Tag: پائپ لائن

  • پھٹنے والی پائپ لائن نے کراچی یونیورسٹی کا کروڑوں کا نقصان کر دیا، لیب میں‌ قیمتی کیمیکل ضائع

    پھٹنے والی پائپ لائن نے کراچی یونیورسٹی کا کروڑوں کا نقصان کر دیا، لیب میں‌ قیمتی کیمیکل ضائع

    کراچی: کینجھر جھیل سے کراچی کو پانی فراہم کرنے والی سائفن کی مرمت تو اتوار کو مکمل ہو گئی ہے تاہم پھٹنے والی پائپ لائن نے کراچی یونیورسٹی کا کروڑوں کا نقصان کر دیا ہے۔

    تفصیلات کے مطابق جامعہ کراچی میں پانی کی لائن پھٹنے سے کروڑوں کا نقصان ہوا ہے، شعبہ کیمسٹری کے بیسمنٹ میں پانی جمع ہونے سے کیمیکل ضائع ہو گئے ہیں۔ شعبہ کیمسٹری میں زیر تعلیم طلبہ کے پریکٹیکل کے لیے اب کیمیکل دستیاب نہیں۔

    کراچی یونیورسٹی بیسمنٹ میں پانی بھرا ہوا ہے
    کراچی یونیورسٹی بیسمنٹ میں پانی بھرا ہوا ہے

    کراچی یونیورسٹی ذرائع کا کہنا ہے کہ پانی بھرنے کی وجہ سے مختلف شعبوں کے بیسمنٹ میں فرنیچر، کمپیوٹر اور دیگر اشیا بھی خراب ہو گئی ہیں، ایسے میں جامعہ کے مختلف شعبوں کے بیسمنٹ سے نکاسئ آب جاری ہے۔ گلشن اقبال ٹاؤن کا عملہ بیسمنٹ سے نکاسئ آب کے کام میں آج بھی مصروف رہا، اساتذہ نے کراچی واٹر کارپوریشن سے فوری ازالے کا مطالبہ کر دیا ہے۔


    کراچی : پانی کی لائن پھٹنے سے کراچی یونیورسٹی اسٹاف کالونی کے 400 سے زائد گھر زیرآب


    جامعہ کراچی میں پانی کی 84 انچ کی برسوں کی بوسیدہ پائپ لائن پھٹ گئی تھی، واٹر کارپوریشن نے 96 گھنٹے کے مطلوبہ وقت میں مرمتی کام مکمل کیا، لائن میں شگاف منگل کے روز پڑا تھا، مرمتی کام میں 1971 کی آر سی سی لائن کے متاثرہ حصے کو تبدیل کیا گیا۔

    پانی کی پائپ لائن پھٹنے سے کراچی یونیورسٹی میں 400 سے زائد مکان اور رہائشی علاقے کی تمام سڑکیں زیر آب آگئی ہیں، گھروں میں پانی داخل ہونے سے بھاری مالی نقصان کا سامنا کرنا پڑا، پانی جانے کی وجہ سے کئی ڈپارٹمنٹ میں تدریسی عمل بھی معطل رہا جبکہ شعبہ ٹرانسپورٹ ڈوبے ہونے کی وجہ سے طلبہ کی پوائنٹ کی بسیں بھی روانہ نہیں کی جا سکیں۔

    اسٹاف کالونی میں رہائش پذیر افراد کو اپنے قریبی عزیزوں کے گھر منتقل ہونا پڑا، کراچی یونیورسٹی میں سیلابی صورت حال ہو گئی تھی، اور سائنس فیکلٹی، ماس کمیونی کیشن، کیمسٹری، فزکس، فارمیسی، اور کمپیوٹر سائنس سمیت مختلف ڈپارٹمنٹ ڈوب گئے تھے۔

  • کراچی کے شہریوں کے لیے بڑی خوش خبری، پانی سپلائی کب سے بحال ہوگی؟

    کراچی کے شہریوں کے لیے بڑی خوش خبری، پانی سپلائی کب سے بحال ہوگی؟

    کراچی: کینجھر جھیل سے کراچی کو پانی فراہم کرنے والی سائفن کی مرمت مکمل ہو گئی، شہر قائد کے باسیوں کے لیے خوش خبری ہے کہ آج سے پانی سپلائی بحال ہو جائے گی۔

