ARYNews.tv | Urdu – Har Lamha Bakhabar

Tag: پابندی عائد

  • سعودی عرب نے بڑی پابندی عائد کر دی

    سعودی عرب نے بڑی پابندی عائد کر دی

    سعودی عرب میں وزارتِ داخلہ یا عدالتی حکم کے بغیر سیکیورٹی سرویلنس کیمرے کی ریکارڈنگ کی منتقلی یا اشاعت پر پابندی لگادی گئی ہے۔

    سعودی خبر رساں ادارے کی رپورٹ کے مطابق اس قانون کی خلاف ورزی کرنے والے پر 20 ہزار ریال جرمانہ عائد کیا جائے گا۔

    رپورٹس کے مطابق سیکیورٹی سرویلنس کیمرا سسٹم کے آلات یا ریکارڈنگ کو تباہ یا سبوتاژ کرنا بھی قابلِ سزا جرم ہے۔

    عرب میڈیا کا اس حوالے سے کہنا ہے کہ سیکیورٹی سرویلنس کیمرے کی ریکارڈنگز کو صرف وزارت داخلہ کی منظوری، عدالتی حکم یا تفتیشی اتھارٹی کی درخواست پر منتقل یا شائع کیا جاسکے گا۔

    دوسری جانب سعودی عرب میں رہنے والے باشندے خبردار ہو جائیں کہ اب سڑکوں کو نقصان پہنچانے پر ایک لاکھ ریال جرمانہ کیا جائے گا۔

    عوامی سہولیات کے تحفظ کے قانون کے تحت متعارف کرائے گئے نئے ضوابط کے مطابق ان افراد پر 100,000 ریال کا زیادہ سے زیادہ جرمانہ عائد کیا جائے گا جو جان بوجھ کر عوامی سڑکوں یا سیلابی نکاسی کے نظام کو نقصان پہنچاتے ہیں۔

    نئے قانون کے تحت سڑک کو جان بوجھ کر بلاک کرنے یا رکاوٹ ڈالنا بھی قابلِ جرمانہ ہے۔

    سعودی عرب کی ایک اور ایئر لائن کا پاکستان کے لیے فلائٹ آپریشن کا آغاز

    یہ ضوابط جن کا مقصد عوامی بنیادی ڈھانچے کی حفاظت اور بلاتعطل خدمات کو یقینی بنانا ہے خلاف ورزیوں کے لیے سخت سزائیں مقرر کی گئی ہیں۔

  • شہر بھرمیں آتش بازی پر مکمل پابندی عائد

    شہر بھرمیں آتش بازی پر مکمل پابندی عائد

    لاہور: ادارہ تحفظ ماحولیات کی جانب سے نئے سال 2025 کی آمد کے موقع پر شہر بھرمیں آتش بازی پر مکمل پابندی عائد کردی گئی ہے۔

    اے آر وائی نیوز کے مطابق ادارہ تحفظ ماحولیات نے اس حوالے سے نوٹیفکیشن بھی جاری کردیا ہے۔

    ڈپٹی کمشنر لاہور کا کہنا ہے کہ خلاف ورزی پر بلا امتیاز سخت کارروائیاں عمل میں لائی جائیں گی، فضائی آلودگی کے پیش نظر نوٹیفکیشن جاری کیا گیا ہے۔

    انہوں نے کہا کہ اسموگ کے تدارک کیلئے کوشاں ہیں، شہری بھی تعاون کریں، صحت کا خیال رکھنا اولین ترجیح ہے۔

    دوسری جانب کراچی میں نیو ایئر نائٹ پر ہوائی فائرنگ کرنے والے ہوجائیں ہوشیاراب ہوائی فائرنگ کرنے والوں کے خلاف اقدام قتل کا مقدمہ درج کیا جائے گا۔

    ایڈیشنل آئی جی کراچی جاوید عالم اوڈھو نے کہا ہے کہ نیو ایئر نائٹ پر ہوائی فائرنگ کرنے والوں کے خلاف اقدام قتل کا مقدمہ درج کیا جائے گا۔

