Tag: ٹیلی فون

واشنگٹن: امریکہ کی صدارتی امیدوار ہیلری کلنٹن نے یوسف رضا گیلانی کو ٹیلی فون کر کے ان کے صاحبزادے کی بازیابی پر مبارکباد دی، ان کا کہنا ہے کہ پاکستان کے عوام نے دہشتگردی کیخلاف جنگ میں بڑی قربانیاں دی ہیں۔

پیپلز پارٹی کے ذرائع کے مطابق امریک کی صدارتی امیدوار ہیلری کلنٹن نے سابق وزیر اعظم یوسف رضا گیلانی کو ٹیلی فون کر کے ان کے بیٹے علی حیدر گیلانی کی بازیابی پر مبارکباد دی ہے۔

ان کا کہنا تھا کہ بطور وزیر خارجہ پاکستان سے اچھے تعلقات رہے ہیں، وہ صدارتی انتخاب جیت گئیں تو یوسف رضا گیلانی کی فیملی کو وائٹ ہاؤس مدعو کریں گی۔

ہیلری کلنٹن نے کہا کہ پاکستان کے عوام نے دہشتگردی کیخلاف جنگ میں بڑی قربانیاں دی ہیں، جنہیں عالمی برادری قدر کی نگاہ سے دیکھتی ہے، انہوں نے کہا کہ علی حیدر کے اغواء پر گیلانی فیملی نے تین سال بڑے صبر اور تحمل سے گزارے ہیں۔

انہوں نے پیپلز پارٹی کے چیئرمین بلاول بھٹو زرداری کو بھی مبار کباد دی، مبارکباد کیلئے ٹیلی فون کرنے پر یوسف رضا گیلانی نے بھی ہیلری کلنٹن کا شکریہ ادا کیا۔

اسلام آباد: امریکی صدر براک اوباما نے وزیراعظم نواز شریف کو ٹیلی فون کرکے سانحہ لاہور پر تعزیت کی۔ انہوں نے کہا کہ پاکستان نے دہشت گردی کے خلاف جنگ میں شاندار پیش رفت کا مظاہرہ کیا ہے۔

صدر اوباما نے گفتگو کرتے ہوئے امریکی عوام کی طرف سے بھی سانحہ لاہور پر اظہار تعزیت کیا اور درخواست کی کہ متاثرہ خاندانوں تک ان کے جذبات پہنچائے جائیں۔

ان کا کہنا تھا کہ امید ہے نواز شریف کی قیادت میں پاکستان دہشت گردی کے خلاف جنگ میں فتح حاصل کرے گا، امریکا اس سلسلے میں نواز شریف کی کوششوں کو قدر کی نگاہ سے دیکھتا ہے۔

امریکی عوام دکھ کی اس گھڑی میں حکومت پاکستان اور عوام کے ساتھ ہیں۔ دہشت گردی کے خاتمے کیلئے پاکستان کی ہر ممکن مدد کی جائے گی۔

اس موقع پر وزیراعظم محمد نواز شریف کا کہنا تھا کہ ان دیکھا دشمن معصوم لوگوں کو مار رہا ہے۔ دہشت گردوں کا انفراسٹرکچر تباہ کردیا گیا ہے، اس لئے وہ سافٹ ٹارگٹ کو نشانہ بنا رہے ہیں۔

انہوں نے کہا کہ دہشت گردوں کے خلاف ان کا اور پاکستانی قوم کا عزم روز بروز مزید پختہ ہورہا ہے، پاکستانی قوم دشمن اور انتہاء پسندانہ سوچ کے خلاف جنگ میں کامیابی حاصل کرے گی۔ امریکی صدر نے کہا کہ نوازشریف سے ملاقات کا شدت سے منتظر ہوں جو جلد ہی ہوگی۔

دبئی: سابق صدر پرویز مشرف نے چودھری شجاعت حسین کو ٹیلی فون کر کے دبئی میں ملاقات کی دعوت دیدی۔

علاج کی غرض سے بیرون ملک جانے والے سابق صدر پرویز مشرف نے مسلم لیگ ق کے سربراہ چودھری شجاعت حسین کو ٹیلی فون کیا اور ان کی خیریت دریافت کی۔

چودھری شجاعت سے گفتگو کے دوران ان کا کہنا تھا کہ وہ کسی ڈیل کے تحت بیرون ملک نہیں آئے، پاکستان ان کا جنون ہے، وہ وطن سے دور نہیں رہ سکتے، ڈاکٹرز نے جیسے ہی اجازت دی وہ فوری وطن واپس آ جائیں گے۔

سابق صدر نے چودھری شجاعت حسین کو دبئی میں ملاقات کی دعوت بھی دی ہے۔