ARYNews.tv | Urdu – Har Lamha Bakhabar

Tag: پانی کی فراہمی معطل

  • کراچی میں پانی کی فراہمی معطل، کون سے علاقے متاثر ہوں گے؟

    کراچی میں پانی کی فراہمی معطل، کون سے علاقے متاثر ہوں گے؟

    کراچی : کےالیکٹرک کے کیبل میں خراب کے باعث پپری پمپنگ اسٹیشن بند ہوگیا، جس سے شہر کو پانی کی فراہمی معطل ہوگئی۔

    تفصیلات کے مطابق کراچی کوپانی فراہم کرنے والے پپری پمپنگ اسٹیشن میں کےالیکٹرک کے کیبل میں خرابی پیداہونے سےپمپنگ اسٹیشن بند ہوگیا۔

    واٹر کارپوریشن نے بتایا کیبل فالٹ رات 10 بجکر 15 منٹ پرہوا، ، فالٹ کے باعث پپری پمپنگ اسٹیشن مکمل طورپر بند ہوگیا۔

    واٹر کارپوریشن کا کہنا تھا کہ پپری پمپنگ اسٹیشن کی بندش سے لانڈھی، کورنگی،شاہ فیصل، بن قاسم اور ڈی ایچ اےکےعلاقے متاثرہوں گے اور شہریوں کو پانی کی قلت کا سامنا ہوسکتا ہے۔

    مزید پڑھیں : کراچی میں پانی بحران کی بڑی وجہ سامنے آ گئی

    واٹر کارپوریشن کے مسلسل رابطے کے بعد کےالیکٹرک نےپپری پمپنگ اسٹیشن پربجلی بحال کردی ، ترجمان نے بتایا کہ پپری پمپنگ اسٹیشن سے شہر کو پانی کی فراہمی شروع کردی ہے۔

    کیبل فالٹ کا کام صبح 9 بج کر 15 منٹ پر مکمل ہوا، کے الیکٹرک کیبل فالٹ کے باعث 95 ایم جی ڈی پانی کی کمی کا سامناکرناپڑا، اس پمپنگ اسٹیشن سے یومیہ 145 ایم جی ڈی پانی فراہم کیا جاتا ہے۔

  • کراچی :پپری پمپنگ اسٹیشن لوڈشیڈنگ کا شکار،پانی کی فراہمی معطل

    کراچی :پپری پمپنگ اسٹیشن لوڈشیڈنگ کا شکار،پانی کی فراہمی معطل

    کراچی : پانی سپلائی کرنے والا پیپری پمپنگ اسٹیشن بجلی کی لوڈ شیڈنگ کے باعث بند ہوگیا، شہرکو دس کروڑ گیلن سے زائد پانی کی فراہمی معطل ہوگئی ہے،جس پر شہری سراپا احتجاج  ہے۔

    کراچی میں پانی کی سپلائی میں روانی والا پپری پمپنگ اسٹیشن بجلی کی طویل لوڈشیڈنگ کا شکار ہے،جس کے باعث واٹر بورڈ کے بیشترپمپنگ اسٹیشن بند ہے۔ اسٹیشن بند ہونے سے شہر کو دس کروڑ گیلن سے زائد پانی کی فراہمی معطل ہوگئی ہے۔

    نارتھ کراچی، الیون سی ٹو،الیون سی تھری،شادمان ٹاون ،نارتھ ناظم آباد بلاک اے ، حسرت موہانی سوسائٹی و دیگر علاقوں میں پانی کی قلت شدت اختیار کرگئی ہے، پانی کی قلت شہریوں کے لئے بم بن کے ٹوٹی، جس نے مختلف علاقوں میں واٹر بورڈ کیخلاف شہریوں کو احتجاج پر مجبور کر دیا ہے۔

  • کراچی کو پانی دینے والی باہتر انچ کی پائپ لائین پھر پھٹ گئی

    کراچی کو پانی دینے والی باہتر انچ کی پائپ لائین پھر پھٹ گئی

    کراچی: کراچی کو پانی سپلائی کرنے والی باہتر انچ کی پائپ لائین پھر پھٹ گئی ، وزیر بلدیات نے ایم ڈی واٹر بورڈ سے رپورٹ مانگ لی کے الیکٹرک کا کہنا ہے کہ واٹر بورڈ اپنی نااہلی دوسروں پر ڈالتا ہے۔

