Tag: پاسپورٹ

اسلام آباد : حکومت کا نئے پاسپورٹ اور تجدید کرانے کے حوالے سے اہم فیصلہ سامنے آگیا، جس سے پاسپورٹ بنوانے والوں کی بڑی مشکل آسان ہوجائے گی۔

تفصیلات کے مطابق حکومت نے پاسپورٹ رولز میں ترمیم کرنے کا بڑا فیصلہ کرلیا، نئے پاسپورٹس اور تجدید کرانے کے حوالے سے اہم فیصلہ کیا گیا ہے۔

ترمیم کے بعد پاسپورٹ کسی بھی شہر سے بنوایا جا سکے گا اور کسی بھی نیشنل بنک میں پاسپورٹس کی تمام کٹیگریز کی فیس جمع کرائی جا سکے گی۔

رولز میں ترمیم کی سمری وزارت داخلہ نے کابینہ کو بھجوا دی ، کابینہ کی منظوری کے بعد رولز میں ترمیم کر دی جائے گی اور ترمیم کے بعد شناختی کارڈ کے طرز پاسپورٹ بنایا جا سکے گا۔

خیال رہے پاکستانی پاسپورٹ ریاست پاکستان کے شہریوں کو بین الاقوامی سفر کے لیے جاری کیا جاتا ہے، یہ دستاویز آپ کی شناخت اور پاکستانی شہریت کی تصدیق کرتی ہے اور وزارت داخلہ کی شاخ ڈائریکٹریٹ جنرل آف امیگریشن اینڈ پاسپورٹ پاسپورٹ جاری کرنے کی ذمہ داری ادا کرتی ہے۔

عام طور پر عام اور سرکاری پاسپورٹ جاری کیے جاتے ہیں، پاسپورٹ کی میعاد 5 یا 10 سال ہوتی ہے اور 15 سال سے کم عمر بچوں کے لیے 5 سال کا پاسپورٹ جاری کیا جاتا ہے۔

مشین ریڈ ایبل پاسپورٹ زیادہ محفوظ اور جدید ہیں۔ پاسپورٹ کی درخواست آن لائن یا قونصل خانے میں کی جا سکتی ہے۔ پاسپورٹ کے بغیر بین الاقوامی سفر ناممکن ہے۔

اسلام آباد : پاسپورٹ بنوانے والوں کے لئے نئی مشکل پیدا ہو گئی، پاسپورٹ آفس نے درخواست کی سیاہی کی کھیپ فوری کلیئر کی جائے ورنہ پرنٹنگ کے بحران کا خدشہ ہے۔

تفصیلات کے مطابق پاسپورٹ آفس نے ایف بی آر کو سیاہی کی امپورٹ پر ٹیکس کی ادائیگی موخرکرنے کی درخواست دے دی۔

دستاویز میں بتایا گیا کہ پاسپورٹس کی چھپائی کی سیاہی 28 جولائی کواسلام آباد پہنچ رہی ہے، آفس کسٹمز ڈیوٹی کی رقم کا انتظام نہیں کرسکتا، اس لیے سیاہی کی امپورٹ پر ٹیکس کی ادائیگی موخر کی جائے۔

دستاویز میں کہنا ہے کہ پرنٹنگ کی سیاہی کی کھیپ فوری کلیئر کی جائے، سیاہی کی قلت کی وجہ سے پرنٹنگ تاخیر کا شکار ہے۔

دستاویز کے مطابق پرنٹنگ کیلئے سیاہی کا اسٹاک ختم ہو رہا ہے، سیاہی کی بروقت کلیئرنس سے پاسپورٹ کی پرنٹنگ کے بحران سے بچایا جاسکتاہے۔

دستاویز میں  آفس نے پندرہ دنوں میں کسٹمز کے واجبات ادا کرنے کی یقین دہانی بھی کرائی ہے۔

پاسپورٹ سے متعلق خبریں (arynews.tv)

اسلام آباد : بیرون ملک پناہ لینے والے پاکستانیوں کیلئے اہم خبر آگئی ، حکومت نے پاسپورٹ پر پابندی کا فیصلہ واپس لے لیا۔

تفصیلات کے مطابق نائب وزیراعظم ووزیر خارجہ اسحاق ڈار کی اعلیٰ سطح اجلاس کی صدارت ہوا، اجلاس میں اوورسیز پاکستانیوں کی فلاح و بہبود سے متعلق متعدد اہم امور پر غور کیا گیا۔

