Tag: ٹی ٹوئنٹی ورلڈکپ

میلبرن: میتھیو ہیڈن نے کہا ہے کہ ٹی ٹوئنٹی ورلڈکپ کے فائنل میں پاکستان کی بہترین فاسٹ بولنگ اور انگلینڈ کی بیٹنگ کے درمیان مقابلہ ہوگا، پاکستان کے پاس چار بہترین فاسٹ بولرز اور مجموعی طور پر 7 بولنگ آپشنز ہیں۔

میلبرن کرکٹ گراؤنڈ میں میڈیا سے گفتگو کرتے ہوئے میتھیو ہیڈن کا کہنا تھا کہ سب پاکستان اور بھارت کے فائنل کا خواب دیکھ رہے تھے، انگلینڈ ٹورنامنٹ سے پہلے فیورٹ تھی اور اب وہ فائنل میں ہے۔

مینٹو پاکستان کرکٹ ٹیم نے کہا کہ شاداب خان کے رن آؤٹ نے سیمی فائنل کا رخ بدل دیا، انہوں نے تسلیم کیا کہ ان کی کتاب میں بابر اعظم دباؤ کا شکار تھے لیکن انہوں نے سیمی فائنل میں وہ کیا جو وہ کرسکتے تھے۔

میتھیو ہیڈن کا کہنا تھا ورلڈ کپ میں پاکستان کی مہم ایک جذباتی مہم ہے، پاکستان ٹیم پر تنقید ہوئی جو کھلاڑیوں نے برداشت کی، بابر اعظم اور رضوان کی کیمسٹری بہت زبردست ہے، بابر اور رضوان ایسے ہی ہیں جیسےگرینج اور پینز میں اور لینگر تھے۔

مینٹو پاکستان کرکٹ ٹیم کا کہنا تھا چیئرمین پی سی بی رمیز راجا نے کھلاڑیوں سے ملاقات میں 1992 کے ورلڈ کپ کی یادیں شیئر کیں جس سے کھلاڑیوں کے حوصلے مزید بلند ہوئے۔

ایڈیلیڈ: انگلینڈ کے آل راؤنڈر معین علی نے بھارتی بیٹر سریا کمار یادیو کو دنیا کا سب سے بہترین  بلے باز قرار دے دیا۔

میڈیا سے گفتگو کرتے ہوئے معین خان نے بھارتی بیٹر سوریا کمار کی بیٹنگ کی تعریف کرتے ہوئے کہا کہ وہ بہترین کھلاڑی ہے، مجھے لگتا ہے وہ دنیا میں سب سے بہترین ہے جو ٹی ٹوئنٹی فارمیٹ کو ایک الگ سطح پر لے کر جارہا ہے۔

انہوں نے کہا کہ میرے نزدیک سوریا پہلے کھلاڑی ہیں جو جب اچھا کھیل رہے ہوں تو آپ بولنگ نہیں کرسکتے، یہ بہت مشکل ہے۔

اس سے قبل اے آر وائی کے اسپورٹس چینل میں پاکستان کرکٹ ٹیم کے سابق کپتان وسیم اکرم نے بھی سوریا کمار کی بیٹنگ کی تعریف کی تھی۔

انہوں نے کہا تھا کہ مجھے تو لگتا ہے کہ سوریا کمار یادیو کسی اور سیارے سے آیا ہے ، وہ کسی بھی کھلاڑی سے مکمل طور پر مختلف ہے اور وہ واحد بیٹر ہے جس نے ٹی ٹوئنٹی 2022 میں اپنے 1000 رنز مکمل کیے ہیں  اور وہ پہلے بھارتی کھلاڑی ہیں جنہوں نے ٹی ٹوئنٹی ورلڈکپ میں اپنے 1000 رنز مکمل کیے، انہوں نے بھارت کے لیے چوتھی تیز ترین ففٹی کی۔

سابق کپتان کا کہنا تھا کہ وہ غیر یقینی کھلاڑی ہے ، ایسا لگتا ہے کہ وہ بے خوف کھلاڑی ہے جو ڈرتا نہیں ہے، جب وہ بیٹنگ کرے تو مزہ آرہا ہوتا ہے۔

دوسری جانب وقار یونس نے بھی کہا تھا کہ سوریا کمار کی بیٹنگ پر  بولر سوچ رہا ہوتا ہے کہ جاؤں تو جاؤں کہاں۔

واضح رہے کہ انٹرنیشنل کرکٹ کونسل (آئی سی سی)  کی  ہفتہ وار ٹی ٹوئنٹی پلیئرز رینکنگ  میں بھی  بھارت کے سوریا کمار یادیو سر فہرست ہیں۔

خیال رہے کہ ٹی ٹوئنٹی ورلڈکپ کے دوسرے سیمی فائنل میں انگلینڈ اور بھارت آج مد مقابل آئیں گے، جس کے بعد فائنل کی دو ٹیموں کا فیصلہ ہوگا۔ ورلڈ کپ کا دوسرا سیمی فائنل پاکستانی وقت کے مطابق ایڈیلیڈ میں دوپہر ایک بجے شروع ہوگا۔

