Tag: پانڈا

اس تصویر میں کون سی مشہور شخصیت کا چہرہ چھپا ہے؟

بصری یا تصویر میں چھپے دھوکے انسانی دماغ کو اچانک چوکنا کر کے اسے محنت کرنے پر اکساتے ہیں جس سے دماغ اپنی صلاحیتوں کو کام میں لاتا ہے۔

ماہرین نفسیات کا کہنا ہے کہ ہمارا دماغ ایک خاص ترتیب میں معلومات کو محفوظ کرتا ہے، جیسے ہمارے دماغ کو معلوم ہے کہ بہت سارے درختوں کا مجموعہ جنگل کہلاتا ہے۔

لیکن اگر اس ترتیب کو بدلا جائے اور نئے طریقے سے وہی چیز دماغ کے سامنے پیش کی جائے تو وہ اسے پہچاننے کے لیے نئے طریقے اپناتا ہے اور اسی سے ہمارے دماغ کی استعداد بڑھتی ہے۔

آج ہم ایسی ہی دو تصویریں آپ کو دکھا رہے ہیں جن میں سے ایک تصویر میں ایک مشہور شخصیت، اور دوسری تصویر میں ایک جانور چھپا ہوا ہے۔

سیاہ اور سفید دائروں اور لکیروں کے مجموعے پر مشتمل ان تصاویر میں چھپی شکلیں آپ کی جانی پہچانی ہیں، لیکن انہیں پہچاننے کے لیے آپ کے دماغ کو ذرا سی محنت کرنی ہوگی۔

⬇

⬇

⬇

⬇

⬇

⬇

⬇

⬇

⬇

⬇

کیا آپ انہیں ڈھونڈنے میں کامیاب ہوگئے؟

⬇

⬇

⬇

⬇

⬇

⬇

⬇

⬇

⬇

⬇

اگر نہیں، تو اس کا آسان طریقہ یہ ہے کہ اپنی اسکرین کو ذرا سا دور کرلیں، یا پھر آنکھوں کو ذرا سا بند کر کے ان تصاویر کو دیکھیں۔

اب تو آپ کو پتہ چل ہی گیا ہوگا کہ پہلی تصویر میں معروف گلوکار مائیکل جیکسن، اور دوسری تصویر میں پانڈا چھپا ہوا ہے۔

آپ نے کتنی دیر میں انہیں ڈھونڈ لیا تھا؟

جون 19, 2022
جائنٹ پانڈا روس پہنچ گیا

ماسکو: چین کی پانڈا ڈپلومیسی کے تحت جائنٹ پانڈا روس کے دارالحکومت ماسکو پہنچ گیا، معصوم پانڈا کو دیکھنے کے لیے لوگوں کی بڑی تعداد امڈ آئی۔

چینی صدر زی جن پنگ کے دورہ ماسکو کے موقع پر چین سے 2 جائنٹ پانڈا بھی ماسکو پہنچ گئے، چین کی جانب سے پانڈا ڈپلومیسی روس کے ساتھ تعلقات کو مزید بہتر کرنے کی ایک کوشش ہے۔

چین سے لائے گئے پانڈا کی تعداد 2 ہے جن کی چڑیا گھر میں رونمائی کے موقع پر چینی صدر اور روسی صدر ولادیمیر پیوٹن بھی موجود تھے۔



یاد رہے کہ پانڈا صرف چین میں پایا جاتا ہے جہاں اس کی معدوم ہوتی نسل کو دیکھتے ہوئے ہنگامی اقدامات اٹھائے گئے جس کے بعد اب پانڈا کی نسل مستحکم درجے پر آگئی ہے۔

چین اب اسے امریکا سمیت دوسرے ممالک میں بھی بھیج رہا ہے جسے پانڈا ڈپلومیسی کہا جاتا ہے۔

اس سے ایک طرف تو چین کے بین الاقوامی تعلقات خوشگوار ہوتے ہیں، دوسری جانب پانڈا کی ختم ہوتی نسل کو بھی دیگر مقامات اور آب و ہوا سے متعارف کروایا جاتا ہے تاکہ وہ مختلف موسموں سے مطابقت کرتے ہوئے اپنی نسل میں اضافہ کریں۔