اجلاس میں بیرون ملک پناہ (اسائلم) کے خواہاں افراد کیلئے پاکستانی پاسپورٹ کا اجرا معطلی کا سرکلر واپس لینے کا فیصلہ کرلیا۔

نائب وزیراعظم کو بیرون ملک مقیم پاکستانیوں کو بروقت پاسپورٹ کی سہولت پربریفنگ دی گئی ، جس میں نائب وزیر اعظم کو یقین دلایا گیا اوورسیزکےپاسپورٹ کا 60 دن میں اجرا ہوگا۔

یاد رہے حکومت نے ملکی سلامتی اور سیکیورٹی کے تناظر میں اسائلم لینے والے پاکستانیوں کو پاسپورٹ جاری نہ کرنے کا فیصلہ کیا تھا۔

مراسلے میں کہنا تھا کہ ایسے تمام پاکستانی جو کسی بھی بنیاد پر دوسرے ممالک میں پناہ لیں گے، ان کو پاسپورٹ نہیں ملے گا اور ان کے پاسپورٹ منسوخ اور دوبارہ قابل تجدید نہیں ہوں گے۔

اسلام آباد: حکومت کے فیصلے سے پاسپورٹ بنوانے والوں کی بڑی مشکل آسان ہوگئی ، ملک بھر میں گزشتہ ایک سال سے پاسپورٹس کی پرنٹنگ تاخیر کا شکار ہے۔.

تفصیلات کے مطابق ملک بھر میں پاسپورٹس بحران کے خاتمے کیلئے اقدامات تیز کردیے گئے ، حکومت نے پاسپورٹ  بنوانے میں پیش آنے مشکلات کو ختم کرنے کے لیے اہم فیصلہ کرلیا۔

حکومت نے پاسپورٹس پرنٹ کرنیوالی نئی مزید مشینیں منگوانے کا فیصلہ کرلیا ہے ، اس سلسلے میں ڈی جی پاسپورٹس اینڈامیگریشن نے ریکوزیشن تیار کرکے وزارت داخلہ کوارسال کردی ہے۔

حکام کا کہنا ہے کہ نئی مشینوں میں 6 ڈیسک ٹاپ ،2 ای پاسپورٹس مشینیں منگوائی جائیں گی، نئی مشینیں 1گھنٹے میں ایک ہزار پاسپورٹس پرنٹ کی صلاحیت رکھتی ہیں۔

خیال رہے ملک بھر میں گزشتہ ایک سال سے پاسپورٹس کی پرنٹنگ تاخیر کا شکار ہے، پاسپورٹس میں تاخیرکی وجوہات کاغذکی کمی اور مشینریوں کی کم استعداد کار تھی۔

اسلام آباد: پاسپورٹ پر شادی شدہ خاتون کے والد کا نام درج ہوگا یا شوہر کا؟ اس معاملے کے حل کے لیے کمیٹی بنادی گئی۔

تفصیلات کے مطابق پاسپورٹ پر شادی شدہ خاتون کے والد یا شوہر کے نام کے اندراج کے معاملے پر وزیرداخلہ محسن نقوی نے کمیٹی تشکیل دے دی۔

وفاقی سیکرٹری داخلہ خرم علی آغا کمیٹی کے سربراہ ہوں گے، اس معاملے پر محسن نقوی نے قابل عمل حل طلب کرلیا ہے،

وفاقی وزیر داخلہ نے کہا کہ کمیٹی تمام مسئلے کا جائزہ لے کر بہترین حل کے حوالے سے تجاویز پیش کرے، شادی شدہ خواتین کی سہولت اور آسانی کو مدنظر رکھ کر سفارشات تیار کی جائیں۔

ان کا کہنا تھا کہ پوری کوشش ہے کہ اس مسئلے کا قواعد و ضوابط کے تحت فوری حل نکالا جائے۔

اس حوالے سے ڈی جی پاسپورٹس مصطفیٰ جمال نے اپنے بیان میں کہا کہ کہ شادی شدہ خاتون کا پاسپورٹ میں نام کے ساتھ شوہر کا نام درج کرانا قانون ہے، گورنمنٹ ڈاکومنٹ پر چلتی ہے، سرکار میں انفارمل چیزیں استعمال نہیں ہوتیں۔

انھوں نے بتایا کہ پاسپورٹس میں موڈیفکیشن کریں گے، سابقہ شوہر کے نام کا باکس ہوگا۔