Tag: ٹی وی

  • ٹی وی کے بجائے شائقین کرکٹ کی پہلی پسند کیا ہے؟

    ٹی وی کے بجائے شائقین کرکٹ کی پہلی پسند کیا ہے؟

    کرکٹ سے لطف اندوز ہونے کے لیے گھنٹوں ٹی وی سے چپکے رہنا اب ماضی کا حصہ بن گیا ہے کیونکہ شائقین کرکٹ اب دوسری جانب متوجہ ہوگئے ہیں۔

    سروے رپورٹ کے مطابق ٹی وی کے بجائے موبائل فون پر کرکٹ سے لطف اندوز ہونے والوں کی تعداد میں نمایاں اضافہ ہوا ہے، سروے کمپنی ڈیٹا اے آئی کی رپورٹ میں بتایا گیا ہے کہ آئی پی ایل کے موجودہ سیزن میں 15 اپریل سے 5 مئی تک 93 ملین ناظرین نے ٹی وی کے بجائے جبکہ موبائل فون پر میچ دیکھنے والوں کی تعداد 97 ملین سے تجاوز کرگئی ہے۔

    تاہم سروے میں دو سے 14 سال کی عمر کے بچوں کا ڈیجیٹل ڈیٹا شامل نہیں کیا گیا ہے اگر دو سال زائد عمر کے افراد کا ڈیٹا شامل کیا جائے تو یہ تعداد ٹی وی دیکھنے والوں کی تعداد سے کہیں زیادہ ہوسکتی ہے۔

    سروے کے مطابق ٹی وی پر آئی پی ایل دیکھنے والوں کا 23 فیصد حصہ 2 سے 14 سال کے گروپ کا ہے جبکہ 15 سے 21 سال کی عمر کے افراد میں صرف 15 فیصد ہی ٹی وی پر میچ دیکھتے ہیں۔

    سروے میں بتایا گیا ہے کہ موبائل فون پر میچ دیکھنے کے جنون نے ٹی وی پر دکھائے جانے والے اشتہارات کو بھی متاثر کیا ہے اور ٹی وی پر دکھائے جانے والے اشتہارات میں 40 فیصد کمی آئی ہے۔

    آئی پی ایل کے گزشتہ سیزن میں 98 مشتہرین تھے جبکہ رواں سیزن میں یہ تعداد کم ہوکر 59 رہ گئی ہے۔

    دوسری جانب ڈیجیٹل پر اشتہارات دینے والوں کی تعداد 400 کے لگ بھگ ہے اور ویور شپ کے لحاظ سے ٹیلی ویژن اس آئی پی ایل سیزن میں 4.46 کی ٹی وی آر پر ہے۔

  • کیا آپ یہ ننھا سا ٹی وی خریدنا چاہیں گے؟

    کیا آپ یہ ننھا سا ٹی وی خریدنا چاہیں گے؟

    دنیا بھر میں بڑے سے بڑا ٹی وی تیار کیا جارہا ہے تاکہ حقیقت اور تصویر کا فرق مٹایا جاسکے، لیکن ایک کمپنی نے نہایت ننھا سا ٹی وی تیار کیا ہے جس کی جسامت ڈاک ٹکٹ جتنی ہے۔

    بین الاقوامی ویب سائٹ کے مطابق یک کمپنی نے دنیا کا سب سے چھوٹا ٹی وی تیار کرلیا ہے، ٹائینی سرکٹس نامی کمپنی نے 2 ننھے پروٹو ٹائپ ٹی وی متعارف کروائے ہیں۔

    ٹائینی ٹی وی 2 میں ایک انچ کا ڈسپلے موجود ہے جبکہ 0.6 بائی 0.4 انچ کے فرنٹ اسپیکر نصب ہیں۔

    والیوم اور چینلز کو ایڈجسٹ کرنے کے لیے پرانے ٹی وی کی طرح 2 روٹیٹنگ بٹن دیے گئے ہیں۔

    مگر زیادہ خاص ماڈل ٹائینی ٹی وی منی ہے جو ایک ڈاک ٹکٹ کے حجم کا ہے اور اس میں محض 0.6 انچ کی اسکرین دی گئی ہے، اس پر سنگل چارج پر ایک گھنٹے تک ویڈیو پلے کرنا ممکن ہے۔

