Tag: پاسپورٹ

لاہور : پاسپورٹ بنوانے کے لئے ایجنٹ مافیا سے پریشان شہریوں کے لیے اہم خبر آگئی، ڈی جی پاسپورٹس نے بڑا فیصلہ کرلیا۔

تفصیلات کے مطابق پاسپورٹ دفاتر کے باہر ایجنٹ مافیا کے خلاف شکایات پر ڈی جی پاسپورٹس نے اہم فیصلہ کرلیا۔

ڈی جی پاسپورٹ نے ملک بھر میں پاسپورٹ دفاتر کے باہر ایجنٹس پر کڑی نظر رکھنے اور کریک ڈاؤن کے احکامات جاری کردیئے۔

جس میں کہا ہے کہ تمام ریجنل پاسپورٹ دفاتر یومیہ مانیٹرنگ رپورٹ ہیڈکوارٹرز جمع کروائیں گے ، ایجنٹس کی خفیہ مانیٹرنگ کے لیے ہیڈکوارٹرز کی ٹیم بھی سرپرائز وزٹ کرے گی۔

ڈی جی پاسپورٹس کا کہنا تھا کہ ایجنٹس کے خلاف روزانہ مقدمات کا اندراج اور گرفتاریاں کروائی جائیں گی۔

پاسپورٹ دفتر گارڈن لاہور کے باہر کارروائی کرتے ہوئے ایجنٹ گرفتار کرکے مقدمہ درج کرلیا گیا، ڈی جی نے عوام سے اپیل کی شہری ایجنٹس کیخلاف کارروائیوں میں ہمارا ساتھ دیں۔

پاسپورٹ سے متعلق خبریں

خیال رہے پاکستانی پاسپورٹ ریاست پاکستان کے شہریوں کو بین الاقوامی سفر کیلیے جاری کیا جاتا ہے۔ یہ دستاویز آپ کی شناخت اور پاکستانی شہریت کی تصدیق کرتی ہے اور وزارت داخلہ کی شاخ ڈائریکٹریٹ جنرل آف امیگریشن اینڈ پاسپورٹ پاسپورٹ جاری کرنے کی ذمہ داری ادا کرتی ہے۔

عام طور پر عام اور سرکاری پاسپورٹس جاری کیے جاتے ہیں، ان کی میعاد 5 یا 10 سال ہوتی ہے اور 15 سال سے کم عمر بچوں کے لیے 5 سال کا جاری کیا جاتا ہے۔

مشین ریڈ ایبل پاسپورٹ زیادہ محفوظ اور جدید ہیں۔ پاسپورٹ کی درخواست آن لائن یا قونصل خانے میں کی جا سکتی ہے اور اس کے بغیر بین الاقوامی سفر ناممکن ہے۔

لاہور : وزیر داخلہ محسن نقوی نے پاسپورٹ بنوانے والوں کو بڑی خوشخبری سنادی ، جس سے شہریوں کے لئے آسانیاں پیدا ہوں گی۔

تفصیلات کے مطابق وزیر داخلہ محسن نقوی نے جوہرٹاؤن میں پاسپورٹ سینٹر کا افتتاح کیا ، اس موقع پر میڈیا سے گفتگو کرتے ہوئے انھوں نے کہا کہ پاسپورٹ سینٹر بننے کا فائدہ ہوگا لوگ لمبی لائنوں سے بچ جائیں گے۔

وفاقی وزیر کا کہنا تھا کہ نادرااورپاسپورٹ سینٹرمل کر عوام کو ریلیف دے رہے ہیں اور 14 شہروں میں پاسپورٹ کاؤنٹر بنانے جارہے ہیں۔

انھوں نے کہا کہ کچھ چیزیں سوشل میڈیا کی ڈیمانڈ پر چلتی کچھ حقیقت میں ہوتی ہیں، شملہ پہاڑی پرنادراآفس کامعائنہ کریں تووہاں رش ختم ہوچکا ہے۔

وزیر داخلہ نے بتایا کہ ایمیگریشن کاؤنٹرپرہمیں تھوڑی سختی کرنی پڑرہی ہے، ایمیگریشن کاؤنٹرزپرسختی سےلوگوں کو تھوڑی پریشانی ہوگی کیونکہ کچھ لوگ ویزے لگا کر دوسرے ممالک سےیورپ چلے جاتے تھے۔