    تفصیلات کے مطابق واٹر کارپوریشن حکام نے کہا ہے کہ جامعہ کراچی میں پانی کی 84 انچ کی متاثرہ پائپ لائن کا مرمتی کام مکمل ہو گیا ہے۔

    حکام واٹر کارپوریشن کے مطابق شہر کو آج سے پانی کی سپلائی بحال ہو جائے گی، واٹر کارپوریشن نے 96 گھنٹے کے مطلوبہ وقت میں مرمتی کام مکمل کیا، اپ اسٹریم اور ڈاؤن اسٹریم کو پہلے 8 انچ کھولا جائے گا۔

    کراچی پائپ لائن جامعہ کراچی

    حکام نے بتایا کہ منگل کے روز جامعہ کراچی کی حدود میں پانی کی 84 انچ کی لائن میں ایک بڑا شگاف پڑا تھا، جس سے کراچی کے مختلف علاقوں میں پانی کی سپلائی معطل ہو گئی تھی، تاہم لائن کی بحالی کے بعد پانی سپلائی بھی بحال ہو رہی ہے۔

    واٹر کارپویشن حکام کہتے ہیں کہ دن رات کی محنت کے بعد بوسیدہ پائپ تبدیل کر دی گئی ہے، 1971 کی آر سی سی لائن کے متاثرہ حصے کو تبدیل کر دیا گیا ہے، کراچی واٹر کارپوریشن کی جانب سے 94 گھنٹے کی ڈیڈ لائن دی گئی تھی، جو آج اتوار کے روز مکمل ہو گئی۔ ہفتے کے روز بھی عملے اور واٹر کارپوریشن کے حکام نے صورت حال کا تفصیلی جائزہ لیا تھا۔

    واضح رہے کہ پانی کی یہ لائن دھابیجی سے 140 کلو میٹر طویل ہے، 1971 کی آر سی سی لائن انتہائی بوسیدہ ہو چکی ہے، سائفن لائن کی مدت مکمل ہو چکی ہے، اس اہم مرکزی لائن میں متعدد مرتبہ شگاف پڑا ہے۔

  • کراچی کو پانی سپلائی کرنیوالی پائپ لائن پھٹ گئی

    کراچی کو پانی سپلائی کرنیوالی پائپ لائن پھٹ گئی

    ٹھٹہ: دھابیجی پمپنگ اسٹیشن سے کراچی کو پانی سپلائی کرنیوالی پائپ لائن پھٹ گئی۔

    تفصیلات کے مطابق کراچی کو پانی فراہم کرنے والی 72 انچ قطر کی پائپ لائن 5 بجلی کے جھٹکوں کے باعث پھٹ گئی جس سے 4 پمپس متاثر ہوئی ہے۔

    پائپ لائن پھٹنےسے لاکھوں گیلن پانی ضائع ہوگیا  جبکہ کراچی کو دھابیجی سے پانی کی فراہمی بھی معطل ہوگئی، پانی کی فراہمی معطل ہونے سے شاہ لطیف ٹاؤن، لانڈھی، ملیر، کورنگی،گلشن حدید میں پانی کی قلت ہوگئی۔

    ذرائع کا بتانا ہے کہ واٹر بورڈ انتظامیہ کی جانب سے لائن کی مرمت کا کام تاحال شروع نہیں ہوسکا ہے۔

  • پائپ لائن پھٹنے سے کراچی کو پانی فراہم کرنے والے تمام 7 پمپس بند

    پائپ لائن پھٹنے سے کراچی کو پانی فراہم کرنے والے تمام 7 پمپس بند

    ٹھٹھہ: پائپ لائن پھٹنے سے کراچی کو پانی فراہم کرنے والے تمام 7 پمپس بند ہو گئے۔

    تفصیلات کے مطابق کراچی کو پانی فراہم کرنے والی 72 انچ قطر کی پائپ لائن پھٹ گئی، جس کی وجہ سے شہر کو پانی فراہم کرنے والے تمام 7 پمپس بند ہو گئے ہیں۔

