ARYNews.tv | Urdu – Har Lamha Bakhabar

Tag: ٹینس

  • نوواک جوکووچ سے ٹینس کی حکمرانی چھن گئی

    نوواک جوکووچ سے ٹینس کی حکمرانی چھن گئی

    پیرس: نوواک جوکووچ نے پیرس ماسٹرز کا ٹائٹل تو جیت لیا تاہم اسپینش اسٹاررافیل نڈال نے جوکووچ سے ٹینس کی حکمرانی چھین لی۔

    تفصیلات کے مطابق نوواک جوکووچ نے پیرس ماسٹرز کا ٹائٹل اپنے نام تو کرلیا تاہم ان سے ٹینس کی حکمران چھن گئی، نڈال ٹینس رینکنگ میں ایک بارپھر نمبرون کھلاڑی بن گئے۔

    سربیا کے نوواک جوکووچ نے ستترواں اے ٹی پی ٹائٹل اپنے نام کرلیا، جوکووچ نے پیرس ماسٹرز کے فائنل میں کینیڈا کے ڈینس کو اسٹریٹ سیٹ میں زیر کیا۔

    سرب کھلاڑی کی جیت کا اسکور چھ تین، چھ چار رہا۔ ڈبلیوٹی اے فائنلز میں عالمی نمبر ایک ایشلے بارٹی نے ایلینا سویٹولینا کو شکست دے دی۔

    ایشلے بارٹی نے ڈبلیو ٹی اے ٹائٹل کے ساتھ ٹینس کی تاریخ کا سب سے بڑا پرائز بھی جیت لیا، آسٹریلوی ٹینس اسٹار کو تین اعشاریہ چار دو ملین پاؤنڈ کی انعامی رقم دی گئی۔

    پیرس ٹورنامنٹ: رافیل نڈال دستبردار، جوکووچ کی فائنل تک رسائی

    نڈال ٹینس رینکنگ میں ایک بار پھر نمبرون کھلاڑی بن گئے، نڈال نے کیریئر میں آٹھویں بار عالمی نمبر ایک بننے کا اعزاز اپنے نام کیا ہے۔

    خیال رہے کہ نڈال پیرس ماسٹرز کے سیمی فائنل سے انجری کے باعث باہر ہوگئے تھے، اے ٹی پی کی نئی رینکنگ کے مطابق جوکووچ نمبر دو اور راجر فیڈرر نمبر تین پر موجود ہیں۔

  • مولانا کے مارچ سے پاکستان کو بڑا نقصان، بھارت کو موقع مل گیا

    مولانا کے مارچ سے پاکستان کو بڑا نقصان، بھارت کو موقع مل گیا

    لاہور: مولانا فضل الرحمان کے آزادی مارچ کے باعث پاکستان کو بڑے نقصان کا سامنا کرنا پڑگیا، پاکستان سے ٹینس ڈیوس کپ ٹائی کی میزبانی چھن گئی۔

    تفصیلات کے مطابق پاکستان اور بھارت کے درمیان انتیس اور تیس نومبر کو اسلام آباد میں ٹینس کا ڈیوس کپ ٹائی مقابلہ تھا، بھارت پہلے ہی پاکستان نہ آنے کے بہانے ڈھونڈ رہا تھا اور اب مولانا کے مارچ نے بھارت کی مشکل آسان کردی۔

    انٹرنیشنل ٹینس فیڈریشن نے اپوزیشن کے دھرنے کی وجہ سے ڈیوس کپ ٹائی کی میزبانی پاکستان سے واپس لے لی، یہ فیصلہ اسلام آباد میں جاری مارچ اور خطرات کے تناظر میں کیا گیا۔

    آئی ٹی ایف نے پاکستان ٹینس فیڈریشن سے کہا ہے کہ ڈیوس کپ میں بھارت سے مقابلے کے لیے پانچ روز میں نیوٹرل وینیو کا فیصلہ کرے۔