    ان دونوں میں ویڈیوز کو کمپیوٹر سے یو ایس بی سی کیبل سے کنیکٹ کرکے چلایا جاسکتا ہے یا لوڈ بھی کیا جاسکتا ہے۔

    دونوں ماڈلز میں 8 جی بی مائیکرو ایس ڈی کارڈ انسٹال ہے جس میں کچھ گھنٹوں کی ویڈیو کو محفوظ کیا جاسکتا ہے۔

    یہ دونوں پروٹو ٹائپ ماڈل فی الحال کک اسٹارٹر پر فنڈز جمع کرنے کے لیے رکھے گئے ہیں جہاں سے انہیں 49 سے 59 ڈالرز میں خریدنا ممکن ہے۔

    دونوں کے لیے انفراریڈ ریموٹ کنٹرول بھی تیار کیے گئے ہیں مگر اس کے لیے الگ سے 10 ڈالرز ادا کرنا ہوں گے۔

  • کتے ٹی وی پر کیا دیکھتے ہیں؟

    کتے ٹی وی پر کیا دیکھتے ہیں؟

    کتوں کی اپنی مالک سے محبت بے مثال ہے، انسان کی ذرا سی محبت اور توجہ کتوں کو ان کا بے دام غلام بنا دیتی ہے۔

    لیکن کیا آپ جانتے ہیں کہ کتے جب اپنے مالک کے ساتھ ٹی وی دیکھتے ہیں تو انہیں ٹی وی پر کیا دکھائی دیتا ہے؟

    ایک تحقیق کے مطابق کتے جب ٹی وی اسکرین کی طرف دیکھتے ہیں تو ان کی آنکھ کی اندرونی ساخت کی وجہ سے انہیں اسکرین جھلملاتی اور جلتی بجھتی دکھائی دیتی ہے۔

    اسکرین کا یہ جلنا بجھنا کتے کے لیے ایک سیکنڈ میں 50 سے 70 بار ہوتا ہے یعنی ٹی وی کی اسکرین ایک سیکنڈ میں 50 سے 70 بار جلتی بجھتی ہے، یہی وجہ ہے کہ ٹی وی دیکھنا کتوں کے لیے مشکل ہوسکتا ہے۔

    تاہم وہ اپنے مالک کی توجہ پانے اور اس کے ساتھ وقت گزارنے کے لیے یہ مشکل کام بھی سر انجام دیتے ہیں۔

    ماہرین کا کہنا ہے کہ کتے اپنے مالک سے بے پناہ محبت کرتے ہیں، ان کے مطابق کتے خواب میں بھی ان افراد کو دیکھتے ہیں جس سے وہ بہت زیادہ قریب ہوتے ہیں، اور ایسا شخص ان کے مالک کے علاوہ بھلا اور کون ہوسکتا ہے۔

    کتے خواب میں اپنے مالک کی خوشبو محسوس کرتے ہیں، اس کی مسکراہٹ کو دیکھتے ہیں، یا وہ خود کو ایسی حرکتیں کرتے ہوئے دیکھتے ہیں جس سے ان کا مالک بہت خوش یا بہت تنگ ہوتا ہو۔

    گویا کتے ہر وقت اپنے مالک کے بارے میں سوچتے ہیں حتیٰ کہ سوتے ہوئے بھی۔ یہی وجہ ہے کہ کتے کی وفاداری ضرب المثل ہے۔

  • ٹی وی دیکھنا زیادہ فائدہ مند ہے یا مطالعہ کرنا؟

    ٹی وی دیکھنا زیادہ فائدہ مند ہے یا مطالعہ کرنا؟

    ہم میں سے اکثر افراد اپنا فارغ وقت ٹی وی دیکھتے ہوئے گزارتے ہیں جبکہ کچھ افراد یہ وقت کتاب پڑھتے ہوئے گزارتے ہیں، سماجی ماہرین کا خیال ہے کہ مطالعہ کرنا ٹی وی دیکھنے سے بہتر ہے۔

    مختلف سماجی و نفسیاتی ماہرین کا کہنا ہے کہ جب بھی ہم ٹی وی دیکھتے ہیں تو ضروری نہیں کہ وہ ہر وقت کچھ ایسا ہو جس سے ہم کچھ نیا سیکھیں۔

