Tag: پاسپورٹ

اسلام آباد : پاسپورٹ بنوانے کے خواہشمند افراد کی بیگ لاک کے حوالے سے بڑی پریشانی ختم ہوگئی۔

تفصیلات کے مطابق نئے پرنٹرز آنے سے محکمہ پاسپورٹس کی پرنٹنگ صلاحیت ڈبل ہوگئی ، محکمہ پاسپورٹس میں نئے جدید پاسپورٹ پرنٹرز کی انسٹالیشن کا عمل مکمل کرلیا گیا۔

نئی مشینری کے اضافے سے محکمہ پاسپورٹ کی پرنٹنگ صلاحیت میں اضافہ ہوا، 10 نئے پرنٹرز کی مدد سے پروڈکشن صلاحیت میں 2 گنا اضافہ ہوا۔

ڈی جی پاسپورٹس مصطفی جمال قاضی نے بتایا کہ روزانہ کی بنیادپر 40 ہزار پاسپورٹس پرنٹ کئےجا رہے ہیں، اس سے قبل یومیہ صلاحیت 20ہزار پاسپورٹس تھی۔

مزید پڑھیں : محکمہ پاسپورٹ نے شہریوں کو بڑی خوشخبری سنادی

مصطفی جمال قاضی کا کہنا تھا کہ 7مزید جدیدمشینیں جلدہی پاسپورٹس ہیڈکوارٹرزپہنچیں گی، ای پاسپورٹس کی پرنٹنگ کیلئے2پرنٹرز منگوائےگئے ہیں۔

جدید پرنٹرز سے پرنٹنگ صلاحیت میں حیران کن اضافہ دیکھنےکوملےگا، صلاحیت میں اضافے کے بعد روزانہ کی بنیاد پر بیگ لاک ختم کر رہے ہیں۔

یاد رہے چند روز قبل محکمہ پاسپورٹ نے شہریوں کے لیے اچھی خبر سناتے ہوئے کہا تھا کہ فاسٹ ٹریک کیٹیگری میں اپلائی کیے گئے پاسپورٹس کا بیگ لاک زیرو ہوچکا ہے جبکہ زیرالتوا پاسپورٹس بھی شہریوں کو تیزی سے فراہم کیے جارہے ہیں۔

حکام نے بتایا تھا کہ 30 ہزار سے زائد فاسٹ ٹریک پاسپورٹس جاری کردیے گئے ہیں، ارجنٹ کیٹیگری کے تحت اپلائی کیے گئے 70 ہزار پاسپورٹس کا بھی اجرا کردیا گیا ہے۔

ان کا کہنا تھا کہ ارجنٹ کیٹیگری کے تحت اپلائی پاسپورٹس کا بیگ لاک پرسوں تک صفر ہوجائے گا، اس کے علاوہ فارن مشنز کے ذریعے اپلائی کیے گئے 17 ہزار 500 پاسپورٹس بھی کلیئر ہیں، آن لائن اپلائی کیے گئے17 ہزارپاسپورٹس کا بھی اجرا کردیا گیا ہے۔

اسلام آباد: محکمہ پاسپورٹ نے رولز میں ترمیم کرتے ہوئے پاسپورٹ بنوانے کیلیے شناختی کارڈ ایڈریس کی شرط ختم کر دی۔

پاسپورٹ رولز میں ترمیم کی گئی جس کے مطابق شہری کسی بھی شہر سے پاسپورٹ بنوا سکتے ہیں۔ رولز میں ترمیم کا مراسلہ علاقائی دفاتر کو ارسال کر دیا گیا ہے۔

مراسلے میں ہدایت کی گئی کہ نئی پالیسی کے تحت شہریوں کو حدود کے دائرہ اختیار میں نرمی دی جائے گی، شہری پاکستان کے کسی بھی شہر سے پاسپورٹ کیلیے اپلائی کر سکتا ہے۔

اس میں مزید کہا گیا کہ ایڈریس کی بنیاد پر پاسپورٹ بنانے کی سہولت سے انکار نہیں کیا جائے گا۔

