اسلام آباد : پاکستانی حکومتی بانڈز میں غیرملکی سرمایہ کاری کاحجم 2 ارب ڈالر اسی کروڑ ڈالر تک جا پہنچا، غیرملکی سرمایہ کاروں میں بڑی تعداد امریکی اوربرطانوی مالیاتی اداروں کی ہے۔
تفصیلات کے مطابق پاکستانی کپیٹل مارکیٹس میں غیرملکی سرمایہ کاری میں نمایاں اضافےکارجحان ہے، پاکستانی حکومتی بانڈز میں غیرملکی سرمایہ کاری کا حجم دوارب ڈالراسی کروڑڈالر سےتجاوزکرگیا تک جا پہنچا۔
ٹی بلزم یں رواں مالی سال 30 جنوری تک دوارب 77 کروڑ90 لاکھ ڈالرکی سرمایہ کاری ہوئی جبکہ پاکستان انوسٹمنٹ بانڈزمیں سرمایہ کاری کاحجم 3 کروڑ 60 لاکھ ڈالر رہا۔
زیرغورعرصےمیں ایکیوٹی سےتین کروڑساٹھ ڈالرکاانخلاء بھی دیکھاگیا، غیرملکی سرمایہ کاروں میں بڑی تعداد امریکی اوربرطانوی مالیاتی اداروں کی ہے۔
مزید پڑھیں : اسٹاک مارکیٹ میں غیر ملکی سرمایہ کاری میں ریکارڈ اضافہ
انڈسٹری تجزیہ کاروں کے مطابق شرح سودمیں اضافےاورروپے کی قدرمیں کمی کےباعث ٹی بلزغیرملکی سرمایہ کاروں کیلئے انتہائی پرکشش ہوگئےہیں اور ماہرین کوامید ہےحکومتی بانڈزمیں مزیدسرمایہ کاری متوقع ہے۔اوراس سےڈیٹ مارکیٹ کومزید فروغ بھی ملےگا۔
گذشتہ ہفتے پاکستان میں غیر ملکی سرمایہ کاری کاحجم ڈھائی ارب ڈالر سے تجاوز کرگیا، ٹی بلزمیں رواں مالی سال 23 جنوری تک 2 ارب 56 کروڑ 80 لاکھ ڈالرکی سرمایہ کاری ہوئی اور پاکستان انوسٹمنٹ بانڈز میں سرمایہ کاری کاحجم 3 کروڑ 10 لاکھ ڈالررہا۔