    جاوید عالم اوڈھو کا کہنا تھا کہ پچھلے سال بھی نیوائیرنائٹ پر 31 افراد زخمی ہوئے تھے اس لیے شہریوں سے گزارش ہے ایف آئی آر ضرور درج کرائیں، کوئی مسئلہ آئے گا تو ہم ہیں۔

    سال نو کی رات سی ویو جانے والے ہوشیار، پولیس نے حکمت عملی بنالی

    ایڈیشنل آئی جی کراچی جاوید عالم اوڈھو نے مزید کہا کہ گزارش ہے ہوائی فائرنگ سے اجتناب کریں اور اچھے طریقے سے نیو ائیر منائیں۔

  • افغانستان میں کھڑکیوں پر پابندی

    افغانستان میں کھڑکیوں پر پابندی

    طالبان کے سپریم لیڈر کی جانب سے جاری کردہ حکم نامے کے مطابق رہائشی عمارتوں میں افغان خواتین کے زیر استعمال حصوں پر نظر رکھنے والی کھڑکیوں کی تعمیر پر پابندی عائد کردی ہے اور موجودہ کھڑکیوں کو بلاک کرنے کا حکم دیا ہے

    غیر ملکی میڈیا کے مطابق طالبان کے سپریم لیڈر نے ایک حکم نامہ جاری کیا ہے۔ اس حکمنامے کے تحت رہائشی عمارتوں میں ایسی کھڑکیوں کی تعمیر پر پابندی عائد کی گئی ہے، جہاں سے ہمسائے میں خواتین کے زیر استعمال علاقہ نظر آتا ہے جب کہ موجود کھڑکیوں کو بند کرنے کا اعلان بھی کیا ہے۔

    طالبان حکومت کے ترجمان ذبیح اللہ کی جانب سے گزشتہ ہفتہ کے روز جاری بیان میں کہا گیا ہے کہ نئی عمارتوں میں ایسی کھڑکیاں نہیں ہونی چاہئیں، جن سے پڑوس کے گھروں کے صحن، باورچی خانے، کنویں اور خواتین کے عمومی استعمال کی دیگر جگہوں کو دیکھا جا سکتا ہو۔

    حکومتی ترجمان کی جانب سے سوشل میڈیا پلیٹ فارم ایکس پر پوسٹ کیے گئے حکم نامے کے مطابق ’خواتین کو باورچی خانے، صحن میں کام کرتے ہوئے یا کنوؤں سے پانی بھرنے کے دوران انہیں دیکھنا فحش حرکتوں کا باعث بن سکتا ہے۔

    حکم نامے میں کہا گیا ہے کہ مالکان کو کہا جائے گا کہ وہ پڑوسیوں کو پریشانیوں سے بچانے کے لیے‘ موجودہ کھڑکیوں کی جگہ دیوار تعمیر کریں یا کھڑکی بند کریں۔

    طالبان حکومت نے اس حوالے سے میونسپل حکام اور دیگر متعلقہ محکموں کو تعمیراتی مقامات کی نگرانی کرنے کی ہدایت بھی کی ہے۔

  • کراچی میں صبح 6 سے رات 11 بجے تک ڈمپر چلانے پر پابندی عائد

    کراچی میں صبح 6 سے رات 11 بجے تک ڈمپر چلانے پر پابندی عائد

    کراچی پولیس چیف جاوید عالم اوڈھو نے حادثات سے بچاؤ کیلئے کراچی میں صبح 6 سے رات 11 بجے تک ڈمپر چلانے پر پابندی لگادی ہے۔

    تفصیلات کے مطابق کراچی ایڈیشنل انسپکٹر جنرل (آئی جی) اور پولیس چیف کراچی جاوید عالم اوڈھو نے اے آر وائی سے گفتگو میں کہا کہ شہر میں ہر دوسرا حادثہ جان لیوا ثابت ہوتا ہے، حادثات سے بچاؤ کیلئے صبح 6 سے رات 11 بجے تک ڈمپر چلانے پر پابندی لگادی  ہے۔