ایڈیلیڈ: ٹی ٹوئنٹی ورلڈکپ کے دوسرے سیمی فائنل میں انگلینڈ اور بھارت آج مد مقابل آئیں گے، جس کے بعد فائنل کی دو ٹیموں کا فیصلہ ہوگا۔

آج کے  ٹی ٹوئنٹی میچز سے متعلق ایڈیلیڈ اوول اسٹیڈیم کی دلچسپ و عجیب تاریخ ہے جو ہوسکتا ہے بھارت اور انگلینڈ کے میچ میں تبدیل ہوجائے۔

اسپورٹس ویب سائٹ ای ایس پی این کرک انفو کی رپورٹ کے مطابق اس اسٹیڈیم میں آج تک وہ ٹیم ٹی ٹوئنٹی  میچ نہیں جیت سکی جس نے ٹاس جیتا ہو۔

ایڈیلیڈ کے گراؤنڈ میں اب تک مجموعی طور پر مینز ٹی ٹوئنٹی کے 11 میچز ہوئے ہیں جس میں ان ٹیموں نے فتح حاصل کی جو ٹاس ہار گئیں۔

ورلڈ کپ کا دوسرا سیمی فائنل پاکستانی وقت کے مطابق ایڈیلیڈ میں دوپہر ایک بجے شروع ہوگا۔

No team has won a men's T20I at the Adelaide Oval after winning the toss 🤷‍♂️#INDvENG | #T20WorldCup pic.twitter.com/9P3rHocQhg

— ESPNcricinfo (@ESPNcricinfo) November 8, 2022

بھارت اور انگلینڈ کے سیمی فائنل میں ایڈیلیڈ میں بادلوں کے برسنے کا کچھ خاص امکان نہیں۔

موسمیاتی رپورٹ کےمطابق ایڈیلیڈ میں مطلع جزوی ابر آلود رہے گا اور جنوب مشرق سے 15 سے 25 کلو میٹر تک ہوائیں چل سکتی ہیں۔

واضح رہے کہ ٹی ٹوئنٹی ورلڈ کپ کا پہلا سیمی فائنل پاکستان اور کیویز کے درمیان کھیلا گیا، جہاں شاہین نے کیویز کر شکست دےگر فائنل میں پہنچ گئی ہے۔

سڈنی: آسٹریلیا میں جاری ٹی ٹوئنٹی ورلڈکپ کا پہلا سیمی فائنل آج پاکستان اور نیوزی لینڈ کی ٹیموں کے درمیان سڈنی میں کھیلا جائے گا۔

آسٹریلیا میں جاری ٹی 20 ورلڈ کپ کی ٹرافی اب تین میچز کے فاصلے پر ہے اور چار ٹیمیں اس کے حصول کے لیے میدان میں ہیں، ٹورنامنٹ کا پہلے سیمی فائنل میں پاکستان اور نیوزی لینڈ مد مقابل ہوں گے۔

ٹی ٹوئنٹی ورلڈ کپ میں ماضی کے ریکارڈ یہ بتاتے ہیں کہ آئی سی سی ٹورنامنٹ کے سیمی فائنل میں کیویز پاکستانی شاہینوں کو بلند پرواز سے نہیں روک سکے ہیں شاہینوں نے جھپٹا مار کر ان کا شکار کیا ہے۔

ٹی ٹوئنٹی ورلڈ کپ میں اب تک پاکستان اور نیوزی لینڈ 6 مرتبہ آمنے سامنے آئیں ہیں، جس میں 4 میچ پاکستان جبکہ 2 میچ نیوزی لینڈ نے جیتا ہے۔

رواں ورلڈ کپ میں سڈنی کا میدان پاکستان اور نیوزی لینڈ دونوں ٹیموں کے لیے ہی مہربان رہا ہے، یہاں نیوزی لینڈ نے میزبان آسٹریلیا کو ہرایا وہیں پاکستان نے گروپ ٹو کی مضبوط ٹیم جنوبی افریقہ کو شکست سے دوچار کیا تھا۔

سڈنی میں پہلے بیٹنگ کرنا اب تک بظاہر آئیڈیل نظر آتا ہے، ایونٹ میں اس میدان پر اب تک 6 میچز ہوئے ہیں جن میں سے پانچ پہلے بیٹنگ کرنے والی ٹیموں نے جیتے ہیں۔ پہلے بیٹنگ کرتے ہوئے پانچ بار 160 سے زیادہ کا اسکور بنا ٹیموں نے دو مرتبہ 200 کا ہندسہ بھی عبور کیا جب کہ دوسری بار میں بیٹنگ کرنے والی ٹیمیں مشکلات کا شکار رہیں اور ایک بار بھی اسکور 150 کا ہندسہ بھی عبور نہ کرسکا۔

ان اعداد وشمار کو دیکھتے ہوئے یہ کہا جاسکتا ہے کہ پاکستان اور نیوزی لینڈ سیمی فائنل میں ٹاس بھی اہم کردار ادا کرے گا۔

پاکستان اور نیوزی لینڈ کے درمیان سیمی فائنل پاکستانی وقت کے مطابق دوپہر ایک بجے شروع ہوگا۔

ایونٹ کا دوسرا میچ بھارت اور انگلینڈ کے مابین کل ایڈیلیڈ میں کھیلا جائے گا۔