جوہانسبرگ : بھارتی وکٹ کیپرمہندرا سنگھ دھونی نےٹی ٹوئنٹی کرکٹ میں سری لنکن وکٹ کیپرکمار سنگا کارا کا سب سے زیادہ کیچزکا ریکارڈ توڑ دیا۔
تفصیلات کے مطابق بھارتی وکٹ کیپر مہندرا سنگھ دھونی نے ٹی ٹوئنٹی کرکٹ میں سب سے زیادہ کیچز پکڑنے کا ریکارڈ اپنے نام کرلیا۔
مہندرا سنگھ دھونی نے جنوبی افریقہ کے خلاف پہلے ٹی ٹوئنٹی میں وکٹ کے پیچھے 134 واں شکار کرکے سری لنکن وکٹ کیپرکمار سنگا کارا کا 133 کیچز کا ریکارڈ توڑ دیا۔
کمار سنگا کارا کا 254 میچز میں 133 کیچز کا ریکارڈ تھا جسے مہندرا سنگھ دھونی نے 275 میچز میں 134 واں کیچ پکڑ کر ریکارڈ اپنے نام کرلیا۔
خیال رہے کہ سب سے زیادہ کیچز پکڑنے کی فہرست میں مہندرا سنگھ دھونی 134 کیچز کے ساتھ پہلے، کمار سنگا کارا 133 کیچز کے ساتھ دوسرے، دنیش کارتھک 123 کیچز کے ساتھ تیسرے، کامران اکمل چوتھے اور ویسٹ انڈیز کے دنیش رامدین پانچویں نمبر پرموجود ہیں۔
یاد رہے کہ دو روز قبل جوہانسبرگ میں کھیلے جانے والے تین ٹوئنٹی میچوں کی سیریز کے پہلے میچ میں بھارت نے جنوبی افریقہ کو 28 رنز سے شکست دی تھی۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
لاہور: قومی کرکٹ ٹیم کے اسٹار کھلاڑی محمد عامرنے ٹی ٹوئنٹی کی رینکنگ میں پہلی پوزیشن پرقوم کومبارکباد دیتے ہوئے کہا کہ سب کی محنت کی وجہ سے پاکستان نمبرون ہے۔
تفصیلات کے مطابق لاہور میں قومی کرکٹ ٹیم کے فاسٹ باؤلرمحمدعامرنے میڈیا سے گفتگو کرتے ہوئے کہا کہ عثمان شنواری اورحسن علی کی پرفارمنس سے کوئی خوف نہیں ہے، میرا مقابلہ اپنے آپ سے ہے۔
قومی کرکٹ ٹیم کے اسٹار کھلاڑی کا کہنا ہے کہ مسلسل 2 سال کرکٹ کھیلی ہے، انجریزکھیل کا حصہ ہیں جبکہ ون ڈے سیریزان فٹ ہونے کی وجہ سے نہیں کھیل سکا۔
فاسٹ باؤلرمحمد عامر نے کہا کہ کھیلوں کی سرگرمیاں ہونی چاہئیں پاکستان میں گراؤنڈز کم ہیں۔ انہوں نے کہا کہ چیمپئنزٹرافی جیتنا میرے لیے یادگارلمحہ تھا۔
یاد رہے کہ دو روز قبل انٹر نیشنل کرکٹ کونسل (آئی سی سی) نے ٹی ٹوئنٹی رینکنگ جاری کی تھی جس کے مطابق پاکستان پہلی مرتبہ آئی سی سی کی ٹی20 رینکنگ میں پہلے نمبر پر آگیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔
لاہور: پاکستان نے سری لنکا کو ٹی ٹوینٹی سیریز کے آخری میچ میں بھی 36 رنز سے شکست دے کر وائٹ واش کردیا، سری لنکا کی ٹیم 20 اوورز میں نووکٹوں کے نقصان پر 144 رنز بنا سکی۔
تفصیلات کے مطابق لاہور کے قذافی اسٹیڈیم میں کھیلے جانے والے سیریز کے تیسرے اور آخری ٹی ٹوئنٹی میچ میں پاکستان نے سری لنکا کو 36رنز سے شکست دے دی۔ محمد عامر نے 13 رنز دے کر چار کھلاڑیوں کو پویلین بھیجا۔
