Tag: پاسپورٹ کا اجرا

اسلام آباد: محکمہ پاسپورٹ اینڈ امیگریشن نے پاسپورٹ کا اجرا روک دیا ، لنک ڈاؤن ہونے کی وجہ سے پاسپورٹ کیلئے ڈیٹا انٹری نہیں ہورہی۔

تفصیلات کے مطابق محکمہ پاسپورٹ اینڈ امیگریشن کا لنک ڈاؤن ہونے کےباعث پاسپورٹ کا اجرارک گیا، اس حوالے سے پاسپورٹ حکام نے بتایا کہ لنک ڈاؤن ہونے کی وجہ سے پاسپورٹ کیلئے ڈیٹا انٹری نہیں ہورہی۔

حکام کا کہنا تھا کہ پاسپورٹ اینڈ امیگریشن کے ہیڈکوارٹر سے مسئلہ سامنے آیا ہے، مسئلے کو حل کرکے آپریشن جلد بحال کر دیا جائے گا۔

واضح رہے کہ وزیر داخلہ کے حکم پر دو ماہ پہلے ہی ڈائریکٹوریٹ جنرل امیگریشن اینڈ پاسپورٹ پرنٹنگ آپریشن شروع کردیا گیا تھا۔

لیمینیشن پیپرز کی کمی پر قابو پانے کیلئے ہنگامی طور پر انتظامات مکمل کیے گئے تھے، نئے پاسپورٹس کی بروقت ترسیل کیلئے اضافی اہلکار اور عملہ تعینات کیا گیا تھا۔

اسلام آباد : ملک بھر میں 4لاکھ سے زائد پاسپورٹ کا اجرا تاخیر کا شکار ہے ، پرنٹنگ مشین پرانی ہونے اور اسٹاف کی کمی کے باعث پاسپورٹ اجرا میں بلاک لاگ کا سامنا ہے۔

تفصیلات کے مطابق پاسپورٹ کا اجرا ایک بار پھر بلاک لاگ کاشکار ہے، ذرائع پاسپورٹ آفس نے بتایا کہ 4لاکھ سے زائد پاسپورٹ کا اجرا تاخیر کا شکار ہے ، روزانہ 40 ہزار سے زائد درخواستیں موصول ہورہی ہیں۔

ذرائع پاسپورٹ آفس کا کہنا تھا کہ پرنٹنگ مشین پرانی ہونے،اسٹاف کی کمی کے باعث پاسپورٹ اجرا میں بلاک لاگ کا سامنا ہے۔

ذرائع کے مطابق 20 سے 25ہزاردرخواستیں موصول ہوتی تھیں جو بڑھ کر 40 ہزار سے تجاوز کرچکی ہیں۔

یاد رہے جون میں بھی ملک بھر کی طرح کراچی میں بھی پاسپورٹ آفس کا سسٹم بیٹھ گیا تھا ، پاسپورٹ سسٹم جام ہونے کی وجہ کام بند ہیں۔

پاسپورٹ حکام کا کہنا تھا کہ سسٹم خراب ہونے کی وجہ سے کوئی پاسپورٹ پراسس نہیں ہوسکتا، جس کے بعد صبح دس بجے سے سینکٹروں شہری مایوس ہوکر گھر جانے پر مجبور ہیں۔