ARYNews.tv | Urdu – Har Lamha Bakhabar

Tag: پانڈیا

  • پانڈیا کی اہلیہ سے علیحدگی کے بعد بیٹے سے پہلی ملاقات، ویڈیو وائرل

    پانڈیا کی اہلیہ سے علیحدگی کے بعد بیٹے سے پہلی ملاقات، ویڈیو وائرل

    عالمی شہرت یافتہ بھارت کے معروف کرکٹر و آل راؤنڈر ہاردک پانڈیا اور ان کی سابقہ اہلیہ نتاشا اسٹینکووچ کی طلاق کے بعد پہلی بار کھلاڑی کی اپنے بیٹے اگستیا سے ملاقات ہوئی۔

    بھارتی میڈیا کی رپورٹس کے مطابق مختلف سوشل میڈیا پلیٹ فارمز پر کھلاڑی اور ان کے بیٹے اگستیا کی ایک ویڈیو گردش کررہی ہے، جس میں وہ اپنے بچے کو گود میں اُٹھائے ہوئے ہیں۔

    میڈیا رپورٹس کے مطابق جولائی 2024ء میں طلاق کی تصدیق سے قبل نتاشا اسٹینکووچ اپنے بیٹے کے ساتھ اپنے آبائی ملک سربیا روانہ ہوگئی تھیں۔

     

    View this post on Instagram

     

    A post shared by Buzzzooka Events (@buzzzooka_events)

    تاہم اب بھارتی کرکٹر کی سابقہ اہلیہ اپنے بیٹے کے ہمراہ واپس بھارت آ گئی ہیں، بھارت واپس آنے کے بعد اگستیا اور ہاردک کی پہلی ملاقات دو روز قبل ہوئی ہے جس کی ویڈیو سوشل میڈیا پر گردش کررہی ہے۔

    یاد رہے کہ 31 مئی 2020ء کو ہاردک پانڈیا نے اپنی دیرینہ محبت اداکارہ نتاشا اسٹینکووچ سے ممبئی کی ایک عدالت میں شادی کی تھی۔

    رونالڈو کی بیٹی نے والد کو حیران کردیا، ایسا کیا ہوا؟

    کورونا وائرس کی وجہ سے عائد سماجی پابندیوں کے سبب 2020ء میں ان کی شادی کی شاندار تقاریب کا انعقاد نہیں ہوسکا تھا، جس کی وجہ سے انہوں نے گزشتہ برس ویلنٹائن ڈے کے موقع پر ہندو اور عیسائی ثقافتوں کے مطابق دوبارہ شادی کی تھی۔

  • پانڈیا کی سابقہ اہلیہ نتاشا سربیا سے ممبئی پہنچ گئیں، ویڈیو سامنے آگئی

    پانڈیا کی سابقہ اہلیہ نتاشا سربیا سے ممبئی پہنچ گئیں، ویڈیو سامنے آگئی

    بھارتی کرکٹ ٹیم کے آل راؤنڈر ہاردیک پانڈیا کی سابقہ اہلیہ نتاشا اسٹینکووچ گزشتہ روز اپنے بیٹے آگستیا کے ساتھ بھارت کے شہر ممبئی پہنچ گئیں۔

    بھارتی میڈیا کا کہنا ہے کہ جوڑے کے درمیان طلاق کی کارروائی جاری ہے، سوشل میڈیا پوسٹ کے ذریعے گزشتہ جولائی میں دونوں نے علیحدگی کا اعلان کیا تھا جس کے بعد نتاشا سربیا روانہ ہوگئیں تھیں، سربیا میں ڈیڑھ ماہ قیام کے بعد اب وہ واپس ممبئی پہنچی ہیں۔

    بدھ کی شام ممبئی کے علاقے باندرہ میں 32 سالہ پرکشش ماڈل و اداکارہ کو دیکھا گیا جہاں پاپارازی فوٹو گرافرز نے انکی جانب سے پوز دینے پر تصاویر بنائیں۔

