Tag: ٹیک آف

ویڈیو: امریکی ریاست اٹلانٹا میں طیارہ ٹیک آف میں ناکام ہو گیا تو پرواز میں سوار 200 سے زیادہ مسافروں میں بھگدڑ مچ گئی، مسافر ہنگامی بنیادوں پر نکلنے میں کامیاب تو ہو گئے لیکن ان میں سے 4 زخمی ہو گئے۔

امریکا کی ڈیلٹا ایئر لائنز کے طیارے سے 200 سے زیادہ مسافروں نے انفلیٹیبل سلائیڈز کا استعمال کرتے ہوئے طیارے سے نکل کر جان بچائی، طیارے نے ٹیک آف کی ناکام کوشش کی تھی، جس کی وجہ سے خوف و ہراس کے باعث چار افراد زخمی ہو گئے۔

بتایا گیا کہ انجن میں اچانک خرابی آ گئی تھی جس کی وجہ سے ٹیک آف میں ناکامی ہوئی، برطانوی اخبار میٹرو کی طرف سے شائع کردہ اور العربیہ ڈاٹ نیٹ کی جانب سے جائزہ لی گئی اسٹوری کے مطابق ہارٹسفیلڈ-جیکسن انٹرنیشنل ایئرپورٹ کے رن وے پر طیارے کے مسافروں کے انخلا کے دوران پانچ ہنگامی سلائیڈیں استعمال کی گئیں۔

یہ واقعہ جمعہ کی صبح پیش آیا، جب منیاپولس جانے والی ڈیلٹا ایئر لائن کی پرواز نے اپنا ٹیک آف منسوخ کر دیا، ہنگامی سلائیڈز سے مسافروں کے باہر نکلنے کی ایک ویڈیو سامنے آئی ہے جس میں مسافروں کو برف دوڑتے ہوئے ہوائی جہاز سے دور بھاگتے ہوئے دیکھا جا سکتا ہے۔

برفانی طوفان کی وجہ سے دنیا کے مصروف ترین ہوائی اڈے اٹلانٹا میں بڑے پیمانے پر پروازوں کی منسوخی اور تاخیر ہو رہی تھی، ایسے میں یہ واقعہ انجن کی خرابی کے باعث پیش آیا۔

حکام کے مطابق 201 مسافر، 2 پائلٹس اور 5 فلائٹ اٹینڈنٹس بوئنگ 757-300 سے فلیٹ ایبل سلائیڈوں کا استعمال کرتے ہوئے باہر نکلے اور انھیں واپس بس میں لے جایا گیا۔