دوحہ : قطر کے دارلحکومت دوحہ میں پاکستانی آموں کی دھوم مچ گئی ، آم سے بنے مربعے،چٹنیاں اور رول پراٹھے توجہ کا مرکز بن گئے۔
تفصیلات کے مطابق قطر کے دارلحکومت دوحہ میں پاکستانی آموں کا میلہ سج گیا، فیسٹول میں بیس سے زیادہ اقسام کے آموں کی نمائش کی گئی۔
آم سے بنے مربعے،چٹنیاں اور رول پراٹھے توجہ کا مرکز بن گئے ، اس موقع پر سفیرمحمد عامر نے کہا پاکستانی آم دنیا بھرمیں پسند کئے جاتے ہیں، مینگو فیسٹول کا مقصد پاکستان کے اعلیٰ معیار کے آموں کو بین الاقوامی سطح پر فروغ دینا ہے۔
ان کا کہنا تھا کہ اس طرح کے پروگرامز سے پاکستانی آموں کی برآمدات میں اضافہ ہوگا۔
فیسٹول میں دیگر ممالک کے سفارت کاروں کے علاوہ مقامی افراد کی بھی بڑی تعداد شامل ہے، یہ میلہ 19 جولائی تک جاری رہے گا۔
نمائش میں آم کے معیار کو برقرار رکھنے کے لیے ایک مناسب ماحول پیش کیا گیا ہے، جس میں تقریب کی جگہ مناسب کولنگ سسٹم سے لیس ہے تاکہ مہمانوں کے بہترین ممکنہ تجربے کو یقینی بنایا جا سکے۔
آرگنائزنگ کمیٹی نے عوام پر زور دیا ہے کہ وہ نمائش کا جلد دورہ کریں تاکہ وہ بہترین تازہ پاکستانی آم حاصل کر سکیں اور ایک منفرد چکھنے کے تجربے سے لطف اندوز ہو سکیں جو پاکستانی کھانوں کے تنوع اور صداقت کو ظاہر کرتا ہے۔
