اسلام آباد : معاشی مشکلات کے باوجود رواں مالی سال پارلیمنٹرینزکی ترقیاتی اسکیمیں جاری رکھنے کا فیصلہ کرلیا گیا۔
تفصیلات کے مطابق رواں مالی سال پارلیمنٹرینزکی ترقیاتی اسکیمیں جاری رکھنے کا فیصلہ کرلیا گیا ، بجٹ میں ارکان قومی اسمبلی کے ترقیاتی بجٹ کے لئے75 ارب روپے مختص کیے گئے۔
گذشتہ مالی سال پارلیمنٹرینزکا ترقیاتی بجٹ61 ارب31 کروڑ روپے پرمنجمد کیا گیا تھاگذشتہ مالی سال بجٹ میں پارلیمنٹرینز کی اسکیموں کے لیے 90 ارب روپے رکھے گئے تھے
دوسری جانب وفاقی کابینہ نے پارلیمنٹیرینز کی اسکیموں کے لیے27 رکنی اسٹرینگ کمیٹی تشکیل دے دی۔
نائب وزیراعظم اوروزیر خارجہ اسحاق ڈار اسٹرینگ کمیٹی برائے ایس ڈی جیزکے چیئرمین مقرر کردیئے گئے۔
اتحادی حکومت میں بطور وزیر منصوبہ بندی احسن اقبال اسٹرینگ کمیٹی کےچیئرمین تھے جبکہ موجودہ حکومت میں وفاقی وزیر احسن اقبال ڈپٹی چیئرمین پلاننگ کمیشن کے عہدے سے بھی محروم ہیں، اتحادی حکومت میں وفاقی وزیر احسن اقبال ڈپٹی چیئرمین پلاننگ کمیشن بھی تھے۔
نئی تشکیل کردہ اسٹرینگ کمیٹی میں وفاقی وزیر احسن اقبال ، وفاقی وزیر بین الصوبائی رابطہ رانا ثناء اللہ ،وزیر تجارت جام کمال شامل ہیں۔
وفاقی وزیر پاور اویس لغاری،وزیر نجکاری عبد العلیم خان کمیٹی وفاقی وزیر سمندر پار پاکستانیز سالک حسین بھی کمیٹی ارکان میں شامل ہیں۔
کمیٹی میں 9 ارکان قومی اسمبلی اور متعلقہ وفاقی سیکریٹریز حصہ ہوں گے جبکہ کمیٹی میں چاروں صوبوں کے افسران کو بھی شامل کیا گیا ہے۔
