Tag: ٹیکس وصولی

کراچی : سندھ ہائیکورٹ نے بجلی بلوں میں ٹیکس وصولی کیخلاف درخواست مسترد کردی اور کہا کہ درخواست مسترد کرنے کی وجوہات بعد میں جاری کی جائیں گی۔

تفصیلات کے مطابق بجلی بلوں میں ٹیکس وصولی کیخلاف درخواست کی سندھ ہائیکورٹ میں سماعت ہوئی،درخواست گزار نے بتایا کہ بجلی بلوں میں ٹیکس بنیادی حقوق کی خلاف ورزی ہے، انکم ٹیکس دینے والے گھریلوصارفین پر ایڈوانس انکم ٹیکس کا نفاذ نہیں ہوتا۔

عدالت نے درخواست گزار سے استفسار کیا آپ ٹیکس اداکرتےہیں؟ تو درخواست گزار نے جواب دیا کہ عدالت حکم دے تو دستاویز پیش کردیں گے، جس پر عدالت نے کہا پٹیشن فائل کرنےکا حکم عدالت نے دیا تھا؟

درخواست گزار نے بتایا ک سپریم کورٹ نےسبسڈی دینےکاحکم دیااس بنیادپرپٹیشن دائرکی، چیف جسٹس سندھ ہائیکورٹ نے سوال کیا عدالت سبسڈی دینےکا حکم کیوں دےگی؟ آپ غلط ہیں، عدالت کاحکم رینٹل پاورپلانٹ کے کیس میں تھا۔

درخواست گزار کا کہنا تھا کہ ٹیکس کاٹتےہیں پتہ نہیں جمع کہاں کرایاجاتا ہے، سیلزٹیکس قانون میں بھی صارفین کیلئے بجلی پرٹیکس کاقانون نہیں ہے، اختیارات صرف وفاقی حکومت استعمال کرسکتی ہے۔

سندھ ہائیکورٹ نےبجلی بلوں میں ٹیکس وصولی کیخلاف درخواست مسترد کردی اور کہا کہ درخواست مسترد کرنے کی وجوہات بعد میں جاری کی جائیں گی۔

اسلام آباد : آئی ایم ایف نے پاکستانی تاریخ کی سب سے زیادہ ٹیکس وصولی کی پیشگوئی کرتے ہوئے کہا رواں مالی سال ایف بی آر ٹیکس وصولی9 ہزار 415 ارب رہنے کا امکان ہے۔

تفصیلات کے مطابق عالمی مالیاتی فنڈ (آئی ایم ایف) نے ایف بی آر کی کارکردگی کو سراہتے ہوئے پاکستانی تاریخ کی سب سے زیادہ ٹیکس وصولی کی پیشگوئی کردی۔

آئی ایم ایف کا کہنا ہے کہ رواں مالی سال ایف بی آر ٹیکس وصولی9ہزار415ارب رہنےکاامکان ہے ، ایف بی آر کا ٹیکس وصولی ہدف حاصل کرلیا جائے گا۔

عالمی مالیاتی فنڈ نے کہا ہے کہ نئے سال ایف بی آر کی ٹیکس وصولی میں 1590ارب اضافے کاتخمینہ لگایا گیا ہے ، آئندہ مالی سال ایف بی آر کی ٹیکس وصولی کاتخمینہ11ہزار 5ارب روپے ہے۔

نئے مالی سال میں براہ راست ٹیکس وصولیوں میں587 ارب روپے اضافے کا امکان ہے ، آئی ایم ایف نےسیلز ٹیکس وصولی میں689ارب روپے اضافےکا تخمینے لگادیا ہے۔

نئے سال براہ راست ٹیکس وصولی 4803 ارب روپے رہنے کا امکان ہے جبکہ آئی ایم ایف نے سیلز ٹیکس کی مد میں4114 ارب روپے وصولی کا تخمینہ لگایا ہے۔

صوبائی وزیر برائے ایکسائز اینڈ ٹیکسیشن و انسداد منشیات مکیش کمار چاؤلہ نے رواں مالی سال 2022-23 کی ٹیکس وصولی کی تفصیلات جاری کردیں، 124632.802 ملین روپے ٹیکس کی صورت میں وصول کیا گیا۔

اے آر وائی نیوز کے مطابق مکیش کمار چاؤلہ کا کہنا تھا کہ رواں مالی سال میں 102 فیصد ٹیکس اہداف حاصل کیے گئے، مجموعی طور پر مالی سال کے دوران 124632.802 ملین روپے ٹیکس وصول کیا گیا ہے۔

انھوں نے بتایا کہ موٹر وہیکل ٹیکس کی مد میں 10303.825 ملین روپے ٹیکس وصول کیا گیا، پروفیشنل ٹیکس کی مد میں 707.890 ملین روپے کا ٹیکس حاصل ہوا۔

کاٹن فیس کی مد میں بھی 4.322 ملین روپے ٹیکس وصول کیا گیا، انفرااسٹرکچر کی مد میں موصول ہونے والا ٹیکس کلکشن بھی پہلے سے بہتررہا، باقی رقم دیگر ٹیکسز کی مد میں وصول کیے گئے۔

مکیش کمار چاؤلہ نے کہا کہ محکمہ ایکسائز کے افسران و عملے کے اراکین مبارکباد کے مستحق ہیں، ان کی اچھی کارکردگی کے باعث گذشتہ کئی برسوں سے 100 فیصد سے زائد ٹیکس اہداف حاصل کرنے میں کامیاب رہے ہیں۔

انھوں نے افسران و عملے کی خدمات کے اعتراف میں ان کے لیے اگست میں عشائیہ دینے کا بھی اعلان کیا۔