ڈی جی پاسپورٹ مصطفیٰ جمال قاضی نے اس متعلق کہا کہ فیصلہ شہریوں کو درپیش مشکلات کے پیش نظر کیا گیا، نئی پالیسی کے تحت شہری کسی بھی شہر سے پاسپورٹ بنوانے کے اہل ہوں گے۔

پاسپورٹ پرنٹنگ مشینیں پاکستان پہنچ گئیں

گزشتہ روز شہریوں کی سہولت کیلیے 10 پاسپورٹ پرنٹنگ ڈیسک ٹاپ مشینیں بیرون ملک سے پاکستان پہنچیں جو اگلے ہفتے سے آپریشنل ہو جائیں گی۔

ڈیسک ٹاپ مشینیں آپریشنل ہونے سے موجودہ پرنٹنگ صلاحیت دگنی ہو جائے گی۔ اس وقت روزانہ کی بنیاد پر 20 سے 22 ہزار پاسپورٹ کی پرنٹنگ جاری ہے اور روزانہ ملک بھر سے پاسپورٹ اجرا کی 45 سے 50 ہزار درخواستیں موصول ہورہی ہیں۔

پاکستانی پاسپورٹ ریاست پاکستان کے شہریوں کو بین الاقوامی سفر کیلیے جاری کیا جاتا ہے۔ یہ دستاویز آپ کی شناخت اور پاکستانی شہریت کی تصدیق کرتی ہے اور وزارت داخلہ کی شاخ ڈائریکٹریٹ جنرل آف امیگریشن اینڈ پاسپورٹ پاسپورٹ جاری کرنے کی ذمہ داری ادا کرتی ہے۔

عام طور پر عام اور سرکاری پاسپورٹس جاری کیے جاتے ہیں، ان کی میعاد 5 یا 10 سال ہوتی ہے اور 15 سال سے کم عمر بچوں کے لیے 5 سال کا جاری کیا جاتا ہے۔

مشین ریڈ ایبل پاسپورٹ زیادہ محفوظ اور جدید ہیں۔ پاسپورٹ کی درخواست آن لائن یا قونصل خانے میں کی جا سکتی ہے اور اس کے بغیر بین الاقوامی سفر ناممکن ہے۔

محکمہ پاسپورٹ کی درخواستوں کے لیے تین زمرے پیش کرتا ہے، جس میں نارمل، ارجنٹ اور فاسٹ ٹریک شامل ہیں تاہم دو دن میں پاکستانی پاسپورٹ کیسے بنتا ہے؟

ڈائریکٹوریٹ جنرل آف امیگریشن اینڈ پاسپورٹ شہریوں کو ان کی دستاویزات کی تصدیق کے بعد پاسپورٹ جاری کرنے کا مجاز اتھارٹی ہے۔

محکمہ پاسپورٹ کی درخواستوں کے لیے تین زمرے پیش کرتا ہے، نارمل، ارجنٹ اور فاسٹ ٹریک، درخواست دہندگان کی ایک قابل ذکر تعداد فاسٹ ٹریک آپشن لینے پر مجبور ہے کیونکہ دیگر دو زمروں میں بڑے پیمانے پر تاخیر ہوتی ہے۔

فاسٹ ٹریک سروس کے تحت درخواست گزار کو دو دنوں میں پاسپورٹ جاری کر دیا جاتا ہے۔

کن شہروں میں فاسٹ ٹریک کی سہولت دستیاب ہے؟

فاسٹ ٹریک کی سہولت اسلام آباد راولپنڈی، لاہور، ملتان ، پشاور ، کراچی ، کوئٹہ ، گوجرانوالہ ، فیصل آباد ، سیالکوٹ ، گجرات ، شیخوپورہ ، منڈی بہاؤالدین ، نارووال، ٹوبہ ٹیک سنگھ ، جہلم، مردان ، سکھر ، حیدرآباد، پشین ، مستونگ میں دستیاب ہے.

