Tag: پانی کی فراہمی

کراچی : کے الیکٹرک کے کیبل میں خراب کے باعث گھارو پمپنگ اسٹیشن مکمل بند ہوگیا، جس سے شہر کو پانی کی فراہمی معطل ہوگئی۔

تفصیلات کے مطابق ٹھٹھہ میں دھابیجی کے بعد گھارو پمپنگ اسٹیشن اور فلٹرپلانٹ میں بھی بجلی کا بریک ڈاؤن ہوا ، جس کے باعث بجلی کی فراہمی معطل ہوگئی۔

ترجمان واٹر کارپوریشن نے بتایا کہ کے الیکٹرک کی کیبل میں سہ پہر 3 بجےخرابی آئی ، فالٹ کے باعث گھاروپمپنگ اسٹیشن مکمل بند ہے۔

ترجمان کا کہنا تھا کہ واٹر کارپوریشن حکام کے کے الیکٹرک انتظامیہ سےمسلسل رابطہ جاری ہے ، تاکہ فالٹ کو جلد از جلد حل کیا جا سکے۔

گھاروپمپنگ اسٹیشن سے یومیہ 30 ایم جی ڈی پانی فراہم کیا جاتا ہے، کراچی کو تین کروڑ گیلن پانی کی کمی کا سامنا ہے۔

مزید پڑھیں : دھابیجی پمپنگ اسٹیشن، بجلی کا بریک ڈاؤن

خرابی کے باعث متعدد علاقوں میں پانی کی فراہمی متاثر ہے، پورٹ قاسم، بن قاسم ٹاؤن، شاہ فیصل ٹاؤن، کار ساز اور دیگر علاقوں میں پانی کی قلت کا خدشہ ہے۔

یاد رہے تین روز قبل کراچی کے دھابیجی پمپنگ اسٹیشن پر بجلی کے بریک ڈاؤن کے باعث پانی کی فراہمی متاثر ہوئی تھی۔

کے-الیکٹرک اور واٹر کارپوریشن کی جانب سے مرمتی کام تیزی سے جاری ہے۔ متاثرہ لائن پر ایک مقام پر لیکیج کی مرمت مکمل ہو چکی ہے، جبکہ دوسرے مقام پر کام تیزی سے جاری ہے۔
ی ہے۔

کراچی : واٹر کارپوریشن نے شہر میں پانی کا بحران کی اصل وجہ بتادی اور کہا پمپنگ اسٹیشنز پر بریک ڈاؤن کے باعث پانی کی ترسیل کا نظام متاثر ہے۔

تفصیلات کے مطابق کراچی واٹر کارپوریشن نے شہر میں پانی کی فراہمی سے متعلق وضاحتی بیان جاری کردیا۔

جس میں کہا ہے کہ شہرمیں پانی کی فراہمی معمول کےمطابق جاری ہے، شدید گرمی کے باوجود پمپنگ اسٹیشنز پر کےالیکٹرک کے بریک ڈاؤن ہورہے ہیں، بجلی کے بار بار تعطل سے شہر میں پانی کی فراہمی میں شدید دشواریوں کاسامنا کرنا پڑرہا ہے.

واٹر کارپوریشن کا کہنا تھا کہ کے الیکٹرک کے بریک ڈاؤن سے پانی کی ترسیل کا نظام سخت متاثرہورہا ہے، 2 راتوں سےدھابیجی پمپنگ اسٹیشن پربجلی کے مسلسل بریک ڈاؤن ہوئے۔

وضاحتی بیان میں بتایا گیا کہ 27 مئی کو رات 1:50 پر بجلی کابریک ڈاؤن ہوا، بجلی کی بحالی صبح 7:20 پر ہوئی، اس دن کے تھری اور فورتھ فیز کی بجلی مکمل بند رہی اور شہرکو45 ملین گیلن پانی کی فراہمی نہیں ہو سکی۔

واٹر کارپوریشن کے مطابق 28 مئی کو رات 2:45 پر بجلی کا بریک ڈاؤن ہوا، بحالی صبح 7:50 پرہوئی، اس دوران کے تھری کی بجلی مکمل بند رہی اور شہر کو 45 ملین گیلن پانی فراہم نہ ہو سکا۔

ان کا کہنا تھا کہ دو دن میں شہر میں 90 ملین گیلن پانی کی فراہمی متاثر ہوئی، پانی کی کمی سے این ای کے پمپنگ اسٹیشن کی سطح کم ہوگئی تھی، سخی حسن پمپنگ اسٹیشن اورہائیڈرنٹ پر پانی کی سپلائی معطل رہی تاہم شہرمیں پانی کی فراہمی اب معمول پر ہے۔

کراچی : واٹر بورڈ حکام نے پانی کو ترسے ہوئے کراچی کے شہریوں کو بڑی خوشخبری سنادی، پانی کی سیلائی کب بحال ہوگی۔

تفصیلات کے مطابق جامعہ کراچی میں پانی لائن میں شگاف کا مرمتی کام مکمل کرلیا گیا ہے ، لائن کے متاثرہ حصے کوتبدیل کردیا گیا۔

واٹر کارپوریشن کا کہنا تھا کہ پانی کی فراہمی کل بارہ بجے شروع ہوجائے گی ، جس سے یونیورسٹی روڈ، گلشن اقبال، صدرٹاؤن، جمشید ٹاؤن اور لیاری والوں کو ریلیف مل سکے گا۔

اس سے قبل واٹر بورڈ حکام نے مرمت وقت پر نہ ہونے کا ملبہ پرانی لائنوں پرڈال دیا تھا اور کہا تھا کہ بوسیدہ لائنوں کی وجہ سےکام کی رفتارسست ہوگئی، کوشش ہے اتوار تک کام مکمل کرلیں۔

گذشتہ روز محکمہ انجینئرنگ کا کہنا تھا کہ اتنے وسیع نقصان کے بعد مرمت کا عمل 96 گھنٹوں میں مکمل کرنا ممکن نہیں رہا۔

ترجمان کے مطابق متاثرہ لائن پر نئے والو لگانے کی شکایات بھی موصول ہوئی تھیں جس پر ایم ڈی واٹر کارپوریشن کی ہدایت پر تحقیقات کے لیے خصوصی کمیٹی تشکیل دے دی گئی ہے۔

واضح رہے کہ 29 اپریل کو جامعہ کراچی سے گزرنے والی پانی کی 84 انچ قطرکی لائن پھٹ گئی تھی، جس کے باعث یونیورسٹی کا نصف سے زیادہ رہائشی علاقہ زیر آب اور پانی گھروں میں داخل ہوگیا تھا۔

جس کے بعد لائن کے مرمتی کام کے لئے شہر کے بڑے حصے کو پانی کی فراہمی معطل کردی گئی تھی ، مرمتی کام 24 گھنٹے جاری رہا اور کہا گیا تھا کہ 96 گھنٹے میں مکمل کرلیا جائے گا۔