شعیب ملک51 اور عمرامین 45 رنز بناکر نمایاں رہے، حسن علی، عمادوسیم اور حفیظ نے ایک، ایک کھلاڑی کو آؤٹ کیا۔
بہترین کارکردگی پر شعیب ملک مین آف دی میچ قرار پائے اس کے علاوہ مین آف دی سیریز کا ایوارڈ بھی شعیب ملک کے نام رہا۔
اس سے قبل پاکستان نے تین وکٹوں کے نقصان پر 180رنز بنائے تھے اور اس کے تین کھلاڑی آؤٹ ہوئے، میچ کی خاص بات شعیب ملک کی جارحانہ بیٹنگ تھی انہوں نے 51 رنز اسکور کیے۔
نویں وکٹ: بیسویں اوور کی اگلی بال پر ہی پراسانا محمد عامر کی گیبند پر کیپر سرفراز احمد کے ہاتھوں کیچ آؤٹ ہوگئے انہوں نے 16رنز اسکور کیے۔
آٹھویں وکٹ: سری لنکا کے سشیتھ پتھیرانا بیسویں اوور کی دوسری بال پر محمد عامر کی بال پر محمد حفیظ کے ہاتھوں کیچ آؤٹ ہوگئے انہوں نے 14رنز اسکور کیے۔
ساتویں وکٹ: سترہویں اوور کی آخری بال پر سری لنکن کپتان تھیسارا پریرا حسن علی کی بال پر شاداب خان کے ہاتھوں کیچ آؤٹ ہوگئے انہوں نے دس رنز اسکور کیے۔
چھٹی وکٹ: سولہویں اوور کی چوتھی بال پر محمد عامر نے چتورنگا دی سلوا کو کلین بولڈ کردیا، انہوں نے 21 رنز اسکور کیے۔
پندرہواں اوور: سری لنکا نے میچ کے پندرہ اوور میں 104 رنز اسکور کیے اور اس کے 5 کھلاڑی آؤٹ ہوئے۔
پندرہویں اوور کی پہلی بال پر سری لنکا ٹیم نے 100 رنز مکمل کرلئے
پانچویں وکٹ: چودہویں اوور کی دوسری بال پر سری لنکا کے داسون شناکا فہیم اشرف کی بال پر 54رنز بنا کرعماد وسیم کے ہاتھوں کیچ آؤٹ ہوگئے،چودہ اوور کے اختتام پر سری لنکا کا مجموعی اسکور 99رنز ہے۔
تیرہواں اوور: کھیل کے تیرہویں اوور میں سری لنکا کے داسون شناکا نے 32 بالز پر شاندارنصف سنچری اسکور کی۔
دسواں اوور: کھیل کے دس اوور مکمل ہوگئے، سری لنکا نے دس اوور میں 66 رنز اسکور کیے اور اس کے چار کھلاڑی آؤٹ ہوئے۔
چوتھی وکٹ: نویں اوور کی چوتھی بال پر مہیلا اوداوتے فہیم اشرف کی بال پر بابر اعظم کے ہاتھوں کیچ آآؤٹ ہوگئے انہوں نے گیارہ رنز اسکور کیے۔
پانچ اوور : میچ کے پانچویں اوور میں سری لنکا کا اسکور 32 رنز تین کھلاڑی آؤٹ ہے۔
تیسری وکٹ: چوتھے اوور کی چوتھی بال پر دنوشکا گوناتھیلاکا محمد حفیظ کی بال پر نو رنز بنا کر آؤٹ ہوگئے، سری لنکا کا مجموعی اسکور 21 رنز ہے
دوسری وکٹ: تیسرے اوور کی آخری بال پر سدیرا سماراوکرانا صرف چار رنز بنا کر عماد وسیم کی بال پر بابر اعظم کے ہاتھوں کیچ آؤٹ ہوگئے۔
پہلی وکٹ : دوسرے اوور میں محمد عامر کی دوسری بال پر سری لنکا کے اوپنر دلشان موناویرا صرف ایک رن بنا کر آؤٹ ہوکر پویلین لوٹ گئے۔