    اس کے برعکس جب ہم کوئی کتاب مکمل کر کے اٹھتے ہیں تو یہ ہمیں کاملیت کا احساس دیتی ہے، ایسا اس لیے ہوتا ہے کیونکہ ہم نے مطالعے سے کچھ نہ کچھ نیا سیکھا ہوتا ہے اور ہم اپنی معلومات میں اضافہ محسوس کرتے ہیں۔

    سنہ 2013 میں جاپان میں کی گئی ایک تحقیق کے مطابق وہ بچے جو اپنا زیادہ وقت ٹی وی دیکھتے ہوئے گزارتے تھے ان کے آئی کیو لیول میں کمی دیکھی گئی۔

    اس کے برعکس امریکا میں کی گئی ایک تحقیق کے مطابق کتاب مکمل کرلینے کے بعد اگلے 5 روز تک پڑھنے والے کا دماغ چاک و چوبند اور تخلیقی راہ پر گامزن رہتا ہے۔

    مطالعہ کرنے سے پڑھنے والے کے ذخیرہ الفاظ میں بھی اضافہ ہوتا ہے جبکہ اس کے اندر لکھنے کی صلاحیت بیدار (یا اگر پہلے سے ہو تو) بہتر ہوتی ہے۔

    ماہرین کے مطابق زیادہ ٹی وی دیکھنے کے مختلف طبی نقصانات بھی ہیں جن میں سر فہرست وزن میں اضافہ اور آنکھوں کو نقصان پہنچنا ہے، لہٰذا بہتر یہی ہے کہ ٹی وی دیکھنے کا وقت کم کر کے مطالعے کا وقت بڑھایا جائے۔

    آپ اپنے فارغ وقت میں دونوں میں سے کس کام کو ترجیح دیتے ہیں؟

  • آپ ٹی وی پر کیوں آتے ہیں؟ وزیر اعلیٰ کا آئی جی سندھ سے سوال

    آپ ٹی وی پر کیوں آتے ہیں؟ وزیر اعلیٰ کا آئی جی سندھ سے سوال

    کراچی: وزیر اعلیٰ سندھ مراد علی شاہ کی زیر صدارت سندھ کابینہ اجلاس کی اندرونی کہانی سامنے آگئی، وزیر اعلیٰ اور کابینہ اراکین نے آئی جی سندھ کی سخت سرزنش کی۔

    تفصیلات کے مطابق سندھ کابینہ اجلاس میں آئی جی سندھ پولیس ڈاکٹر کلیم امام کی کارکردگی پر سوالات اٹھا دیے گئے، گٹکے اور منشیات کی روک تھام میں ناکامی پر سخت ناراضی کا اظہار کیا گیا۔

    وزیر اعلیٰ سندھ نے آئی جی کلیم امام سے استفسار کیا کہ آپ ایک انتظامی عہدے پر ہیں، آپ ٹی وی پر کیوں آتے ہیں؟ پولیس افسران کی تعیناتی کے سلسلے میں وزیر اعلیٰ نے کہا کہ آپ بتائیں، میں نے کب اپنا ایس ایس پی اور ایس ایچ او لگوایا ہے؟

    مراد علی شاہ نے انھیں مخاطب کر کے کہا، آئی جی صاحب، دنیا بہت چھوٹی ہے، سب کو سب کی باتوں کا پتا چل جاتا ہے، بتائیں گٹکے کی کتنی فیکٹریاں آپ نے سیل کی ہیں، آپ بتا رہے ہیں کہ 3 ماہ کارروائی ہوئی ہے تو باقی 6 ماہ کیوں نہیں ہوئی۔

    یہ بھی پڑھیں:  خواجہ سراؤں کیلیے نوکریوں کا کوٹہ مقرر کرنے کی منظوری

    ذرایع کا کہنا ہے کہ وزیر اعلیٰ سندھ نے کہا کہ گٹکے اور منشیات میں جتنے پولیس افسران ملوث ہیں ان کی فہرست فوری طور پر فراہم کی جائے۔ دریں اثنا، کابینہ کے دیگر اراکین نے بھی آئی جی سندھ سے مختلف سوالات کیے۔

    علاوہ ازیں، آج سندھ کابینہ میں کئی اہم فیصلے ہوئے، سرکاری اداروں میں خواجہ سراؤں کے لیے 0.5 فی صد نوکریوں کا کوٹہ مقرر کرنے کی منظوری دی گئی، اس کا مقصد خواجہ سرا کمیونٹی کو مین اسٹریم میں لینا اور انھیں معاشرے کے کارآمد شہری بنانا ہے۔