    کراچی پولیس چیف جاوید عالم اوڈھونے کہا کہ کراچی میں قیمتی انسانی جانوں کا ضیاع ہورہا ہے، کرمنلز زیادہ تعداد میں پکڑے اور مارے جارہے ہیں لیکن دوسری جانب پولیس کے لیے یہ نیا محاذ شروع ہوگیا ہے۔

    انہوں نے بتایا کہ شہر میں اس سال 900 کے قریب حادثات ہوئے جس میں بد قسمتی سے 50 فیصد سے زائد حادثات جان لیوا ہیں، کراچی میں ہونے والا ہر دوسرا حادثہ جان لیوا ہے۔

    جاوید عالم اوڈھو نے کہا کہ 57 فیصد حادثات موٹرسائیکل سواروں کیساتھ پیش آئے، کراچی میں 75 فیصد موٹرسائیکل سوار ہیلمٹ نہیں پہنتے جبکہ بڑی تعداد میں نوجوان شہری لائسنس نہیں بنواتے ہیں۔

    کراچی پولیس چیف نے کہاکہ ٹریفک پولیس نے تقریباً چار لاکھ چالان و جرمانے کیئے، دسمبر میں ہیوی ٹریفک کو30 ہزار چالان کئے اور 7 ہزار ست زائد ڈرائیور کو گرفتار کیا۔

    کراچی ایڈیشنل انسپکٹر جنرل جاوید عالم اوڈھو نے مزید کہا کہ موٹر سائیکل سوار اور رکشہ ڈرائیوروں کے خلاف آگاہی مہم کے بعد ایکشن ہوگا، ہر صورت ٹریفک قوانین پرعمل چاہتے ہیں جرمانے، گرفتاریاں دونوں ہونگی۔

  • ٹک ٹاک صارفین ہوشیار : نئی پابندی عائد کرنے کا فیصلہ

    ٹک ٹاک صارفین ہوشیار : نئی پابندی عائد کرنے کا فیصلہ

    دنیا بھر میں مقبول سوشل میڈیا پلیٹ فارم ٹک ٹاک پر تصاویر اور ویڈیوز اپلوڈ کرنے کیلیے شوقیہ صارفین مختلف انداز اختیار کرتے ہیں جن میں تصاویر کو فلٹر کرنا بھی شامل ہے۔

    لیکن اب ٹک ٹاک انتظامیہ نے تصاویر کو فلٹر کرنے کے حوالے سے نئی پابندی لگانے کا فیصلہ کیا ہے، جس کے بعد 18 سال سے کم عمر نوجوان صارفین بیوٹی فلٹرز کو استعمال نہیں کرسکیں گے۔

    اس حوالے سے کمپنی کے ترجمان کا کہنا ہے کہ آنے والے ہفتوں میں 18 سال سے کم عمر صارفین کو شخصیت بدل دینے والے ایفیکٹس کے استعمال سے روک دیا جائے گا، اس اقدام کا مقصد کم عمر افراد کو ذہنی صحت کے مسائل سے محفوظ رکھنا ہے۔

    face filters

    رپورٹ کے مطابق بیوٹی فلٹر تصاویر ریئل ٹائم ویڈیو پر لگایا جاتا ہے تاکہ چہرے کی کشش میں اضافہ کیا جاسکے۔ اس طرح کے فلٹرز کے عام ایفیکٹس میں جلد کی ساخت کو ہموار کرنا اور آنکھوں کو بڑا یا ناک کو تنگ کرنا بھی شامل ہیں۔

    ٹک ٹاک نے اس تبدیلی کا اعلان یورپین سیفٹی فارم پر کیا ہے، تاہم ابھی واضح نہیں ہے کہ ایسا دنیا بھر میں کیا جا رہا ہے یا صرف یورپی ممالک میں ہی اس پرعمل درآمد کیا جائے گا۔

