ARYNews.tv | Urdu – Har Lamha Bakhabar

Tag: ٹیمبا باووما

  • پیٹ کمنز الیون ڈبلیو ٹی سی فائنل میں ‘چوکرز’ کی آوازیں لگاتے رہے، ٹیمبا باووما

    پیٹ کمنز الیون ڈبلیو ٹی سی فائنل میں ‘چوکرز’ کی آوازیں لگاتے رہے، ٹیمبا باووما

    جنوبی افریقہ کرکٹ ٹیم کے کپتان ٹیمبا باوما نے انکشاف کیا ہے کہ پیٹ کمنز الیون ڈبلیو ٹی سی فائنل میں پروٹیز بیٹرز کیخلاف چوکرز کی آوازیں لگاتے رہے۔

    ورلڈ ٹیسٹ چیمپئن شپ فائنل کے حوالے سے جنوبی افریقی قآئد ٹیمبا باووما نے آسٹریلوی کھلاڑیوں پر سلیجنگ کا الزام عائد کرتے ہوئے کہا کہ پیٹ کمنز کی ٹیم نے آئی سی سی ورلڈ ٹیسٹ چیمپئن شپ فائنل کے دوران پروٹیز کو ظالمانہ طور پر ‘چوکرز’ کہا اور مذاق اڑاتے رہے۔

    ٹیمبا باوما نے کہا کہ آسٹریلیا نے کھل کر سلیجنگ کی، جب وہ بیٹنگ کر رہے تھے تو ان کا دھیان بھٹکانے کوشش کی اور انھوں نے واضح طور پر ناگوار لفظ ‘چوک’ کا استعمال سنا۔

    ٹیمبا باووما کی قائدانہ صلاحیتوں کو اب ہمیں مان لینا چاہیے، کمارا سنگاکارا

    جنوبی افریقی کرکٹ ٹیم کے کپتان ٹیمبا باووما کا کہنا تھا کہ چوتھے روز آسٹریلوی کرکٹرز ان کی ٹیم پر چوکرز کی آوازیں کستے رہے تھے۔

    آسٹریلوی کرکٹرز کھیل کے دوران مخالف ٹیم کے کھلاڑیوں پر جملے کسنے کےلیے مشہور ہیں اور بعض دفعہ کینگروز میچ جیتنے کےلیے اخلاقی حدود کو بھی پار کرجاتے ہیں۔

    تاہم اس بار جنوبی افریقہ نے خود پر سے چوکرز کا لیبل اتارتے ہوئے 27 سال بعد آئی سی سی ناک آئوٹ میچ میں کامیابی حاصل کرتے ہوئے آسٹریلیا کو شکست دی اور ورلڈ ٹیسٹ چیمپئن بننے کا اعزاز حاصل کیا۔

    https://urdu.arynews.tv/kevin-pietersen-how-important-south-africas-test-championship-victory-2/

  • ٹیمبا باووما کی قائدانہ صلاحیتوں کو اب ہمیں مان لینا چاہیے، کمارا سنگاکارا

    ٹیمبا باووما کی قائدانہ صلاحیتوں کو اب ہمیں مان لینا چاہیے، کمارا سنگاکارا

    سابق سری لنکن بیٹر کمارا سنگاکارا نے ڈبلیو ٹی سی فائنل میں جنوبی افریقہ کی فتح کے بعد کہا ہے کہ اب ہمیں ٹیمبا باووما کی قائدانہ صلاحیتوں کو مان لینا چاہیے۔

    ورلڈ ٹیسٹ چیمپئن شپ فائنل میں جنوبی افریقہ نے شاندار کارکردگی کا مظاہرہ کرتے ہوئے 5 وکٹوں سے فتح اپنے نام کی، پہلی اننگز میں پروٹیز کو کینگروز کے خلاف بڑے خسارے کا سامنا تھا، تاہم ٹیما باووما کے بروقت فیصلوں اور بولنگ میں اہم تبدیلیوں نے جیت کی راہ اہموار کی۔

    جنوبی افریقہ کے ٹیسٹ چیمپئن بننے کے بعد دنیا بھر میں اپنی شاندار بیٹنگ صلاحیتوں کےلیے مشہور سری لنکا کے لیجنڈ بیٹر کمارا سنگاکارا نے ٹیما باووما کی کپتانی کو سراہا۔

    کمارا سنگاکارا نے سوشل میڈیا پلیٹ فارم ایکس پر ٹوئٹ کرتے ہوئے کہا کہ جنوبی افریقہ کی ٹیم ٹیسٹ چیمپئن بن چکی ہے تاہم اس جیت میں انفرادی صلاحیتوں سے قطع نظر اب ہمیں ٹیمبا باووما کی قائدانہ صلاحیتوں کو مان لینا چاہیے۔

    ٹیمبا باووما نے نہ صرف فائنل ٹیسٹ میچ میں بہترین کپتانی کی تھی بلکہ انھوں نے پہلی اننگز میں کارآمد 36 رنز جبکہ دوسری اننگز میں ایڈن مارکرم کے ساتھ فتح گر شراکت قائم کرتے ہوئے 66 رنز بنائے تھے۔

    https://urdu.arynews.tv/shaun-pollock-emotional-commentary-proud-rambo-nation/

  • میچ کے سنسنی خیز لمحات میں ٹوائلٹ میں چھپ کر بیٹھ گیا تھا: ٹیمبا باووما

    میچ کے سنسنی خیز لمحات میں ٹوائلٹ میں چھپ کر بیٹھ گیا تھا: ٹیمبا باووما

    جنوبی افریقا ٹیم کے کپتان ٹیمبا باووما نے پاکستان کے خلاف ٹیسٹ میں سنسنی خیز لمحات میں اپنی غیر موجودگی سے متعلق بتا دیا۔

    جنوبی افریقا کرکٹ ٹیم کے کپتان ٹیمبا باووما نے میچ کے بعد میڈیا سے گفتگو میں کہا کہ لنچ بریک کے دوران زیادہ بات چیت نہیں ہوئی تھی، ہم سب صورتحال کی وجہ سے کافی پریشان تھے۔

    جنوبی افریقہ کرکٹ ٹیم کے ٹیسٹ کپتان نے کہا کہ ٹیسٹ کے اختتامی لمحات میں پوری ٹیم نروس تھی اور میں اس صورتحال میں، میں ٹوائلٹ میں چھپ کر بیٹھ گیا تھا۔

    پاکستان کو شکست دے کر جنوبی افریقا نے فائنل میں جگہ بنا لی

    ٹیمبا باووما کا کہبا تھا کہ یہ کامیابی مجھ سمیت پوری ٹیم کے لیےجذباتی حیثیت رکھتی ہے، میچ میں کافی اتار چڑھاؤ آئے مگر خوشی ہے نتیجہ ہمارے حق میں آیا۔

    یاد رہے کہ اتوار کو لنچ بریک سے قبل یکے بعد دیگر وکٹیں گرنے سے جنوبی افریقی ٹیم دباؤ کا شکار ہوگئی تھی تاہم وقفے نے وکٹ پر موجود بیٹرز کو سنبھلنے کا موقع دیا اور انھوں نے باقی رنز بناکر ٹیم کو 2 وکٹ سے فتح دلائی۔

    خیال رہے کہ سنچورین ٹیسٹ میں جنوبی افریقا نے پاکستان کو سنسنی خیز مقابلے میں دو وکٹوں سے شکست دے کر دو میچوں کی سیریز میں ایک صفر کی برتری کے ساتھ اگلے سال ہونے والے ورلڈ ٹیسٹ چیمپئن شپ کے فائنل میں بھی جگہ پکی کرلی۔