    تمام پمپ بند ہونے سے کراچی کو 7 کروڑ گیلن سے زائد پانی کی فراہمی معطل ہو گئی، لانڈی، ملیر، کورنگی، شاہ لطیف ٹاؤن، قائد آباد، گلشن حدید، گلشن اقبال اور دیگر علاقوں میں پانی کی قلت ہوگی۔

    پھٹنے والی پائپ لائن کا مرمتی کام شروع نہ ہو سکا، متاثرہ پائپ لائن سے پانی کا اخراج بھی جاری ہے جس کی وجہ سے پورا علاقہ پانی سے بھر گیا، پائپ لائن کی مرمت کے لیے کراچی سے ٹیکنیکل ٹیم روانہ ہوگی۔

  • پائپ لائن پھٹنے سے کراچی کو 530 ملین گیلن کی پانی فراہم معطل

    پائپ لائن پھٹنے سے کراچی کو 530 ملین گیلن کی پانی فراہم معطل

    ٹھٹھہ: پائپ لائن پھٹنے سے کراچی کو 530 ملین گیلن کی پانی فراہم معطل ہو گیا۔

    تفصیلات کے مطابق دھابیجی پمپنگ اسٹیشن پر بجلی کا بریک ڈاؤن ہونے سے 72 انچ قطر کی لائن نمبر 5 پھٹ گئی، جس سے 4 پمپ بند ہو گئے، اور کراچی کو 530 ملین گیلن کی پانی فراہم معطل ہو گیا۔

    چیف انجینئر واٹر بورڈ کا کہنا ہے کہ پائپ لائن کی بحالی کا کام ہنگامی بنیادوں پر شروع کر دیا گیا ہے اور متاثرہ لائن کا مرمتی کام 24 گھنٹے میں مکمل کر دیا جائے گا۔

    چیف انجینئر نے کہا کہ کراچی شہر کو پانی کی فراہمی متبادل لائنوں سے جاری ہے۔

    دوسری طرف کراچی والوں کے لیے رمضان امتحان بن گیا ہے، گیس بحران کے بعد پانی کا بحران بھی سر اٹھانے لگا ہے، سخی حسن ہائیڈرنٹ میں پانی کی عدم فراہمی پر نارتھ کراچی اور بفرزون کے مکینوں نے مظاہرہ کیا۔

    مظاہرین کا کہنا ہے کہ پانی کی بوند بوند کو ترس گئے ہیں، حکومت رمضان میں کچھ تو خیال کرے۔

  • بھارت: گھر کی پائپ لائن سے پانی کی جگہ لاکھوں روپے نکل آئے (ویڈیو)

    بھارت: گھر کی پائپ لائن سے پانی کی جگہ لاکھوں روپے نکل آئے (ویڈیو)

    کرناٹک: بھارت میں ایک سرکاری افسر کے گھر کی پائپ لائن سے لاکھوں روپے برآمد کیے گئے۔

    تفصیلات کے مطابق بھارتی ریاست کرناٹک کے ضلع کلبرگی میں پبلک ورکس ڈپارٹمنٹ کے ایک افسر شانتھا گاؤدا برادر نے کرپشن کی رقم چھپانے کے لیے اپنے گھر میں خصوصی طور پر ایک الگ پائپ لائن بنائی تھی۔

    تاہم، پی ڈبلیو ڈی کے انجینئر کی یہ چالاکی کام نہ آ سکی، جب اینٹی کرپشن بیورو کے حکام نے خفیہ اطلاع پر چھاپا مارا تو گھر کی اچھی طرح تلاشی کے بعد آخر کار چھپائی گئی رقم برآمد کر لی گئی۔

    رپورٹس کے مطابق انجینئر شانتھا گاؤدا نے پائپ لائن میں 25 لاکھ روپے کے نوٹ چھپا رکھے تھے، پائپ لائن توڑی گئی تو اس میں سے بڑی مقدار میں سونا بھی نکل آیا۔

    اینٹی کرپشن کے حکام نے تلاشی کے دوران جب معلوم کیا کہ نوٹ پائپ لائن میں ہیں، تو ایک پلمبر کو بلایا گیا، جس نے پائپ لائن کھول کر پیسے برآمد کر لیے۔