جون 10, 2019
مادہ پانڈا کو دھوکا دے کر اس کے بچے بدل دیے گئے

چین میں پانڈا کے تحفظ کے لیے بنائے جانے والے ایک سینٹر میں ایک مادہ پانڈا کو بے خبر رکھ کر اس کے بچوں کی پرورش کروائی جارہی ہے۔

چین کے شہر چنگژو میں اس مادہ پانڈا نے دراصل جڑواں بچوں کو جنم دیا ہے۔ مادہ پانڈوں کی اکثریت زیادہ تر جڑواں بچوں کو ہی جنم دیتی ہیں تاہم پیدائش کے بعد وہ ایک بچے کو لاوارث چھوڑ دیتی ہیں۔

خیال کیا جاتا ہے کہ وہ ایسا اس لیے کرتی ہیں کیونکہ وہ بیک وقت دو بچوں کو دودھ نہیں پلا سکتیں اور نہ ان میں اتنی توانائی ہوتی ہے کہ 2 بچوں کی نگہداشت کرسکیں۔

تاہم اس سینٹر میں کوشش کی جارہی ہے کہ پانڈا کے دونوں بچے اپنی ماں کے زیر نگہداشت ہی بڑھ سکیں۔

اس کے لیے سینٹر کی انتظامیہ کچھ وقت کے بعد ایک بچے کو دوسرے سے بدل کر ماں کے قریب رکھ دیتی ہے۔ یوں مادہ پانڈا دونوں بچوں کو دودھ پلاتی ہے اور ان کا خیال رکھتی ہے۔

مزے کی بات یہ ہے کہ مادہ پانڈا اب تک اس دھوکے میں ہے کہ اس کا ایک ہی بچہ ہے جسے وہ پال رہی ہے۔

اس عمل کے لیے سینٹر کی انتظامیہ کو نہایت تحمل کا مظاہرہ کرنا پڑتا ہے۔ وہ دن میں تقریباً 10 سے 11 بار بچے بدلنے کا یہ عمل انجام دیتے ہیں۔

سینٹر کی انتظامیہ کا یہ عمل دراصل پانڈا کی آبادی میں اضافے کے لیے کی جانے والی کوششوں کی ایک کڑی ہے۔



دسمبر 20, 2018
موسم سرما کی پہلی برف باری میں پانڈا خوشی سے سرشار

ہیلونگ ژیانگ: چین میں موسم سرما کی پہلی برف باری ہوئی تو انسان تو انسان، انسانوں کا ایک خوب صورت اور معصوم دوست پانڈا بھی خوشی سے سرشار ہو گیا۔

یہ واقعہ ہے جمہوریہ چین کے صوبے ہیلونگ ژیانگ کا، جہاں سرما کی پہلی برف گری اور ماحول کا رنگ تبدیل ہو گیا، ہر طرف ماحول خوش گوار ہو گیا۔

موسم سرما کی برف باری کے خوش گوار اثرات ہیلونگ ژیانگ کے اس خوب صورت اور معصوم پانڈا پر بھی پڑے اور وہ خوشی سے نہال ہو کر برف باری سے لطف اندوز ہونے لگا۔

شمال مغربی چینی صوبے کے شہر ہربِن کے ایک پارک میں پانڈا برف میں قلابازیاں کھاتے ہوئے اپنی پسند کے رنگ کی گیند کے ساتھ کھیلنے لگا، سیجیا نامی مادہ پانڈا کو سرخ رنگ بہت پسند ہے۔

بارہ سالہ پانڈا کو 2016 میں چین کے سیچوان صوبے سے یہاں منتقل کیا گیا ہے، اس پارک میں اس کے ساتھ کھیلنے کے لیے دس سالہ نر پانڈا بھی موجود ہے۔

پانڈا کے کھیلنے کے لیے پارک میں لکڑی کا ایک جھولا بھی لگایا گیا ہے جس پر وہ برف باری کے موسم میں سرشار ہو کر جھولتا ہے۔

