Tag: ٹیکس چوری

سیلز ٹیکس ایکٹ 1990 میں ترامیم کا بل کثرت رائے سے منظور کر لیا گیا ٹیکس فراڈ میں ملوث تاجروں کی گرفتاری کے اختیار کمیٹی کو دے دیا گیا۔

اے آر وائی نیوز کے مطابق قومی اسمبلی میں وزیر خزانہ محمد اورنگزیب نے سیلز ٹیکس ایکٹ 1990 میں ترامیم کا بل پیش کیا جس کو کثرت رائے سے منظور کر لیا گیا، تاہم اس بل میں اپوزیشن کی جانب سے سیلز ٹیکس ایکٹ میں تجویز کی گئی تمام ترامیم کثرت رائے سے مسترد کر دی گئیں۔

بل میں ٹیکس فراڈ میں ملوث تاجروں کی گرفتاری کے اختیارات کمیٹی کو دینے کی ترمیم منظور کی گئی۔ کمیٹی 5 کروڑ سے زائد کے ٹیکس فراڈ میں ملوث تاجر کی گرفتاری کے اجازت دینے کی مجاز ہوگی۔ اس سے قبل ٹیکس کمشنر کو گرفتاری کے اختیارات دینے کی ترمیم کی تجویز پیش کی گئی تھی۔

منظور شدہ ترامیم کے مطابق تحقیقات کے مرحلے میں ایف بی آر کے پاس گرفتاری کا اختیار نہیں ہوگا جب کہ بل میں سولر پینل پر سیلز ٹیکس کی شرح 10 فیصد کرنے کی بھی منظوری دی گئی۔

فنانس بل میں کی گئی ترامیم کے مطابق سیلز ٹیکس فراڈ کی انکوائری خفیہ نہیں ہوگی اور اگر اس میں ملوث ملزم انکوائری میں شامل ہو تو اس کو گرفتار ہیں کیا جائے گا۔ تاہم سیلز ٹیکس فراڈ کرنے والے نے بیرون ملک فرار ہونے کی کوشش کی تو اس کو روکا جائے گا۔

ترمیمی بل میں سیلز ٹیکس فراڈ کی وضاحت کی گئی ہے اور کہا گیا ہے کہ ٹیکس کی رقم میں فوجری اور گڑبڑ، سیلز ٹیکس میں ٹمپرنگ، ٹیکس انوائس میں فراڈ، ٹیکس شواہد مٹانا اور ٹیکس گوشوارے میں جان بوجھ کر غلط معلومات دینا یہ سب ٹیکس فراڈ تصور کیا جائے گا۔

فنانس بل میں سیلز ٹیکس 1990 سیکشن 37 اے میں شق اے شامل کرنے کیلیے قبل از گرفتاری کی شرائط کی منظوری کے ساتھ یہ بھی طے کیا گیا کہ مال کی سپلائی کیے بغیر ٹیکس انوائس جاری کرنے پر بھی ٹیکس فراڈ کے تحت گرفتاری ہوگی۔ تاہم فراڈ میں ملوث کمپنی کے متعلقہ افسر کو تین نوٹس بھیجنا ہوں گے۔

بل کے مطابق سیلز ٹیکس میں فراڈ کے شواہد ضائع کرنے کی کوشش، سیلز ٹیکس فراڈ میں ملوث ملزم کے فرار ہونے کی کوشش، سیلز ٹیکس فراڈ 5 کروڑ یا اس سے زائد ہوا تو ملزم کی گرفتاری ہوگی۔

گرفتاری سے قبل گریڈ 21 کے 3 ممبران پر مشتمل کمیٹی کی اجازت چاہیے ہوگی۔ اس تین رکنی کمیٹی میں ممبر آپریشنز،ممبر لیگل یا ممبر ایڈمن شامل ہو سکتے ہیں۔