    اجلاس میں ایک لاکھ ٹن گندم خریدنے کی بھی منظوری دی گئی تاکہ روٹی کی قیمت میں کمی لائی جا سکے۔

  • ٹی وی پر چہرہ کیوں دکھایا، شمیمہ بیگم کو آتشزدگی کی دھمکیاں ملنے لگیں

    ٹی وی پر چہرہ کیوں دکھایا، شمیمہ بیگم کو آتشزدگی کی دھمکیاں ملنے لگیں

    لندن : داعش میں شمولیت اختیار کرنے والی برطانوی لڑکی کو انٹرویو کے دوران چہرہ دکھانے پر رہائشی خیمہ نذر آتش کرنے کی دھمکیاں موصول ہونے لگی۔

    تفصیلات کے مطابق شام و عراق میں دہشتگردانہ کارروائیاں کرنے والی تنظیم داعش میں شمولیت اختیار کرنے والی برطانوی لڑکی نے دولت اسلامیہ کی شکست کے بعد واپس برطانیہ لوٹنے کی خواہش اظہار کیا تھا جس کے بعد اسے دھمکی آمیزخطوط موصول ہونے لگیں ہیں۔

    شمیمہ بیگم نے دھمکیوں کے باعث خوف کا اظہار کرتے ہوئے دعویٰ کیا کہ میرے رہائشی خیمے پر آتشزدگی کا ایک حملہ ہوچکا ہے۔

    شمیمہ نے خبر رساں ادارے کو بتایا کہ انٹرویو دینے کے بعد وہ پناہ گزین کیمپ میں مشہور ہوگئی تھی جس کے بعد اسے انتظامیہ نے علیحدہ خیمہ دیا لیکن کچھ نامعلوم افراد نے اس پر حملہ کردیا اور خیمے کو نذر آتش کرنے کی دھمکیاں بھی دے رہے ہیں۔

    داعشی لڑکی کا کہنا ہے کہ ’امید ہے مجھے ایک موقع ضرور دیا جائے گا‘ میں دوسروں کے لیے تبدیلی کی مثال بننا چاہتی ہوں اور دیگر برطانوی نوجوانوں کی مدد کرنا چاہتی ہوں جو اس راستے پر نکل گئے ہیں۔

    مزید پڑھیں : داعش رکن شمیمہ بیگم برطانیہ لوٹیں تو مقدمے کا سامنا کرنا پڑے گا، ساجد جاوید

    خیال رہے کہ برطانیہ کے وزیر داخلہ ساجد جاوید نے داعشی لڑکی کی برطانیہ لوٹنے کی خواہش پر رد عمل دیتے ہوئے کہا تھا کہ ’اگر 19 سالہ شمیمہ بیگم واپس برطانیہ آئیں تو انہیں مقدمے کا سامنا کرنا پڑے گا‘۔

    برطانوی وزیر داخلہ نے شمیمہ بیگم کی برطانوی شہریت منسوخ کرتے ہوئے کہا تھا کہ ’ہمیں یاد رکھنا چاہیے جس نے بھی داعش میں شمولیت اختیار کرنے کےلیے برطانیہ چھوڑا تھا وہ ہمارے ملک کا وفا دار نہیں ہے‘۔

    انہوں نے شمیمہ بیگم کو مخاطب کرکے کہا کہ ’اگر تم نے واہس آنے کی تیاری کرلی ہے تو تم تفتیش اور مقدمے کا سامنا کرنے کےلیے تیار رہوں‘۔

    مزید پڑھیں : داعش میں شمولیت اختیار کرنے والی برطانوی لڑکی ، گھر لوٹنے کی خواہش مند

    یاد رہے کہ برطانوی داعشی لڑکی نے بتایا تھا کہ میں فروری 2015 اپنی دو سہلیوں 15 سالہ امیرہ عباسی، اور 16 سالہ خدیجہ سلطانہ کے ہمراہ گھر والوں سے جھوٹ کہہ کر لندن کے گیٹ وک ایئرپورٹ سے ترکی کے دارالحکومت استنبول پہنچی تھی جہاں سے وہ تینوں سہلیاں داعش میں شمولیت کے لیے شام چلی گئی تھیں۔

