اسلام آباد : وزیراعظم نوازشریف کے صاحبزادے حسین نوازاوراُن کے ساتھی طارق شفیع نے جے آئی ٹی کے 2 ارکان پراعتراض اُٹھاتے ہوئے سپریم کورٹ کے رجسٹرار کو درخواست ارسال کردی۔

تفصیلات کے مطابق وزیراعظم نوازشریف کے صاحبزادے حسین نواز اور پاناما کیس میں منی ٹریل کے حوالے سے حلف نامہ جمع کرانے والے طارق شفیع نے جے آئی ٹی کے دو اراکین پر اعتراض کا اظہار کرتے ہوئے سپریم کورٹ میں درخواست جمع کرائی ہے۔

ذرائع کے مطابق حسین نواز اور طارق شفیع نے ایک درخواست کے ذریعے رجسٹرارسپریم کورٹ کواعتراض سے تحریری طورپرآگاہ کردیا ہے جس میں دو اراکین پر تحفظات کا اظہار کیا گیا ہے۔

’’پاناما تحقیقات: جے آئی ٹی کے اراکین میں کون کون شامل ہیں؟‘‘

درخواست میں دعوی کیا گیا ہے کہ جےآئی ٹی کے ایک رکن پرویزمشرف کے قریبی ساتھی ہیں جب کہ دوسرے رکن تحریک انصاف کے لیے ہمدردیاں رکھتے ہیں اس لیے دونوں اراکین پرعدم اعتماد ہے۔

حسین نواز اور طارق شفیع نے اپنی درخواست میں اپنے موقف کی تائید میں کہا ہے کہ جےآئی ٹی کے ایک رکن پاکستان تحریک انصاف کے حق میں سوشل میڈیا پر مہم چلاتے ہیں جب کہ دوسرے رکن کے سابق صدر مشرف سے تعلقات کسی سے ڈھکے چھپے نہیں۔

حسین نواز اور طارق شفیع کی جانب سے رجسٹرارکوارسال کی گئی درخواست میں بہ طور ثبوت ایک رکن کے سوشل میڈیا کے اسکرین شاٹس جب کہ دوسرے رکن کی سابق صدر مشرف کے تصاویر بھی منسلک کی گئی ہیں۔

درخواست میں استدعا کی گئی ہے کہ مذکورہ دونوں ارکان پرواضح کیا جائے کہ تفتیش میں خلاف قانون اور ضابطہ اخلاق کے منافی کوئی اقدام نہ کریں اور تحقیقات کے دوران سیاسی وابستگی سے بالاتر رہا جائے جب کہ یہ درخواست پاناما کیس عملدرآمد بینچ کے سامنے مزید غورکے لیے بھی رکھی جائے۔

اسلام آباد : وزیر مملکت برائے اطلاعات و نشریات مریم اورنگزیب نے کہا ہے کہ بلاول بھٹو کے غیر اخلاقی بیان نے آکسفورڈ کی تعلیم کو شرمندہ کردیا ہے، ان کی باتوں لوگ بچہ سمجھ کر نظر انداز کریں گے

وزیر مملکت برائے اطلاعات و نشریات مریم اورنگزیب میڈیا سے گفتگو کرتے ہوئے چیئرمین بلاول بھٹو زرداری کے بیان پر رد عمل دے رہی تھیں، انہوں نے کہا کہ بلاول کے سیاسی استاد شاید ان کی بھلائی نہیں چاہتے ،اس لیے انہیں یہ نہیں بتایا جا رہا ہے کہ پاناما پیپرز میں وزیر اعظم نواز شریف کا نہیں بلکہ بھٹو خاندان کا نام آیاہے،

اسی سے متعلق : آصف زرداری 23 دسمبر کو کراچی پہنچیں گے،میرے خاندان کا نام پاناما پیپرز میں نہیں، بلاول بھٹو

انہوں نے مزید کہا کہ اپنے دورِ حکومت میں پاکستان پیپلز پارٹی کوئی جلسہ نہ کرسکی تھی آج وہ اگر کھلے عام جلسے کر رہے ہیں تو اس کا کریڈٹ نواز شریف کی حکومت کو جاتا ہے۔

یہ بھی پڑھیں : بلاول کو شاید پتہ نہیں کہ پاناما پیپرز میں ان کی والدہ کا نام بھی آیا ہے، چوہدری نثار

واضح رہے کہ بلاول بھٹو زرداری نے وفاقی وزیر داخلہ چوہدری نثار کے بیان کہ ’ پاناما پیپرز میں بے نظیر بھٹو کا نام بھی آیا ہے‘ پر تبصرہ کرتے ہوئے کہا تھا کہ اپنے ایک بیان میں کہا تھا کہ ان کی والدہ کا نام یا ان کے خاندان کے کسی بھی فرد کا نام پاناما اسکینڈل میں نہیں آیا ہے۔