    مولانا مارچ کا فائدہ اٹھاتے ہوئے بھارتی ٹینس ایسوسی ایشن(اے آئی ٹی اے) نے انٹرنیشنل ٹینس فیڈریشن سے مطالبہ کیا تھا کہ وہ میچ کے لیے متبادل میدان کا انتخاب کریں، ایسے حالات میں کھیلنا ممکن نہیں ہے۔

    خیال رہے کہ ڈیوس کپ ٹائی کے میچز 14 اور 15 ستمبر کو اسلام آباد میں ہی کھیلے جانے تھے لیکن پاک بھارت کشیدگی کے باعث ملتوع کردیے گئے تھے، جس کے بعد نئی تاریخ 29 اور 30 نومبر طے کی گئی۔

  • پیرس ٹورنامنٹ: رافیل نڈال دستبردار، جوکووچ کی فائنل تک رسائی

    پیرس ٹورنامنٹ: رافیل نڈال دستبردار، جوکووچ کی فائنل تک رسائی

    پیرس: عالمی نمبر ون ٹینس اسٹار نوویک جوکووچ نے پیرس ماسٹرز اوپن ٹینس ٹورنامنٹ کے فائنل کے لیے کوالیفائی کرلیا۔

    تفصیلات کے مطابق فرانس میں جاری اے ٹی پی مینز سنگلز مقابلوں کے پہلے سیمی فائنل میں عالمی نمبر دو سپین کے رافیل نڈال فٹنس مسائل کی وجہ سے دستبردار ہوگئے۔

    البتہ عالمی نمبر ایک نوویک جووچ نے اپنے حریف سے مقابلہ کیا، اور سخت مقابلے کے بعد ٹورنامنٹ کے فائنل تک رسائی حاصل کرلی۔

    ایونٹ کے دوسرے سیمی فائنل میں عالمی نمبر ایک سربیا کے نویک جوکووچ نے بلغاریہ کے گریگور دیمتروف کو سٹریٹ سیٹس میں شکست دی اور فائنل کے لیے کوالیفائی کیا، ان کی جیت کا اسکور 7-6 اور 6-4 رہا۔

    جبکہ کینیڈا کے ڈینس شاپووالو نے بغیر میچ کھیلے ٹورنامنٹ کے فائنل میں جگہ بنالی۔ ٹینس شاپووالو اور نویک جوکووچ کے درمیان کاٹنے کا مقابلہ متوقع ہے۔

    خیال رہے کہ کوارٹرفائنل میں نڈال نے فرانس کے جوولفریڈ سونگا کو اسٹریٹ سیٹس میں شکست دے کر سیمی فائنل تک رسائی حاصل کی تھی۔

    اسپینش کھلاڑی رافیل نڈال ٹائٹل جیت کرنئے سال کا آغاز عالمی رینکنگ میں پہلی پوزیشن سے کرسکتے ہیں۔

    پیرس ماسٹرزٹینس ٹورنامنٹ: جوکووچ اور رافیل کی سیمی فائنل تک رسائی

    رواں سال ستمبر میں یو ایس اوپن ٹینس میں عالمی نمبر ایک نوواک جوکووچ کندھے کی انجری کے باعث ایونٹ سے باہر ہوگئے تھے، تاہم انہوں نے کم بیک کرتے ہوئے پیرس ماسٹرز ٹینس میں اپنی صلاحتیوں کو ایک بار پھر ثابت کردیا۔

  • ٹینس ٹورنامنٹ: نوواک جوکوچ اور رافیل نڈال نے کوارٹرفائنلز میں جگہ بنالی

    ٹینس ٹورنامنٹ: نوواک جوکوچ اور رافیل نڈال نے کوارٹرفائنلز میں جگہ بنالی

    پیرس: پیرس ماسٹرز ٹینس ٹورنامنٹ میں عالمی نمبر ایک نوواک جوکوچ اور اسپین کے رافیل نڈال نے اپنے اپنے میچز جیت کر کوارٹرفائنلز میں جگہ بنالی۔

