Tag: ٹیلی فونک رابطہ

اسلام آباد:وزیر خارجہ شاہ محمود قریشی نے سعودی وزیر خارجہ شہزادہ فیصل بن فرحان آل سعود سے ٹیلی فونک رابطہ کیا ہے۔

تفصیلات کے مطابق وزیر خارجہ شاہ محمود قریشی نے سعودی وزیر خارجہ شہزادہ فیصل بن فرحان سے ٹیلی فونک رابطہ کیا۔دونوں رہنماؤں نے کرونا، مقبوضہ کشمیرکی صورتحال،دو طرفہ تعلقات سمیت باہمی دلچسپی کے امور پر تبادلہ خیال کیا۔

وزیر خارجہ نے سعودی فرمانروا کی صحت کے حوالے سے خیریت دریافت کی جس پر سعودی وزیرخارجہ نے کہا کہ شاہ سلمان کامیاب سرجری کے بعد تیزی سے رو بصحت ہیں۔

اس موقع پر شاہ محمود قریشی نے سعودی ہم منصب کو کرونا پھیلاؤ کو روکنے کے لیے اسمارٹ لاک ڈاؤن،دیگراقدامات سے آگاہ کیا۔وزیر خارجہ کا کہنا تھا کہ وزیراعظم کی اسمارٹ لاک ڈاؤن حکمت عملی سے کرونا پھیلاؤ میں کمی آئی۔

انہوں نے سعودی دفاعی تنصیبات پر حوثی ملیشیا کے حملوں کی شدید مذمت کرتے ہوئے کہا کہ پاکستان ہرمشکل گھڑی میں سعودی عرب کے ساتھ ہے،سعودی عرب کی سالمیت اور تحفظ کے لیے ہرممکن تعاون جاری رکھیں گے۔

دونوں وزرائے خارجہ میں حج کی محدود ادائیگی کے حوالے سے بھی تبادلہ خیال کیا گیا۔اس موقع پر سعودی وزیر خارجہ شہزادہ فیصل بن فرحان آل سعود کا کہنا تھا کہ محدود پیمانے پر حج کا فیصلہ وبائی صورتحال کے باعث کیاگیا۔

لاہور: مسلم لیگ ن کے صدر شہباز شریف اور چیئرمین پیپلزپارٹی بلاول بھٹو زرداری کے درمیان ٹیلی فونک رابطہ ہوا ہے۔

تفصیلات کے مطابق اپوزیشن لیڈر شہباز شریف سے پیپلزپارٹی کے سربراہ بلاول بھٹو زرداری نے ٹیلی فونک رابطہ کیا اور ان کی صحت کے لیے نیک تمناؤں کا اظہار کیا۔

مسلم لیگ ن کے صدر شہباز شریف نے سابق صدر آصف علی زرداری کی صحت کے لیے خیرسگالی کا پیغام دیا۔

دوسری جانب مسلم لیگ ن کا وفد کا چیئرمین بلاول بھٹو زرداری سے لاہور میں ملاقات کرے گا۔

اس سے قبل 8 جولائی کو مسلم لیگ (ن) کے صدر اور قائد حزب اختلاف شہباز شریف نے پیپلزپارٹی کے چیئرمین بلاول بھٹو زرداری کو ٹیلی فون کیا اور کل جماعتی کانفرنس (اے پی سی) کے انعقاد پر مشاورت کی تھی۔

دونوں رہنماؤں نے کل جماعتی کانفرنس کے انعقاد پر مشاورت کے ساتھ اے پی سی کی تاریخ اور اس میں زیر غور آنے والے نکات پر تبادلہ خیال کیا تھا۔

اسلام آباد: وزیراعظم عمران خان نے کہا ہے کہ ترقی یافتہ وترقی پذیر ممالک کا ساتھ ترقی کے عمل کو آگے بڑھانا ناگزیر ہے۔

تفصیلات کے مطابق وزیراعظم عمران خان اور سری لنکن صدر کے درمیان ٹیلی فونک رابطہ ہوا جس میں دوطرفہ تعلقات اورخطےکی صورت حال پر تبادلہ خیال کیا۔دونوں رہنماؤں نے لوگوں کی زندگیاں بچانے سمیت معیشت کی بحالی پر بھی گفتگو کی۔

وزیراعظم نے سری لنکن صدر کو کرونا پر حکومتی حکمت عملی سے آگاہ کیا۔وزیراعظم نے قرضوں میں ریلیف کے لیے عالمی سطح پر اقدامات پر بھی بات چیت کی۔وزیراعظم نے مقبوضہ کشمیر کی تازہ صورت حال پر بھی سری لنکن صدر کو آگاہ کیا۔

