دبئی: پاکستان نے سرفراز احمد کی دھواں دار بیٹنگ کی بدولت نیوزی لینڈ کو پہلے ٹی ٹوئنٹی میں 7 وکٹوں سے شکست دے دی, دو میچوں کی سیریز میں پاکستان کو ایک صفر کی سبقت حاصل ہوگئی ہے۔
دبئی کھیلے گئے پہلے ٹی ٹوئنٹی میچ میں پاکستان ٹیم کے بولرز ابتدائی تین اوورز میں تین اہم وکٹیں حاصل کرتے ہوئے نیوزی لینڈ کو دباؤ میں لے آئے تھے۔ پہلی تین وکٹیں مشکل حالات میں کورے ا ینڈرسن نے مارٹن گپٹل اور لیوک رانچی کے ہمراہ اسکور میں اضافہ کیا۔گپٹل بتیس رنز ،اینڈرسن اڑتالیس اور رونچی تینتیس رنز بناسکے، کیوی سائیڈ سات وکٹوں پر ایک سو پینتیس رنز بناسکی۔ محمد عرفان اور سہیل تنویر نے دو، دو ۔ شاہد آفریدی، رضا حسن اور انور علی نے ایک ایک وکٹ حاصل کی۔
جوابی اننگز میں پاکستانی اوپنرز نے اکیاون رنز کی شراکت قائم کی، سرفراز احمد نے شاندار اننگز کھیلتے ہوئے کیریر کی پہلی نصف سنچری اسکور کی اور پاکستان کی کامیابی میں اہم کردار ادا کیا۔