ان کا مزید کہنا تھا کہ ایف آئی اے میں تبدیلیاں لا رہے ہیں، حکومت کی کوشش سےکچھ چیزیں حقیقت میں نظر آنا شروع ہوگئی ہیں اور جعلی دستاویز بناکر بیرون ملک جانے والوں کیخلاف کارروائی کی جائےگی۔

پاک امریکا تعلقات کے حوالے سے انھوں نے کہا کہ سوشل میڈیا پر چلنے والی خبروں میں حقائق نہیں ہوتے، پاکستان کے امریکا کے ساتھ بہت اچھے تعلقات ہیں،امریکا میں بہت سے سینیٹرز اور کانگریس مینز سےملاقات ہوئی، حقیقت میں کچھ چیزیں نظر آنا شروع ہوگئی ہیں اور کچھ آنا شروع ہوں گی۔

پاسپورٹ سے متعلق خبریں

رواں سال کی پہلی ششماہی کیلئے دنیا کے طاقتور ترین پاسپورٹس کی فہرست میں پاکستان کہاں کھڑا ہے؟ فہرست سامنے آگئی۔

دنیا بھر میں پاسپورٹ پر نظر رکھنے والے ادارے ہینلے نے سال 2025 کے پاسپورٹ کی رینکنگ جاری کردی، بین الاقوامی ادارے کی جانب سے 112 ممالک کے پاسپورٹ کی رینکنگ جاری کی گئی

ہینلے اینڈ پارٹنرز کی جنوری سے جون کیلئے جاری کی گئی فہرست میں سنگاپور کا پاسپورٹ دنیا کا طاقتور ترین پاسپورٹ ہے، اور یہ پاسپورٹ رکھنے والے افراد ایک سو پچانوے ملکوں میں ویزا کے بغیر سفر کرسکتے ہیں۔

دوسرے نمبر پر ایک سو ترانوے ملکوں میں ویزا فری سفر کے ساتھ جاپان کا نام ہے جبکہ جنوبی کوریا، فرانس، جرمنی، اٹلی، اسپین اور فن لینڈ کے پاسپورٹس تیسرے نمبر پر موجود ہیں، جن پر ایک سو بانوے ملکوں میں ویزا فری رسائی ممکن ہے۔

Currency Rates in Pakistan Today- پاکستان میں آج ڈالر کی قیمت

اس کے علاوہ آسٹریا، ڈنمارک، آئرلینڈ، لکسمبرگ، ناروے، سویڈن اور نیدرلینڈز کے پاسپورٹس 192 ممالک میں ویزا فری داخلے کے ساتھ چوتھے نمبر پر ہیں۔

رواں سال کی پہلی ششماہی کیلئے دنیا کے طاقتور ترین پاسپورٹس کی فہرست میں پاکستان ایک بار پھر سب سے نیچے کے ملکوں میں شامل ہے۔

پاکستان کمزور ترین پاسپورٹ رکھنے والا پانچواں ملک ہے، اور مجموعی طور پر 103 نمبر پر ہے، گرین پاسپورٹ پر تینتیس ملکوں میں ویزا فری داخلہ ہوسکتا ہے۔

پاکستان کے مقابلے کمزور پاسپورٹ والے دوسرے ممالک میںعراق، شام، نیپال، بنگلادیش اور افغانستان شامل ہیں پاکستان کے بعد عراق، شام، نیپال، بنگلادیش اور افغانستان ہیں، جبکہ انڈیکس میں بھارت 85 ویں، چین 60 ویں، ایران 96 ویں اور سعودی عرب 58 ویں نمبر پر ہے۔

کراچی : نیا سال شروع ہوتے ہی پاسپورٹ بنوانے والوں کے لئے خوشخبری آگئی ، جس میں بڑی مشکل آسان ہوگئی اور پر شہری مستفید ہوسکے گا۔

تفصیلات کے مطابق وفاقی وزیرداخلہ کی جانب سے نادرا میگا سینٹرز میں 24/7 پاسپورٹس پراسسنگ کاؤنٹرز قائم کرنے کا اعلان کیا۔

محکمہ پاسپورٹس کی جانب سے وزیرداخلہ محسن نقوی کے احکامات پر عمل درآمد شروع کرتے ہوئے کراچی میں نادرا کے دو میگا سینٹر میں پاسپورٹ بنانے کا عمل شروع ہوگیا ہے۔