    تفصیلات کے مطابق پیرس ماسٹرز ٹینس ٹورنامنٹ میں دونوں کھلاڑیوں نے عمدہ کارکردگی کا مظاہرہ کیا اور کوارٹرفائنلز میں جگہ بنائی۔

    پیرس ماسٹرز کے تیسرے راؤنڈ میں ٹاپ کھلاڑیوں کی ٹاپ پرفارمنس رہی، عالمی نمبر دو اسپین کے رافیل نڈال نے اسٹین واورینکا کو باآسانی زیر کیا، نڈال کے آگے سوئس کھلاڑی کی ایک نہ چلی۔

    اسپینش اسٹار نے اسٹریٹ سیٹس میں کامیابی سمیٹی، نمبرون ٹینس اسٹار نوواک جوکووچ نے بھی اپنا میچ جیت کر کوارٹر فائنل میں جگہ بنالی۔

    جوکووچ نے راؤنڈ آف سکسٹین میں برطانیہ کے کائل ایڈمنڈ کو شکست دی، کوارٹر فائنل میں جوکووچ کا مقابلہ یونانی کھلاڑی سے ہوگا جبکہ نڈال فرانسیسی کھلاڑی کے مدمقابل آئیں گے۔

    یو ایس اوپن ٹینس، دفاعی چیمپئن نوواک جوکووچ انجری کے باعث ایونٹ سے باہر

    یاد رہے کہ رواں سال ستمبر میں یو ایس اوپن ٹینس میں عالمی نمبر ایک نوواک جوکووچ کندھے کی انجری کے باعث ایونٹ سے باہر ہوگئے تھے، تاہم انہوں نے کم بیک کرتے ہوئے پیرس ماسٹرز ٹینس میں اپنی صلاحتیوں کو ایک بار پھر ثابت کردیا۔

  • فائنل میں عالمی نمبر ایک کھلاڑی کو شرمناک شکست

    فائنل میں عالمی نمبر ایک کھلاڑی کو شرمناک شکست

    ایمسٹرڈیم: خواتین عالمی نمبر ایک آسٹریلین کھلاڑی ایشلے بارٹی کو ٹینس ٹورنامنٹ کے فائنل میں اپ سیٹ شکست کا سامنا کرنا پڑ گیا۔

    تفصیلات کے مطابق ٹینس ٹورنامنٹ ڈبلیو ٹی اے فائنل میں ناؤمی اوساکا کی متبادل کے طور پر شامل ہونے والی ڈچ کھلاڑی کیکی نے ایشلے کو اپ سیٹ شکست دے دی۔

    ٹورنامنٹ کےدوران ناؤمی اوساکا کندھے کی انجری کے باعث ایونٹ سے باہر ہوئیں تو ڈچ کھلاڑی کیکی کو ان کے متبادل کے طور پر شامل کیا گیا جنہوں نے شاندار کھیل کا مظاہرہ کرتے ہوئے ایشلے کو شکست دی۔

    پہلا سیٹ ہارنے کے بعد کیکی نے شاندرا کم بیک کیا اور مسلسل دو سیٹ میں بارٹی کو آؤٹ کلاس کردیا۔

    جبکہ دوسرے میچ میں سوئس کھلاڑی بلینڈا بین چچ نے پیٹرا کویٹوا کو زیر کردیا، بین چچ نے پہلے سیٹ میں برتری حاصل کی تاہم دوسراسیٹ کویٹوا نے جیت لیا۔

    سوئس انڈور ٹینس ٹورنامنٹ، راجر فیڈرر نے 10ویں بار ٹائٹل اپنے نام کرلیا

    تیسرا سیٹ بین چچ نے سخت محنت اور مقابلے کے بعد چھ چار سے جیت کر مقابلہ اپنے نام کرلیا۔