    شمیمہ بیگم نے بتایا کہ شامہ شہر رقہ پہنچنے کے بعد ہم تینوں کو ایک گھر میں رکھا گیا جہاں شادی کےلیے آنے والے لڑکیوں کو ٹہرایا گیا تھا۔

    مذکورہ لڑکی کا کہنا تھا کہ ’میں درخواست کی میں 20 سے 25 سالہ انگریزی بولنے والے جوان سے شادی کرنا چاہتی ہوں، جس کے دس دن بعد میری شادی 27 سالہ ڈچ شہری سے کردی گئی جس نے کچھ وقت پہلے ہی اسلام قبول کیا تھا‘۔

  • وہ عادات جو دماغی استعداد میں اضافے کے ساتھ آپ کو تازہ دم کردیں

    وہ عادات جو دماغی استعداد میں اضافے کے ساتھ آپ کو تازہ دم کردیں

    دن بھر تھکے ہارے ہونے کے بعد جب آپ گھر پہنچتے ہیں تو قدرتی طور پر آرام کرنا چاہتے ہیں۔ آرام کرنے کے لیے سونا، اور لیٹنا تو معمول کی بات ہے لیکن بعض افراد کوئی ایسا کام سر انجام دیتے ہیں جو ان کو پسند ہوتا ہے۔

    اس طریقے سے دراصل وہ اپنے ذہن کو تازہ دم کرتے ہیں۔ کچھ افراد ٹی وی دیکھتے ہیں، کچھ موسیقی، پینٹنگ یا لکھنے لکھانے کا کام کرتے ہیں۔

    ماہرین کا کہنا ہے کہ کچھ کام ایسے ہیں جنہیں کر کے ہم بیک وقت اپنی تھکن میں کمی اور دماغی استعداد میں اضافہ کرسکتے ہیں۔ آئیے دیکھتے ہیں وہ کام کون سے ہیں۔

    ٹی وی کی جگہ کتاب پڑھیں

    2

    کتاب پڑھنا اور مطالعہ کرنا آپ کی معلومات اور تخلیقی صلاحیت میں اضافہ کرتا ہے جبکہ اس کے لیے آپ کو کوئی خاص مشقت بھی نہیں کرنی پڑتی۔ آپ اپنی سہولت کے مطابق آرام دہ حالت میں لیٹ یا بیٹھ کر مطالعہ کرسکتے ہیں۔

    اس کے برعکس ٹی وی دیکھنا آپ کے دماغ پر بوجھ ڈالتا ہے اور زیادہ دیر تک ٹی وی دیکھنا موٹاپے اور امراض قلب سمیت دیگر بیماریوں کا سبب بنتا ہے۔

    کمپیوٹر گیمز

    3

    ویسے تو ماہرین کمپیوٹر گیمز کھیلنے کو نقصان دہ عادت خیال کرتے ہیں لیکن کم وقت کے لیے کمپیوٹر گیمز کھیلے جائیں تو یہ آپ کی فوری فیصلہ کرنے اور حالات کے مطابق حکمت عملی اپنانے کی صلاحیت میں اضافہ کرتا ہے۔

    غیر ملکی زبان میں فلمیں

    4

    غیر ملکی فلموں کو ڈب کے بجائے ان کی اصل زبان میں ہی دیکھا جائے۔ ماہرین اس بات پر متفق ہیں کہ مختلف زبانیں سیکھنے، بولنے اور سننے سے دماغ فعال ہوتا ہے اور اس کی کارکردگی اور استعداد میں اضافہ ہوتا ہے۔

    دن میں کچھ وقت کا وقفہ

    5

    دن بھر کام کے دوران کچھ دیر کا وقفہ لیں اور اس دوران چائے یا گرین ٹی سے لطف اندوز ہوں۔ یہ آپ کے تھکے ہوئے اعضا کو پرسکون کرے گا اور آپ دوبارہ کام کرنے کے لیے تازہ دم ہوجائیں گے۔

    قیلولہ

    sleep

    دن میں 20 سے 30 منٹ کا قیلولہ نہ صرف آپ کی جسمانی توانائی میں اضافہ کرے گا بلکہ آپ کے دماغ کو بھی چاق و چوبند بنائے گا۔

