نیوزی لینڈ کے خلاف پہلے ون ڈے میں پاکستانی بولرز نے ایکسٹراز کی مد میں اتنے زیادہ رنز دیے کہ آدھی ٹیم مل کربھی اتنے رنز نہ بنا سکی۔
نیپیئر میں کھیلے جانے والے سیریز کے پہلے ون ڈے مقابلے میں پاکستان نے نیوزی لینڈ کیخلاف ایک اور ناپسندیدہ ریکارڈ بناڈالا، افتتاحی میچ میں قومی ٹیم کی بولنگ لائن اپ مشکلات کا شکار رہی، پاکستانی بولرز نے وائیڈز اور لیگ بائی کی بھرمار کردی۔
کپتان محمد رضوان نے ٹاس جیت کر پہلے فیلڈنگ کا فیصلہ کیا جو پاکستانی ٹیم کیلئے پھرس ے ڈراؤنا خواب ثابت ہوا، بولرز کی پٹائی کے علاوہ قومی ٹیم نے نیوزی لینڈ کے خلاف ایکسٹراز کی مد میں 43 رنز دیے
پہلا ون ڈے، نیوزی لینڈ نے پاکستان کو 73 رنز سے شکست دیدی
پہلے ون ڈے میں پاکستانی بولرز 21 وائیڈ بالز پھینکی، اس کے علاوہ دوسرا بڑا ایکسٹرا 13 لیگ بائی کی مد میں کیویز کو بطور تحفہ پیش کیا گیا۔
پاکستانی بولرز نے 2 نو بالز کرائی اور 7 بائی کے رنز بھی دیے گئے، 43 رنز ایک ون ڈے اننگز میں گرین شرٹس کی جانب سے تیسرے سب سے زیادہ ایکسٹراز تھے۔
خیال رہے کہ 1999 میں پاکستانی ٹیم نے ون ڈے میں سب سے زیادہ ایکسٹرا دینے کا ریکارڈ بنایا تھا، مانچسٹر میں قومی ٹیم نے میں ایکسٹراز کی مد میں 47 رنز دیے تھے۔ 1990 میں سری لنکا اور 2003 میں نیوزی لینڈ کے خلاف بھی پاکستان 44 ایکسٹراز رنز دے چکا ہے۔