    دوسری جانب انکی اس طرح اچانک واپسی سے ہر ایک کی توجہ انکی جانب مبذول ہے۔

    ٹیسٹ میں 10 ہزار رنز نہ بنائے تو شرم کا مقام ہوگا! کوہلی کو ایسا کس نے کہا؟

    واضح رہے کہ ہاردیک پانڈیا اور بھارتی نژاد برطانوی گلوکارہ و ٹیلی ویژن پرسنالٹی جیسمین والیا کے ساتھ رومانی ملاقاتوں کی افواہیں بھی سامنے آرہی ہیں۔

  • پانڈیا کی جیسمین والیہ سے ڈیٹنگ، تصاویر سامنے آگئیں

    پانڈیا کی جیسمین والیہ سے ڈیٹنگ، تصاویر سامنے آگئیں

    بھارتی کرکٹ ٹیم کے آل راؤنڈر ہاردیک پانڈیا نے اپنی اہلیہ نتاشا اسٹینکووچ سے طلاق کے کچھ ہی روز بعد برطانوی گلوکارہ جیسمین والیہ سے ڈیٹنگ شروع کردی۔

    بھارتی میڈیا کا اس حوالے سے کہنا ہے کہ آل راؤنڈر پانڈیا اور 29 سالہ جیسمین والیہ کی ڈیٹنگ کی افواہیں زیرِ گردش ہیں اور دونوں یونان میں ساتھ چھٹیاں گزار نے میں مصروف ہیں۔

    بھارتی آل راؤنڈر اور جیسمین والیہ کی ڈیٹنگ کی خبریں اس وقت سامنے آنا شروع ہوئیں جب مداحوں نے غور کیا کہا یہ دونوں سوشل میڈیا پر ایک ہی جگہ سے ایک جیسی تصاویر شیئر کر رہے ہیں۔

    بھارتی میڈیا کا کہنا ہے کہ پانڈیا اور جیسمین والیہ نے ایک سوشل میڈیا پلیٹ فارم پر بھی ایک دوسرے کو فالو کرنا شروع کر دیا ہے۔

    برطانوی ٹیلی ویژن کی شخصیت اور گلوکارہ جیسمین والیہ کی میوزک انڈسٹری میں اپنی منفرد پہچان ہے، ان کی پیدائش برطانیہ میں بھارتی نژاد والدین کے ہاں ہوئی تھی۔

    یاد رہے کہ بھارتی ٹیم کے بہترین آل راؤنڈر اور ان کی اہلیہ سربین اداکارہ و ماڈل نتاشا اسٹینکووچ کی 4 سالہ شادی گزشتہ ماہ جولائی میں طلاق پر اختتام پذیر ہوگئی تھی۔

  • پانڈیا طلاق کے بعد بیوی کو کتنی رقم دیں گے؟

    پانڈیا طلاق کے بعد بیوی کو کتنی رقم دیں گے؟

    بھارتی کرکٹ ٹیم کے آل راؤنڈر ہاردیک پانڈیا اور ان کی اہلیہ، سربین اداکارہ و ماڈل، نتاشا اسٹینکووچ کے درمیان علیحدگی کی صورت میں پانڈیا کی لگژری زندگی متاثر ہونے کا خدشہ پیدا ہوگیا ہے۔

    بھارتی میڈیا کا کہنا ہے کہ نتاشا اسٹینکووچ کے اثاثوں کی مالیت 20 کروڑ بھارتی روپے ہے جبکہ بھارتی کرکٹر پانڈیا 90 کروڑ سے زائد اثاثوں کے مالک ہیں۔

    دونوں کے درمیان طلاق کی خبریں سامنے آنے کے بعد نتاشا اسٹینکووچ، ہاردیک پانڈیا کی 70 فیصد جائیداد کی ملکیت حاصل کرسکتی ہیں۔

    واضح رہے کہ طلاق کی تصدیق سے قبل اس حوالے سے نتاشا اسٹینکووچ نے انسٹااسٹوری بھی شیئر کی تھی، جس میں اُن کا کہنا تھا کہ ’کوئی بہت جلد سڑک پر آنے والا ہے‘۔

    اُس وقت انہوں نے اپنی اسٹوری میں یہ تو واضح طور پر نہیں بتایا تھا کہ وہ کس کے متعلق بات کررہی ہیں۔