    Filters for Teens

    اس سے قبل انٹرنیٹ پر بچوں کے تحفظ کے لیے کام کرنے والے ادارے انٹرنیٹ میٹرز نے ایک رپورٹ میں بتایا تھا کہ بیوٹی فلٹرز سے بچوں پر آن لائن مخصوص انداز سے نظر آنے کا دباؤ بڑھتا ہے، جس سے ذہنی امراض کا خطرہ بڑھتا ہے۔

    کمپنی ترجمان کا کہنا ہے کہ عمر پر پابندی کا اطلاق ایسے فلٹرز پر نہیں ہوگا جن کو تفریحی مقاصد کے لیے تیار کیا گیا ہوگا۔

  • لاہور میں دفعہ 144 نافذ، تمام سرگرمیوں پر پابندی عائد

    لاہور میں دفعہ 144 نافذ، تمام سرگرمیوں پر پابندی عائد

    حکومتِ پنجاب نے لاہور میں 6 دن کے لیے دفعہ 144 کے تحت پابندیاں عائد کر دیں۔

    تفصیلات کے مطابق محکمہ داخلہ پنجاب نے دفعہ 144 کے تحت پابندیوں کے اطلاق کا نوٹیفکیشن جاری کر دیا، جس کے مطابق شہر میں سیاسی اجتماعات، دھرنے، جلسے، مظاہرے، احتجاج اور ایسی تمام سرگرمیوں پر پابندی عائد کی گئی ہے۔

    پاکستان تحریک انصاف نے ہفتے کے روز لاہور میں احتجاجی مظاہرے کا اعلان کر رکھا ہے، نوٹیفکیشن میں کہا گیا ہے کہ پابندی کا اطلاق آج سے 8 اکتوبر تک ہوگا۔

    محکمہ داخلہ پنجاب کا کہنا ہے کہ امن وامان کے قیام، انسانی جانوں اور املاک کے تحفظ کیلئے دفعہ 144 نافذ کی گئی ہے کیوںکہ سیکیورٹی خطرات کے پیش نظر عوامی اجتماع دہشت گردوں کیلئے سافٹ ٹارگٹ ہوسکتا ہے۔

    محکمہ داخلہ کا کہنا ہے کہ دفعہ 144 کے نفاذ کا فیصلہ ضلعی انتظامیہ کی سفارش پر کیا گیا ہے، عوامی آگاہی کیلئے دفعہ 144 کے نفاذ کی بڑے پیمانے پر تشہیر کی ہدایت کی گئی ہے۔

  • سوشل میڈیا کے استعمال پر پابندی عائد،نوٹیفکیشن جاری

    سوشل میڈیا کے استعمال پر پابندی عائد،نوٹیفکیشن جاری

    اسلام آباد : وفاقی پولیس کے افسران و اہلکاروں کے سوشل میڈیا کے استعمال پر پابندی عائد کردی گئی اور پرنٹ میڈیا میں مضامین شائع کرنے، سوشل میڈیا پر رائے دینے سے بھی روک دیا گیا۔

    تفصیلات کے مطابق وفاقی پولیس کے سوشل میڈیا کے استعمال پر پابندی عائد کردی گئی اور نوٹیفکیشن جاری کردیا گیا،.

    نوٹیفکیشن میں کہا گیا کہ پولیس افسران و اہلکاروں کوسرکاری حیثیت میں عوامی فورمز پر بولنے پر پابندی عائد کی گئی اور پرنٹ میڈیا میں مضامین شائع کرنے، سوشل میڈیا پر رائے دینے سے بھی روک دیا گیا ہے۔

    نوٹیفکیشن میں کہنا ہے کہ سرکاری احاطے،عمارتوں اور پولیس کی وردی کیساتھ ویڈیوز اور تصاوی ربنانے پر پابندی عائد کی گئی ہے۔