اس موقع پر وزیراعظم عمران خان کا کہنا تھا کہ ترقی یافتہ وترقی پذیر ممالک کا ساتھ ترقی کے عمل کو آگے بڑھانا ناگزیر ہے۔

اس سے قبل یکم جون کو وزیراعظم عمران خان نے اٹلی کے وزیراعظم سے ٹیلی فونک رابطہ کر کے اٹلی میں کرونا وائرس کے باعث ہونے والی ہلاکتوں پر افسوس کا اظہار کیا تھا۔

وزیراعظم نے اطالوی ہم منصب کو پاکستان میں حکومت کی جانب سے کرونا وائرس کے تدارک کے لیے گئے گئے اقدامات سے آگاہ کیا تھا۔

اسلام آباد: وزیر خارجہ شاہ محمود قریشی نے سعودی وزیر خارجہ شہزادہ فیصل بن فرحان آل سعود سے ٹیلی فونک رابطہ کیا ہے۔

تفصیلات کے مطابق وزیر خارجہ شاہ محمود قریشی نے سعودی وزیر خارجہ شہزادہ فیصل بن فرحان سے ٹیلی فونک رابطہ کیا۔دونوں رہنماؤں نے کرونا، مقبوضہ کشمیرکی صورتحال،دو طرفہ تعلقات،باہمی دلچسپی کےامور پر تبادلہ خیال کیا۔

اس موقع پر شاہ محمود قریشی کا کہنا تھا کہ پاکستان اور سعودی عرب میں تاریخی،مذہبی، ثقافتی،کثیر الجہتی تعلقات ہیں، دونوں ممالک میں متعدد شعبوں میں اسٹریٹجک شراکت داری میں اضافہ خوش آئند ہے۔

وزیر خارجہ شاہ محمود قریشی نے سعودی عرب میں کرونا وائرس سے جانی نقصان پرگہرے دکھ اور افسوس کا اظہار کیا۔

انہوں نے کہا کہ نہتے کشمیری کرونا کے باعث دہرا لاک ڈاؤن برداشت کر رہے ہیں،بھارت مقبوضہ علاقے میں علاقائی تناسب تبدیل کرنے کے درپے ہے۔

شاہ محمود قریشی کا کہنا تھا کہ عالمی قوانین،یو این سیکیورٹی کونسل کی قراردادوں کی صریحاً خلاف ورزی ہے،عالمی برادری بالخصوص مسلم امہ کو فوری صورت حال کانوٹس لینا چاہیے۔

وزیر خارجہ نے سعودی فرمانروا،ولی عہد کے طیارہ حادثہ پر تعزیتی پیغام پر سعودی ہم منصب شہزادہ فیصل بن فرحان آل سعود کا شکریہ ادا کیا۔

کراچی: چیئرمین پیپلزپارٹی بلاول بھٹو زرداری اور برطانوی ہائی کمشنر کرسچن ٹرنر کے درمیان ٹیلی فونک رابطہ ہوا ہے۔

تفصیلات کے مطابق پیپلزپارٹی کے سربراہ بلاول بھٹو زرداری اور برطانوی ہائی کمشنر کے درمیان ٹیلی فونک رابطہ ہوا جس میں کرونا وائرس سے متعلق صورت حال پر بات چیت کی گئی۔

اس موقع پر بلاول بھڑو زرداری نے کہا کہ کرونا کے باعث سندھ حکومت نے فوری تعلیمی اداروں کو بند کیا،وائرس کا پھیلاؤ روکنے کے لیے فوری لاک ڈاؤن کا فیصلہ کیا۔

چیئرمین پیپلزپارٹی نے ڈیپارٹمنٹ فار انٹرنیشنل ڈویلپمنٹ کے تعاون پر اظہار تشکر کیا۔بلاول بھٹو اور برطانوی ہائی کمشنر میں موجودہ حالات میں رابطے کی ضرورت پر بھی اتفاق کیا گیا۔

برطانیہ کا پاکستان کے لیے امداد کا اعلان

اس سے قبل برطانوی ہائی کمشنر کرسچن ٹرنر نے سماجی رابطے کی ویب سائٹ ٹویٹر پر اپنے پیغام میں کہا تھا کہ پاکستان کو کرونا سے نمٹنے کے لیے 26 لاکھ 70 ہزار پاؤنڈ امداد دیں گے۔

برطانوی ہائی کمشنر کا کہنا تھا کہ دوست ہی مشکل وقت میں کام آتا ہے،ہمیں اپنے رویوں اور برتاؤ میں تبدیلی لانا ہوگی۔کرسچن ٹرنر نے اپنے پیغام میں مزید کہا تھا کہ دنیا بھر میں عوام کروناکی وجہ سے متاثر ہو رہے ہیں،پاکستان کرونا کے نقصانات سے باہر آنے کی صلاحیت رکھتا ہے۔