سجنا سنورنا اورخوبصورت نظر آناخواتین کا پیدائشی حق ہوتاہے ۔ نئے زمانے میں جہاں ہر چیز میں جدت آچکی ہے وہیں خواتین اپنے بناؤ سنگھار میں جدت سے بھلا کیوں پیچھے رہیں اور جہاں بات آجائے بناو ٔسنگھار کی تو زیورات کے بغیر تو ہر فیشن ادھورا معلوم ہوتاہے ۔
ماضی میں سونے اور چاندی کے زیوارت ہی خواتین کا اصل زیورمانے جاتے تھے لیکن وقت کے ساتھ مہنگائی نے خواتین کے لیے سونا چاندی کے زیوارت خریدنا مشکل بنادیا ہے اور اسی مشکل کے سبب بڑھی ہے مانگ مصنوعی زیورات کی ۔ چوڑیاں ، کنگن، انگوٹھیاں ، بندے ، بالیاں، ہار ، پازیب، یوں تو زیورات کی اقسام وہی پرانی ہیں لیکن جدید دور میں ڈیزائنز میں آنے والی جدت نے سجنے سنورنے کے تقاضوں کو غیر معمولی بنادیاہے ۔
سر سے لے کر پاوں تک خواتین کے حسن کو کئی گنا بڑھاتے یہ زیورات کل بھی سجنے سنورنے کیے لیے ضروری تھے ۔۔اور آج بھی لازمی ہیں۔
1 .خوبصورت ہاتھوں میں اگر نگینے جڑی سنہری چمکتی انگوٹھی نہ ہوتو سجاوٹ ادھوری سی لگتی ہے۔
.2 کلائیاں چوڑیوں کے بغیر سونی سونی سی لگتی ہیں۔بازار میں خوبصورت رنگوں سے مزین اور منقش چوڑیاں دستیاب ہیں۔
3 .روز مرہ کے استعمال کے لیے الگ نازک یا ڈیسنٹ ڈیزائنز میں دھاتی چوڑیوں او ر کڑوں کا سیٹ مناسب قیمتوںمیں موجود ہیں۔4 . شادی بیاہ ، عید ،بقریٰ عید سمیت دیگر تہوار کے لیے بھاری بھرکم ڈیزائنز دیکھتے ہی خواتین کی آنکھوں میں چمک آجاتی ہے !!!!
.5 چہرے کی خوبصورتی تو اُس وقت تک کھل کر ہی سامنے نہیں آتی جب تک کانوں میں بندے یا بالیاں نہ پہن لی جائیں ۔۔
6 . بندے بھی کوئی ایسے ویسے سادہ سے نہیں ۔۔۔ بھاری یا ہلکے ، ہر قسم کی نگینے جڑے بندے بھی مارکیٹ میں اِن ہیں ۔
.7 جدید دور ہے ، ایک سے بڑھ کر ایک نئے ڈیزائنز کے چھوٹے بڑے مختلف رنگوں کے موتیو ں سے بنے جھمکے بھی لڑکیوں میں بے حدمقبول ہیں ۔
.8 اگر موڈ ہو مغربی ڈریسنگ کا تو نگینے جڑے کیچر سے اپنے بالوں کی پونی ٹیل باندھیں کہ اس کے ذریعے خواتین مزید پرکشش نظر آتی ہیں۔
.9 مغربی یا مشرقی ۔۔ لباس جیسا بھی ہو ۔۔ کلرڈ موتیوں کے نیکلیس خواتین کی شخصیت کو فوری اسٹائلش بنا دیتے ہیں۔
کہیں تقریب میں جانا ہے اور بھاری زیورات کا دل نہ ہوتو میچنگ چوڑیوں سے ہی سوٹ کا رنگ بھی نکھر کر آجاتا ہے۔
.11 آج کل لمبے پینڈنٹ کے ساتھ ساتھ نت نئے ڈیزائنز کے ہار بھی مارکیٹ میں دستیاب ہیں ۔ مختلف دھاتوں پر دیدہ زیب رنگوں کے نگینوں سے سجے یہ ہار خواتین کو لمحوں میں ہی اسٹائلش بنا دیتے ہیں۔
.12بچیاں کس کو نہیں پیاری۔ چھوٹی بچیوں کی کلائیاں چوڑیوں کے سنگ مزید پیاری لگتی ہیں۔
تحریرو تصاویر: شازیہ تسنیم فاروقی
