ARYNews.tv | Urdu – Har Lamha Bakhabar

Tag: ٹیپو ٹرکاں والا

  • امیربالاج قتل کیس: 2 ملزمان اشتہاری قرار

    امیربالاج قتل کیس: 2 ملزمان اشتہاری قرار

    لاہور: ٹیپو ٹرکاں والا کے بیٹے امیربالاج ٹیپو کے قتل کیس میں اہم پیشرفت سامنے آئی ہے۔

    تفصیلات کے مطابق پولیس نے ٹیپو ٹرکاں والا کے بیٹے امیربالاج ٹیپو کے قتل کیس میں نامزد مرکزی ملزم طیفی بٹ اور گوگی بٹ کو اشتہاری قرار دے دیا۔

    جوائنٹ انویسٹی گیشن (جے آئی ٹی ) ٹیم کے ہیڈ ایس پی آرگنائزڈ کرائم نے نامزد ملزم طیفی بٹ اور گوگی بٹ کو اشتہاری قرار دینے کی تصدیق کردی اور کہا کہ طیفی بٹ کی گرفتاری کیلئے چند روز میں ٹیم بیرون ملک جائے گی۔

    امیر بالاج قتل کیس: تفتیش کے دوران ملزمان کے اعترافی بیانات

    ڈی آئی جی آرگنائزڈ کرائم عمران کشور نے کہا کہ دبئی پولیس نے تعاون کی یقین دہانی کرائی ہے اس کے بعد ببھی طیفا بٹ گرفتار نہ ہوسکا تو ملزمان کی لاہور میں جائیداد قرقی کے احکامات حاصل کرینگے۔

    ڈی آئی جی عمران کشور نے کہا کہ بالاج قتل کیس کی تفتیش تقریباً مکمل ہو چکی، تمام تانے بانے طیفی بٹ سے ملتے ہیں جبکہ گوگی بٹ پاکستان میں روپوش ہے۔

    ڈی آئی جی آرگنائزڈ کرائم عمران کشور نے مزید کہا کہ ملزمان تفتیش کے بعد بذریعہ عدالت  اشتہاری قرار دیے جا چکے۔

    واضح رہے 19 فروری کو ملتان روڈ پر نجی ہاؤسنگ سوسائٹی میں شادی کی تقریب کے دوران فائرنگ کا واقعہ  پیش آیا  تھا جس کے نتیجے میں ٹیپو ٹرکاں والا کا بیٹا امیر بالاج ٹیپو جاں بحق ہوگیا تھا۔

    دوسری طرف امیر بالاج پر فائرنگ کے دوران حملہ آور بھی فائرنگ کے دوران ہی مارا گیا تھا جس کی شناخت مظفر کے نام سے ہوئی تھی جو شیخوپورہ کا رہائشی تھا۔

  • امیر بالاج ٹیپو کے قتل میں دوست ہی ملوث نکلا، حیران کن انکشافات

    امیر بالاج ٹیپو کے قتل میں دوست ہی ملوث نکلا، حیران کن انکشافات

    لاہور کی نجی ہاؤسنگ سوسائٹی میں شادی کی تقریب کے دوران قتل کیے جانے والے امیر بالاج ٹیپو کے قتل کیس میں اہم پیش رفت ہوئی ہے۔

    تفصیلات کے مطابق پولیس ذرائع کے مطابق ٹیپو ٹرکاں والا کے بیٹے امیر بالاج قتل کیس میں اس کا دوست احسن شاہ ملوث نکلا، پولیس نے احسن سمیت 2 ملزمان کو گرفتار کرلیا ہے۔

    لاہور کی انو يسٹی گیشن  ٹیم نے بتایا کہ احسن شاہ کو امیر بلاج کی ریکی دینے کے الزام میں گرفتار کیا گیا، احسن شاہ قتل کے وقت پاکستان میں موجود نہیں تھا اس نے سعودی عرب سے ملزمان کو ریکی دی تھی۔

    شادی کی تقریب میں فائرنگ، ٹیپو ٹرکاں والے کا بیٹا امیر بالاج قتل

    سی آئی اے پولیس نے بتایا کہ ملک سہیل نے احسن شاہ کی ملاقات طیفی بٹ سے کرائی تھی، بالاج کے دوست احسن شاہ کی طیفی بٹ سے 7سے 8 ملاقاتیں ہوچکی تھیں، وہ گاڑیاں بدل بدل کر طیفی بٹ سے ملتا تھا۔

    سی آئی اے پولیس کے مطابق احسن شاہ نے مبینہ طور پر طیفی بٹ کو امیر بالاج کے شادی میں جانے کی اطلاع دی اور اسی نے بتایا گن مینوں کے پاس رائفلیں نہیں ہیں۔

