Tag: ٹیلیفونک رابطہ

وزیراعظم شہباز شریف اور ایران کے صدر مسعود پزشکیان کے درمیان ٹیلیفونک رابطہ ہوا ہے، ایران کی مخلصانہ کوششوں پر اظہار تشکر کیا گیا۔

تفصیلات کے مطابق وزیراعظم نے سپریم لیڈرآیت اللہ خامہ ای کیلئے نیک خواہشات کا اظہار کیا اور جنوبی ایشیا میں کشیدگی کم کرنے کیلئے ایران کی مخلصانہ کوششوں پر اظہارتشکر کیا، وزیراعظم نے پاکستان کیخلاف بھارت کے بلااشتعال حملوں کی شدید مذمت کی۔

شہباز شریف نے کہا کہ بہادر مسلح افواج نے دشمن کو ذمہ دارانہ اور منہ توڑ جواب دیا، پاکستان امن کا خواہاں ہے اسی جذبے کے تحت بھارت کیساتھ جنگ بندی پراتفاق کیا۔

وزیراعظم نے ملکی خودمختاری اورعلاقائی سالمیت کا ہرقیمت پر دفاع کرنے کے پختہ عزم کا اعادہ کیا، وزیراعظم نے سندھ طاس معاہدے کی یکطرفہ خلاف ورزی کی کوشش پر تشویش کا اظہار کرتے ہوئے کہا کہ پانی 24 کروڑ لوگوں کےلیے لائف لائن ہے۔

انھوں نے کہا کہ جموں و کشمیر کا تنازعہ جنوبی ایشیا میں عدم استحکام کی بنیادی وجہ ہے، ایرانی صدر نے حالیہ کشیدگی کے دوران شہریوں کی جانوں کے ضیاع پر تعزیت کا اظہار کیا۔

https://urdu.arynews.tv/pm-sehbaz-meet-nawaz-sharif/

وزیراعظم شہباز شریف اور شیخ تمیم بن حمدالثانی کے درمیان ٹیلیفونک رابطہ ہوا، وزیراعظم نے امیرقطر کی پاکستان کےلیے یکجہتی اور حمایت پر شکریہ ادا کیا۔

تفصیلات کے مطابق وزیراعظم شہباز شریف نے کہا کہ دونوں ممالک کے درمیان گہرے برادرانہ تعلقات ہیں، پاکستان نے دہشت گردی کی ہر شکل کی مذمت کی ہے، وزیراعظم نے دہشت گردی کیخلاف جنگ میں پاکستانی قوم کی قربانیوں کو اجاگر کیا،

وزیراعظم شہباز شریف نے بغیر ثبوت پہلگام واقعہ کو پاکستان سے جوڑنے کی بھارتی کوششوں کو مسترد کیا۔

قطر کے امیر نے جنوبی ایشیا میں امن کےلیے پاکستان کی کوششوں کو سراہا، امیرقطر نے کہا کہ قطر موجودہ بحران میں کمی کیلئے پاکستان کیساتھ مل کر کام کرنا چاہتا ہے۔

وزیراعظم نے واقعے کی شفاف اور غیرجانبدار بین الاقوامی تحقیقات کی پیشکش کا اعادہ کیا، وزیراعظم نے بھارت کی جانب سے سندھ طاس معاہدہ ختم کرنے کو آبی جارحیت قرار دیا۔

وزیراعظم شہبازشریف نے کہا کہ پانی پاکستان کے لیے لائف لائن ہے، معاشی استحکام کی راہ پر گامزن ہیں ایسے میں کسی واقعے میں ملوث ہونے کا فائدہ نہیں۔

https://urdu.arynews.tv/marco-rubios-telephone-call-pm-shehbaz/