اکتوبر 30, 2018
پانڈا کے ننھے منے بچوں نے رینگنا سیکھ لیا

چین میں بڑے (جائنٹ) پانڈا کے ننھے منے بچوں نے رینگنا اور پرورش پانا شروع کردیا جن کی تصاویر و ویڈیوز سوشل میڈیا پر بے حد وائرل ہورہی ہیں۔

جنوبی چین میں واقع شہر گوانگ ژو کے بریڈنگ سینٹر میں رہنے والی پانڈا ٹنگ ٹنگ کو وینگ چنگ میں آنے والے زلزلے کے بعد یہاں منتقل کیا گیا تھا۔

اس وقت ایک ہی بچہ اس کے ساتھ تھا جو بہت ننھا سا تھا۔

گوانگ ژو میں آنے کے بعد پانڈا کے پاس ایک اور بچے کی پیدائش ہوئی اور اب دونوں بچے نہایت صحت مند ہیں اور پرورش پا رہے ہیں۔

بریڈنگ سینٹر کی جانب سے جاری کی جانے والی ویڈیو میں دیکھا جاسکتا ہے کہ دونوں پانڈا رینگنا سیکھ رہے ہیں۔

یاد رہے کہ پانڈا چین کا قومی جانور ہے اور عالمی ادارہ برائے تحفظ ماحولیات آئی یو سی این نے اس جانور کو معدومی کے خطرے کا شکار جانوروں کی فہرست میں شامل کر رکھا تھا۔

تاہم چین نے پانڈا کے تحفظ اور نسل میں اضافے کے لیے مؤثر ہنگامی اقدامات اٹھائے جس کے بعد یہ معصوم جانور اب معدومی کے خطرے سے باہر نکل آیا ہے۔



اکتوبر 12, 2018
ماں کے انتظار میں نڈھال ننھے پانڈا کی تصاویر وائرل

چین میں اپنی ماں کے انتظار میں نڈھال ننھے پانڈے کی تصاویر سوشل میڈیا پر وائرل ہوگئیں۔

چین کے وولونگ پانڈا کلب کی جانب سے سماجی رابطوں کی ویب سائٹ پر پوسٹ کی جانے والی تصاویر میں ایک ننھا پانڈا دکھائی دے رہا ہے جو اپنی ماں کا انتظار کر رہا ہے۔

پانڈا کی ماں کھانا کھانے کی غرض سے دور ہے اور پانڈا اس کا انتظار کرتا ہوا نہایت نڈھال اور نیند میں اونگھتا معلوم ہورہا ہے۔

سماجی رابطوں کی ویب سائٹ پر مقبول ہونے کے بعد لوگوں نے اس ننھے پانڈے سے ہمدردی کا اظہار کیا اور اس کی تنہائی پر افسوس بھی کیا۔

اگست 15, 2018
نیند کے وقت پانڈا کے ننھے بچوں کی موج مستیاں

بیجنگ: چین میں 7 ننھے ننھے پانڈا کے بچوں کو سونے کے لیے الگ سے جگہ مہیا کی گئی تاہم سونے کے لیے رکھے گئے یہ ڈبے دیکھ کر پانڈوں کی نیند اڑن چھو ہوگئی اور انہوں نے کھیلنا شروع کردیا۔

ان 7 پانڈوں کو سونے کے لیے آرام دہ جگہ مہیا کرنے کی خاطر ان کے علیحدہ کمرے میں کچھ باکسز بنائے اور سوچا گیا کہ پانڈا یہاں اطمینان سے آرام کریں گے۔

مگر جیسے ہی انہیں ان باکسز میں ڈالا گیا، انہیں لگا کہ شاید انہیں کھیلنے کے لیے یہاں رکھا گیا ہے چنانچہ انہوں نے سونے کے بجائے ایک دوسرے کے باکسز میں تاک جھانک اور موج مستی شروع کردی۔

ہر پانڈا کی کوشش تھی کہ کسی طرح وہ اس باکس سے باہر نکل آئے۔ اس کوشش میں ایک پانڈا دوسرے پانڈا کے باکس میں گھس آیا جبکہ کونے میں موجود پانڈا اپنے باکس میں سے دھڑام سے گر پڑا۔

