اسلام آباد : انسانی اسمگلنگ میں ملوث پاکستانیوں کی فہرست تیار کرلی گئی ہے، فہرست میں 160 فعال انسانی اسمگلرز کے نام اور پتے شامل ہیں۔
تفصیلات کے مطابق وزیراعظم شہباز شریف کی ہدایت پر انسانی اسمگلنگ میں ملوث پاکستانیوں کی فہرست تیار کرلی گئی ہے۔
رپورٹ میں بتایا کہ اداروں کی فہرست میں 160 فعال انسانی اسمگلرز کے نام اور پتے شامل ہیں ، فعال انسانی اسمگلرز میں سے 39 کا تعلق پنجاب اور 34 کا تعلق سندھ ہے۔
رپورٹ میں کہا گیا ہے کہ خیبرپختونخوا میں 50،بلوچستان 31 اور اسلام آباد میں 6 اسمگلرز متحرک ہیں ، 15 اسمگلرز کے نام پاسپورٹ کنٹرول لسٹ اور پی این آئی ائل میں ڈال دیئے گئے ہیں۔
رپورٹ میں کہنا تھا کہ یہ اسمگلرزپاکستان اور دوسرے ممالک سے انسانی اسمگلنگ میں ملوث ہیں، 4 اسمگلرز اس وقت پاکستان،3 لیبیا ،ایک انگلینڈ اور ایک یو اے ای میں موجود ہے۔
رپورٹ کے مطابق 6 انسانی اسمگلرز کی حالیہ لوکیشن کا ابھی تک معلوم نہیں ہوسکا تاہم تمام اسمگلرز کے بینک اکاؤنٹس منجمد،پاسپورٹ ،شناختی کارڈ بھی بلاک کردیئے ہیں۔