    ذہین لوگوں کے ساتھ وقت گزارنا

    6

    ایسے لوگ جن کا علم، تجربہ اور مطالعہ آپ سے وسیع ہو ان کے ساتھ وقت گزاریں اور گفتگو کریں۔ اس سے آپ کی دماغی وسعت میں اضافہ ہوگا اور آپ چیزوں کو نئے زاویوں سے دیکھنے اور پرکھنے کے قابل ہوسکیں گے۔

    بحث و مباحث میں حصہ لیں

    8

    اپنے جیسی دماغی استعداد کے حامل افراد سے مختلف موضوعات پر بحث و مباحثے کریں۔ بحث آپ کے خیالات اور نظریات کو نئے زاویے فراہم کرے گی۔

    تازہ ہوا میں چہل قدمی

    7

    روز صبح تازہ ہوا میں چہل قدمی کریں۔ یہ آپ کے دماغ سے منفی خیالات کو ختم کر کے اس کی استعداد اور آپ کی تخلیقی صلاحیت میں اضافہ کرے گی۔

  • ہوشیار! زیادہ ٹی وی دیکھنا آپ کو ہلاک کرسکتا ہے

    ہوشیار! زیادہ ٹی وی دیکھنا آپ کو ہلاک کرسکتا ہے

    اگر آپ ٹی وی دیکھنے کے بہت زیادہ شوقین ہیں تو ہوشیار ہوجائیں کیونکہ زیادہ ٹی وی دیکھنا آپ کو موت کا شکار بھی کرسکتا ہے۔

    ایک نئی تحقیق کے مطابق زیادہ دیر تک ٹی وی دیکھنا آپ کے پھیپھڑوں میں خون کے لوتھڑے پیدا کرنے کا سبب بن سکتا ہے جس سے آپ کی موت واقع ہوسکتی ہے۔

    یہ تحقیق امریکن ہارٹ ایسوسی ایشن کے جرنل میں شائع کی گئی جس میں بتایا گیا کہ پھیپھڑوں میں بننے والے خون کے لوتھڑوں کو پلمونری امبولزم کہا جاتا ہے جو عموماً خون کی سست گردش کے باعث پیدا ہوتا ہے۔

    تحقیق کے لیے 86 ہزار سے زائد افراد کا تجزیہ کیا گیا۔ سائنسدانوں نے دیکھا کہ وہ افراد جو دن میں 2.5 سے 4 گھنٹے تک روزانہ ٹی وی دیکھتے ہیں ان میں پلمونری امبولزم کے امکان میں 70 فیصد اضافہ دیکھا گیا۔

    اوساکا یونیورسٹی کے ایک پروفیسر کے مطابق اس مرض کی تشخیص مشکل ہے کیونکہ ابھی یہ اتنا عام نہیں ہوا۔ اس کی عام علامات سینے میں درد اور سانس لینے میں مشکل کی صورت میں ظاہر ہوتی ہیں۔

    تحقیق میں پلمونری امبولزم کا باعث بننے والے دیگر عوامل کو بھی شامل کیا گیا جس میں ہائی بلڈ پریشر، سگریٹ نوشی، موٹاپا اور ذیابیطس شامل ہیں۔ کئی گھنٹے ٹی وی دیکھنے کے باعث موٹاپے میں تیزی سے اضافہ ہوتا ہے اور یہ پلمونری امبولزم کو جنم دیتا ہے۔

    ماہرین نے متنبہ کیا ہے کہ آج کل انٹرنیٹ پر ٹی وی پروگرامز کی کئی اقساط ایک ساتھ دستیاب ہیں جنہیں بعض افراد گھنٹوں بیٹھ کر دیکھتے ہیں۔ یہ صورتحال خطرناک امراض کے پنپنے کے لیے نہایت سازگار ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • ٹی وی پر نظر آنے والی چڑیل باہر نکل آئی تو کیا ہوا؟

    ٹی وی پر نظر آنے والی چڑیل باہر نکل آئی تو کیا ہوا؟

    واشنگٹن: انسان کتنا ہی بہادر کیوں نہ ہوجائے مگر جب اُسے کے سامنے پراسرارمخلوق یا پھر کوئی غیر معمولی حرکت ہوجائے تو وہ خوف زدہ ہوجاتا ہے۔

    کرہ ارض پر دو قسم کی مخلوقات پائی جاتی ہیں، ایک وہ جو نظر آتی ہے اور دوسری وہ جو انسانی آنکھ قدرتی معاملات کے باعث دیکھ نہیں سکتی تاہم کچھ مواقعوں پر غیبی چیز کا احساس انسان کو ہوجاتا ہے۔