پانڈوں کی معصومانہ حرکات پر مبنی یہ ویڈیو سوشل میڈیا پر بے حد وائرل ہوگئی۔

یاد رہے کہ پانڈا صرف چین میں پایا جاتا ہے جہاں اس کی معدوم ہوتی نسل کو دیکھتے ہوئے ہنگامی اقدامات اٹھائے گئے جس کے بعد اب پانڈا کی نسل مستحکم درجے پر آگئی ہے۔

چین اب اسے امریکا سمیت دوسرے ممالک میں بھی بھیج رہا ہے جسے پانڈا ڈپلومیسی کہا جاتا ہے۔

اس سے ایک طرف تو چین کے بین الاقوامی تعلقات خوشگوار ہوتے ہیں، دوسری جانب پانڈا کی ختم ہوتی نسل کو بھی دیگر مقامات اور آب و ہوا سے متعارف کروایا جاتا ہے تاکہ وہ مختلف موسموں سے مطابقت کرتے ہوئے اپنی نسل میں اضافہ کریں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اکتوبر 30, 2017
دادی پانڈا کی 35 ویں سالگرہ

بیجنگ: چین میں 35 سالہ مادہ پانڈا کی سالگرہ دھوم دھام سے منائی گئی۔ اس مادہ پانڈا کے بچوں اور ان سے پیدا ہونے والے مزید بچوں کی تعداد 118 ہے۔

جنوب مغربی چین کے شہر چونگ کنگ کے چڑیا گھر میں موجود اس مادہ پانڈا کی 35 ویں سالگرہ بہت دھوم دھام سے منائی گئی۔

اس موقع پر پانڈا کی کیک اور اس کی پسندیدہ خوراک بمبوز یعنی بانس سے اس کی تواضع کی گئی۔ پس منظر میں ہیپی برتھ ڈے ٹو یو کا گانا بھی بجایا گیا۔

سنہ 1982 میں پیدا ہونے والی زنگ زنگ دنیا کی طویل العمر مادہ پانڈا میں سے ایک ہونے کا اعزاز رکھتی ہے۔ اس کی اولادیں اور ان کی اولادیں امریکا، کینیڈا اور جاپان سمیت دنیا بھر کے 20 مختلف ممالک میں پرورش پا رہی ہیں۔

سنہ 2002 میں زنگ زنگ نے 20 سال کی عمر میں حاملہ ہو کر پانڈا کی سب سے طویل العمری میں ہونے والے حمل کا ریکارڈ توڑ دیا۔ اس وقت اس نے دو جڑواں بچوں کو جنم دیا تھا۔

چڑیا گھر کی انتظامیہ کا کہنا ہے کہ اس پانڈا کو نہایت خصوصی توجہ دی جاتی ہے اور باقاعدگی سے طبی ٹیسٹ کیے جاتے ہیں۔ تاحال اسے ایسا کوئی طبی مسئلہ نہیں جو اس کے لیے جان لیوا بن سکتا ہو۔

یاد رہے کہ پانڈا کی مجموعی طبعی عمر 15 سے 20 سال تک ہوتی ہے۔ تاہم اگر انہیں دیکھ بھال کے ساتھ انسانی نگرانی میں رکھا جائے تو زیادہ سے زیادہ یہ 30 سال تک جی سکتے ہیں۔

پانڈا کی یہ عمر انسانوں کی 90 سال کی عمر کے برابر ہوتی ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

ستمبر 18, 2017
چین میں پانڈا کے ساتھ برے سلوک پر تنازعہ

بیجنگ: چین میں ایک پانڈا بریڈنگ سینٹر میں انتظامیہ کے افراد کی جانب سے 2 پانڈا کے ساتھ جارحانہ رویہ اپنانے پر ملک بھر میں غم و غصے کی لہر دوڑ گئی۔

مغربی چین کے علاقے چنگ ڈو میں واقع اس بریڈنگ سینٹر سے سامنے آںے والی یہ متنازعہ ویڈیو سوشل میڈیا پر وائرل ہوچکی ہے۔

