Tag: پارلیمنٹ کا مشترکہ اجلاس

اسلام آباد : مسلم لیگ ن کے رہنما مشاہد اللہ نے کہا ہے کہ پیپلزپارٹی پر کڑی تنقید کرتے ہوئے کہا کہ اگر یوں ہی کرپشن جاری رکھی تو 2018 تو کیا 2028 میں بھی کوئی جیالا وزیر اعظم نہیں بن سکتا۔

تفصیلات کے مطابق مسلم لیگ ن کے سینیٹر مشاہد اللہ مسئلہ کشمیر اور بھارتی جارحیت پر بلائے گئے پارلیمنٹ کے مشترکہ اجلاس کے دوسرے دن پارلیمنٹ سے خطاب کر رہے تھے،مشاہد اللہ نے اپنے تقریرمیں پیپلز پارٹی کو ہدف تنقید بنا ئے رکھے۔

اُن کا کہنا تھا کہ پانامہ لیکس پر وزیر اعظم کو کلیئرنس دینے کا کہنے والے جان لیں کہ پانامہ پیپرز میں نوازشریف کا نام نہیں ہے البتہ بے نظیر صاحبہ کا ضرور ہے،پانامہ میں آنے والے 360 میں سے 358 نام پیپلز پارٹی کے لوگوں کے ہیں۔

انہوں نے کہا کہ تاریخ اس بات کی بھی شاہد ہے کہ پیپلز پارٹی کے ہی ایک وزیر داخلہ نے خالصتان تحریک کے سرکردہ رہنماؤں کے نام اور پتے بھارتی ایجینسیوں کو فراہم کیے تھے۔

مشاہد اللہ کا مزید کہنا تھا کہ کرپشن کی بات کرنے والوں کا اپنا حال یہ ہے کہ سندھ کے چیف جسٹس نے لاڑکانہ میں لگائے جانے والے ترقیاتی فنڈز میں خرد برد کے بارے میں تاریخی جملہ کہا اور بی بی فریال تالپور کو طلب کیا۔

مشاہد اللہ کی تقریر پرقومی اسمبلی میں ہنگامہ برپا ہوگیا اور پیپلز پارٹی کے اراکین اسمبلی نے نعرے بازی شروع کردی ”مودی کا جو یار ہے غدار ہے غدار ہے“ کے نعروں سے اسمبلی میں کان پڑی آوازیں سنائی دے رہی تھیں۔

اس صورت حال پراسپیکرایازصادق ایک طرف مشاہد اللہ کو صرف کشمیر پر بات کرنے کی ہدایت کرتے رہے تو دوسری طرف پی پی اراکین کو خاموش رہنے کی بھی تلقین کرتے رہے۔

دریں اثناء اپوزیشن لیڈر خورشید شاہ نے صورت حال پر بات کرتے ہوئے کہا کہ کشمیرایشو کومتنازع نہیں بنانا چاہتے، حکومت اراکین کیوں اپنے ہی وزیر اعظم کے پاﺅں پرکلہاڑی مارنا چاہتے ہیں،ایک پارٹی پہلے ہی بائیکاٹ پر ہے کیا ہم بھی بائیکاٹ کرجائیں پھربھلے جو لعن طعن کرنی ہے کرتے رہیں۔

سینیٹ میں لیڈر آف دی ہاؤس راجہ ظفرالحق نے اپوزیشن رہنماؤں کی دلی آزاری پر معذرت کرتے ہوئے کہا کہ پارلیمنٹ ایک عظیم مقصد کے لیے یہاں اکھٹی ہوئی ہے اور اتحاد اور اتفاق کا یہ پیغام باہر بھی جانا چاہیے اس لیے اپوزیشن سے درخواست کرتا ہوں کہ بائیکاٹ نہ کریں۔