    وفاقی پولیس کےافسران واہلکاروں پر ذاتی تشہیر گاڑیوں یا دیگر نجی جگہوں پر جانا ممنوع ہے جبکہ کسی قسم کی خفیہ یاسرکاری دستاویزات، تصاویر یا مواد اپ لوڈ نہیں کیا جائے گا۔

    نوٹیفکیشن میں مزید کہا گیا کہ سوشل میڈیاپردستاویزات،پولیس افسران ذاتی،سیاسی یامذہبی خیالات شیئرنہیں کرسکتے۔

    نوٹیفکیشن کے مطابق پولیس کی سرگرمیوں سےمتعلق سرکاری چینلزصرف پبلک ریلیشن برانچ سےچلائیں گے جبکہ افسران،اہلکاروں کوڈی آئی جی ہیڈکوارٹرز،سی پی اوسےباقاعدہ اجازت حاصل کرناہوگی

  • منشیات کی تیاری و کھپت میں استعمال ہونے والے اشیا کی فروخت پر پابندی عائد

    منشیات کی تیاری و کھپت میں استعمال ہونے والے اشیا کی فروخت پر پابندی عائد

    کراچی : منشیات کی تیاری وکھپت میں استعمال ہونےوالےاشیاکی فروخت پر پابندی عائد کردی گئی ، متعلقہ تھانوں کےایس ایچ اوزخلاف ورزی پرمقدمات درج کرسکتے ہیں۔

    تفصیلات کے مطابق محکمہ ایکسائز حکومت سندھ نے منشیات کی تیاری و کھپت میں استعمال ہونے والے اشیاء کی فروخت پر پابندی عائد کردی۔

    سندھ کے سینئر وزیر شرجیل انعام میمن کی ہدایات پر کمشبر کراچی نے احکامات جاری کر دیئے، جس میں کہا ہے کہ لکڑی، ایکریلک، شیشے، پتھر، پلاسٹک و سیرامک کے پائپ، روچ کلپس، چلم، بونگس، میریجوانا پائپ اور دیگر اشیاء کی فروخت پر دفعہ 144 نافذ ہے۔

    نوٹیفکیشن میں کہا گیا کہ متعلقہ تھانوں کے سٹیشن ہاؤس آفیسرز (ایس ایچ اوز) پاکستان پینل کوڈ (PPC) کی دفعہ 188 کے تحت خلاف ورزیوں کے خلاف مقدمات درج کرنے کے مجاز ہیں۔

    صوبائی وزیر شرجیل انعام میمن کا کہنا ہے کہ یہ پابندی سندھ میں منشیات کے استعمال کے خلاف جاری ہماری جنگ میں ایک اہم قدم ہے، ہمارا مقصد ایسے آلات کی دستیابی کی حوصلہ شکنی کرنا ہے جو منشیات کے کھپت میں استعمال ہوتے ہیں، شرجیل انعام میمن

    انھوں نے مزید کہا کہ عوام، خاص طور پر نئی نسل، کو منشیات کی لعنت سے بچانے کے لیے سخت اقدامات کرتے رہیں گے۔

  • پولیس اہلکاروں پر بڑی پابندی عائد

    پولیس اہلکاروں پر بڑی پابندی عائد

    لاہور: لاہور کی اہم شاہراہوں پر پولیس اہلکاروں پر شہریوں سے لفٹ لینے پر پابندی عائد کردی گئی ہے۔

    اے آر وائی نیوز کے مطابق ڈی آئی جی پی ایچ پی نے لفٹ لینے پر پابندی سے متعلق حکم نامہ جاری کر دیا ہے۔ مراسلے میں کہا گیا ہے کہ رنگ روڈ، جی ٹی روڈ اور موٹروے پر لفٹ لینے والوں کو معطل کیا جائیگا۔

    مراسلے کے مطابق افسران واہلکار شاہراہوں پر گاڑیاں روک کرلفٹ لیتے نظر آتے ہیں، ایسا کرنے والوں کیخلاف محکمانہ کارروائی بھی کی جائیگی۔

