ARYNews.tv | Urdu – Har Lamha Bakhabar

Tag: ٹین ایئرز چیلنج، دس سال قبل انٹرنیشنل کرکٹرز کیسے نظر آتے تھے؟ تصاویر وائرل

  • 10yearschallenge# : انٹرنیشنل کرکٹرز میں‌ کیا تبدیلی آئی؟ تصاویر وائرل

    10yearschallenge# : انٹرنیشنل کرکٹرز میں‌ کیا تبدیلی آئی؟ تصاویر وائرل

    کراچی: سماجی رابطے کی ویب سائٹ ٹویٹر پر ٹاپ ٹرینڈز میں ’ٹین ایئرز چیلنج‘ ہیش ٹیگ مقبول ہوگیا، جس میں مختلف شعبہ ہائے زندگی سے تعلق رکھنے والے افراد نے اپنی تصاویر شیئر کیں، چند کرکٹرز کی جانب سے بھی دس سال پرانی اور حالیہ تصاویر شیئر کی گئی ہیں۔

    آئیے دیکھتے ہیں دس سال قبل مداحوں کے پسندیدہ کھلاڑی کیسے نظر آتے تھے۔

    محمد عامر

    قومی کرکٹ ٹیم کے فاسٹ بولر کی 2009 میں وکٹ حاصل کرکے جشن منانے کی تصویر دیکھی جاسکتی ہے جس میں عامر کے بال لمبے ہیں اور 2019 کی تصویر میں عامر صحت مند ہیں اور ان کا ہیئر اسٹائل بھی مختلف ہے، عامر نے حالیہ ٹیسٹ سیریز میں جنوبی افریقا کے خلاف شاندار بولنگ کرتے ہوئے 12 وکٹیں حاصل کی تھیں۔

    ویرات کوہلی

    بھارتی کرکٹ ٹیم کے کپتان ویرات کوہلی کی دس سال پہلے کی تصویر میں دیکھا جاسکتا ہے کہ وہ کلین شیو ہیں اور 2019 کی تصویر میں ویرات نے داڑھی رکھی ہوئی ہے، یاد رہے کہ گزشتہ روز کینگروز کے خلاف دوسرے ون ڈے میں ویرات کوہلی نے شاندار سنچری اسکور کی تھی اور ٹیم کی جیت میں اہم کردار ادا کیا تھا۔

    لیستھ ملنگا

    سری لنکا کے منفرد اسٹائل کے حامل فاسٹ بولر لیستھ ملنگا کے ہیئر اسٹائل میں دس سال بعد بھی کوئی فرق نہیں آیا ہے، فرق صرف اتنا ہے کہ ملنگا 2009 میں کلین شیو تھے اور اب انہوں نے ہلکی داڑھی رکھ لی ہے، ملنگا ان دنوں سری لنکن ٹیم کی قیادت کررہے ہیں اور نیوزی لینڈ کے خلاف حالیہ سیریز میں سری لنکن ٹیم کوئی میچ نہیں جیت سکی تھی۔

    روس ٹیلر

    نیوزی لینڈ کے مڈل آرڈر بلے باز روس ٹیلر میں دس سال بعد بھی کوئی تبدیلی رونما نہیں ہوئی ہے وہ دس سال جیسے نظر آتے تھے اور آج بھی ایسے ہی نظر آتے ہیں، انہوں نے حالیہ سیریز میں سری لنکا کے خلاف میچ میں کیویز ٹیم کی جیت میں اہم کردار ادا کیا تھا۔

    مہندر سنگھ دھونی

    بھارتی کرکٹ ٹیم کے سابق کپتان اور بھارتی ٹیم کو ورلڈ کپ، ٹی ٹوینٹی ورلڈ کپ اور چیمپئنز ٹرافی میں کامیابی سے ہمکنار کرانے والے ایم ایس دھونی میں کوئی تبدیلی رونما نہیں ہوئی ہے وہ کل میچ کا اختتام وننگ اسٹائل میں کرتے تھے اور گزشتہ روز بھی کینگروز کے خلاف میچ میں اپنی شاندار کارکردگی سے ٹیم کی جیت میں اہم کردار ادا کیا۔

    ٹیم افغانستان

    افغانستان کی ٹیم میں دس سال میں جو تبدیلی رونما ہوئی وہ یہ ہے کہ 2009 میں افغانستان نے پہلا ون ڈے میچ کھیلا تھا جبکہ اب افغان ٹیم 2019 کا ورلڈ کپ کھیلنے جارہی ہے، مزید برآں افغانستان کے دو پلیئرز محمد نبی اور نمبر ون بولر راشد خان ان دنوں آسٹریلیا میں بیگ بیش لیگ کھیلنے میں مصروف ہیں۔