ARYNews.tv | Urdu – Har Lamha Bakhabar

Tag: پابندی عائد

  • وزیراعظم عمران خان کے ایک فیصلے سے عوام کو بڑا ریلیف مل گیا

    وزیراعظم عمران خان کے ایک فیصلے سے عوام کو بڑا ریلیف مل گیا

    اسلام آباد : وزیراعظم عمران خان نے چینی برآمد پر پابندی عائد کرنے کی تجویزمنظورکرلی ، پابندی کےنتیجےمیں ساڑھے3 لاکھ  ٹن چینی کی برآمدروک لی جائےگی۔

    تفصیلات کے مطابق حکومت نے چینی کی برآمدپرفوری پابندی عائدکرنےکافیصلہ کرلیا ہے اور وزیراعظم عمران خان نےچینی برآمدپرپابندی عائدکرنےکی تجویز منظور کرلی ہے اور سمری اقتصادی رابطہ کمیٹی کوبھیج دی گئی ہے۔

    پابندی کے نتیجے میں ساڑھے3لاکھ ٹن چینی کی برآمدروک لی جائےگی، حکومت طلب اوررسدکافرق پوراکرنےکےلئےچینی درآمدبھی کرےگی جبکہ چینی درآمد کرنے کی سمری بھی اقتصادی رابطہ کمیٹی کو بھجوا دی گئی ہے۔

    یاد رہے عوام کی مشکلات کے پیش نظر وزیراعظم نے چینی برآمدکرنے پر پابندی عائد کرنے کا بڑا فیصلہ کیا تھا ، قیمت میں اضافے اور مصنوعی قلت کے تدارک کیلئے فیصلہ کیاگیا تھا۔

    مزید پڑھیں : عوام کیلئے ریلیف، وزیراعظم عمران خان کا بڑی پابندی عائد کرنے کا فیصلہ

    وزیراعظم کی جانب سے 1100ملین ٹن چینی کےباقی ماندہ کوٹےکی برآمد نہ کرنے کیلئے اقتصادی رابطہ کمیٹی سے رجوع کرنے اور وفاقی سطح پر کامرس ڈویژن کو3لاکھ ملین ٹن چینی درآمد کرنے کا کہا گیا تھا ۔

    فیصلے کے بعد ٹیکس اور امپورٹ ڈیوٹی کے بغیر درآمد ملکی پیداوار کے مقابلے چینی سستے نرخ پر دستیاب ہوگی۔

    ادارہ شماریات کے مطابق چینی کی ہفتہ وارقومی ریٹیل پرائس79.06روپےفی کلوہے اور عالمی تنظیموں کےمطابق یہ قیمت اس وقت62.60 روپے فی کلو گرام ہے۔

  • کالے ہرن کے شکار پر پابندی عائد

    کالے ہرن کے شکار پر پابندی عائد

    لاہور : لاہور ہائی کورٹ نے کالے ہرن کے شکار پر پابندی عائد کرتے ہوئے پنجاب حکومت کو کالے ہرن کے تحفظ کیلئے ٹھوس اقدامات کرنے اور کمیشن کو ہر چھ ماہ بعدرپورٹ جمع کرانے کا حکم دے دیا۔

    تفصیلات کے مطابق لاہور ہائی کورٹ کے جسٹس عابد عزیز شیخ نے مقامی وکیل شیراز ذکاء کی درخواست پر 17 صفحات پر مشتمل فیصلہ جاری کیا، فیصلے میں کالے ہرن کے شکار پرپابندی لگانے کا حکم دیتے ہوئے پنجاب حکومت کوعدالتی فیصلے پرعمل درآمد یقینی بنانےکی ہدایت کردی۔

    عدالت نےقانون دان پرویز حسن کی سربراہی میں قائم کمیشن کو ہر چھ ماہ بعداجلاس کا انعقاد کرنے اور کمیشن اجلاس میں کالے ہرن کے شکار پر پابندی پر عمل درآمد کا جائزہ لینے کی ہدایت بھی کی۔

