کراچی: معروف ٹی وی اداکار ہارون شاہد کا کہنا ہے کہ وہ اور ان کی اہلیہ ایک دوسرے کو کالج سے جانتے تھے، ہارون پلوشہ سے 4 سال سینیئر تھے۔
تفصیلات کے مطابق معروف ٹی وی اداکار ہارون شاہد نے اے آر وائی ڈیجیٹل کے پروگرام شان سحور میں اپنی اہلیہ پلوشہ شاہد کے ساتھ شرکت کی اور اپنی زندگی کے بارے میں بتایا۔
میزبان ندا یاسر سے گفتگو کرتے ہوئے انہوں نے بتایا کہ وہ اور ان کی اہلیہ پلوشہ کالج سے ایک دوسرے کو جانتے تھے۔
ہارون سینیئر تھے جبکہ پلوشہ اسلام آباد سے آئی تھیں، دونوں کی ایک مشترکہ دوست تھی جس کے توسط سے دونوں کی دوستی ہوئی۔
ہارون نے اپنی زندگی سے متعلق مزید دلچسپ باتیں بھی ندا یاسر کے ساتھ شیئر کیں۔
کراچی: ٹی وی اور اسٹیج کے سینئر اداکار اور ہر دل عزیز شخصیت وکیل فاروقی آج کراچی میں انتقال کر گئے۔
تفصیلات کے مطابق ٹی وی اور اسٹیج کے سینئر اداکار اور ہدایت کار وکیل فاروقی کا انتقال ہو گیا ہے، انھوں نے زندگی بھر ٹی وی اور اسٹیج پر کام کیا، پی ٹی وی کے کلاسیک سیریل آخری چٹان میں چنگیز خان کے بیٹے ’جوجی‘ کے تاریخی کردار سے بے حد مشہور ہوئے۔
وکیل فاروقی لکھاری بھی تھے، پی ٹی وی کے لیے کئی ڈرامے تحریر کیے، وہ 21 اگست 1948 کو پیدا ہوئے، علامہ اقبال کالج آف کامرس سیالکوٹ سے 1968 میں تعلیم مکمل کی، آرٹس کونسل آف پاکستان کراچی سے وابستگی رہی، اس سے قبل ملتان آرٹس کونسل میں بھی کام کیا۔
مرحوم صاحب طرز اداکار تھے، ان کی آواز ان کی پہچان بنی، اپنے منفرد لب و لہجے کی بدولت ہی پی ٹی وی کے اُس دور میں اے کلاس کیٹیگری میں جگہ بنائی جب قد آور نام اس ادارے سے وابستہ تھے۔
وکیل فاروقی نے 1966 میں زمانہ طالب علمی ہی میں ریڈیو پاکستان کے بزم طلبہ میں شرکت کی اور گلوکاری سے آغاز کیا، تاہم اس کے بعد گانا چھوڑ کر اناؤنسر بنے اور صداکاری شروع کی۔ اس کے بعد پی ٹی وی کو جوائن کیا اور اپنے پہلے ڈرامے ’چور’ میں کام کیا۔ 1968 میں ایک لائیو پلے میں بھی کام کیا۔
وکیل فاروقی نے مشہور ڈراموں میں کام کیا، جن میں خدا کی بستی میں ایس ایچ او کا کردار، 73 میں منٹو راما کے دو کھیل، کارواں، خلیج، منڈی، تعبیر شامل ہیں۔ ان کا پہلا سیریل ’بہادر علی‘ تھا جس میں انھوں نے پہلوان کا کردار کیا تھا، اس کے بعد آخری چٹان کا کردار جوجی ان کی شناخت بن گیا۔
انھیں شکوہ تھا کہ بہادرعلی‘ اور آخری چٹان‘ میں ان کے کردار یقینی طور پر ایوارڈ کے مستحق تھے لیکن پی ٹی وی انتظامیہ نے انھیں نظر انداز کیا۔ گورنر سندھ نے 2012 میں ان کا نام پرائیڈ آف پرفارمنس کے لیے چنا مگر فائنل لسٹ میں نہ آ سکے۔
وکیل فاروقی کو سیاحت کا بھی شوق تھا، انھوں نے ستّر کی دہائی میں 45 ممالک کی سیاحت کی، ان میں مصر، یورپ، لاطینی امریکا، افغانستان، بلغاریہ وغیرہ شامل ہیں۔ مرحوم نے زندگی بھر شادی نہیں کی۔
کراچی: معروف ٹی وی اداکار قاضی واجد کی آج پہلی برسی منائی جارہی ہے ، وہ گزشتہ برس 87 برس کی عمر میں انتقال کرگئے تھے، انہوں نے درجنوں ڈراموں اور فلموں میں کام کیا۔