فنانس بل میں یہ بھی کہا گیا ہے کہ سیلز ٹیکس میں فراڈ کرنیوالے کو 24 گھنٹے میں مجسٹریٹ کے سامنے پیش کرنا ہوگا۔

کراچی : ایکسپورٹ فنانس اسکیم میں 97 کروڑ 70 لاکھ روپے کے ٹیکس گھپلے کا انکشاف سامنے آیا، دینار انڈسٹریز اور ایم ڈی انڈسٹریز ٹیکس گھپلے میں ملوث ہیں۔

تفصیلات کے مطابق ایف بی آر کے ڈائریکٹوریٹ آف پوسٹ کلئیرنس آڈٹ نے بڑی ٹیکس چوری پکڑ لی ، پی سی اے ساوتھ نے ٹیکس چوری پر کمپنی کے خلاف مقدمہ بھی درج کرلیا۔

ڈائریکٹر پی سی اے شیراز احمد نے کہا کہ ایکسپورٹ فنانس اسکیم میں 97 کروڑ 70 لاکھ روپے کا ٹیکس گھپلے کا انکشاف ہوا۔

آڈٹ رپورٹ میں ایف آئی آر کے تحت دینار انڈسٹریز اور ایم ڈی انڈسٹریز ٹیکس گھپلے میں ملوث ہیں۔

رپورٹ میں بتایا گیا کہ دینار اور میسز ایم ڈی لیسبیلہ حب میں کمپنی نے ٹیکس چوری کے ایک بڑے اسکینڈل میں شامل نکلیں۔

آڈٹ رپورٹ کے مطابق کمپنیوں کے خلاف دسمبر 2024 میں ایکسپورٹ فنانس اسکیم کی تحقیقات پر کام شروع کیا گیا ، تحقیقات میں متعقلہ کمپنیوں کی مشکوک سرگرمیوں کے شواہد حاصل ہوئے۔

ایف آئی ار درج ہونے کے باوجود دینار انڈسٹریز اپنی دھوکہ دہی کی سرگرمیاں جاری رکھیں۔

ڈائریکٹر پی سی اے کا کہنا تھا کہ لائسنس یافتہ ایم ڈی انڈسٹریز کے ساتھ ملی بھگت سے جنوری 25 میں 47 کنٹینرز کی جعلی برآمدات کی گئی، پی سی اے ساوتھ کی ایف آئی آر درج کرنے کے بعد ایک ماہ میں برآمدات میں مسلسل اضافہ ہو گیا۔

رپورٹ میں بتایا گیا ایم ڈی آئی کمپنی کے پاس مینوفیکچرنگ کی کوئی سہولت موجود نہیں تھی ، ایم ڈی انڈسٹریز کے نام سے دینار نامی کمپنی نے فراڈ سے بھاری مقدار میں مال برآمد کیا۔

متعلقہ کمپنی نے ایکسپورٹ فنانس ایکسم کے تحت 1560 میٹرک ٹن مال درآمد کیا، کمپنی نے صرف 111 ٹن مال برامد کیا اور تحقیقات میں 1449 ٹن مال موجود نہیں تھا۔

تحقیقات میں مختلف سامان کی مد میں 87 کروڑ 30 لاکھ روپے کا مال غیر قانونی طور پر غائب کر دیا گیا ، جانچ کے مطابق مجموعی طور پر برآمد شدہ سامان کی مالیت 1 ارب 60 کروڑ روپے نکلی۔

شیراز احمد کا کہنا تھا کہ کمپنیاں ڈیوٹی ٹیکس چوری میں 50 کروڑ روپے ملوث پائی گئی۔.

دینار کمپنی نے قومی خزانے کو فراڈ سے 47 کروڑ 80 لاکھ روپے اور ایم ڈی انڈسٹریز نے فراڈ سے قومی خزانے کو 50 کروڑ روپے کا نقصان پہنچایا، دونوں کمپنیاں کے ایف بی آر کے ٹیکس دہندگان کی فہرست میں معطل کردئیے گئے ہیں۔