    فیصلے میں کہا گیا کہ جانور ہماری ماحول کا لازمی حصہ ہیں، جانوروں کا تحفظ نہ کرنا بنیادی حقوق کی خلاف ورزی ہے۔

    درخواست گزار نے موقف اختیار کیا تھا کہ کالے ہرن کی نسل تیزی سے ختم ہو رہی ہے اور حکومت کالے ہرن کی نسل کے تحفظ کیلئے سنجیدہ نہیں ہے،،، بہاولپور میں سیکڑوں کی تعداد میں کالے ہرن شکارہوئے لیکن حکومت نے کوئی اقدامات نہیں کئے۔

    دائر درخواست میں کہا گیا والڈ لائف کے تحفظ کیلئے2015میں پالیسی مرتب کی گئی تاہم اس پر بھی کوئی عمل درآمد نہیں ہوا۔

    خیال رہے پاکستان اور بھارت کے صحرائی علاقوں میں پائے جانے والے اس ہرن کی نسل نایاب ہوتی جارہی ہے، کالے ہرن کو اس لیے بھی خطرات لاحق ہیں کہ یہ گھنے جنگلوں کے بجائے میدانی علاقوں کا جانور ہے اور آبادی کا دباؤ بڑھنے سے ان کے لیے میدانی علاقے کم سے کم ہوتے چلے جارہے ہیں جس سے ان کا قدرتی مسکن خطرے میں ہے۔

  • اسلام آباد میں 14 اگست سے پلاسٹک بیگ کے استعمال پر پابندی عائد

    اسلام آباد میں 14 اگست سے پلاسٹک بیگ کے استعمال پر پابندی عائد

    اسلام آباد : وزیر مملکت موسمیاتی تبدیلی زرتاج گل نے اعلان کیا وفاقی دار الحکومت اسلام آباد میں 14اگست یوم آزادی کے روز سے پلاسٹک کے بیگ کے استعمال پر پابندی ہوگی۔

    تفصیلات کے مطابق وزیر مملکت برائے موسمیاتی تبدیلی زرتاج گل نے موسمیاتی تبدیلی کے موضوع پر منعقدہ تقریب سے خطاب کرتے ہوئے وفاقی دار الحکومت اسلام آباد میں 14اگست یوم آزادی کے روز سے پلاسٹک کے بیگ کے استعمال پر پابندی کا اعلان کردیا۔

    وزیر مملکت برائے موسمیاتی تبدیلی کا کہنا تھا کہ اسلام آباد سب سے پہلا دارالحکومت ہوگا، جہاں پلاسٹک کے بیگز کے استعمال پر پابندی عائد کی جائے گی۔

    زرتاج گل نے کہا کہ پاکستان سمیت دنیا بھر میں موجودہ جنریشن موسمیاتی تبدیلیوں سے سب سے زیادہ متاثر ہوئی ہے ، جبکہ پاکستان قدرتی آفات بشمول سیلاب ، شدید گرم موسم ، پانی کی کمی سے متاثرہ ممالک میں ساتویں نمبر پر ہے۔

    ان کا کہنا تھا موسمیاتی تبدیلی پر وزیراعظم عمران خان کی بہت زیادہ توکہ ہے اور وہ اس حوالے سے خصوصی دلچسپی لے رہے ہیں فوکس ہے، وزیراعظم عمران خان ملک کو درپیش موسمیاتی تبدیلی کے اثرات سے بخوبی آگاہ ہیں ۔

    وزیر مملکت نے مزید کہا کہ موسمیاتی تبدیلی کے باعث پاکستان کو سیلاب، پانی کی کمی، ہیٹ ویوز سمیت دیگر مسائل کا سامناہے ، ان مسائل پر قابو پانے کیلئے حکومت نے بلین ٹری سونامی سمیت اہم منصوبے شروع کئے ہیں ، جس کے مثبت اثرات مرتب ہوں گے ، ہماری حکومت نے کلین گرین اینی شیٹو کا بھی آغاز کیا ہے۔

