Tag: ٹیکسٹائل برآمدات

اسلام آباد : پی ٹی آئی حکومت کی موثر پالیسیوں کے باعث پاکستان کی ٹیکسٹائل برآمدات 25.43 فیصد اضافہ سے 2.88 ارب ڈالر پر پہنچ گئیں۔

تفصیلات کے مطابق ادارہ شماریات کی جانب سے کہا گیا ہے کہ مالی سال کے پہلے 9 ماہ برآمدات میں 25.43فیصد اضافہ ریکارڈ کیا گیا اور جولائی تا مارچ 14.24ارب ڈالر کی ٹیکسٹائل برآمدات ہوئیں، گزشتہ مالی سال اس عرصے میں ٹیکسٹائل برآمدات 11.355ارب ڈالرکی تھیں۔

ادارہ شماریات نے کہا کہ ٹیکسٹائل برآمدات میں 25.43 فیصد سے 2.88 ارب ڈالر کا اضافہ ریکارڈ کیا گیا۔

اسی طرح سوتی دھاگے کی برآمدات 25.97 فیصد اضافے سے 908.487 ملین ڈالر ہوگئی ، گزشتہ سال سوتی دھاگےکی برآمدات 721.216 ملین ڈالر رہیں۔

ادارہ شماریات کے مطابق روئی کی برآمدات 1009.03 فیصد ضافے سے 6.577ملین ڈالر ہوگئی جبکہ گزشتہ سال روئی کی برآمدات 0.593 ملین ڈالر تک رہیں۔

نیٹ وئیرز برآمدات میں 34.12 اور بیڈوئیرزبرآمدات میں 19.33 فیصد ، تولیہ برآمدات 18.42فیصد، آرٹ ، سلک اینڈ سینتھیٹک برآمدات میں 27.63 فیصد اضافہ ہوا۔

اسلام آباد : پاکستان کی ٹیکسٹائل برآمدات 14.2 ارب ڈالرتک پہنچ گئیں، 9 ماہ کے دوران ٹیکسٹائل برآمدات میں 25 فیصد اضافہ ہوا۔

تفصیلات کے مطابق رواں مالی سال ٹیکسٹائل برآمدات 25 فیصد اضافے سے 14.2 ارب ڈالرتک پہنچ گئیں، 9 ماہ میں ٹیکسٹائل برآمدات پہلی بار14 ارب ڈالر کی ریکارڈ سطح پر پہنچی ہیں۔

ٹیکسٹائل برآمدات پاکستانی روپے میں33 فیصد بڑھ کر 2.5 ٹریلین تک پہنچ گئیں جبکہ رواں مالی سال 9ماہ میں نٹ ویئر برآمدات 34 فیصد بڑھ کر 3.7 ارب ڈالر کی ہوگئیں۔

ریڈی میڈ گارمنٹس میں 26 فیصد اضافہ سے 2.9 ارب ڈالر کی برآمدات ہوئیں اور بیڈ ویئر برآمدات 19 فیصد اضافے سے2.5 ارب ڈالر کی ہوگئیں۔

بیسک ٹیکسٹائل برآمدات 2 فیصد سالانہ اضافے سے 309 ملین ڈالر تک پہنچ گئیں اور بیسک ٹیکسٹائل کابڑاحصہ سوتی کپڑے پر مشتمل ہے، جو 14فیصد بڑھ کر210 ملین ڈالر ہوگیا۔