انٹرنیشنل کرکٹ کونسل نے نئی ٹی 20 رینکنگ جاری کردی ہے، دو نوجوان پاکستانی بیٹرز نے لمبی چھلان لگاتے ہوئے رینکنگ میں جگہ بنالی۔
آئی سی سی کی نئی درجہ بندی میں جارح مزاج قومی بلے باز صاحبزادہ فرحان اور حسن نواز نے نمایاں ترقی کی ہے، صاحبزادہ فرحان نے 69 درجے بہتری کے ساتھ ٹاپ 100 میں جگہ بنائی ہے وہ بیٹرز کی رینکنگ میں 97 ویں نمبر پر آگئے ہیں، ان کے پوائنٹس کی تعداد 389 ہے۔
حسن نواز نے بھی 14 درجے چھلانگ لگئی، 500 پوائنٹس کے ساتھ وہ 54 ویں پوزیشن پر فائز ہیں جبکہ ان کے ساتھ جنوبی افریقا کے جارح مزاج بلے باز ڈیوڈ ملر مشترکہ طور پر موجود ہیں۔
بنگلہ دیش کے خلاف تین میچوں کی ٹی 20 سیریز میں شاندار کارکردگی کے بعد ٹی 20 انٹرنیشنل رینکنگز میں دونوں بیٹرز نے نمایاں ترقی پائی ہے۔
ٹی 20 کپتان سلمان علی آغا دو درجے ترقی کے ساتھ 91 ویں نمبر پر موجود ہیں جبکہ اوپنر صائم ایوب بھی دو درجے بہتری کے ساتھ 62 ویں پوزیشن پر براجمان ہوئے۔
اسٹار بیٹر بابر اعظم کی رینکنگ میں پھر کمی آئی ہے وہ 14 ویں اور محمد رضوان 16 ویں نمبر پر چلے گئے ہیں، محمد حارث 65 نمبر پر موجود ہیں، فخر زمان کا رینکنگ میں81 واں نمبر ہے۔
دوسری جانب نوجوان جارح مزاج بھارتی بیٹر ابھیشیک شرما نے آسٹریلیا کے ٹریوس ہیڈ کو پیچھے چھوڑتے ہوئے پہلی پوزیشن پر قبضہ جمایا ہے ان کے وہم وطن تلک ورما کو رینکنگ میں تیسری پوزیشن دی گئی ہے۔
بولرز کی ٹاپ 20 رینکنگ میں کوئی پاکستانی شامل نہیں، شاہین شاہ آفریدی 35 ویں پوزیشن پر براجمان ہیں جبکہ حارث رؤف اور عباس آفریدی تنزلی کے بعد 26 ویں اور 24 ویں اور نمبر پر موجود ہیں۔
نیوزی لینڈ کے جیکب ڈفی نے ٹی ٹوئنٹی بولرز رینکنگ میں اپنی دھاک بٹھائی ہوئی ہے اور وہ پہلی پوزیشن پر موجود ہیں، انگلش اسپنر عادل رشید دوسرے اور بھارت کے ورون چکرورتی تیسرے نمبر حاصل کرنے میں کامیاب رہے۔
https://urdu.arynews.tv/asia-cup-2025-pak-india-clash/