دو دن میں پاکستانی پاسپورٹ کیسے بنتا ہے؟

جو پاکستانی شہری جو دو دنوں میں اپنا پاسپورٹ حاصل کرنا چاہتے ہیں وہ فاسٹ ٹریک کیٹیگری کا انتخاب کر سکتے ہیں، درخواست جمع کرانے کے دو دن بعد ہی انہیں پاسپورٹ جاری کر دیے جاتے ہیں۔

اکتوبر 2024 : فاسٹ ٹریک پاسپورٹ کی فیس کیا ہے؟

پانچ سال کی میعاد کے ساتھ 36 صفحات پر مشتمل پاسپورٹ کی فیس 12,500 روپے اور 10 سالہ میعاد کے لیے 16,200 روپے ہے، اسی طرح پانچ سال کی میعاد کے ساتھ 72 صفحات پر مشتمل پاسپورٹ کی فاسٹ ٹریک فیس 18,500 روپے ہے جبکہ 10 سال کی فیس 25,200 روپے ہوگی۔

اسی طرح پانچ سال کی میعاد والے 100 صفحات پر مشتمل پاسپورٹ کی فیس 23,000 روپے ہے جبکہ 10 سال کے لیے 32,000 روپے ہے۔

اسلام آباد : بیرون ملک پوسٹ افسران کیلئے ڈپلومیٹک اسٹیٹس مانگ لیا گیا تاہم وزارت خارجہ پاسپورٹ آفس کے افسران کو اسٹیٹس دینے سے گریزاں ہیں۔

تفصیلات کے مطابق امیگریشن پاسپورٹ آفس نے بیرون ملک پوسٹ افسران کیلئے ڈپلومیٹک اسٹیٹس مانگ لیا ، اس سلسلے میں وزارت خارجہ کو  خط لکھ دیا گیا ہے۔

خط میں کہا ہے کہ افسران بیرون ملک پاکستانیوں کو پاسپورٹ ودیگردستاویزات فراہم کرتے ہیں ، پاسپورٹ رول 2021 کے مطابق گزٹ افسران ڈپلومیٹک پاسپورٹ کےاہل ہیں۔

ذرائع نے بتایا کہ وزارت خارجہ پاسپورٹ آفس کے افسران کو  اسٹیٹس دینےسے گریزاں ہیں ، افسران کو  اسٹیٹس دینے سے وزارت خارجہ کی بیرون ملک سیٹیں کم ہو جائیں گی۔

عراق میں بغداد ایئرپورٹ انتظامیہ کی لاپرواہی کے باعث 50 سے زائد پاکستانی زائرین کے پاسپورٹ گم ہوگئے جس کے باعث انہیں وطن واپسی میں مشکلات درپیش ہیں۔

صبح 4 بجے سے خواتین اور بچوں سمیت پاکستانی زائرین بغداد ایئرپورٹ پر موجود ہیں تاہم ایئرپورٹ انتظامیہ انہیں پاسپورٹ فراہم نہیں کر رہی۔

زائرین نے ویڈیو بیان میں بتایا کہ ہماری پرواز صبح 9 بجے بغداد سے اسلام آباد روانہ ہوگئی لیکن ہمارے پاسپورٹ ایئرپورٹ انتظامیہ کو نہیں مل رہے۔

انہوں نے بتایا کہ ایئرپورٹ پر عراقی عملے نے پاسپورٹ لے لیے تھے اور ہمیں نہیں بتایا جا رہا کہ اب وطن کب اور کیسے واپس جائیں گے، صبح 4 بجے سے بھوکے پیاسے ہیں۔

انہوں نے اپیل کی کہ پاکستانی حکومت مدد کرے۔

گورنر سندھ کامران ٹیسوری نے زائرین کی عراق ایئرپورٹ میں پھنس جانے پر نوٹس لیا اور متعلقہ حکام سے رابطہ کر کے زائرین کی جلد واپسی یقینی بنانے کی ہدایت کی۔

کامران ٹیسوری نے کہا کہ زائرین پریشان نہ ہوں حکومت اقدامات یقینی بنا رہی ہے۔