    مزید پڑھیں : وفاقی دارالحکومت میں پلاسٹک بیگ پر پابندی عائد کرنے کا فیصلہ

    یاد رہے 17 مئی کو وزیرِ اعظم عمران خان کی زیر صدارت ماحولیاتی تبدیلیوں سے متعلق اعلیٰ سطح کا اجلاس منعقد ہوا تھا، جس میں رواں برس 14 اگست سے پلاسٹک بیگ کے استعمال پر پابندی عائد کرنے کا فیصلہ بھی کرلیا گیا تھا۔

    حکام نے بتایا تھا اسلام آباد میں پلاسٹک بیگ کے استعمال کے خاتمے کے لیے بھی قواعد و ضوابط بنا لیے ہیں۔

    خیال رہے کہ ملک کے مختلف شہروں اور ضلعوں میں بھی پلاسٹک کے استعمال اور خرید و فروخت پر پابندی عائد کی جاچکی ہے۔

    گزشتہ ماہ گلگت بلتستان کی وادی ہنزہ میں بھی پلاسٹک کے استعمال پر مکمل طور پر پابندی عائد کردی گئی، جس کے بعد ہنزہ پلاسٹک کو ممنوع قرار دینے والا ایشیا کا پہلا ضلع بن گیا ہے۔

  • عید کے دنوں میں سمندر میں نہانے پر پابندی عائد، دفعہ 144 نافذ

    عید کے دنوں میں سمندر میں نہانے پر پابندی عائد، دفعہ 144 نافذ

    کراچی : محکمہ داخلہ سندھ نے عید کےدنوں میں سمندر میں نہانے اورہوائی فائرنگ پر پابندی عائد کردی اور ایک ماہ کیلئے دفعہ ایک سو چوالیس نافذ کردی گئی ہے۔

    تفصیلات کے مطابق سندھ حکومت نے عیدالفطر کے موقع پر سمندر میں نہانے اورہوائی فائرنگ پر پابندی عائد کردی ہے جبکہ محکمہ داخلہ سندھ کی جانب سے نوٹیفکیشن جاری کردیاگیا۔

    جس میں کہا گیا 5 جون سےسمندر میں نہانے اورہوائی فائرنگ پر پابندی ہوگی، ساحل سمندر پر نہانے پر دفعہ 144 ایک ماہ کیلئےنافذکی گئی ہے۔

    عید کے دنوں میں ون ویلنگ اور موٹرسائیکل ریس پر بھی پابندی عائد کردی ہے۔

    واضح رہے عید الفطر، عید الضحیٰ اور مخصوص دنوں میں سندھ حکومت کی جانب سے حفاظتی تدابیر کو پیش نظر رکھتے ہوئے سمندر پر نہانے کی پابندی عائد کی جاتی ہے کیونکہ ان ایام میں منچلے نوجوان بڑی تعداد میں سمندر کا رخ کرتے ہیں اور جذبات میں آکر اپنی جان تک گنوا بیٹھتے ہیں۔

    دوسری جانب چاند رات اور عیدالفطرپر سیکیورٹی کےلیےپولیس ٹیمیں تشکیل دے دی گئی ہے ، ڈی آئی جی کا کہنا ہے شہر کی 4533مساجد میں نماز عید ادا کی جائےگی، مساجدکی سیکیورٹی پرپولیس اہلکارتعینات ہوں گے۔

    193سے زائد نمازعیدکےاجتماعات کوبھی سیکیورٹی دی جائےگی جبکہ 6 ایس پی،34 ڈی ایس پی،84 ایس ایچ اوزاور7ہزارپولیس اہلکارتعینات ہوں گے، نمازیوں کو تلاشی کے بعد ہی داخلے کی اجازت ہو گی۔