اس کے بعد پارلیمنٹ کا اجلاس کا ایجنڈا دوبار وہیں سے شروع ہوا جہاں سے منقطع ہوا تھا اورمشاہد اللہ نے اپوزیشن کو تنقید کا نشانہ بنائے بغیر اپنی تقریر جاری رکھی اور ساحرلدھیانوی کی معروف نظم خون پھر خون پے، گرتا ہے تو جم جاتا ہے پر اپنی تقریر ختم کی۔

اسپیکر قومی اسمبلی نے سینیٹر چوہدری اعتزاز احسن کو ذاتی وضاحت پر نکتہ اعتراض پیش کرنے کی اجازت دی جس کے بعد چوہسری اعتزاز احسن نے مشاہد اللہ کو جی جی بریگیڈ(گالی گلوچ بریگیڈ) کا لقب دیتے ہوئے کہا کہ آپ حکومت میں ہیں الزام نہ لگائیں مقدمہ قائم کریں اورمجھے گرفتارکریں۔

اسلام آباد : عمران خان کا کہنا ہے مشترکہ اجلاس کے بائیکاٹ کے فیصلے پرقائم ہیں،پارلیمنٹ کے مشترکہ اجلاس سے کوئی نیا نتیجہ نہیں نکلے گا۔

تفصیلات کے مطابق پاکستان تحریک انصاف نے سماجی رابطے کی ویب سائیٹ ٹیوٹر پرجاری کیے گئے بیان میں پارلیمنٹ کے مشترکہ اجلاس میں نہ جانے کے فیصلے کا اعادہ کیا ہے۔

1. I stand by decision to boycott Joint Session as nothing new will be achieved that was not achieved with PTI’s active participation in APC

— Imran Khan (@ImranKhanPTI) October 5, 2016

عمران خان کا کہنا تھا کہ پارلیمنٹ کے مشترکہ اجلاس کا بائیکاٹ کرنے کے فیصلے پر قائم ہوں،کیوں کہ پارلیمانی پارٹی کے اجلاس میں تحریک انصاف نے بھرپور طریقے سے شرکت کی اور اپنا نقطعہ نظر پیش کیا مشترکہ پارلیمنٹ اجلاس میں ایسا کیا نیا ہوگا جو پارلیمانی کمیٹی کے اجلاس میں نہیں ہوا ہو اس لیے پارلیمنٹ کے مشترکہ اجلاس کے بائیکاٹ کے فیصلے پر قائم ہوں۔

2. But I want to ask how any politician with a moral compass can accept a PM who has been caught money laundering in Panama Papers

— Imran Khan (@ImranKhanPTI) October 5, 2016

انہوں نے اپنی ٹیوٹ میں یہ سوال بھی اُٹھایا کہ کوئی بھی سیاست دان کسی ایسے شخص کو وزیراعظم کیسے تسلیم کر سکتے ہیں جو منی لانڈرنگ میں ملوث ہو؟

3. Mian Panama Sharif has been caught money laundering, tax evading & hiding of assets thereby losing all moral legitimacy to be PM.

— Imran Khan (@ImranKhanPTI) October 5, 2016

انہوں نے مزید کہا کہ نواز شریف منی لانڈرنگ کرنے،ٹیکس بچانے اور اثاثہ جات چھپانے کے باعث وزیر اعظم رہنے کا اخلاقی جواز کھو بیٹھے ہیں۔

4. He has only 2 options now, as 2 other democratic PMs had after Panama leaks:to go the Cameron route presenting himself for accountability

— Imran Khan (@ImranKhanPTI) October 5, 2016

5. Or to resign like PM of Iceland did. He cannot seek shelter behind Indian aggression in IOK/LoC esp as he failed to respond firmly to it.

— Imran Khan (@ImranKhanPTI) October 5, 2016

اپنی ایک اور ٹیوٹ میں انہوں نے کہا کہ نواز شرفی کے پاس صرف دو راستے ہیں یا تو وہ خود کو احتساب کے لیے پیش کریں یا پھر استعفیٰ دے دیں۔