    مگر اس وقت ان کی انسٹااسٹوری ان کی اور پانڈیاکی طلاق کی گردشی خبروں کو ہوا دینے کے ساتھ ساتھ اس بات کا بھی اشارہ کر رہی تھی کہ طلاق کی صورت میں نتاشا ہاردیک پانڈیا سے 70 فیصد جائیداد کا مطالبہ کر سکتی ہیں۔

    بھارتی میڈیا کا کہنا ہے کہ کرکٹر ماضی میں یہ کہہ چکے ہیں کہ وہ اپنی تمام جائیداد اور اثاثوں کے اکیلے مالک نہیں بلکہ ان کی والدہ بھی ان کی ملکیت میں شراکت دار ہیں۔

    بھارتی قانون کہتا ہے کہ پانڈیا کی اہلیہ اب بھی نان نفقے کا مطالبہ کرسکتی ہیں اور ایسی صورت میں پانڈیا کو بڑی رقم سے محروم ہونا پڑے گا۔

    نتاشا اور ہاردک میں طلاق ہوگئی! اداکارہ نے تصدیق کردی

    بھارتی میڈیا کا کہنا ہے کہ اگر پانڈیا کی اہلیہ نے نان نفقے کا مطالبہ کیا تو انہیں تقریباً 64 کروڑ روپے تک مل سکتے ہیں، جو بھارتی کرکٹر کے لئے ایک بڑا دھچکا ہوگا۔

  • پانڈیا کی اہلیہ بیٹے کے ہمراہ بھارت چھوڑ گئیں، وجہ سامنے آگئی

    پانڈیا کی اہلیہ بیٹے کے ہمراہ بھارت چھوڑ گئیں، وجہ سامنے آگئی

    بھارت کے ورلڈ کلاس آل راؤنڈر ہاردک پانڈیا کی اہلیہ نتاشا اسٹینکوویچ طلاق کی افواہوں کے درمیان بیٹے کے ہمراہ بھارت چھوڑ کر روانہ ہوگئیں۔

    بھارتی میڈیا کا اس حوالے سے کہنا ہے کہ گزشتہ روز سربیئن ماڈل و اداکارہ نتاشا اسٹینکوویچ اپنے بیٹے کے ہمراہ ممبئی ائیرپورٹ پر موجود تھیں۔

    پانڈیا کی اہلیہ نے سوشل میڈیا پلیٹ فارم انسٹاگرام اسٹوری پر اپنا سامان پیک کرتے ہوئے ایک تصویر شیئر کی تھی، جس کے کیپشن سے مداحوں نے اندازہ لگایا کہ نتاشا اپنے بیٹے کے ہمراہ آبائی ملک سربیا روانہ ہوگئی ہیں۔

    بھارتی میڈیا کا یہ دعویٰ بھی سامنے آرہا ہے کہ بھارتی آل راؤنڈ پانڈیا کی اہلیہ نتاشا اپنے بیٹے کے ساتھ آبائی ملک سربیا چلی گئی ہیں۔

    واضح رہے کہ پانڈیا اور سربیئن اداکارہ و ماڈل نتاشا اسٹینکوویچ کی مئی 2020 میں شادی ہوئی تھی، تاہم رواں سال مئی میں اس وقت ان کی علیحدگی کی خبریں سامنے آنے لگیں، جب نتاشا نے اپنے انسٹاگرام اکاؤنٹ پر نام کے ساتھ ’پانڈیا‘ کا نام ہٹا دیا تھا۔

    نتاشا کے آئی پی ایل 2024 کے میچز میں شریک نہ ہونے سے بھی دونوں کے درمیان علیحدگی کی افواہوں کو تقویت ملی تھی۔

  • ہاردیک پانڈیا اور نتاشا کی طلاق کا ڈراپ سین ہوگیا

    ہاردیک پانڈیا اور نتاشا کی طلاق کا ڈراپ سین ہوگیا

    بھارتی کرکٹ ٹیم کے نائب کپتان ہاردیک پانڈیا کی اہلیہ نتاشا اسٹینکووچ کی طلاق کا ڈراپ سین ہوگیا۔

    فوٹو اینڈ ویڈیو شیئرنگ ایپ انسٹاگرام سے غائب کی گئی شادی کی تصاویر ہاردیک پانڈیا کی اہلیہ نتاشا اسٹینکووچ نے پھر سے ’ان آرکائیو‘ کردیں۔