    ڈی آئی جی نے کہا ون ویلنگ، ہوائی فائرنگ اور ہلڑبازی کی اجازت نہیں دیں گے۔

  • پی آئی اے میں ہر قسم کے تبادلوں اور تقرریوں پرغیر معینہ مدت کیلئے پابندی عائد

    پی آئی اے میں ہر قسم کے تبادلوں اور تقرریوں پرغیر معینہ مدت کیلئے پابندی عائد

    کراچی : قومی ائیرلائن پی آئی اے کی انتظامیہ نے اہم فیصلہ کرتے ہوئے ادارے میں ہر قسم کے تبادلوں اور تقرریوں پر پابندی عائد کردی، اب تمام تعیناتیاں چیف ایچ آر افیسر کی منظوری سے ہوں گی۔

    تفصیلات کے مطابق پی آئی اے میں ہر قسم کی تبادلوں اور تقرریوں پر غیر معینہ مدت کیلئے پابندی عائد کردی، ملازمین کے تبادلے و تقرریاں سی ای او اور چیف ایچ آر افیسر کی منظوری سے مشروط کردی گئیں۔

    اس حوالے سے ذرائع کا کہنا ہے کہ ماضی میں پی آئی اے کی انتظامیہ کی جانب سے جاری احکامات کو نظرانداز کیا جارہا تھا، پی آئی اے انتظامیہ کا کہنا ہے کہ گزشتہ سال 25 مئی کو جاری احکامات پر عمل درآمد نہیں ہوپارہا تھا، تبادلوں و تقرریوں پر پابندی سے متعلق چیف ایچ آر کی جانب سے باقاعدہ نوٹیفیکیشن جاری کردیا گیا۔

  • متحدہ عرب امارات میں بوئنگ 737 طیاروں پر پابندی عائد

    متحدہ عرب امارات میں بوئنگ 737 طیاروں پر پابندی عائد

    ابوظبی : اماراتی حکام نے بھی شہریوں کو حفاظت کو یقینی بنانے کےلیے بوئنگ 737 کی متحدہ عرب امارات کی فضائی حدود میں داخلے پر پابندی لگادی۔

    تفصیلات کے مطابق ایتھوپیا میں گذشتہ دنوں ہولناک طیارہ حادثہ پیش آیا تھا، بوئنگ 737 میکس 8 طیارے میں سوار 35 ممالک سے تعلق رکھنے والے 157 مسافر ہلاک ہوگئے تھے۔

    سول ایوی ایشن نے بوئنگ 737 کے تمام باڈلز طیاروں پر 13 مارچ (آج)سے متحدہ عرب امارات کی فضائی حدود میں داخلے پر پابندی عائد ہوگی۔

    اماراتی خبر رساں ادارے کا کہنا ہے کہ سول ایوی ایشن کی جانب سے مذکورہ پابندی کا مقصد شہریوں کی فضا اور زمینی حفاظت کو یقینی بنانا ہے۔

    یو اے ای کی جنرل سول ایوی ایشن کی جانب سے جاری بیان میں بتایا گیا کہ ہے کہ بوئنگ 737 میکس 8 ماڈل کے مسافر بردار طیاروں کے حوالے سے مزید معلومات جمع کی جارہی ہیں تاکہ حفاظتی اقدامات کا دوبارہ جائزہ لیا جائے۔

    مزید پڑھیں : برطانیہ نے بھی بوئنگ737 طیاروں کی فضائی حدود میں داخلے پر پابندی عائد کردی

    یاد رہے کہ متحدہ عرب امارات سے قبل برطانیہ، فرانس، چین، سنگاپور اور انڈونیشیا بوئنگ737 ماڈل کے تمام طیاروں کی فضائی حدود میں داخلے پر پابندی عائد کرچکے۔