بیسواں اوور: کھیل کے آخری اوور میں پاکستان کا مجموعی اسکور 179 رنز ہے اور اس کے تین کھلاڑی آؤٹ ہوئے، اس طرح پاکستان نے سری لنکا کو جیت کیلئے 180رنز کا ہدف دے دیا
انیسویں اوور : تیسری وکٹ۔ میچ کے انیسویں اوور کی چوتھی بال پر شعیب ملک 24بالز پر 51رنز بنا کر ویکوم سنجایا کی بال پر چتورنگا دی سلوا کے ہاتھوں کیچ آؤٹ ہوگئے،
اٹھارہوں اوور: کھیل کےاٹھارہویں اوور میں پاکستان کا مجموعی اسکور 147 رنز ہے اور اس کے دو کھلاڑی آؤٹ ہوئے ہیں۔ میچ کی خاص بات شعیب ملک کی جارحانہ بیٹنگ ہے۔
پندرہواں اوور: کھیل کے پندرہویں اوور کے اختتام پر قومی ٹیم کا مجموعی اسکور 108 رنزہے اور اس کے دو کھلاڑی آؤٹ ہوکر جا چکے ہیں۔ بابراعظم 22رنز اور شعیب ملک 6رنز کے ساتھ کریز پر موجود ہیں۔
کھیل کے 13.1 اوور میں قومی ٹیم نے 100رنز مکمل کرلئے، اس مجموعی اسکور میں دو کھلاڑی پویلین لوٹے۔
بارہواں اوور: دوسری وکٹ۔ پہلی بال پر عمر امین ایسورو اوڈانا کی بال پر 45رنز بنا کر تھیسارا پریرا کے ہاتھوں کیچ آؤٹ ہوگئے۔پاکستان کا مجموعی اسکور 91 رنز ہے، نئے آنے والے کھلاڑی شعیب ملک ہیں۔
دسواں اوور: پاکستان کا مجموعی اسکور 71رنزہے اور اس کا ایک کھلاڑی آؤٹ ہوا ہے۔
آٹھواں اوور:پہلی وکٹ۔میچ کے آٹھویں اوور کی آخری بال پر فخر زمان دلشان موناویر کی بال پر31 رنز بناکر آؤٹ ہوگئے، میچ کا مجموعی اسکور57رنز ہے، نئے آنے والے کھلاڑی بابراعظم ہیں۔
پانچواں اوور: کھیل کے پہلے پانچ اوورز میں پاکستان کا مجموعی اسکور 37رنز ہے اور اس کا کوئی کھلاڑی آؤٹ نہیں ہوا، پاکستان کی جانب سے عمر امین14 رنز اور فخر زمان 23رنز کے ساتھ کریز پر موجود ہیں۔
پاکستان ٹیم : کپتان سرفراز احمد ہیں، دیگر کھلاڑیوں میں عمر امین ، فخر زمان، بابر اعظم، محمد حفیظ، شعیب ملک، شاداب خان، عماد وسیم، فہیم اشرف، حسن علی اور محمد عامر شامل ہیں۔
PAK XI: U Amin, F Zaman, B Azam, S Malik, M Hafeez, S Ahmed, S Khan, I Wasim, F Ashraf, H Ali, M Amir https://t.co/Gm91odSycM#PAKvSL
سری لنکا ٹیم : کپتان تھیسارا پریرا ہیں دیگر کھلاڑیوں میں دلشان موناویرا، دنوشکا گوناتھیلاکا، سدیرا سماراوکرانا، مہیلا اوداوتے، چتورنگا دی سلوا، داسون شناکا، سشیتھ پتھیرانا، سیکوگ، پراسانا، ایسورو اوڈانا اور ویکوم سنجایا شامل ہیں۔
SL XI: D Munaweera, D Gunathilaka, Samarawickrama, M Udawatte, C de Silva, T Perera, D Shanaka, S Pathirana, S Prasanna, I Udana, V Sanjaya
تیسرے ٹی ٹوینٹی میچ میں سری لنکا کی ٹیم نے ٹاس جیت کر پہلے فیلڈنگ کا فیصلہ کیا تھا۔
