لندن: فلسطینی اسپتال پر حملے کے خلاف برطانوی وزیراعظم کی رہائش گاہ کے سامنے مظاہرین نے احتجاج کرتے ہوئے فری فلسطین کے نعرے لگائے۔
تفصیلات کے مطابق احتجاج کا اہتمام جنگوں کے خلاف سرگرم تنظیم اسٹاپ دی واراور دیگر نے کیا تھا۔ تیز بارش کے دوران احتجاج میں سیکڑوں افراد نے کی شرکت کی، شرکا نے رشی سوناک سے فلسطین کے معاملے میں دہرے معیار کو ختم کرنے کا مطالبہ کیا۔
ٹین ڈاؤننگ اسٹریٹ کے مظاہرےمیں فری فلسطین کےنعرے لگاتے ہوئے شرکا کا کہنا تھا کہ اسرائیل اسپتال پر حملہ کرکے جنگی جرائم کا مرتکب ہوا ہے۔ اسرائیل حملے کا الزام متاثرین پر لگا کر دنیا کو گمراہ کرنا چاہتا ہے۔
شرکا نے کہا کہ برطانیہ اور عالمی برادری اسرائیل کے ہاتھوں فلسطینیوں کی نسل کشی کا نوٹس لے۔ اسرائیل جنگی جنون میں مبتلا ہے، اسپتالوں پر بھی بمباری کررہا ہے۔
مظاہرین کا کہنا تھا کہ اب دنیا کو اسرائیل کے فلسطینیوں پر مظالم کا اندازہ ہو جانا چاہیے۔ رشی سناک فلسطین کے معاملے میں دہرے معیار کو ختم کریں۔
