لیہ: پنجاب کےشہر لیہ میں باپ نےاپنےبچوں کوزہردےکرخود بھی زہرکھالیاجس کےنتیجےمیں 5بچےاورباپ جاں بحق ہوگئے۔
تفصیلات کےمطابق لیہ کے علاقے چوک اعظم کے قریب واقع چک نمبر 341 ٹی ڈی اےمیں گھریلو ناچاقی سےتنگ آ کرباپ نےاپنے 5 بچوں کو زہر دے کر موت کے گھاٹ اتارا اور پھر خود بھی زہر پی لیا۔
محمد طارق نامی شخص کو تشویش ناک حالت میں اسپتال منتقل کیا گیا تاہم وہ جانبر نہ ہوسکا۔
پولیس کے مطابق افسوس ناک واقعے میں جاں بحق ہونے والے بچوں میں 4 بچیاں اور 1 بچہ شامل ہےجن کی عمریں 5 سے 12 سال کے درمیان ہیں۔
پولیس حکام کےمطابق محمد طارق کو تشویش ناک حالت میں مقامی اسپتال منتقل کیا گیا تھا،بعدازاں اسےڈی ایچ کیواسپتال منتقل کیا جارہاتھا لیکن وہ راستے میں دم توڑ گیا۔
محمدطارق نےڈیڑھ سال پہلےبیوی کوطلاق دی تھی اور اس کا کاگھرمیں بھائیوں اوربھابھیوں سےجھگڑارہتاتھا
لیہ میں زہریلی مٹھائی سے ہلاکتوں کی تعداد 34 ہوگئی
یاد رہےکہ گزشتہ سال مئی میں لیہ کی تحصیل کہروڑ لعل عیسن میں بچے کی پیدائش پرتقسیم کی جانے والی مٹھائی کو کھانے سے 34 افراد جان کی بازی ہارگئے تھے۔
واضح رہےکہ بعدازاں مٹھائی فروش طارق کے چھوٹے بھائی خالد نےمجسٹریٹ کے روبرو مٹھائی میں زہر ملانے کا اعتراف کیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
