اپنی آواز سے دنیا بھر میں مداحوں کو مسحور کرنے والی ہالی وڈ اداکارہ ٹیلر سوئفٹ نے کنگ آف پاپ مائیکل جیکسن کا ریکارڈ توڑ دیا۔

ٹیلر سوئفٹ کے ایراس ٹور فلم نے دنیا بھر میں دھوم مچائی ہوئی ہے، انھوں نے اپنی گلوکاری اور اسٹیج پرفارمنس کے جادو سے شائقین کے دل موہ لیے ہیں۔ ٹیلر نے نیا سنگ میل عبور کیا ہے اور ان کی ایراس ٹور فلم اب تک دنیا میں سب سے زیادہ کمائی کرنے والا کنسرٹ بن چکا ہے۔

ہالی وڈ گلوکارہ اپنے ایراس ٹور فلم کے لیے گولڈن گلوب ایوارڈ تو نہیں جیت پائیں لیکن اس کے باوجود انھوں نے تاریخ رقم کردی۔

ٹیلر سوئفٹ کے دی ایراس ٹور نے اب تک کی سب سے زیادہ کمائی کرنے والے کنسرٹ اور دستاویزی فلم کا اعزاز حاصل کرلیا ہے۔

عالمی باکس آفس پر ان کے ہٹ ٹور نے مائیکل جیکسن کی ’دِس اِز اِٹ‘ کو پیچھے چھوڑ دیا، جو اس سے قبل سب سے زیادہ کمائی کا ریکارڈ رکھتی تھی۔

Now at $261.6 million globally, AMC's first ever released film, TAYLOR SWIFT | THE ERAS TOUR just became the highest grossing concert film & highest grossing documentary film of all time. AMC sends our congratulations and eternal gratitude to Taylor Swift for being so remarkable. pic.twitter.com/LvVEUT7Faf

— Adam Aron (@CEOAdam) January 8, 2024

اے ایم سی تھیٹرز کے سی ای او ایڈم آرون نے سوشل میڈیا پلیٹ فارم ’ایکس‘ پر اعلان کیا کہ عالمی سطح پر 261.6 ملین ڈالرز کی کمائی کے ساتھ اے ایم سی کی پہلی ریلیز ہونے والی فلم، ٹیلر سوئفٹ دی ایراس ٹور سب سے زیادہ کمانے والی کنسرٹ فلم بن چکی ہے۔

اتوار تک دی ایراس ٹور نے دنیا بھر میں مجموعی طور پر 261.6 ملین ڈالرز کا کاروبار کرلیا ہے، بشمول شمالی امریکا میں کنسرٹ فلم نے 180 ملین کا بزنس کیا ہے۔

تازہ ترین اعداد و شمار سامنے آنے کے بعد ٹیلر سوئفٹ کی کنسرٹ فلم نے کنگ آف پاپ کی ’دِس اِز اِٹ‘ کی مجموعی عالمی کمائی 261.2ملین ڈالرز کو پیچھے چھوڑ دیا ہے۔

آرون نے کہا کہ اے ایم سی تھیٹرز میں ہم سب کی طرف سے، میں ٹیلر سوئفٹ کو ان کی شاندار اور ریکارڈ ساز باکس آفس کارکردگی کے لیے مبارکباد پیش کرتا ہوں۔

https://twitter.com/Media_Tak1/status/1744210482565951546?ref_src=twsrc%5Etfw%7Ctwcamp%5Etweetembed%7Ctwterm%5E1744210482565951546%7Ctwgr%5E449138426585bb918aaa6c7d234712864b99ae25%7Ctwcon%5Es1_c10&ref_url=https%3A%2F%2Fwww.hindustantimes.com%2Fentertainment%2Fmusic%2Ftaylor-swifts-eras-tour-surpasses-michael-jacksons-this-is-it-as-highest-grossing-concert-film-101704715255250.html

اپنے گانوں سے دنیا بھر کو مسحور کرنے والی ہالی وڈ کی مشہور گلوکارہ ٹیلر سوئفٹ کے لیف آرم لیگ بریک ایکشن کی تصاویر نے انٹرنیٹ پر دھوم مچادی۔

انٹرنیٹ صارفین کا ٹیلر سوئفٹ کی وائرل تصاویر پر کہنا ہے کہ اگر ٹیلر سوئفٹ کرکٹر ہوتیں تو شاید لیفٹ آرم اسپنر ہوتیں۔ ان کی تصویر دیکھ کر لگتا ہے کہ وہ کرکٹ کے بخار میں پوری طرح مبتلا ہیں اس لیے ایسا ایکشن دے رہی ہیں مگر حیقیت میں ایسا نہیں ہے۔

Does this picture make it look as if Taylor Swift is about to unleash a lethal left-arm wrist-spinner? Or do I just have a one-track mind?https://t.co/VtdGPRORhT