    جنوری 2020 میں منگنی اور پھر 31 مئی 2020 کو شادی کے بندھن میں بندھنے والی معروف جوڑی کی طلاق کی خبریں گردش کررہی ہیں۔

    اگرچہ سوشل میڈیا پر اسٹار جوڑی کی طلاق کی خبریں گردش کرتی نظر آئیں مگر اسٹارز نے اس خبر کی تصدیق و تردید کرنے سے گریز کیا اور مداح تشویش میں مبتلا رہے۔

    تاہم اب پانڈیا کی اہلیہ نتاشا نے انسٹاگرام اکاؤنٹ سے ہٹائی گئی شادی کی تصاویر ان آرکائیو کردی ہیں جس کے بعد وہ ان کے اکاؤنٹ پر پھر سے دیکھی جاسکتی ہیں۔

    نتاشا اسٹینکووچ کے انسٹاگرام اکاؤنٹ پر اس پوسٹ کو واپس دیکھ کر سوشل میڈیا صارفین حیرانی میں مبتلا ہوگئے اور کمنٹ سیکشن میں تبصروں کا انبار لگادیا۔

    طلاق کی افواہیں، ہاردک پانڈیا کی اہلیہ نتاشا سے متعلق گفتگو کی ویڈیو وائرل

    واضح رہے کہ طلاق کی خبر سامنے آنے کے بعد بھارتی میڈیا میں یہ افواہیں زور پکڑ گئی تھیں کہ ہاردیک اور نتاشا اسٹینکووچ نے طلاق کا جھوٹا ڈراما کیا ہے تاکہ ہاردیک کی آئی پی ایل میں ناقص کارکردگی کو عوام نظر انداز کردے۔

  • طلاق کی افواہیں، پانڈیا کی اہلیہ نتاشا نے پہلی پوسٹ جاری کردی

    طلاق کی افواہیں، پانڈیا کی اہلیہ نتاشا نے پہلی پوسٹ جاری کردی

    بھارتی کرکٹ ٹیم کے نائب کپتان ہاردیک پانڈیا اور ان کی اہلیہ نتاشا اسٹینکووچ کے درمیان طلاق کی خبریں زیر گردش ہیں، ایسے میں نتاشا نے پہلی پوسٹ جاری کرکے سب کی توجہ حاصل کرلی ہے۔

    سوشل میڈیا پر بھارتی کرکٹ ٹیم کے جارح مزاج بلے باز پانڈیا اور نتاشا اسٹینکووچ کے درمیان طلاق کی افواہوں پر قیاس آرائیوں کا سلسلہ جاری ہے، جبکہ مداحوں نے دونوں اسٹارز کی سوشل میڈیا سرگرمیوں پر ساری توجہ مرکوز کر رکھی ہے۔

    جب سے دونوں اسٹارز کی طلاق کی افواہوں کا سلسلہ شروع ہوا ہے، اس وقت نتاشا اسٹینکووچ نے انسٹاگرام پر ایک مبہم اسٹوری شیئر کی تھی، جس میں لکھا تھا کہ ’کوئی سڑک پر آنے والا ہے‘۔

    اب پانڈیا کی اہلیہ نتاشا نے ایک بار پھر مداحوں کی دلوں کی دھڑکن کو بڑھاتے ہوئے انسٹاگرام پر ایک پوسٹ جاری کی ہے جس میں وہ لفٹ میں مرر سیلفی لیتی نظر آرہی ہیں۔

     

    View this post on Instagram

     

    A post shared by @natasastankovic__

    اس مرر سیلفی کو دیکھ کر سوشل میڈیا صارفین یہ اندازہ لگانے کی کوشش کررہے ہیں کہ نتاشا نے طلاق کی تردید کرنے کیلئے یہ پوسٹ جاری کیا ہے کیونکہ خبروں میں کہا جارہا ہے کہ نتاشا ہاردیک پانڈیا کا گھر چھوڑ کر چلی گئیں ہیں۔

    ہاردک پانڈیا سے طلاق کی صورت میں نتاشا کو کتنی جائیداد ملے گی؟

    واضح رہے کہ مرر سیلفی میں نظر آنے والی لفٹ میں وہ ماضی میں متعدد بار تصاویر شیئر کرچکی ہیں جن میں ان کے ساتھ انکا بیٹا بھی موجود ہوتا ہے۔

