اسلام آباد: وزیراعظم نوازشریف نے کہا ہے کہ آئین کی حرمت ،جمہوریت کے تسلسل پر آنچ نہیں آنےدیں گے۔
پارلیمنٹ ہاؤس کے باہر جشن آزادی کی تقریب سے خطاب میں وزیراعظم نے کہا کہ آج کا دن ہمیں ان عظیم قربانیوں کی یاد دلاتا ہے،جو شہیدوں نے ملک و قوم کی سلامتی کیلئےاپنی جانیں نچھاور کر کے دیں۔
وزیر اعظم نے کہا کہ یوم آزادی کی نئی صبح کااستقبال کرتےہوئےاس یوم آزادی کو آپریشن ضرب عضب سے منسوب کیاہے ۔ضرب عضب کےباعث بے گھر افراد ہمارے محسن ہیں، انھیں کسی بھی مرحلے پر تنہا نہیں چھوڑے گے ۔
وزیراعظم نے کہا کہ پڑوسیوں سے اچھے تعلقات ہماری خارجہ پالیسی کا حصہ ہے تاہم مسئلہ کشمیر کا پر امن حل چاہتے ہیں۔ اس موقع پر وزیراعظم نے کہا کہ پاکستان فلسطین میں اسرائیلی مظالم کی پر زور مذمت کرتا ہے ،وزیراعظم نے مزید کہا کہ بہادر اورغیورعوام سےکہتا ہوں کہ وطن عزیزکی خدمت کے لیے تیار ہوجائیں۔