پاکستان کے مشہورومعروف اداکار قاضی واجد 26 مئی 1930 کو لاہور میں پیدا ہوئے، ان کی فنی زندگی کا آغاز ریڈیو پاکستان سے بطور ڈارمہ آرٹسٹ ہوا۔قاضی واجد اپنی زندگی کے 25 سال ریڈیو سے منسلک رہے جس کے بعد انہوں نے ڈرامہ انڈسٹری میں قدم رکھا۔
مرحوم قاضی واجد نے پاکستان ٹیلی ویژن کے متعدد ڈراموں سمیت فلموں میں بھی کام کیا اور اپنی صلاحیتوں کے جوہر دکھائے۔
قاضی واجد کے یادگار ڈراموں میں تنہائیاں، دھوپ کنارے، آنگن ٹیڑھا، خدا کی بستی، حوا کی بیٹی، تنہائیاں، پل دو پل اور تعلیم بالغاں، تنہا تنہا، دوراہے، یہ کیسی محبت شامل ہیں۔
حکومت پاکستان کی جانب سے ملک کے لیے بے پناہ خدمات پرقاضی احمد کو 14 اگست 1988 کو صدارتی تمغہ برائے حسن کارکردگی سے نوازا گیا تھا۔
قاضی واجد ایک کثیرالجہد شخصیت تھے اوراپنے انتقال سے دور روز قبل بھی شوٹنگ میں مصروف تھے۔ ان کے انتقال کی خبر دنیا بھر میں پھیلے ان کے مداحوں پر بجلی بن کر گری تھی۔
کراچی : معروف ٹی وی اداکار قاضی واجد 87 برس کی عمر میں انتقال کرگئے، انہوں نے درجنوں ڈراموں اور فلموں میں کام کیا۔
تفصیلات کے مطابق پاکستان ٹیلی ویژن انڈسٹری کے معروف اداکار قاضی واجد 87 سال کی عمر میں اس دنیائے فانی سے کوچ کرگئے، سینئراداکار قاضی واجد نے کئی یادگار ڈراموں میں کام کیا۔
پاکستان کے مشہورومعروف اداکار قاضی واجد 26 مئی 1930 کو لاہور میں پیدا ہوئے، ان کی فنی زندگی کا آغاز ریڈیو پاکستان سے بطور ڈارمہ آرٹسٹ ہوا۔
قاضی واجد اپنی زندگی کے 25 سال ریڈیو سے منسلک رہے جس کے بعد انہوں نے ڈرامہ انڈسٹری میں قدم رکھا۔
مرحوم قاضی واجد نے پاکستان ٹیلی ویژن کے متعدد ڈراموں سمیت فلموں میں بھی کام کیا اور اپنی صلاحیتوں کے جوہر دکھائے۔
قاضی واجد کے یادگار ڈراموں میں تنہائیاں، دھوپ کنارے، آنگن ٹیڑھا، خدا کی بستی، حوا کی بیٹی، تنہائیاں، پل دو پل اور تعلیم بالغاں، تنہا تنہا، دوراہے، یہ کیسی محبت شامل ہیں۔
حکومت پاکستان کی جانب سے ملک کے لیے بے پناہ خدمات پرقاضی احمد کو 14 اگست 1988 کو صدارتی تمغہ برائے حسن کارکردگی سے نوازا گیا تھا۔
انورمقصود کا قاضی واجد کےانتقال پرتعزیت کا اظہار
معروف ہدایت کارانورمقصود نےاداکار قاضی واجد کے انتقال پردکھ کا اظہار کرتے ہوئے کہا کہ وہ بہت اچھے انسان تھے۔
انہوں نے کہا کہ قاضی واجد تمام کرداروں کے ساتھ پورا انصاف کرتے تھے وہ ایک بہت بڑے اداکار تھے۔
جاوید شیخ کا قاضی واجد کےانتقال پرتعزیت کا اظہار
پاکستان کے نامور اداکار جاوید شیخ نے اداکار قاضی واجد کے انتقال پرافسوس کا اظہار کرتے ہوئے کہا کہ ان جیسی خوبیاں انڈسٹری میں کسی کے پاس نہ تھیں۔
جاوید شیخ نے کہا کہ قاضی واجد سے جب بھی ملا ان کے چہرے پرمسکراہٹ دیکھی، وہ اپنی مثال آپ تھے، ان جیسا محبت کرنے والا اداکارنہیں دیکھا۔
معروف فلم اسٹار نے کہا کہ قاضی واجد کے چہرے پرہمیشہ مسکراہٹ دیکھتا تھا، وہ اعلیٰ شخصیت کے مالک تھے۔
