Tag: ٹیلی فونک رابطہ

اسلام آباد: سینیٹ میں صادق سنجرانی کے خلاف تحریکِ عدم اعتماد کی ناکامی کے بعد اپوزیشن رہنماؤں کے رابطے ایک بار پھر شروع ہو گئے ہیں۔

تفصیلات کے مطابق جمعیت علمائے اسلام ف کے سربراہ مولانا فضل الرحمان نے اپوزیشن رہنما شہباز شریف کو ٹیلی فون کر کے مختلف معاملات پر تبادلۂ خیال کیا ہے۔

اس سلسلے میں ذرایع کا کہنا ہے کہ ٹیلی فونک رابطے میں دونوں رہنماؤں کے درمیان اگلے ہفتے ملاقات پر اتفاق کیا گیا۔

ذرایع نے کہا کہ ٹیلی فونک گفتگو میں سینیٹ انتخابات کے بعد سے پیدا ہونے والی صورت حال پر بات چیت کی گئی، ان کا کہنا تھا کہ جن اراکین نے ووٹ نہیں دیا ان کے خلاف سخت کارروائی کرنا ہوگی۔

گفتگو میں کہا گیا کہ موجودہ صورت حال میں رہبر کمیٹی کا اجلاس بلانا چاہیے، جو آیندہ کی حکمت عملی طے کرے۔

یہ بھی پڑھیں:  بلاول بھٹو کو مولانا فضل الرحمان کا ٹیلی فون، اگلے ہفتے ملاقات پر اتفاق

خیال رہے اس سے قبل آج مولانا فضل الرحمان نے پی پی چیئرمین بلاول بھٹو زرداری سے بھی فون پر رابطہ کر کے موجودہ صورت حال پر بات چیت کی تھی۔

مولانا اور پیپلز پارٹی کے چیئرمین نے اس بات پر اتفاق کیا تھا کہ حکومت کو بے نقاب کرنے کا سلسلہ جاری رکھا جائے گا، جب کہ اگلے ہفتے ملاقات بھی کی جائے گی۔

اس موقع پر بلاول بھٹو کا کہنا تھا کہ سینیٹ الیکشن میں حکومت کو بے نقاب کرنا اپوزیشن کی اخلاقی فتح ہے، حکومت کا غیر جمہوری رویہ دراصل اپوزیشن کی جیت ہے۔

واضح رہے کہ سینیٹ میں تحریک عدم اعتماد کی ناکامی کے بعد اپوزیشن رہنما ایک بار پھر اکھٹے ہو کر حکومت کے خلاف نئی حکمتِ عملی ترتیب دینے کی کوشش کر رہے ہیں۔

اسلام آباد: افغان صدر اشرف غنی نے وزیراعظم پاکستان نواز شریف سے ٹیلی فونک رابطہ کیا اوران کی خیریت دریافت کی، افغان صدر کا کہنا تھا اے پی ایس کا واقعہ پاکستان اور دنیا کے بڑا نقصان ہے۔

افغان صدراشرف غنی نے وزیر اعظم نواز شریف کو ٹیلی فون کرکے وزیر اعظم نواز شریف کی خیریت دریافت کی، افغان صدر نے بتایا کہ اے پی ایس حملے کا ماسٹر مائنڈ عمر نرے چار ساتھیوں سمیت مارا جاچکا ہے، ان کا کہنا تھا آرمی پبلک اسکول کا واقعہ پاکستان اور دنیا کے لئے بڑا نقصان تھا۔

اس موقع پر وزیر اعظم نواز شریف نے طالبان دہشتگردوں کے خلاف افغان سرزمین پر کارروائی کا خیرمقدم کرتے ہوئے کہا پاکستان دہشتگردی کے خلاف پورے عزم سے لڑ رہا ہے۔

وزیراعظم کا کہنا تھا آخری دہشتگرد کے خاتمے تک دہشتگردی کے خلاف جنگ جاری رہے گی اور وہ اسکی قیادت کریں گے، نواز شریف نے کہا کہ دہشتگرد دونوں ممالک کے لئے خطرہ ہیں بہتر روابط سے دہشتگردی کا خاتمہ کرنا ہوگا۔

اسلام آباد: وزیر داخلہ چوہدری نثار کا کہنا ہے کہ جب تک پاکستان ٹیم کو مکمل اور اطمینان بخش سیکیورٹِ فراہم نہیں کی جاتی اس وقت تک پاکستانی ٹیم کو دورہ بھارت کی اجازت نہیں دی جا سکتی۔

یہ بات وزیر داخلہ چوہدری نثار نے چیئرمین پی سی بی سے ٹیلی فونک رابطے کے دوران کی،ترجمان وزارت داخلہ کے مطابق وزیر داخلہ چوہدری نثار نے چیئرمین پی سی بی کو ٹیلی فون کیا،جس میں چیئرمین پی سی بی سے ٹی ٹونٹی ورلڈ کپ کے سلسلے میں پاکستانی ٹیم کے دورہ بھارت کے حوالے سے مشاورت ہوئی۔

ٹیلی فونک رابطے میں اس بات پر اتفاق کیا گیا کہ جب تک پاکستانی ٹیم کو مکمل سیکیورٹی فراہم نہیں کی جاتی اس وقت تک پاکستانی کرکٹ ٹیم کو دورہ بھارت کی اجازت نہیں دی جائے گی۔اس سلسلے میں وزیر داخلہ چوہڈری نچار پاکستانی ٹیم کی سیکیورٹی کے حوالے سے کل وزیر اعظم کو رپورٹ پیش کریں گے۔