ٹاس کے بعد میڈیا سے گفتگو کرتے ہوئے پاکستانی کرکٹ ٹیم کے کپتان سرفراز احمد نے کہا کہ ہوم گراؤنڈ پر کھیلنا اور انٹرنیشنل کرکٹ ٹیم کی واپسی پر بہت خوشی ہے۔
انہوں نے کہا کہ احمد شہزاد اور عثمان شنواری کی جگہ محمد عامر اور عمر امین کو موقع دیا گیا ہے، فخر زمان کے ساتھ اوپننگ کے لیے عمر یامین کو منتخب کیا گیا ہے۔
سری لنکن ٹیم کے کپتان تھیسارا پریرا نے کہا کہ تمام کھلاڑی پاکستان آکر بالکل مطمئن ہیں، مجھے اپنی ٹیم کی قیادت پر فخر ہے۔
محمد عامر آج پہلی بار ہوم گراونڈ پر پرفارم کر رہے ہیں
مایہ ناز فاسٹ بولر محمد عامر آج پہلی بار ہوم گراونڈ پر پرفارم کر رہے ہیں، غیر ملکی سرزمین پر ہوش اڑانے والے عامر آج ہوم گراؤنڈ پر ایکشن میں پاکستانی اسپیڈ گن محمد عامر حریفوں کے چھکے چھڑانے پہلی بار پاک سر زمین پرجلوہ گر ہورہے ہیں۔
دوہزار نو میں ڈیبیو کرنے والے چیمپئن بولر محمد عامر پاکستان میں اپناپہلا انٹرنیشنل میچ کھیل رہے ہیں عامر تیس ٹیسٹ، چھتیس ون ڈے اور اکتیس ٹی ٹوئنٹی میچز میں پاکستان کی نمائندگی کرچکے ہیں۔
عامر نے تمام انٹرنیشنل میچز غیر ملکی سرزمین پر کھیلے۔ عامر تینوں فارمیٹ میں ایک سو چوراسی وکٹیں لے چکے ہیں۔
پاکستان اور سری لنکا کی ٹیمیں گزشتہ رات دبئی اور ابوظہبی سےلاہور کے علامہ اقبال ایئرپورٹ پہنچیں تو پنجاب حکومت اور پی سی بی کے اعلیٰ حکام نے ان کا پرتباک استقبال کیا۔
قومی کرکٹ ٹیم رات 1 بجکر 52 منٹ پر نجی ایئرلائن کی پرواز کے ذریعے دبئی سے لاہور جبکہ سری لنکا کی ٹیم 2 بجکر 15 منٹ پر ابوظہبی سے لاہور پہنچی۔
علامہ اقبال انٹرنیشنل ایئرپورٹ پر ٹیموں کی حفاظت کے لیے فوج، پولیس، رینجرز نے سیکورٹی کے انتظامات سنبھال رکھے تھے جبکہ ایئرپورٹ سے مال روڈ پر واقع نجی ہوٹل تک تمام داخلی اور خارجی راستوں پر سخت سیکورٹی تعینات تھی۔
دونوں ٹیموں کو بلٹ پروف گاڑیوں میں بٹھا کر سخت سیکورٹی کے حصار میں نجی ہوٹل تک پہنچایا گیا، ہوٹل پہنچنے پرشائقین کرکٹ نے تالیاں بجاکر مہمان ٹیم کا والہانہ استقبال کیا۔
علاوہ ازیں سری لنکا کے وزیرکھیل بھی اپنے 24 رکنی وفد کے ساتھ لاہور پہنچے ہیں جبکہ ٹیم کے ہمراہ آنے والوں میں شعیب ملک کی اہلیہ اور مشہور بھارتی ٹینس اسٹار ثانیہ مرزا بھی تھیں۔
پاکستان کرکٹ بورڈ کے چیئرمین نجم سیٹھی نے سماجی رابطے کی ویب سائٹ پر اپنے ایک ٹویٹ میں وقت کی تبدیلی کے حوالے سے آگاہ کرتے ہوئے کہا کہ ’اندھیرے کے باعث میچ شام 7 کے بجائے 6 بجے شروع ہوگا‘۔
Match will start at 6 pm instead of 7 pm today because of smog and dew at night. Ceremonies will start at 5 pm. Come one, Come all!