    اگر آپ کہیں سے گزر رہے ہوں یا پھر اچانک آپ کے سامنے غیر معمولی حرکت یا مخلوق آجائے تو دیکھنے والا یقیناً خوفزدہ ہوجاتا ہے، انسانی آنکھ سے نظر نہ آنے والی پراسرار مخلوق جسے عام طور پر (بھوت، جن) کا نام دیا جاتا ہے اگر اُس کی موجودگی کا احساس ہوجائے یا پھر کوئی آپ سے مذاق کررہا تو بہادر شخص بھی تھوڑی دیر کے لیے خوفزدہ ہوجاتا ہے۔

    امریکا میں واقع ایک دکان دار نے اپنے گاہکوں کے ساتھ ایک مذاق کیا، یہ اتنا خطرناک مذاق تھا کہ دکان پر آنے والے تقریباً لوگ فرار ہوگئے۔

    ویڈیو دیکھیں:

    الیکٹرانکس کی دکان پر 50 فیصد خصوصی رعایتی قیمت پر ٹی وی فروخت کیے جارہے تھے جس کی وجہ سے خریدار وہاں کا رخ بھی کررہے تھے، دکاندار نے شوروم (دکان) پر رکھے ٹی وی کی تمام اسکرینوں پر ایک ہی تصویر آویزاں کی ہوئی تھی۔

    ویڈیو میں دیکھا جاسکتا ہے کہ اسکرین پر ایک لڑکی کی تصاویر آرہی ہے جس کے بالوں سے اُس کا منہ چھپا ہوا ہے تاہم انہی میں ایک ٹی وی ایسا بھی ہے جس میں بالکل ویسی ہی حقیقی لڑکی کو بٹھایا گیا ہے۔

    ٹی وی دیکھنے والے خریدار کو جب دکاندار چھوڑ کر دوسری طرف جاتا ہے تو اسی دوران وہ لڑکی ڈبے میں نکل کر باہر آتی ہے اور وہاں کھڑا خریدار اُس کو دیکھ کر بھاگنے کی کوشش کرتا ہے۔

  • ٹی وی پر والد کا براہ راست انٹرویو، بچے شرارتوں میں مشغول

    ٹی وی پر والد کا براہ راست انٹرویو، بچے شرارتوں میں مشغول

    بعض اوقات سنجیدہ موضوعات میں بھی ایسا عنصر نکل آتا ہے کہ بے اختیار لبوں پر مسکراہٹ بکھر جاتی ہے۔ ایسا ہی ایک واقعہ گزشتہ روز برطانوی خبر رساں ادارے بی بی سی کے انٹرویو کے دوران پیش آیا جس نے سب کے لبوں پر مسکراہٹ بکھیر دی۔

    پروفیسر رابرٹ کیلی شمالی کوریا کے سنجیدہ موضوع پر بی بی سی کو اسکائپ کے ذریعے تجزیاتی انٹرویو دے رہے تھے جو براہ راست نشر ہورہا تھا۔

    انٹرویو کے دوران اچانک کمرے کا دروازہ کھلا اور ان کی کمسن بیٹی کمرے میں داخل ہوگئی اور کھیلنے لگی۔

    اگلے ہی لمحے کھلے دروازے سے والکر پر سوار ایک اور چھوٹا بچہ کمرے کے اندر آ پہنچا۔ اس صورتحال پر پروفیسر رابرٹ نے خود پر کنٹرول رکھتے ہوئے اینکر سے معذرت کی۔

    ذرا دیر بعد بچوں کی دیکھ بھال کرنے والی خاتون بھاگتی ہوئی آئیں اور دونوں بچوں کو کمرے سے باہر نکالا۔ ان خاتون کی بوکھلاہٹ اور بچوں کو کمرے سے باہر نکالنے کی تگ و دو بھی دیکھنے سے تعلق رکھتی تھی۔

    ان لمحات نے انٹرویو دینے والے تجزیہ کار کو تو یقیناً خفت میں مبتلا کردیا لیکن دیکھنے والوں کے لبوں پر بے اختیار مسکراہٹ آگئی۔ بی بی سی نے ان بچوں کو اپنے شو کا اسٹار قرار دے دیا۔