    علاوہ ازیں کئی یورپی ممالک کی جانب سے بھی پابندیوں کے فیصلے ممکن ہیں، حادثے کے بعد مختلف ممالک اپنے شہری مسافروں کی حفاظت کے لیے ہرممکن اقدامات کررہے ہیں۔

    مزید پڑھیں: ایتھوپیا میں طیارہ حادثہ، امریکی ٹیم تحقیقات کرے گی

    یاد رہے کہ ایک روز قبل ایتھوپین ائیرلائن کا بوئنگ طیارہ تباہ ہوا جس کے نتیجے میں 157 افراد ہلاک ہوئے تھے، اسی طرح اکتوبر 2018 میں بھی اسی ماڈل کا طیارہ کریشن ہوا تھا جس کے نتیجے میں 189 مسافر مارے گئے تھے۔

    امریکی کمپنی بوئنگ 737 طیارے تیار کرتی ہے، ایتھوپیا کے پاس اب اس ماڈل کے چار طیارے باقی ہیں جنہیں سول ایوی ایشن کے حکم پر فوری گراؤنڈ کردیا گیا ہے۔

  • جماعت الدعوۃ اور فلاح انسانیت فاؤنڈیشن پر پابندی عائد، نوٹیفکیشن جاری

    جماعت الدعوۃ اور فلاح انسانیت فاؤنڈیشن پر پابندی عائد، نوٹیفکیشن جاری

    اسلام آباد : حکومت نے جماعت الدعوۃ اور فلاح انسانیت فاؤنڈیشن پر پابندی عائد کردی، دونوں تنظیموں کو انسداد دہشت گردی ایکٹ کے شیڈول ون میں شامل کردیا گیا۔

    تفصیلات کے مطابق حکومت پاکستان نے فلاح انسانیت فاؤنڈیشن اور جماعت الدعوۃ پر پابندی عائد کردی ہے، اس حوالے سے وزارت داخلہ کی جانب سے نوٹی فکیشن بھی جاری کردیا گیا ہے۔

    نوٹیفکیشن چاروں صوبوں کو بھیجا جارہا ہے، وزارت داخلہ کا کہنا ہے کہ مذکورہ پابندی انسداد دہشت گردی ایکٹ1997کے تحت عائد کی گئی ہے۔

    دونوں تنظیموں کو انسداد دہشت گردی ایکٹ کے شیڈول ون میں شامل کردیا گیا ہے۔ ان دونوں تنظیموں پر پابندی کے بعد پاکستان میں اب تک کالعدم تنظیموں کی تعداد 70ہوگئی ہے۔

    واضح رہے کہ پاکستان کالعدم تنظیموں کے خلاف عالمی قوانین کے تحت کام کر رہا ہے. کالعدم تنظیموں کے اثاثہ جات سے متعلق بھی سخت اقدام کیے گئے ہیں۔

    اس سلسلے میں پاکستان میں کالعدم تنظیموں کے خلاف باقاعدہ کارروائی شروع کر دی گئی ہے، وزارتِ داخلہ کے ایکشن کے تحت کالعدم تنظیموں کے 44 ارکان زیرِ حراست لے لیے گئے۔

    مزید پڑھیں: کالعدم تنظیموں کے خلاف کریک ڈاؤن، 44 افراد زیرِ حراست

    وزیرِ مملکت برائے داخلہ شہریار آفریدی اور سیکریٹری داخلہ نے پریس کانفرنس کرتے ہوئے کہا کہ وزارتِ داخلہ نے کالعدم تنظیموں کے خلاف ایکشن کا آغاز کردیا گیاہے، کالعدم تنظیموں کے خلاف بلاامتیاز کارروائی جاری رہے گی۔

  • یو اے ای کے معروف سیاحتی مقام پر’بار بی کیو‘ پرپابندی عائد

    یو اے ای کے معروف سیاحتی مقام پر’بار بی کیو‘ پرپابندی عائد

    دبئی : اماراتی حکام نے ماحولیاتی نظام کی حفاظت کےلیے متحدہ عرب امارات کے اہم سیاحتی مقام پر ’بار بی کیو‘ بنانے پر پابندی لگا دی۔