قذافی اسٹیڈیم کے اطراف میں سیکیورٹی کے سخت انتظامات کیے گئے ہیں، پنجاب پولیس کے 10 ہزار اہلکاروں کے علاوہ دیگر حساس اداروں کے اہلکاروں کو بھی تعینات کیا گیا ہے جبکہ دنوں ٹیموں کے کھلاڑیوں کی سیکیورٹی کے لیے بھی سخت اقدامات کیے گئے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور: چیئرمین پاکستان کرکٹ بورڈ نجم سیٹھی کا کہنا ہے کہ سری لنکا اور ویسٹ انڈیز نے پاکستان آنے پر آمادگی ظاہر کی ہے۔
تفصیلات کےمطابق نیوزی لینڈ میں آئی سی سی اجلاس میں شرکت کے بعد وطن واپسی پر چیئرمین پاکستان کرکٹ بورڈ نےکہا کہ سری لنکن بورڈ نے تیسرا ٹی 20 لاہورمیں کھیلنے پرآمادگی ظاہرکی۔
چیئرمین پی سی بی نے کرکٹ کے دیوانوں کے لیے خوشخبری سناتے ہوئے کہا کہ ویسٹ انڈیز کی ٹیم نومبر میں پاکستان کا دورہ کرے گی۔
دریں اثناء نجم سیٹھی نے کہا کہ بھارتی کرکٹ بورڈ کے خلاف کیس چل رہا ہے، دسمبر میں مثبت نتیجہ آئے گا۔
خیال رہے کہ دوروز قبل سری لنکن ٹیم کے کھلاڑیوں نے تیسرا ٹی ٹوئنٹی میچ پاکستان میں کھیلنے سے انکار کرتے ہوئے بورڈ کو وینیو تبدیل کرنے کی درخواست کی تھی۔
یاد رہے کہ 2009 میں قذافی اسٹیڈیم لاہور میں میچ کھیلنے کے لیے آنے والی سری لنکن ٹیم پر دہشت گردوں کے حملے کے بعد انٹرنیشنل کرکٹ کا خاتمہ ہو گیا تھا جسے بحال کرنے کے لیے پاکستان بورڈ کے جتن جاری ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور: پاکستان اورورلڈ الیون کے درمیان آزادی کپ کا تیسرا اور فیصلہ کن ٹی ٹوئنٹی میچ آج کھیلا جائےگا، پاکستانی شاہین اہم ٹی ٹوئنٹی میچ میں جیت کے لیے پرعزم ہیں۔
تفصیلات کےمطابق پاکستان اور ورلڈ الیون کے درمیان فیصلہ کن ٹی ٹوئنٹی میچ آج قذافی اسٹیڈیم میں کھیلا جائے گا، میچ پاکستانی وقت کے مطابق شام 7بجے شروع ہوگا۔
پاکستانی ٹیم کے کپتان سرفرازاحمد کا کہنا ہے کہ پاکستان ٹی ٹوئنٹی سیریز جیت کر پاکستان کی انٹرنیشنل رینکنگ کو بہتر کرنے کی کوشش کرے گی۔
دوسری جانب ورلڈ الیون کے کپتان فاف ڈوپلیسی کا کہنا ہے کہ ورلڈ الیون نے دوسرے میچ میں شاندار کم بیک کیا اور تیسرے میچ میں بہتر کارکردگی کا مظاہرہ کرکےسیریز جیتنے کی کوشش کریں گے۔
یاد رہے کہ ہاشم آملہ اورپریرا کی شاندار بیٹنگ کی بدولت ورلڈ الیون نے دوسرے ٹی ٹوئنٹی میچ میں پاکستان کو 7 وکٹوں سے شکست دی تھی جبکہ پریرا کو شاندار بیٹنگ کرنے پر مین آف دی میچ کا ایوارڈ دیا گیا تھا۔