    دوسری جانب ذرائع کا کہنا ہے کہ امیرا بالاج کے گرفتار دوست احسن شاہ نے بیان میں بتایا کہ امیر بالاج ٹیپو کے قتل کی پلاننگ ایک ماہ قبل کی تھی۔

    امیر بالاج ٹیپو قتل کیس، گوگی بٹ کا نام پی این آئی ایل میں ڈال دیا گیا

    ذرائع کے مطابق امیربالاج کو مبینہ طور پر قتل کروانے کی احسن شاہ نے 5 کروڑ کی ڈیل کی، احسن شاہ نے 5 کروڑ میں ریکی کرانے کی ڈیل کی مد 50 لاکھ ایڈوانس وصول کیا تھا۔

    ذرائع نے بتایا کہ احسن شاہ، ملک سہیل کو بادامی باغ اور علی پٹھان کو مانسہرہ سے حراست میں لیا گیا جبکہ مزید گرفتاریوں کے لیے پولیس کی تحقیقاتی ٹیموں کے چھاپے جاری ہیں۔

    خیال رہے کہ امیر بالاج ٹیپو ٹھوکر نیاز بیگ کے قریب ایک نجی ہاؤسنگ سوسائٹی میں سابق ڈی ایس پی اکبر اقبال کے بیٹے کی شادی کی تقریب میں شریک تھا، شادی کی تقریب کے دوران وہاں موجود ایک حملہ آور نے فائرنگ کردی جس سے امیر بالاج ٹیپو سمیت تین افراد زخمی ہوگئے جنہیں اسپتال منتقل کیا گیا۔

    پولیس کے مطابق امیر بالاج ٹیپو زخموں کی تاب نہ لاتے ہوئے دم توڑ گیا، مقتول امیر بالاج ٹیپوکے محافظوں کی فائرنگ سے حملہ آور بھی موقع پر مارا گیا۔

  • شادی کی تقریب میں فائرنگ، ٹیپو ٹرکاں والے کا بیٹا امیر بالاج قتل

    شادی کی تقریب میں فائرنگ، ٹیپو ٹرکاں والے کا بیٹا امیر بالاج قتل

    لاہور کے علاقے ٹھوکر نیاز بیگ کے قریب نجی سوسائٹی میں فائرنگ سے ٹیپو ٹرکاں والے کا بیٹا بالاج قتل کردیا گیا واقعے میں تین افراد زخمی ہوئے، جوابی فائرنگ میں حملہ آوار بھی مارا گیا۔

    پولیس کے مطابق چوہنگ میں فائرنگ کا واقعہ ٹھوکر نیاز بیگ کے قریب ایک رہائشی سوسائٹی میں شادی کی تقریب کے دوران پیش آیا جب مسلح ملزم نے حال ہی میں پاکستان مسلم لیگ ن میں شمولیت اختیار کرنے والے بالاج ٹیپو پر فائرنگ کر دی جس سے وہ موقع پر ہی جاں بحق ہو گئے۔

    امیربالاج کو4 گولیاں لگیں جو جناح اسپتال میں دوران علاج جاں بحق ہوا، لاہور جناح اسپتال کے ڈاکٹرز نے جاں بحق ہونے کی تصدیق کر دی۔

    مقتول کی لاش کو پوسٹ مارٹم کیلئےجناح اسپتال کے مردہ خانے منتقل کردیا گیا ہے، امیر بالاج کے ساتھ زخمی ہونے والے دیگر ساتھیوں کا علاج بھی جاری ہے، واقعے کی اطلاع ملتے ہی ن لیگی رہنما عطا تارڑ بھی جناح اسپتال پہنچ گئے۔

    پولیس کے مطابق بالاج ٹیپو کےگن مینوں کی فائرنگ سے حملہ آور مارا گیا، پولیس کا کہنا ہے کہ وہ حملے کی وجہ بننے والے حالات اور اس کے پیچھے ممکنہ محرکات کا باریک بینی سے جائزہ لے رہے ہیں۔

    بالاج ٹیپو عارف عامر عرف ٹیپو ٹرکاں والا کا بیٹا تھا جسے 2010سال میں علامہ اقبال ایئرپورٹ کی پارکنگ میں گولی مار کر ہلاک کر دیا گیا تھا۔

    بالاج کی موت خونی دشمنی کا ایک اور باب شروع کر سکتی ہے جس کا آغاز 1994 میں ان کے دادا بلا ٹرکاں والا کے قتل سے ہوا تھا۔