    چھاپے کے دوران بنائی گئی ویڈیو میں دیکھا جا سکتا ہے کہ حکام اور پلمبر پائپوں کے حصے ہٹا رہے ہیں اور اندر سے نوٹوں کی گڈیاں نکل رہی ہیں، بظاہر یہ پائپ دکھاوے کے لیے تھے تاکہ غیر قانونی رقم چھپائی جا سکے۔

  • سعودی تیل کی پائپ لائن پر حملہ عراقی سرزمین سے ہوا، امریکی اخبار

    سعودی تیل کی پائپ لائن پر حملہ عراقی سرزمین سے ہوا، امریکی اخبار

    بغداد/واشنگٹن : امریکی اخبارنے دعویٰ کیا ہے کہ امریکی حکام تحقیقات کے بعد اس نتیجے پر پہنچے ہیں کہ مئی میں سعودی تیل پائپ لائن پر حملوں میں عراق کی سرزمین استعمال کی گئی تھی، دوسری جانب سے عراق نے امریکا سےثبوت کی فراہمی کا مطالبہ کردیا۔

    تفصیلات کے مطابق امریکی حکام نے بتایاکہ عراق سے اڑائے گئے ڈرون طیاروں کے ذریعے تیل کی صنعت کو تباہ کرنے کی کوشش کی گئی، امریکی اخبار کے دعوے پر عراقی حکومت نے اس حوالے سے امریکا سے مزید معلومات فراہم کرنے کا مطالبہ کیا ہے۔

    اخبار نے باخبر عہدیداروں کے حوالے سے بتایا کہ مئی میں سعودی عرب کی تیل پائپ لائن پر حملوں کے لیے جنوبی عراق سے ڈرون طیارے بھیجے گئے، عراق سے کی گئی کارروائی سے اشارہ ملتا ہے کہ سعودی تیل پائپ لائن پر حملہ ایرانی حمایت یافتہ ملیشیاؤں نے کیا۔

    خیال رہے کہ مئی میں سعودی عرب کی تیل پائپ لائن پر ڈرون طیاروں کی مدد سے کیے گئے حملوں کے نتیجے میں دو دن تک تیل کی سپلائی متاثر رہی جس کے بعد سپلائی بحال کر دی گئی تھی۔

    غیر ملکی خبر رساں ادارے کا کہنا تھا کہ یہ حملہ سعودی عرب کے مشرقی علاقے میں ینبع بندرگاہ کے قریب شرقا غربا بچھائی گئی پائپ لائن پر کیا گیا۔ اس تیل پائپ لائن سے یومیہ 50 لاکھ بیرل تیل منتقل کیا جاتا ہے۔

  • کراچی: پائپ لائن پھٹنے سے سڑکیں زیر آب، شہری مشکلات کا شکار

    کراچی: پائپ لائن پھٹنے سے سڑکیں زیر آب، شہری مشکلات کا شکار

    کراچی : ترقیاتی کاموں کے باعث سیوریج لائن پھٹنے سے شہر  کی مختلف سڑکیں تالاب کا منظر پیش کرنے لگیں، جس کے باعث شاہراہوں پر شدید ٹریفک جام ہوگیا۔

    تفصیلات کے مطابق شہر قائد کی مختلف شاہراہوں پر ترقیاتی کام کے باعث جمعرات کی صبح سیورج کی پائپ لائن پھٹ گئی جس سے سڑک زیر آب آگئی اور پوری شاہراہ پر ٹریفک جام ہوگیا جس نے شہریوں کے منٹوں کے سفر کو گھنٹوں میں تبدیل کردیا۔

    ذرائع کا کہنا ہے کہ پائپ لائن پھٹنے کے باعث جیل چورنگی سے مزار قائد جانیوالی سڑک پر سیوریج کا پانی جمع ہوگیا جس کے باعث جیل چورنگی کے قریب سڑک پر گڑھا پڑھ گیا اور شاہراہ تالاب کا منظر پیش کرنے لگی۔