واضح رہے کہ آزادی کپ کے پہلے ٹی ٹوئنٹی میچ میں پاکستانی ٹیم نے عمدہ بیٹنگ کا مظاہرہ کرتے ہوئے ورلڈ الیون کو 20 رنز سے شکست دی تھی،میچ میں عمدہ کارکردگی دکھانے پر بابر اعظم کو مین آف دی میچ کا ایوارڈ دیا گیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور: چیف سلیکٹر انضمام الحق نے دورہ ویسٹ انڈیز کے لیے ایک روزہ اور ٹی ٹوئنٹی ٹیموں کے لیے اسکواڈ کا اعلان کرتے ہوئے کہا کہ کھلاڑیوں کی فٹنس کے لئے ایک معیار رکھا ہے جو معیار پر پورا نہیں اترا اس کومنتخب نہیں کیا گیا۔
تفصیلات کے مطابق چیف سلیکٹر انضمام الحق نے 24 مارچ سے شروع ہونے والے دورہ ویسٹ انڈیز کے لئے قومی کرکٹ ٹیم ایک روزہ اور ٹی ٹوئنٹی اسکواڈ کا اعلان کردیا ہے جس کے تحت بلے باز عمر اکمل اور اسپین باؤلر یاسر شاہ دونوں طرز کی کرکٹ مین جگہ بنانے میں ناکام رہے ہیں۔
ٹی 20 ٹیم کے کپتان سرفراز احمد ہوں گے جن کے ہمراہ ٹیم میں احمد شہزاد، کامران اکمل، محمد حفیظ، بابر اعظم، شعیب ملک، فخر زمان، سرفراز احمد، عماد وسیم، شاداب خان، محمد نواز، حسن علی، سہیل تنویر، وہاب ریاض، رومان رئیس اور عثمان خان شنواری شامل ہوں گے جب کہ فاسٹ باﺅلر محمد عامر کو ٹی 20 سیریز میں آرام دینے کا فیصلہ کیا گیا ہے۔
اسی طرح ویسٹ انڈیز کے خلاف ون ڈے سیریز کی قیادت کا سہرا بھی سرفراز احمد کے سر سجا جب کہ ٹیم کے دیگر کھلاڑیوں میں احمد شہزاد، کامران اکمل، محمد حفیظ، بابر اعظم، شعیب ملک، فخر زمان، آصف ذاکر، عماد وسیم، شاداب خان، حسن علی، وہاب ریاض، محمد عامر، فہیم اشرف، جنید خان اور محمد اصغر شامل ہیں۔
دوسری جانب ون ڈے ٹیم کے سابق کپتان اظہر علی اپنی کارکردگی سے سلیکٹرز کو مطمئن نہیں کرسکے اور ایک روزہ ٹیم اور ٹی ٹوئنٹی ٹیم میں جگہ بنانے میں ناکام رہے جب کہ عمر اکمل فٹنس کے معیار پر پورا نہیں اتر سکے اور ٹیم سے باہر ہو گئے اسی طرح یاسر شاہ بھی ٹیم کا حصہ نہیں بن سکے۔
لاہور : پاکستان کرکٹ بورڈ کی جانب سے ایک روزہ اور ٹی ٹوئنٹی کی قومی کرکٹ ٹیموں کے کھلاڑیوں کے ناموں کا اعلان آج کیا جائے گا جس میں احمد شہزاد، کامران اکمل کی واپسی متوقع ہے جب کہ محمد عباس ون ڈے ڈیبیو کریں گے۔
تفصیلات کے مطابق پاکستان کرکٹ بورڈ آج ون ڈے اور ٹی ٹوئنٹی ٹیموں کے کھلاڑیوں کا اعلان کرے گی جس میں پی ایس ایل ٹو میں اچھی کارکردگی دکھانے والے کھلاڑیوں کو موقع دیا جائے گا جب کہ کچھ کھلاڑیوں کو آرام کا موقع دینے کا فیصلہ کیا گیا ہے۔
ذرائع کے مطابق ٹی ٹوئنٹی اسکواڈ میں پی ایس ایل کے بہترین بلے بازوں احمد شہزاد اور کامران اکمل کی واپسی کے قوی امکان ہیں جب کہ دیگر کھلاڑیوں میں بابراعظم، فخرزمان، حسن علی، عمادبٹ، عماد وسیم، شاداب خان، نواز، شعیب ملک، رومان رئیس کے علاوہ کراچی کنگز کے عثمان شینواری بھی اسکواڈ کا حصہ ہوں گے۔