    دوسری جانب گذشتہ دنوں ٹینس اسٹار راجر فیڈرر نے سوئس انڈور ٹینس ٹورنامنٹ کا ٹائٹل دسویں بار اپنے نام کیا ہے۔

    خیال رہے کہ ٹینس اسٹار راجر فیڈرر نے سوئس انڈور ٹینس ٹورنامنٹ کے فائنل میچ میں آسٹریلیا کے ایلیکس ڈی منار کو شکست دے کر دسویں بار ٹائٹل اپنے نام کیا۔

  • یو ایس اوپن ٹینس، دفاعی چیمپئن نوواک جوکووچ انجری کے باعث ایونٹ سے باہر

    یو ایس اوپن ٹینس، دفاعی چیمپئن نوواک جوکووچ انجری کے باعث ایونٹ سے باہر

    واشنگٹن یو ایس اوپن ٹینس میں عالمی نمبر ایک نوواک جوکووچ کندھے کی انجری کے باعث ایونٹ سے باہر ہوگئے۔

    تفصیلات کے مطابق یوایس اوپن ٹینس میں سربین اسٹارنوواک جوکووچ کا سفر ختم ہوا، کندھے کی انجری کے باعث ایونٹ سے باہر ہوئے۔

    جوکووچ کا پری کوارٹر فائنل میں سوئس کھلاڑی اسٹان وارنکا سے مقابلہ ہوا، وارنکا نے شاندار کھیل پیش کرتے ہوئے دو سیٹ لگاتار اپنے نام کیے۔

    تیسرے سیٹ کا کھیل مکمل نہ ہوسکا، سوئس اسٹار راجرفیڈرر کی ٹورنامنٹ میں پیش قدمی جاری ہے، ٹاپ آٹھ کھلاڑیوں میں جگہ بنالی۔

    ویمنز کیٹگری میں سرینا ولیمز نے ٹخنے میں تکلیف کے باوجود ہمت نہ ہاری، سرینانے کروشیا کی پیٹراماٹرچ کو اسٹریٹ سیٹس میں ہرایا۔

    اپنی انجری سے متعلق نواک جوکووچ کا کہنا تھا کہ کندھے پر انجری ایونٹ شروع ہونے سے پہلے سے تھی، جس کے باعث کھیل کے دوران مسلسل درد کا احساس ہورہا تھا۔

    ان کا مزید کہنا تھا کہ کسی بھی انجری کی وجہ سے زندگی نہیں رکتی، وہ چلتی رہتی ہے۔

  • کرکٹ ورلڈ کپ کی طرح ومبلڈن میں ٹینس کا فائنل بھی سنسنی خیز رہا، جوکووچ فاتح

    کرکٹ ورلڈ کپ کی طرح ومبلڈن میں ٹینس کا فائنل بھی سنسنی خیز رہا، جوکووچ فاتح

    لندن: دفاعی چیمپین نوواک جوکووچ نے ومبلڈن ٹینس ٹورنامنٹ مین سنگل کا فائنل جیت لیا، نوواک جوکووچ نے مسلسل دوسرا، جب کہ مجموعی طور پر پانچواں ومبلڈن ٹائٹل جیتا۔

    تفصیلات کے مطابق ایک طرف کھیل کے عالمی میدانوں میں کرکٹ ورلڈ کپ 2019 کا سنسنی خیز فائنل میچ کھیلا گیا جو انگلینڈ نے جیتا، دوسری طرف ومبلڈن فائنل کی تاریخ کا سب سے سنسنی خیز، سب سے طویل معرکہ جوکووچ کے نام رہا۔

    سرب اسٹار نوواک جوکووچ نے فائنل میچ میں 8 بار کے ومبلڈن ونر راجر فیڈرر کو 2 کے مقابلے میں 3 سیٹس سے شکست دی۔

