Tag: ٹیکس ایمنسٹی اسکیم

اسلام آباد: وزیراعظم عمران خان نے کہا ہے کہ جب تک پیسے اکٹھے نہیں کریں گے ملک نہیں چل سکتا، ہم آمدنی بڑھانے اور اخراجات میں کمی کی کوشش کررہے ہیں۔

تفصیلات کے مطابق وزیراعظم عمران خان نے اپنے ایک بیان میں کہا ہے کہ ہماری ٹیم موجود ہے عوام اور بزنس مینز کی شکایات سننے کو تیار ہیں، ملک کو قرضوں سے نجات دلائیں گے بس تھوڑا مشکل وقت ہے۔

وزیراعظم کا کہنا تھا کہ نہ میرا کوئی کاروبار ہے نہ کوئی فیکٹری ہے، نہ میرا کوئی رشتے دار ہے نہ دوست کی پرواہ ہے، حکومت میں آکر پتا چلا اللہ نے ہمیں کتنا نوازا ہے۔

انہوں نے کہا کہ چاہتے ہیں بزنس کمیونٹی کے ساتھ مل کر کام کریں، حکومت کے پاس تمام معلومات ہیں ماضی میں ایسا نہیں تھا، کوئی اپنی جائیداد سے متعلق نہ بتاسکا تو وہ ضبط ہوجائے گی۔

وزیراعظم کا کہنا تھا کہ پاکستان اب ایسی جگہ پر ہے حکومت اور عوام نے خود کو بدلنا ہوگا، پہلی بار کوشش کی گئی بزنس مین اور ہم مل کر ملک کے لیے کچھ کریں، ملک میں 30 سال سے جو لیڈر شپ آئی وہ خود بزنس میں تھے۔

مزید پڑھیں: ملک کو قرضوں کی دلدل سے نکالنے کے لیے عوام ایمنسٹی اسکیم سے فائدہ اٹھائے، وزیراعظم

عمران خان نے کہا کہ بیرون ملک پاکستانیوں سے پوچھیں ملک کی کتنی قدر ہے، پاکستان جہاں پہنچ گیا عوام، حکمرانوں کو خود میں تبدیلی لانا ہوگی۔

انہوں نے کہا کہ وزیراعظم ہاؤس میں زبردست یونیورسٹی بنارہے ہیں، اپنے گھر میں رہتا ہوں، بجلی، گیس، دیگر اخراجات خود اٹھاتا ہوں، میری تنخواہ سے میرا گھر کا خرچہ نہیں چلتا۔

وزیراعظم کے مطابق انہوں نے کوئی دورہ نہیں کیا جس سے پاکستان یا عوام کو فائدہ نہ ہو، دنیا میں سب سے زیادہ خیرات ہم لوگ دیتے ہیں، ٹیکس دینے میں ہم سب سے پیچھے ہیں۔

عمران خان نے کہا کہ انشا اللہ پاکستان میں اچھا وقت ضرور آئے گا، پاکستان کو مدینہ کی ریاست بنائیں گے، ہم نے صرف لوگوں کو رضامند کرنا ہے، بڑے بڑے لوگوں کا ٹیکس عوام پر خرچ کریں گے، پاکستان کو ایسا ملک بنائیں گے جہاں ریاست لوگوں کی ذمہ داری لے۔

اسلام آباد: وزیر اعظم عمران خان نے ٹیکس ایمنسٹی اسکیم کی حمایت کر دی ہے، وفاقی کابینہ کے اجلاس میں ایمنسٹی اسکیم پرمزید بریفنگ کا فیصلہ کیا گیا۔

ذرایع کے مطابق وزیر اعظم عمران خان کی زیر صدارت وفاقی کابینہ کے اجلاس میں ٹیکس ایمنسٹی اسکیم پر مزید بریفنگ کا فیصلہ کیا گیا، وزیر اعظم نے اسکیم کی حمایت کی۔

دریں اثنا، ٹیکس ایمنسٹی اسکیم کے معاملے پر وفا قی کابینہ کے اجلاس میں گرما گرمی ہوئی، کابینہ کے اجلاس میں ایمنسٹی اسکیم پر 2 گھنٹے بحث ہوئی۔

ذرایع نے بتایا کہ ایمنسٹی اسکیم پر مزید غور کا فیصلہ کابینہ کے ارکان کے مطالبے پر کیا گیا، اجلاس میں اس بات پر بحث کی گئی کہ عوام کو یہ بتانا ہے کہ ماضی اور ہماری اسکیموں میں کیا فرق ہے۔

یہ بھی پڑھیں:  تحریک انصاف کی پہلی ایمنسٹی اسکیم کی تیار، بےنامی اثاثے رکھنے والوں کیلئےآ خری موقع

کابینہ کے ارکان نے کہا کہ قوم کو یہ بتانا ہے کہ ایمنسٹی اسکیم کن حالات میں متعارف کرائی گئی۔ اجلاس میں اس بات پر اتفاق کیا گیا کہ جب تک کابینہ مطمئن نہیں ہوتی ا سکیم منظور نہیں ہوگی۔

ذرایع کا کہنا ہے کہ اس سلسلے میں وزیر خزانہ اسد عمر کو ٹاسک دیا گیا کہ وہ ذیلی کمیٹی کو بریف کریں گے، جب کہ ذیلی کمیٹی کے اجلاس کی صدارت وزیر اعظم عمران خان خود کریں گے۔

یاد رہے کہ 8 اپریل کو وزرات خزانہ کے ذرایع نے بتایا تھا کہ تحریک انصاف نے اپنی پہلی ایمنسٹی اسکیم تیار کر لی ہے، جسے ٹیکس چوروں اور بے نامی اثاثے رکھنے والوں کے لیے آخری موقع قرار دیا گیا، امید کی گئی تھی کہ آج کے اجلاس میں اسے منظور کر لیا جائے گا۔