مزید پڑھیں: وائلڈ لائف نگہبان ۔ پانڈا ڈیڈی

ویڈیو میں دیکھا جاسکتا ہے کہ 2 معصوم پانڈا اپنے مخصوص حصے کے دورازے سے باہر نکلنے کی کوشش کر رہے ہیں اور انہیں روکنے کے لیے ان کے نگران ان سے نہایت برا سلوک کر رہے ہیں۔

دونوں نگران ان پانڈوں کو گھسیٹتے اور اٹھا کر پھینکتے بھی دکھائی دے رہے ہیں۔

سوشل میڈیا پر وائرل ہوجانے کے بعد لوگ ان نگرانوں کے خلاف کارروائی کا مطالبہ کر رہے ہیں۔

ایک شخص نے تبصرہ کیا، ’اگر آپ میں صبر اور برداشت نہیں ہے تو آپ کو پانڈا کا نگران نہیں بننا چاہیئے‘۔

یاد رہے کہ پانڈا چین کا قومی جانور ہے اور عالمی ادارہ برائے تحفظ ماحولیات آئی یو سی این نے اس جانور کو معدومی کے خطرے کا شکار جانوروں کی فہرست میں شامل کر رکھا تھا۔

تاہم چین نے پانڈا کے تحفظ اور نسل میں اضافے کے لیے مؤثر ہنگامی اقدامات اٹھائے جس کے بعد یہ معصوم جانور اب معدومی کے خطرے سے باہر نکل آیا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جولائی 29, 2017
چین میں پانڈا کی شکل کا شمسی توانائی پارک

بیجنگ: چین کے شہر ڈٹونگ میں دنیا کے سب سے خوبصورت پانڈا پاور پلانٹ کی تعمیر کا کام جاری ہے۔ ایک بڑے پانڈا کی شکل میں یہ شمسی توانائی سے بجلی پیدا کرنے کا ایک اہم مرکز بن جائے گا۔

اقوام متحدہ کے ترقیاتی پروگرام یو این ڈی پی کی معاونت سے بنایا گیا یہ سولر پارک چین کے قومی جانوروں میں سے ایک پانڈا کی شکل میں تعمیر کیا گیا ہے۔

پانڈا سولر فارم چین کے چند بڑے ماحول دوست توانائی حاصل کرنے والے منصوبوں میں شامل ہے جو 250 ایکڑ پر پھیلا ہوا ہے۔

فارم میں شمسی توانائی حاصل کرنے کے پینلز اس طرح سے لگائے گئے ہیں کہ فضا سے یہ ایک جائنٹ پانڈا معلوم ہوتا ہے۔

چین میں توانائی کی ضروریات پوری کرنے کے لیے مذکورہ چینی کمپنی پانڈا کی شکل کے مزید سولر فارم بنانے کا ارادہ رکھتی ہے۔ فارم کی تعمیر مکمل ہوجانے کے بعد یہاں سے بجلی کی ترسیل بھی شروع ہوجائے گی۔

منتظمین کا کہنا ہے کہ پانڈا کی شکل کا سولر فارم نئی نسل کو ماحولیاتی بہتری کے لیے ماحول دوست توانائی کے ذرائع اور معدومی کے خطرے کا شکار جانور پانڈا کے تحفظ کی طرف متوجہ کرنا ہے۔

مزید پڑھیں: پانڈا معدومی کے خطرے کی زد سے باہر

یاد رہے کہ چین اپنی توانائی کی تمام ضروریات کوئلے سے پوری کرتا ہے جس کے باعث چین دنیا کے فضائی طور پر آلودہ ترین ممالک کی فہرست میں سب سے اوپر ہے۔

چین کی فضائی آلودگی اس قدر خطرناک ہوچکی ہے کہ یہ ہر روز 4 ہزار افراد کی موت کا سبب بن رہی ہے جو آلودگی کے باعث مختلف بیماریوں کا شکار ہوجاتے ہیں۔

چین سمیت دنیا بھر میں اب کوئلے اور دیگر فاسل فیولز کا استعمال کم کر کے آہستہ آہستہ توانائی کی ضروریات قابل تجدید ذرائع سے پوری کی جارہی ہیں جن میں سرفہرست شمسی توانائی کا استعمال ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جولائی 8, 2017