ٹی ٹوئنٹی سیریز کے لیے محمدعامر اور وہاب ریاض کوآرام کاموقع دیاجائےگا تاہم دونوں کھلاڑیوں کو ون ڈے اسکواد کا حصہ بنایا جائے گا
اورمحمدعباس کوپہلی بار ون ڈے ٹیم میں شامل کیاجائےگا جب کہ فاسٹ بولر سہیل تنویر اور بلے باز عمراکمل کی سلیکشن فٹنس ٹیسٹ سےمشروط ہوگی۔
واضح رہے پاکستان کرکٹ ٹیم رواں ماہ تین ٹیسٹ میچز، تین ایک روزہ میچز، اور دو ٹی ٹوئنٹی میچز کی سیریز (26 مارچ سے 14 مئی) کھیلنے ویسٹ انڈیز جائے گی۔
دبئی: پاکستان نے ٹی ٹوئنٹی ورلڈ چیمپیئن کو پہلے میچ میں نو وکٹوں سے شکست دے دی، تین میچوں کی سیریز میں پاکستان کو ایک صفر کی برتری حاصل ہوگئی۔
دبئی میں شاہینوں کی اونچی اڑان نے کالی آندھی کا رخ موڑ دیا، ٹی ٹوئنٹی کپتان سرفراز احمد دوسرے امتحان میں بھی سرخرو ہوئے،دبئی میں کھیلے جانے والے پہلے ٹی ٹوئنٹی میچ میں پاکستانی کپتان سرفراز احمد نے ٹاس جیت کر مخالف ٹیم کو پہلے بیٹنگ کی دعوت دی، ابتداء میں ویسٹ انڈین بلے باز پاکستانی باؤلنگ کے سامنے بے بس نظر آئے اور صرف 40 رنز کے اسکور پر 8 کھلاڑی پویلین لوٹ گئے۔
عماد وسیم کی گھومتی گیندوں نے بلےبازوں کو گھوما دیا،انہوں نے پہلے ٹی ٹوئنٹی میں کیرئیر کی بہترین بولنگ کردی، عماد وسیم نے اپنے پہلے ہی اوور میں ایون لوئس کی وکٹ لے ڈالی۔ پھر اپنے دوسرے اوور میں فلیچر اور سیمویلز کو پویلین بھیج دیا، دوسرے اسپیل میں چھکوں کےماہر کیرون پولارڈ اور کارلوس براتھ ویٹ کا شکار کیا۔
سہیل تنویر،حسن علی اورمحمد نواز نے بھی بہتی گنگا میں ہاتھ صاف کیے، فاسٹ بالر سہیل تنویر نے 2 وکٹیں جبکہ محمد نواز اور حسن علی نے ایک ایک وکٹ حاصل کی، پچاس رنزسے پہلے ویسٹ انڈیز کے آٹھ بلے باز پویلین جابیٹھے۔
ڈوئن براوؤ اور جیروم ٹیلر نے نویں وکٹ کیلئے عالمی ریکارڈ بنایا، ویسٹ انڈیز کی پوری ٹیم ایک سوپندرہ رنزپر ڈھیر ہوگئی۔
جواب میں شرجیل خان کی مختصرلیکن تیز اننگز نےپاکستان کی جیت کی بنیاد رکھی، بابر اعظم اورخالد لطیف کی شراکت نے میچ پاکستان کی جھولی میں ڈال دیا، پاکستان نے ہدف ایک وکٹ پر ہی حاصل کرلیا، تاہم تین میچوں کی سیریز میں پاکستان کو ایک صفر کی برتری حاصل ہوگئی۔
یاد رہے ویسٹ انڈیز کی ٹیم نے 2013 کے ٹی ٹوئنٹی میچ میں پاکستان کے خلاف سب سے کم ترین اسکور 124 رنز بنائے تھے تاہم آج کے میچ میں شاہینوں کی عمدہ بالنگ کے باعث ماضی کا ریکارڈ ٹوٹ گیا۔
دبئی : ٹیسٹ کرکٹ میں عالمی نمبر ون رینکنگ حاصل کرنے والی پاکستانی کرکٹ ٹیم پاکستان اور ویسٹ انڈیز کے درمیان آج پہلے ٹی ٹوئنٹی میچ سے سیریز کا آغاز ہوگا۔