    دوسری جانب ایڈیشنل آئی جی جاوید عالم اوڈھو نے شہریوں کی سہولت کے لیے پولیس ون فائیو اینڈرائیڈ ویپ کا افتتاح کر دیا۔

    تفصیلات کے مطابق کراچی پولیس نے جرائم کے شکار ہونے سے بچانے کے لیے شہریوں کی بروقت مدد کے لیے اینڈرائیڈ ایپ لانچ کر دی ہے، جسے اپنے موبائل فون پر ڈاؤن لوڈ کیا جا سکتا ہے۔

    افتتاحی تقریب میں ڈی آئی جی ایسٹ عمران یعقوب نے ’مددگار پولیس ایپ‘ کے حوالے سے بریفنگ دی، اور بتایا کہ شہری اس ایپ کو ڈاؤن لوڈ کر لیں، اس کی مدد سے کال کرنے والے شہری کی لوکیشن کو دیکھ کر پولیس بروقت اس کی مدد کے لیے پہنچ سکے گی۔

    پولیس اہلکاروں نے ضبط شدہ 60 موٹر سائیکلیں فروخت کر دیں

    اس ایپ کی مدد سے شہری کسی بھی واردات کی رپورٹ بھی بروقت کروا سکتے ہیں، مددگار پولیس ایپ گوگل پلے اسٹور سے ہر شہری بہ آسانی ڈاؤن لوڈ کر سکتا ہے۔

  • کویت میں بڑی پابندی عائد کردی گئی

    کویت میں بڑی پابندی عائد کردی گئی

    کویتی وزارت تجارت نے پرائیوٹ سیکٹر میں کام کرنے والے ملازمین پر کاروبار کرنے یا کسی کاروبار میں شریک بننے پر پابندی عائد کردی ہے۔

    بین الاقوامی خبر رساں ادارے کی رپورٹ کے مطابق وزارت تجارت کا اس حوالے سے کہنا ہے کہ کویت کے نئے قوانین کے مطابق صرف وہ غیر ملکی کویت میں کاروبار کرسکتے ہیں یا کسی کاروبار میں شریک ہوسکتے ہیں جو انویسٹر کا اقامہ رکھتے ہیں۔

    وزارت تجارت کی جانب سے لیبر قوانین کے تحت دفعہ 19 میں بھی ترمیم کی ہے جس کا تعلق غیر ملکی سرمایہ داروں سے ہے۔

    کویتی وزارت تجارت کا کہنا ہے کہ اعداد وشمار سے معلوم ہوا ہے کہ کویت میں مقیم 10 ہزار غیر ملکی جو پرائیوٹ سیکٹر سے منسلک ہیں وہ 45 ہزار تجارتی لائسنس کے مالک ہیں یا کسی نہ کسی حد تک شریک ہیں۔

    وزارت تجارت کے بیان میں کہا گیا ہے کہ وہ تمام تجارتی لائسنس نیا قانون منظور ہونے کے بعد منسوخ قرار دیئے جائیں گے جن میں دفعہ 19 کے تحت نہ آنے والا کوئی غیر ملکی شریک یا مالک ہوگا۔

    کویت کی وزارت تجارت کی جانب سے کاروبار کرنے والے اور دفعہ 19 کے تحت نہ آنے والے غیر ملکیوں کو ہدایت کی ہے کہ اگر وہ کاروبار کو جاری رکھنا چاہتے ہیں تو اپنی قانونی حیثیت درست کرلیں یا کاروبار بند کردیں۔

    کویت ایئرویز نے اہم اعزاز حاصل کرلیا

    وزارت تجارت کے ماتحت مقامی مارکیٹ کا جائزہ لینے والی کمیٹی کا کہنا ہے کہ ’نافذ العمل تجارتی لائسنسوں کا جائزہ لینے سے یہ بات سامنے آئی ہے کہ ایسے 45 ہزار تجارتی لائسنس ہیں جن میں شریک یا مالک غیر ملکی ہے اور وہ خود پرائیوٹ سیکٹر میں کام کرتا ہے‘۔