    ذرائع کے مطابق سڑکوں پر سیوریج کا پانی جمع ہونے کے باعث کشمیر روڈ جانے والی سڑک پر بھی ٹریفک کے دباؤ میں شدید اضافہ ہوگیا، شہریوں کےلیے ٹریفک کی روانی کو برقرار رکھنے والے ٹریفک اہلکاروں نے شہریوں کو مشورہ دیا کہ ’جلد بازی نہ کریں ورنہ پھسل جائیں گے‘۔

    ذرائع کا کہنا ہے کہ جیل چورنگی، سبزی منڈی، نیپا، گلستان جوہر، ناظم آباد، نارتھ ناظم آباد، لائنز ایریا بھی پانی جمع ہونے کی وجہ سے شدید ٹریفک جام ہے۔

    مزید پڑھیں : بجلی کے بریک ڈاؤن کے باعث کراچی کو پانی کی فراہمی بھی معطل

    پائپ لائن پھٹنے کا پہلا واقعہ دھابیجی پمپنگ اسٹیشن پر پیش آیا جب اچانک بجلی چلے جانے کے باعث 72 انچ قطر کی پائپ لائن نمبر پانچ دباؤ برداشت نہ کرسکی اور پانی کے دباؤ سے پھٹ گئی تھی۔؎

    پائپ لائن کی درستگی کے واٹر بورڈ کا عملہ اور ہیوی مشینری روانہ کردی کی گئی تھی تاہم تب تک ہزاروں گیلن پانی سڑک پر بہہ چکا تھا۔

  • دھابیجی پمپنگ اسٹیشن پر پائپ لائن پھٹ گئی

    دھابیجی پمپنگ اسٹیشن پر پائپ لائن پھٹ گئی

    کراچی: دھابیجی پمپنگ اسٹیشن پر پانی کی پائپ لائن پھٹ گئی جس کے باعث کراچی کو پانی کی سپلائی معطل ہوگئی۔ ترجمان واٹر بورڈ نے شہریوں کو پانی احتیاط سے استعمال کرنے کی ہدایت کی ہے۔

    ترجمان واٹر بورڈ کے مطابق دھابیجی پمپنگ اسٹیشن پر بجلی کی طویل لوڈ شیڈنگ جاری ہے۔

    بجلی کی کمی بیشی کے باعث 72 انچ قطر کی پائپ لائن پھٹ گئی جس سے کراچی کو پانی کی فراہمی معطل ہوگئی۔

    ترجمان کا کہنا ہے کہ کراچی کو 5 کروڑ گیلن سے زائد پانی فراہم نہیں کیا جا سکا۔

    واٹر بورڈ نے ہدایت کی ہے کہ شہری پانی احتیاط سے استعمال کریں۔


  • گلشن اقبال میں چوراسی قطر کی پائپ لائن پھٹ گئی، سڑکیں تالاب بن گئیں

    گلشن اقبال میں چوراسی قطر کی پائپ لائن پھٹ گئی، سڑکیں تالاب بن گئیں

    کراچی: شہر قائد کی سڑکیں تالاب کا منظر پیش کرنے لگی پانی پائپ لائن پھٹنے سے شہر کی اہم شاہراوں پر پانی پانی ہوگیا، جس کے باعث شدید ٹریفک جام ہوگیا ۔

    گلشن اقبال میں چوراسی قطر کی پائپ لائن پھٹنے سے یونیورسٹی روڈ تالاب کا منظر پیش کرنے لگا، لائن پھٹنے کے باعث پانچ گروڑ گیلن پانی سڑکوں پر بہہ گیا۔پانی کے باعث شہر کی اہم شاہراہوں پر بدترین ٹریفک جام ہوگیا ۔

    ٹریفک جام میں پھنسی گاڑیوں کا ایندھن ختم ہوا تو کچھ کی گاڑیوں میں پانی بھر جانے سے گاڑیاں بند ہوگئیں لوگوں کو پانی میں چل کر سڑک پار کرنا پڑی۔

    واٹر بورڈ کا کے مطابق پائپ لائن کی مرمت میں اڑتالیس گھنٹے لگ سکتے ہیں، لائن پھٹنے سے لیاری جمشید ٹاؤن پی ای سی ایچ ایس کے علاقے متاثر ہوئے ہیں،جبکہ گلشن اقبال اور اطراف میں پانی فراہمی معطل ہوگئی۔