  • ورلڈ کپ: ہاردک پانڈیا بنگلہ دیش کے خلاف انجری کا شکار

    ورلڈ کپ: ہاردک پانڈیا بنگلہ دیش کے خلاف انجری کا شکار

    آئی سی سی ورلڈکپ  کے 17 ویں مقابلے میں بھارت اور بنگلادیش کے میچ کے دوران آل راؤنڈر ہاردک پانڈیا انجری کا شکار ہونے کے بعد گراؤنڈ سے باہر چلے گئے۔

    پونے میں کھیلے جارہے میچ میں بنگلا دیش کے کپتان نجم الحسن شانتو نے ٹاس جیت کر بھارت کو پہلے بولنگ کی دعوت دی لیکن میچ کے دوران ہاردک پانڈیا گیند روکنے کی کوشش میں پچ پر ہی گر پڑے۔

    میچ کے نویں اوورمیں بھارتی آل راؤنڈر پانڈیا نے بنگلادیشی اوپنر لٹن داس کا شاٹ روکنے کیلئے سیدھی ٹانگ بیچ میں لانے کی کوشش  کی لیکن اسی دوران  درد  کے باعث گراؤنڈ میں ہی لیٹ گئے۔

    پانڈیا کے درد کی کیفیت کو دیکھتے ہوئے فزیو کو اسٹیڈیم میں بلانا پڑا جس کے بعد  کرکٹر گراؤنڈ سے باہر چلے گئے، بعد ازاں ہاردک کے اوور کی آخری تین گیندیں ویرات کوہلی نے کروائیں۔

    واضح رہے کہ آل راؤنڈر پانڈیا نے بھارت کے پہلے تین ورلڈ کپ میچوں میں 16 اوور کروائیں اور پانچ وکٹ لیے تھے۔

  • امام الحق کو آؤٹ کرنے سے پہلے گیند پر کیا پڑھا؟ پانڈیا نے بتادیا

    امام الحق کو آؤٹ کرنے سے پہلے گیند پر کیا پڑھا؟ پانڈیا نے بتادیا

    ورلڈکپ میں پاک بھارت میچ کے دوران بھارتی بولر ہاردک پانڈیا نے پاکستانی اوپننگ بلے باز  امام الحق کو  آؤٹ کرنے سے پہلے گیند پر کیا پڑگا تھا کھلاڑی نے بتادیا۔

    ہفتے کے روز  ورلڈکپ میں پاک بھارت میچ کے دوران امام الحق 73 کے مجموعی اسکور پر 36 رن بنا کر ہاردک پانڈیا کی گیند پر آؤٹ ہوئے تھے۔

     امام الحق کی وکٹ والی گیند پھینکنے سے پہلے ہاردک پانڈیا نے ہاتھوں میں تھامی گیند  پر جیسےکچھ پڑھ کر پھونکا، پھر  دوڑتے ہوئے آئے  اور  امام الحق وکٹوں کے پیچھے کيچ آؤٹ ہوگئے۔

    ہاردک پانڈیا کی گیند پر ’منتر‘ پڑھنے کی ویڈیو وائرل

    تاہم اب بھارتی بولر ہاردک پانڈیا سے اس سے متعلق سوال کیا گیا جس پر انہوں نے بتایا کہ ’’ میں خود کو (گالی) بُرا بھلا کہہ رہا تھا کہ مجھے زیادہ بہتر لینتھ کے ساتھ باؤلنگ کرنی چاہیے۔

    امام الحق کو آؤٹ کرنے کے بعد پانڈیا نے انھیں باہر جانے کا اشارہ کیا، جس پر پاکستانی شائقین کی جانب سے انھیں تنقید کا بھی نشانہ بنایا جارہا تھا۔

    اس ویڈیو کے سامنے آنے کے بعد سوشل میڈیا پر بحث شروع ہوگئی تھی، کچھ صارف نے کہا تھا کہ پانڈیا نےگیند پر تھوکا ہے تو کسی نےکہا کہ کوئی منتر پڑھ کر پھونکا ہے۔