ضلع وسطی اور غربی میں نادرا میگا سینٹرمیں پاسپورٹ بنوانے کی سہولت کا آغاز کر دیا گیا ہے، نارتھ ناظم آباد اور سیمنس چورنگی سائٹ میں درخواست گزاروں کیلئے3،3 پاسپورٹس پراسسنگ کاؤنٹرز قائم کردیئے ہیں۔

نادرا میگا سینٹرز میں بنائے گئے پاسپورٹس پراسسنگ کاؤنٹرز سے شہری 24/7 مستفید ہوسکیں گے، دونوں سینٹرز میں پاسپورٹ کی تجدید، نئے پاسپورٹ کے اجرا اور دیگرسہولیات سےاستفادہ حاصل کرسکیں گے اور 24 گھنٹوں کے دوران ممکنہ طور پر 400 درخواست گزار مستفید ہوں گے۔

ڈی جی امیگریشن اینڈپاسپورٹس نے بتایا کہ 24/7پاسپورٹس پراسسنگ کاؤنٹرز کا دائرہ کارملک بھرمیں بڑھایا جارہا ہے، پاسپورٹس کے اجرا میں تاخیر کا مسئلہ بھی حل کر لیا گیا ہے۔

خیال رہے پاکستانی پاسپورٹ ریاست پاکستان کے شہریوں کو بین الاقوامی سفر کیلیے جاری کیا جاتا ہے۔ یہ دستاویز آپ کی شناخت اور پاکستانی شہریت کی تصدیق کرتی ہے اور وزارت داخلہ کی شاخ ڈائریکٹریٹ جنرل آف امیگریشن اینڈ پاسپورٹ پاسپورٹ جاری کرنے کی ذمہ داری ادا کرتی ہے۔

عام طور پر عام اور سرکاری پاسپورٹس جاری کیے جاتے ہیں، ان کی میعاد 5 یا 10 سال ہوتی ہے اور 15 سال سے کم عمر بچوں کے لیے 5 سال کا جاری کیا جاتا ہے۔

مشین ریڈ ایبل پاسپورٹ زیادہ محفوظ اور جدید ہیں۔ پاسپورٹ کی درخواست آن لائن یا قونصل خانے میں کی جا سکتی ہے اور اس کے بغیر بین الاقوامی سفر ناممکن ہے۔

پاکستانی شہریوں کے لیے سیاحت، ملازمت، امیگریشن یا دیگر مقاصد کے لیے بیرون ملک سفر کرنے سے قبل پاسپورٹ کا حصول لازمی ہے۔

ڈائریکٹوریٹ آف امیگریشن اینڈ پاسپورٹ کی جانب سے شہریوں کو پاسپورٹ جاری کیے جاتے ہیں جس کے لیے شہریوں کو مطلوبہ دستاویزات اور فیس کی ادائیگی کرنا ہوتی ہے۔

شہری جس کے پاس درست پاکستانی پاسپورٹ ہے جب وہ کسی بیرون ملک ہوتا ہے تو اس ملک میں پاکستان کے سفارتی اور قونصلر نمائندے کے تحفظ کا حقدار ہے۔

پاکستان میں شہری پاسپورٹ کے حصول کے لیے قریبی آفس جاسکتے ہیں، محکمہ پاسپورٹ کی جانب سے اجرا کے لیے تین کیٹیگریز نارمل، ارجنٹ اور فاسٹ ٹریک پیش کیا جاتا ہے۔

دسمبر 2024 پاسپورٹ فیس اپ ڈیٹ

36 صفحات پر مشتمل نارمل پاسپورٹ کی 5 سال کے لیے فیس 4500 روپے ہے جبکہ ارجنٹ پروسیسنگ فیس 7500 روپے ہوگی۔

10 سالہ میعاد اور 36 صفحات پر مشتمل پاسپورٹ کے لیے 6700 روپے ادا کرنا ہوں گے جبکہ ارجنگ کے لیے فیس 11200 روپے مقرر ہے۔

72 صفحات اور 5 سال کی میعاد کے لیے نارمل فیس 8200 روپے ہوگی اور ارجنٹ کے لیے 13500 روپے ادا کرنا ہوں گے۔

10 سال کی میعاد اور 100 صفحات پر مشتمل پاسپورٹ کے لییے نئی فیس نارمل کے لیے 12400 روپے اور ارجنٹ کے لیے 20200 روپے مقرر کی گئی ہے۔