تفصیلات کےمطابق دورہ انگلینڈ مکمل کرنے کے بعد قومی ٹیم کا اگلا ٹاکرا ویسٹ انڈیز سے متحدہ عرب امارات کی سرزمین پر ہوم سیریز کی صورت میں ہوگا۔
3 ٹیسٹ، 3 ون ڈے اور 3 ٹی ٹوئنٹی میچز پر مشتمل سیریز کا آغاز دبئی انٹرنیشنل اسٹیڈیم میں آج ہونے والے پہلے ٹی ٹوئنٹی میچ سے ہوگا جبکہ میچ پاکستانی وقت کے مطابق رات 9 بجے شروع ہوگا۔
قومی ٹی ٹوئنٹی ٹیم کے کپتان سرفراز احمد کپتانی کے حصول کے بعد پہلی مرتبہ مکمل سیریز میں قائدانہ صلاحیتیں دکھائیں گے جبکہ اس سے قبل انہوں نے انگلینڈ کے خلاف واحد ٹی ٹوئنٹی میچ میں اپنا سکہ منوایا تھا۔
ایسی ہی صورت حال ویسٹ انڈیز کے کپتان کارلوس بریتھ ویٹ کے ساتھ ہے جنہیں حال ہی میں قیادت سونپی گئی ہے۔
گرین شرٹس کا اسکواڈ کپتان سرفراز احمد، شرجیل خان، خالد لطیف، عمر اکمل، شعیب ملک، بابراعظم، محمد رضوان، عماد وسیم، حسن علی، محمد عامر، وہاب ریاض، سہیل تنویر، محمد نواز، سعد نسیم اور رومان رئیس پر مشتمل ہے۔
دوسری جانب ویسٹ انڈیز کی قیادت کارلوس بریتھ ویٹ کریں گے جنہیں ایون لیوس، جانسن چارلس، مارلن سیمولز، آندرے فلیچر، کیرون پولارڈ، ڈیوائن براوو، جیروم ٹیلر، سیموئل بدری، سنیل نارائن، رومین پاویل، نیکولس پورن ، جیسن ہولڈر، کیسرک ولیم اور چیڈوک والٹن کی خدمات حاصل ہیں۔
پالی کیلے : آسٹریلیا نے سری لنکا کے خلاف تین وکٹوں پر 263 رنز بنا کر بین الاقوامی ٹی 20 کرکٹ کا نیا ریکارڈ قائم کر دیا۔
تفصیلات کے مطابق ریکارڈ بنانے کے ساتھ ساتھ آسٹریلیا نے سری لنکا کو مقررہ 20 اووروں میں نو وکٹوں پر صرف 178 رنز بنانے دیے اور میچ 85 رنز سے جیت لیا۔
آسٹریلیا کی اننگز کے دوران آل راؤنڈر گلین میکس ویل نے صرف 65 گیندوں پر نا قابلِ شکست 145 رنز بنائے جبکہ دیگر کھلاڑیوں میں ہیڈ نے 45، عثمان خواجہ نے 36 اور وارنر نے 28 رنز بنائے۔
سری لنکا کی طرف سے سینانائیکے، پریرا اور پاتھی رانا نے ایک ایک کھلاڑی کو آؤٹ کیا۔
سری لنکا کی ٹیم مقررہ 20 اووروں میں 9 وکٹوں کے نقصان پر صرف 178 رنز بناسکی.سری لنکن ٹیم کی طرف سے چندیمل 58 اور کاپوگیدیرا 43 رنز بنا کر نمایاں سکورر رہے۔
آسٹریلوی بالروں میں سے اسٹارک اور بولینڈ نے تین تین کھلاڑیوں کو آؤٹ کیا جبکہ فاکنر، ہینریکے اور زیمپا نے ایک ایک وکٹ لی۔
یاد رہے اس سے پہلے سری لنکا نے 2007 میں کینیا کے خلاف 260 رنز بنا کر ٹی 20 کرکٹ میں سب سے بڑی اننگز کا ریکارڈ قائم کیا تھا۔
واضح رہے کہ اس سے صرف آٹھ روز پہلے انگلینڈ کی ٹیم نے پاکستان کے خلاف 444 رنز بنا کر ایک روزہ میچوں میں سب سے زیادہ رنز بنانے کا ریکارڈ قائم کیا.انگلینڈ نے بھی سری لنکا کا قائم کیا ہوا ریکارڈ توڑا تھا۔
