ڈارک ویب پر لڑکیوں کی برہنہ ویڈیوز بیچنے والے درندے کو گرفتار کرلیا گیا، آن لائن خوفناک دنیا کی مکروہ کہانی سامنے آگئی۔
اے آر وائی نیوز کی ٹیم سرعام نے ایک چونکا دینے والی کارروائی کی ہے، پیسوں کا لالچ دے کر لڑکیوں کو ورغلانے والا جنسی درندہ رنگے ہاتھوں پکڑا گیا، ملزم کے حیران کن انکشافات نے سب کے ہوش اڑا دیے، فحش ویب سائٹ پر اپ لوڈ کرنے کےلیے ملزم لڑکیوں کی ویڈیوز بناتا تھا۔
آج کے دور میں اکثر لوگوں نے موبائل اور موبائل میں موجود کیمرے کو اپنے لیے مصیبت بنالیا ہے جو کہ اکثر موت سے بھی زیادہ خوفناک ثابت ہوتی ہے۔
موبائل فون اب تک ہزاروں نہیں بلکہ لاکھوں زندگیاں اجاڑ چکا ہے، آئے دن کسی نہ کسی کی فحش اور نامناسب ویڈیوز لیک ہوجاتی ہیں جس کے بعد اس عورت/ مرد کی زندگی وبال جان بن جاتی ہے۔
میاں بیوی ہوں، بوائے فرینڈ گرل فرینڈ ہوں یا پھر گاہک اور جسم فرش عورتیں ہوں، ہر تعلق میں موبائل فون سے بنی ہوئی نجی لمحات کی ویڈیوز اور تصاویر ایک خوفناک انجام پر ختم ہوتی ہیں۔
فحش ویڈیوز یا جنسی استحصال کی ویڈیوز کا ڈارک ویب سے گہرا تعلق ہے، ٹیم سرعام کی کارروائی میں بھی پکڑے گئے شخص کا یہ دعویٰ تھا کہ وہ اس طرح کی ویڈیوز بنا کر اور ان میں لڑکیوں کا چہرہ چھپا کر ڈارک ویب پر اپ لوڈ کرتا ہے۔
سرعام کی ویڈیو میں ملزم کو لڑکیوں سے گفتگو کرتے ہوئے سنا جاسکتا ہے جس میں وہ کہہ رہا ہے کہ اس میں پیمنٹ بہت زیادہ ہے 50 ہزار روپے سے لے کر ایک لاکھ روپے تک کما سکتے ہیں۔
ملزم لڑکیوں کو ایسی ویڈیوز بنانے کے عوض ایک لاکھ روپے دینے کی پیشکش کرتا تھا اور انھیں یقین دلاتا ہے لڑکیوں کا چہرہ چھپا کر انھیں انٹرنیٹ کی خفیہ ویب سائٹس پر اپ لوڈ کیا جائے گا جسے ڈارک ویب کہتے ہیں۔
انٹرنیٹ کی ظاہری تہہ کے نیچے ایک گندی اور خوفناک تہہ موجود ہے، جہاں دنیا کا ہر قبیح جرم سرانجام دیا جاتا ہے۔
مختلف لڑکیوں کو لاکھوں روپے کا لالچ دے کر ملزم ان کی ویڈیوز ڈارک ویب پر اپ لوڈ کرنے کی ڈیل کرتا تھا، پھر اس کے بعد ان لڑکیوں کا جنسی استحصال کرتے ہوئے ویڈیو ریکارڈنگ کرتا۔
منڈی بہاؤالدین سے تعلق رکھنے والے ملزم کا نشانہ نجی اور سرکاری دفاتر میں کام کرنے والی غیرب لڑکیاں تھیں، وی انھیں بڑی رقم کے عوض برہنہ ویڈیوز بنانے کی ترغیب دیتا اور کہتا کہ اس میں ان کے چہرے کو چھپا دیا جائے گا۔
ملز لڑکیوں کو اس بات کا یقین دلانے کےلیے کلمے اور قرآن کی قسمیں بھی کھاتا، وہ کہنا ہم کیمرہ زوم کرکے کیمرے سے چہرہ نکال دیتے ہیں۔
اپنے اڈے پر لڑکی کو لے جاکر وہ وہاں پہلے آنے والی لڑکیوں کی تصویر دکھاتا اور اکثر لڑکیوں کو پسٹل دکھا کر ان کے ساتھ غلیظ حرکتیں کرتا، ٹیم سرعام کی خاتون انفارمر کے ذریعے اس درندہ صفت ملزم کا راز فاش کیا گیا اور اسے گرفتار کیا گیا۔