    دھابیجی پر پانی کی پائپ لائن پھر دھماکے سےپھٹ گئی، کراچی کو ڈیڑھ سو ملین پانی کی فراہمی رکی گئی، جس کی بحالی میں تین سے چار دن لگیں گے ، پانی کی عدم دستیابی کے باعث لانڈھی، کورنگی، نارتھ کراچی، سیکٹر الیون سی ٹو، نارتھ ناظم آباد ، لیاقت آباد اور دیگر علاقے متاثر ہورہے ہیں۔

    وزیر بلدیات سندھ شرجیل میمن نےایم ڈی واٹر بورڈ سے فوری رپورٹ طلب کرلی ، جس پر ایم ڈی واٹر بورڈ نے وزیر بلدیات کو بتایا کہ کے الیکٹرک یقین دھانیوں کے باوجود واٹر بورڈ کی تنصیبات پر لوڈ شیڈنگ کررہی ہے، ایم ڈی واٹر بورڈ کی رپور ٹ مسترد کرتے ہوئے کے الیکٹر ک نے بھی بیان داغ دیا، کے الیکٹرک کے ترجمان کا کہنا تھا کہ ، واٹر بورڈ کے تمام پمپنگ اسٹیشن پر بجلی کی فراہمی معمول کے مطابق ہے، واٹر بورڈ سے وزیر بلدیات کو حقائق کے منافی بریفنگ دی جارہی ہے، ترجمان کے الیکٹرک نے کہا کہ انتیس ارب کا نادہندہ واٹر بورڈ شہریوں کو پانی کی فراہمی میں اپنی ناکامی کو کے الیکٹرک سے نہ جوڑے۔،

  • کراچی:دھابے جی,گھارو پمپنگ اسٹیشنوں پرلوڈشیڈنگ، پانی کی قلت

    کراچی:دھابے جی,گھارو پمپنگ اسٹیشنوں پرلوڈشیڈنگ، پانی کی قلت

    کراچی: دھابیجی، گھارو پمپنگ اسٹیشن پر بجلی کے اچانک بریک ڈاؤن کی وجہ سے کراچی کو پانی فراہم کرنے والی مین پائپ لائن پھٹ گئی، جس سے شہر کو پانی کی فراہمی معطل ہوگئی۔

    ترجمان واٹر بورڈ کے مطابق رات گئے اچانک بجلی کے بریک ڈاؤن کی وجہ سے مین لائن میں پانی کا دباؤ بڑھ گیا، جس سے مین لائن پھٹ گئی، ترجمان کا کہنا تھا کہ گھارو پمپنگ اسٹیشن پر بجلی کا بریک ڈاؤن معمول بن گیا ہے، کے الیکٹرک کومتعدد شکایات کے باوجود بجلی کی معطلی کا سلسلہ نہ رک سکا،چند روز میں پائپ لائن پھٹنےکا یہ دوسراواقعہ ہے۔

    کراچی میں بجلی کی لوڈشیڈنگ کے ساتھ پانی کی قلت بھی پوری آب وتاب سے جاری ہے، دھابے جی اور گھارو پمپنگ اسٹیشنوں پر بجلی کی لوڈشیڈنگ کے باعث پمپ بن ہونے سے شہر کودس کروڑ گیلن پانی کی فراہمی معطل ہوگئی، پہلے سے پانی کی قلت کا عذاب جھیلتے عوام کے لئے پمپنگ اسٹیشنوں پر لوڈشیڈنگ پانی کی مزید قلت کا عذاب لے کے آگئی ۔

    پانی کی عدم دستیابی کے باعث لانڈھی، کورنگی، نارتھ کراچی، سیکٹر الیون سی ٹو، نارتھ ناظم آباد ، لیاقت آباد اور دیگر علاقے متاثر ہورہے ہیں ،پانی کی بندش ٹینکر مافیا کی کمائی کا سنہری موقع بن گئی اورٹینکر مافیا مہنگے داموں پانی فروخت کررہی ہے۔