ARYNews.tv | Urdu – Har Lamha Bakhabar

Tag: پاناماپیپرز

  • مریم نوازکی جےآئی ٹی میں پیشی‘جوڈیشل اکیڈمی جانےوالےتمام راستےسیل

    مریم نوازکی جےآئی ٹی میں پیشی‘جوڈیشل اکیڈمی جانےوالےتمام راستےسیل

    اسلام آباد: وزیراعظم کی صاحبزادی مریم نوازآج جے آئی ٹی کےسامنے پیش ہوں گی۔جوڈیشل اکیڈمی جانےوالےتمام راستےسیل کردیےگئے۔

    تفصیلات کےمطابق وزیراعظم میاں محمد نوازشریف کی بیٹی مریم نواز آج پاناماکیس کی مشترکہ تحقیقاتی ٹیم کےسامنے اپنا بیان ریکارڈ کرائیں گی۔ٹریفک پولیس کےمطابق سیکٹرایچ ایٹ اورآئی ایٹ کےمتعدد راستے بھی سیل کردیےگئے ہیں۔

    اسلام آباد ٹریفک پولیس نےسیکورٹی پلان بھی جاری کردیا جبکہ شہرمیں2500 سے زائد سیکورٹی اہلکار تعینات کیےگئے ہیں۔

    مریم نواز کی پیشی کےموقع پر وفاقی دارالحکومت میں واقع گارڈن فلائی اوورسےجوڈیشل اکیڈمی کی طرف جانےوالاراستہ بندرہےگا تاہم شہری صاحبزادہ عبد القیوم روڈ استعمال کرسکتےہیں۔

    ترجمان ٹریفک پولیس کےمطابق الشفاءاسپتال سےجوڈیشل اکیڈمی جانےوالا روڈ بند ہے،شہری بیکن ہاؤس روڈ پرجائیں جبکہ میر ظفراللہ جمالی روڈ سےگلی 7سیکٹر ایچ ایٹ فورکی طرف راستہ بند ہےاس کے بدلے شہری میر ظفراللہ جمالی روڈ استعمال کریں۔

    پولیس کےمطابق مریم نوازکی پیشی کےموقع پرآج فیڈرل جوڈیشل اکیڈمی کےاطراف کی سڑکیں بند ہوں گی۔ جوڈیشل اکیڈمی کے سامنے والا پارک بھی خالی کرالیا گیا ہے۔

    واضح رہےکہ اس موقع پر4 ایس پی،11 ڈی ایس پی اور33 انسپکٹرز بھی ڈیوٹی انجام دیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاناما پیپرز سے متعلق بل سینیٹ میں پیش، حکومت کی مخالفت

    پاناما پیپرز سے متعلق بل سینیٹ میں پیش، حکومت کی مخالفت

    اسلام آباد: پاناما پیپرز کی انکوائری سے متعلق بل 2016 حکومت کی مخالفت کے باوجود سینیٹ میں پیش کردیا گیا چیئرمین سینیٹ رضا ربانی نے کہا کہ حکومت سنجیدگی کا اظہار کرے اور مشترکہ اجلاس بلا کر پارلیمنٹ کو اعتماد میں لے۔

    بل کے معاملے پر چیئرمین کو رائے شماری کرنی پڑی، بل کے حق میں 32 جبکہ مخالفت میں 19 ووٹ آئے۔ وزیر قانون زاہد حامد نے کہا کہ بل یک طرفہ ہے اور امتیازی ہے، ایک خاص مائنڈ سیٹ کے تحت یہ بل تیارکیا گیا ہے یہ بل پیش نہ کیا جائے۔

    سینیٹ میں قائد حزب اختلاف اعتزاز احسن نے بل پیش کرتے ہوئے کہا کہ قوم کا سرمایہ خفیہ تجوریوں میں رکھا گیا، ملک میں قوانین اس صورتحال کا تدارک نہیں کرسکتے، یہ بل امتیازی نہیں جس کا نام بھی پاناما لیکس میں ہے اس پر قانون کا یکساں اطلاق کیا جائے۔

    اعتزاز احسن نے کہا کہ ٹی او آرز کے بارے میں یہ تاثر تھا کہ وزیراعظم کے ساتھ امتیازی سلکوک کیا جارہا ہے اس بل میں احتیاط کیا گیا ہے، چیئرمین نے یہ بل متعلقہ قائمہ کمیٹی کے سپرد کردیا،سینیٹ کا اجلاس کل سہ پہر دن بجے تک ملتوی کردیا گیا۔