    تاریخ کے اس سنسنی خیز میچ کا پانچواں اور آخری سیٹ 100 منٹ سے زیادہ جاری رہا، جوکووچ نے 7،6، 6،1،7،6، 6،4، اور 13،12 سے کام یابی حاصل کی۔

    یہ بھی پڑھیں:  انگلینڈ پہلی بار کرکٹ ورلڈ کپ کا چیمپئن بن گیا ، نیوزی لینڈ کو شکست

    کرکٹ اور ٹینس کے ان سنسنی خیز مقابلوں کے دوران دل چسپ واقعہ پیش آیا، ٹینس کا فائنل طویل ہوتا گیا تو ومبلڈن کے آفیشل ٹویٹر اکاؤنٹ پر کمنٹس آنے لگے، جن میں کہا گیا کہ ہیلو آئی سی سی، تمھارا فائنل کیسا جا رہا ہے۔

    آئی سی سی نے ٹویٹر پر اس کا جواب دیتے ہوئے کہا کہ کرکٹ فائنل میں بھی بے سکونی اور جوش کا عالم ہے۔

    خیال رہے کہ انگلینڈ کرکٹ کا نیا ورلڈ چیمپئن بن گیا ہے، لارڈز میں ورلڈ کپ کی تاریخ کا سنسنی خیز فائنل کھیلا گیا، اعصاب کی جنگ عروج پر رہی، شایقین دل تھامے بیٹھے رہے۔

    میچ ٹائی ہونے کے بعد سپر اوور میں بھی اسکور برابر ہو گیا، لیکن میچ میں زیادہ باونڈریز کے سبب انگلینڈ جیت گیا اور پہلی بار ورلڈ کپ چیمپئن بن گیا۔ سپر اوور میں انگلینڈ نے پندرہ رنز بنائے۔ نیوزی لینڈ بھی پندرہ رنز ہی بنا سکا۔ انگلینڈ نے 44 سال بعد ورلڈ کپ کا تاج اپنے سر سجا کر تاریخ رقم کر دی۔

  • اٹالین اوپن ٹینس ٹورنامنٹ میں آسٹریلوی کھلاڑی آگ بگولا

    اٹالین اوپن ٹینس ٹورنامنٹ میں آسٹریلوی کھلاڑی آگ بگولا

    روم: اٹالین اوپن ٹینس ٹورنامنٹ میں آسٹریلوی کھلاڑی غصے سے آگ بگولا ہوگئے۔

    تفصیلات کے مطابق حریف کو پوائنٹ دینے پر آسٹریلیا کے نک کائرگیوس غصے سے پھٹ پڑے.

    اپنے غصیل رویے کے لیے مشہور نک کائرگیوس نے ریفری کے فیصلے پر شدید احتجاج کیا.

    پہلے تو وہ بحث کرتے رہے، پھر غصے میں‌ اپنا ریکٹ زمین پر دے مارا، بات یہیں ختم نہیں ہوئی، انھوں نے کرسی بھی اٹھا کر پچ پر پھینک دی.

    اس دوران وہ مسلسل ساتھی کھلاڑی، تماشیوں اور ریفری پر جملے کستے رہے. کوڈ آف کنڈکٹ کی خلاف ورزی پر ڈس کوالیفائی، بھاری جرمانہ بھی عائد کردیا گیا۔

    خیال رہے کہ آسٹریلوی کھلاڑی نک کائرگیوس ماضی میں بھی اپنے جارحانہ رویے اور ضوابط کی خلاف ورزی کی وجہ سے خبروں‌ کی زینت بن چکے ہیں.

