اسلام آباد : ٹیکس چور کمپنیوں اور افراد کی فہرستوں کی تیاری مکمل کرلی گئی ، اب ٹیکس گوشوارے داخل نہ کروانا اور ٹیکس چھپانا ممکن نہیں رہے گا۔
تفصیلات کے مطابق ایف بی آر نے لاہور سمیت تمام بڑے شہروں میں آپریشن تیز کر دیا۔
ذرائع نے بتایا کہ ٹیکس چور کمپنیوں اور افراد کی فہرستوں کی تیاری مکمل ہے ، تمام متعلقہ کمشنرز ٹیکس بے ضابطگیوں پر نوٹسز جاری کریں گے۔
ذرائع کا کہنا تھا کہ ایف بی آر تاریخ میں پہلی بار ایف آئی آر درج گرفتاری ہوئیں ، اب ٹیکس گوشوارے داخل نہ کروانا اور ٹیکس چھپانا ممکن نہیں رہے گا۔
ذرائع نے کہا کہ پنجاب میں لاکھوں افراد کا رہن سہن بتاتا ہے کہ ٹیکس نہیں دیتے ، ٹیکس نہ دینے سے ہم ڈیفالٹ کے قریب پہنچے ہیں۔
حکام کا کہنا تھا کہ آئندہ نان ٹیکس پیئر کیلئے کاروبار کرنا،گاڑی ،گھر لیناممکن نہیں ہوگا ، ٹیکس درست ادائیگی میں قوم و ملک کی بقا ہے۔
اعظم مارکیٹ ،انار کلی ،ہال روڈ ،سوتر منڈی ،اکبری منڈی ودیگر جگہ کے افراد کو انتباہ جاری کردیا ہے ، اداروں کے سی ایف او اور مالکان سے پوچھ گچھ ہوگی۔