    تفصیلات کے مطابق متحدہ عرب امارات کے حکام نے اتوار کے روز جاری بیان میں کہا کہ سیاحتی مقام جبل حفیط کا دورہ کرنے والے سیاحوں کی بارہا خلاف ورزی کے بعد مذکورہ علاقے میں ’بار بی کیو‘ پر پابندی عائد کی جاتی ہے۔

    میونسپلٹی حکام کا کہنا ہے کہ سیاح پہاڑوں پر بیٹھنے کےلیے لگائی گئی بینچوں اور لکڑی کی کرسیوں کو ’بار بی کیو‘ تیار کرنے کےلیے نذر آتش کردیتے ہیں جبکہ پارکنگ ایریا میں بار بی کیو تیار کرنے کےلیے کوئلے اور کچرے کا استعمال کرتے ہیں جس کی صفائی انتظامیہ کے لیے انتہائی مشکل ہوجاتی ہے۔

    اماراتی خبر رساں ادارے کا کہنا تھا کہ ریاست دبئی اور راس الخیمہ کے حکام کی جانب سے بار بی کیو بنانے اور آگ لگانے کےلیے کچھ قوانین متعارف کروائے گئے ہیں جس کی خلاف ورزی کرنے پر جرمانہ عائد کیا جائے گا۔

    اماراتی خبر رساں ادارے کا کہنا تھا کہ حکام کی جانب سے جاری بیان میں کہا گیا ہے کہ سیاحوں کو موسم سرما میں اپنے اہل خانہ اور دوستوں کے ساتھ ’بار بی کیو‘ پارٹی کرنے کی اجازت ہے تاہم حکام کا کہنا تھا کہ بار کیو پارٹی ملک بھر کے پارکوں میں مخصوص کی گئی جگہوں پر ہی بار کیو پارٹی کی جاسکتی ہے۔

    اماراتی حکام نے واضح کیا کہ سیاحوں کو عوامی ساحلوں اور مقامات پر ’بار بی کیو‘ تیار کرنے کی اجازت نہیں ہوگی۔

  • نیب افسران کے موبائل فون کے استعمال پر پابندی عائد

    نیب افسران کے موبائل فون کے استعمال پر پابندی عائد

    لاہور : چیئرمین نیب نے نیب افسران کےموبائل فون کے استعمال اور سرکاری اوقات میں پرائیویٹ مہمانوں کی آمد پر پابندی عائد کردی ہے جبکہ گریڈ 18 کے افسران کو یونیفارم پہننا لازمی قرار دیا ہے۔

    تفصیلات کے مطابق ادارے کی بہتری کے لئے چیئرمین نیب جاوید اقبال نے اہم اقدام اٹھاتے ہوئے نیب افسران کے موبائل فون کے استعمال پر پابندی عائد کردی جبکہ نیب میں گریڈ 18 کے افسران کو یونیفارم پہننا لازمی قرار دیا۔

    چیئرمین نیب جاویداقبال نے احکامات جاری کرتے ہوئے حاضری کو یقینی بنانے کے لئے بائیو میٹرک نظام رائج کرنے کا حکم بھی دیا۔

    اسی طرح سرکاری اوقات میں پرائیویٹ مہمانوں کی آمد اور ملاقات پر بھی پابندی ہو گی، مہمانوں کی نیب افسران سے صرف سرکاری کام کے سلسلے میں ملاقات ہو سکے گی۔

    یاد رہے چیئرمین جسٹس ریٹائرڈ جاوید اقبال نے نیب افسران کی اعلیٰ سیاسی شخصیات سے ملاقاتوں پر پہلے ہی پابندی عائد کر رکھی ہے۔