  • مونٹی کارلوٹینس ٹورنامنٹ: نوواک جوکووچ نے حریف کو دھول چٹادی

    مونٹی کارلوٹینس ٹورنامنٹ: نوواک جوکووچ نے حریف کو دھول چٹادی

    مونٹی کارلو: ٹینس کے عالمی نمبر ایک نوواک جوکووچ کی سپرپر فارمنس جاری ہے، مونٹی کارلو ٹینس ٹورنامنٹ میں حریف کو باآسانی شکست دے دی۔

    تفصیلات کے مطابق سربین اسٹار نے امریکی ٹیلرفرٹز کو اسٹریٹ سیٹس میں چھ تین اور چھ صفر سے شکست دے کر کوارٹرز فائنل میں جگہ بنالی۔

    ایک اور میچ میں عالمی نمبر دو رافیل نڈال کی ٹورنامنٹ میں پیش قدمی کی، بلغاریہ کے گریگر دیمترو کو چھ چار اور چھ ایک سے آوٹ کلاس کرکے کوارٹرز فائنل کے لیے کوالیفائی کرلیا۔

    اسی طرح ایک اور میچ میں روس کے میڈویڈو نے سخت مقابلے کے بعد حریف یونانی کھلاڑی سٹیفانوس کو مات دیکر ایونٹ سے باہر کر دیا۔

    سربین ٹینس اسٹار اور ورلڈ نمبر ون نوواک جوکووچ نے اپنے عمدہ کاکردگی کا سلسلہ جاری رکھا ہوا ہے، حال ہی میں رافیل نڈال کو ہراکر آسٹریلین اوپن کا ٹائٹل جیتا تھا۔

    یاد رہے کہ نوواک جوکووچ نے جیت کے بعد میڈیا سے گفتگو کرتے ہوئے کہا تھا کہ ساتویں بار آسٹریلین اوپن کا ٹائٹل جیت کر خوشی ہورہی ہے اس کے لیے سخت محنت کی، انجری سے چھٹکارا پاکر دوبارہ واپس آنا کافی مشکل تھا۔

    نوواک جوکووچ نے رافیل نڈال کو ہرا کر آسٹریلین اوپن جیت لیا

    واضح رہے کہ عالمی نمبر ایک جوکووچ نے مجموعی طور پر 15 گرینڈ سلم ٹائٹل اپنے نام کرچکے ہیں۔

  • سپراسٹار پریانکا چوپڑا کس ٹینس اسٹار کی مداح ہیں؟

    سپراسٹار پریانکا چوپڑا کس ٹینس اسٹار کی مداح ہیں؟

    ممبئی: بھارت کی معروف اداکارہ پریانکا چوپڑا خود ایک ٹینس اسٹار کی مداح نکلیں.

    تفصیلات کے مطابق  لاکھوں دلوں کی دھڑکن باصلاحیت اداکارہ پریانکا چوپڑا ٹینس کے کھیل کی گرویدہ اور نامور کھلاڑی سرینا ولیمز کی فین ہیں.

    بالی وڈ کے ساتھ ساتھ ہالی وڈ میں‌ بھی اپنی کامیابیوں کے جھنڈے گاڑنے والی پریکانکا چوپڑا گذشتہ دنوں اپنے منگیتر نِک جوناس کے ہمراہ یو ایس اوپن دیکھنے پہنچیں. اس موقع پر پریانکا کی والدہ بھی ساتھ تھیں.

    اسٹیڈیم میں‌ پریانکا کے سسرالی بھی موجود تھے، سب میچ سے محظوظ ہوئے اور ٹینس اسٹار سرینا ولیمز کی حوصلہ افزائی کرتے رہے.

    کوانٹیکو کی اسٹار نے انسٹاگرام پر ایک تصویر بھی شیئر کی، جس میں‌ وہ اپنے منگیتر اور اہل خانہ کے ساتھ نظر آرہی ہیں.

    یاد رہے کہ  ٹینس اسٹار سرینا ولیمز کا شمار ٹینس تاریخ کی صف اول کی کھلاڑیوں‌ میں ہوتا ہے.

    اس میں‌ میچ میں سرینا ولیمز نے اپنی مدمقابل کیرولینا پلسکوا کو شکست دی تھی. سرینا ولیمز اب یو ایس اوپن کے سیمی فائنل میں پہنچ گئی ہیں۔