— Simon Briggs (@simonrbriggs) December 18, 2023

اکثر مداحوں کا خیال ہے کہ کرکٹ کو کیریئر کے طور پر اپنانے کی صورت میں ٹیلر اور بھارتی لیگ اسپنر کلدیپ یادیو ایک دوسرے کے ساتھ مقابلہ کرتے نطر آتے۔

یہ بحث اس وقت شروع ہوئی جب ٹیلر سوئفٹ کی ایراس ٹور سے ایک تصویر وائرل ہوئی جس میں گلوکار کے ہاتھ کا اشارہ کچھ اس طرح کا تھا کہ جیسے وہ بائیں ہاتھ سے اسپن باؤلنگ کررہی ہیں۔

Taylor Swift X Kuldeep Yadav pic.twitter.com/YVt5z7zEY6

— ☣ᵀʰᵉ ᴾᵘⁿⁱˢʰᵉʳ☣ (@ImIshant091) December 19, 2023

تصویر دیکھ کر ایسا لگتا ہے کہ وہ کسی کنسرٹ میں پرفارم کرنے کے بجائے کرکٹ پچ پر موجود ہیں۔

ٹیلر سوئفٹ کی اس تصویر نے خاص طور پر کرکٹ سے محبت کرنے والوں کو اپنی گرفت میں لے لیا ہے، اور شائقین کرکٹ اسپنر کے طور پر ان کے ایکشن کو سراہتے نظر آرہے ہیں۔

ایک شخص نے لکھا کہ ’کیا اس تصویر سے ایسا لگتا ہے جیسے ٹیلر سوئفٹ ایک بائیں ہاتھ کی لیگ اسپنر ہیں اور گیند پھینکنے والی ہیں۔ یا میں غلط سوچ رہا ہوں۔‘

Inverted Warney! pic.twitter.com/S825y1AuK0

— Thomas Van P (@TomVanP) December 18, 2023

غزہ کیلئے امداد جمع کرنے کی تقریب میں امریکی گلوکارہ ٹیلر سوئفٹ اور گلوکارہ سیلینا گومز نے شرکت کی ہے۔

غیر ملکی میڈیا رپورٹ کے مطابق معروف پاپ گلوکارہ ٹیلر سوئفٹ اور سیلینا گومز نے غزہ کے لیے فنڈ ریزنگ کی ایک تقریب میں شرکت کی، اس پروگرام کی میزبانی امریکی مصری مزاح نگار ریمی یوسف نے اپنے بروکلین کامیڈی کلب میں کی۔

ٹیلر سوئفٹ اور سیلینا گومز نے نیویارک میں عرب امریکی کامیڈین رامی یوسف کے کامیڈی کلب میں غزہ کے لیے فنڈ ریزنگ تقریب میں شریک ہوئیں۔

سیلینا، جی جی حدید نے غزہ میں جنگ بندی کے لیے امریکی صدر کو خط لکھ دیا

اس حوالے سے رامی یوسف کا کہنا ہے کہ تقریب کی آمدنی غزہ کے محصور علاقے میں امدادی سرگرمیوں کے لیے عطیہ کی جائے گی۔

ٹیلر سوئفٹ اور سلیلنا گومز کی تصاویر کو بڑے پیمانے میں آن لائن شیئر کی جارہی ہے، مبینہ طور پر یہ تصویر ایونٹ سے رخصت ہونے کی ہے۔

یاد رہے کہ امریکی گلوکارہ سیلینا گومز کو غزہ میں جاری جنگ کے بارے میں بات کرنے سے انکار  پر شدید ردعمل کا سامنا کرنا پڑا تھا انہوں نے  غزہ کی صورتحال پر دلبرداشتہ ہو کر سوشل میڈیا سے کچھ عرصے دور رہنے کا فیصلہ کیا تھا۔

غزہ میں اسرائیلی جارحیت، سیلینا گومز نے کیا فیصلہ کیا؟

اداکارہ سیلینا گومز  نے فوٹو اینڈ شیئرنگ ایپ انسٹاگرام پر پوسٹ میں کہا تھا کہ میں لوگوں کو ظلم اور تکلیف سے بچانے کے قابل نہیں ہوں، معصوم لوگوں کو قتل ہوتے دیکھ کر دل ٹوٹ گیا ہے، میری  خواہش ہے کہ  میں دنیا کو بدل سکوں لیکن ایک پوسٹ سے ایسا نہیں ہوگا۔

دوسری جانب فلسطین کے حامی امریکی وکلاء نے مشہور شخصیات پر زور دیا ہے کہ وہ غزہ میں انسانی بحران سے متعلق اپنے پلیٹ فارم پر آواز اٹھائیں۔