    اس سے قبل ڈی جی نیب لاہور شہزاد سلیم کے میڈیا کو انٹرویو کے بعد پیدا ہونے والی صورتحال کے سبب قومی احتساب بیورو کے چیئرمین جسٹس ریٹائرڈ جاوید اقبال نے ڈی جیز سمیت تمام افسران کو میڈیا پر انٹرویو دینے پر پابندی عائد کردی تھی۔

    خیال رہے چند روز قبل چیئرمین نیب جسٹس (ر) جاوید اقبال کا کہنا تھا کہ نیب سزاؤں کے لیے قانون سازی نہیں کرتی یہ پارلیمنٹ کا کام ہے، اگر کرپشن پر سزائے موت کا قانون آیا تو ملک کی آبادی کم ہوجائے گی، ملک میں ادارے مضبوط ہیں، اپنا کام کر رہے ہیں، اچھاکام کرنیوالے ادارے کو سیاست میں ملوث کرنا ٹھیک نہیں۔

  • ماڈل ٹاون قبرستان میں احاطے بنانے اور پختہ قبریں بنانے پر پابندی عائد

    ماڈل ٹاون قبرستان میں احاطے بنانے اور پختہ قبریں بنانے پر پابندی عائد

    لاہور : لاہور ہائی کورٹ نے ماڈل ٹاون قبرستان میں احاطے بنانے اور پختہ قبریں بنانے پر پابندی عائد کردی اور قبضہ کرنے والوں کے خلاف دہشت گردی دفعات کے تحت مقدمہ درج کرنے کا حکم دے دیا۔

    تفصیلات کے مطابق لاہور ہائی کورٹ کے جسٹس علی اکبر قریشی نے کیس کی سماعت کی، اے سی ماڈل ٹاؤن نے قبرستانوں سے تجاوزات ختم کر کے کارکردگی رپورٹ عدالت میں جمع کرائی۔

    اے سی ماڈل ٹاون نے بتایا کہ ماڈل ٹاون قبرستان میں قبضہ مافیا کے قبضے سے گیارہ کینال اراضی واگزار کرائی گئی، عدالت نے تجاوزات ختم کرنے اور احکامات پر عمل درآمد کرنے پر اے سی ماڈل ٹاون کی تعریف کی اور قرار دیا کہ ذمہ داری کا مظاہرہ کرنے والے افسران اور عملے کو تعریفی اسناد دینے کی سفارش کی جائے گی۔

    عدالت نے ماڈل ٹاون قبرستان میں احاطے بنانے اور پختہ قبریں بنانے پر پابندی عائد کر دی اور دوبارہ قبضہ کرنے والوں کے خلاف دہشت گردی دفعات کے تحت مقدمہ درج کرنے کی ہدائت کردی۔

    مزید پڑھیں : ماڈل ٹاؤن میں قبرستانوں کے تمام پختہ احاطے مسمار کرنے کا حکم

    عدالت نے ریمارکس دیے کہ لوگ اپنے پیاروں کی قبریں ڈھونڈتے رہتے ہیں مگر انہیں قبضوں کے باعث قبریں نہیں ملتیں۔

    یاد رہے گذشتہ سماعت میں لاہور ہائی کورٹ نے ماڈل ٹاؤن میں قبرستانوں کے تمام پختہ احاطے مسمار کرنے کا حکم دیا تھا اور کہا تھا مسماری کے وقت اسلامک سوسائٹی کے تمام عہدیدار موقع پر موجود ہوں ورنہ انہیں عہدوں سے ہٹا دیا جائے گا۔

    عدالت نے قرار دیا تھا کہ بیس سال سے عہدوں سے چمٹ کر غیر قانونی طور پر قبضے کیوں کرا رہے ہیں، اگر قبضہ مافیا کے خلاف کہیں شکایت درج نہیں کرائی تو اس کا واضح مطلب آپ سب کی ملی بھگت ہے