Tag: پاکستانی دفتر خارجہ

اسلام آباد : پاکستانی دفتر خارجہ نے کرغزستان میں پاکستانی طلبا پر تشدد کے واقعے پر کرغز ناظم الامور کو ڈیمارچ کیلئے دفترخارجہ طلب کرلیا ‌گیا۔

تفصیلات کے مطابق ترجمان دفتر خارجہ کی جانب سے کرغزستان کی صورتحال کے حوالے سے بیان میں کہا گیا ہے کہ حکومت پاکستان پاکستانیوں کی حفاظت یقینی بنانے کیلئے کرغزحکومت سےرابطے میں ہے۔

ترجمان کا کہنا تھا کہ کرغزحکام نےپاکستانیوں سمیت غیرملکی شہریوں کیخلاف تشددکے واقعات پرافسوس کااظہار کرتے ہوئے انکوائری کرانےاورقصورواروں کو سزا دینے کا بھی وعدہ کیا ہے۔

پاکستانی دفتر خارجہ نے کہا کہ سفارت خانہ پاکستان نےہنگامی ہیلپ لائنز کھول دی ہیں، سفارت خانہ پاکستان نے طلبا اور ان کے اہل خانہ کےسوالات کے جوابات دیے۔

ان کا کہنا تھا کہ جمہوریہ کرغزستان کےسفیرحسن علی کرغیزحکام سےقریبی رابطےمیں ہیں، کرغزستان وزارت صحت کے مطابق 4 پاکستانیوں کوطبی امدادفراہم کر کےفارغ کردیا ہے جبکہ ایک پاکستانی جبڑےکی چوٹ کے باعث زیر علاج ہے۔

ترجمان کے مطابق کرغزسفارتخانے کے چارج ڈی افیئرزکوڈائریکٹرجنرل ای سی او اور سی اےآرزنےڈیمارچ کیلئے دفترخارجہ بلایا اور کرغز جمہوریہ میں پاکستانی طلباکیخلاف ہونیوالےواقعےکی رپورٹس پرپاکستان کی تشویش سےآگاہ کیا۔

کرغزستان ناظم الامور نے کہا ہے کہ کرغزحکومت کوپاکستانی طلباکےتحفظ کویقینی بنانےکےلیےہرممکن اقدامات کرنے چاہئیں۔

دفتر خارجہ نے مزید کہا کہ حکومت پاکستان دنیابھرمیں اپنےہم وطنوں کےتحفظ،سلامتی معاملےکوبہت سنجیدگی سے لیتی ہے اور اپنےہم وطنوں کی فلاح و بہبود کو یقینی بنانے کے لیے تمام ضروری اقدامات کرے گی۔

ان کا کہنا تھا کہ نائب وزیراعظم اور وزیر خارجہ نےدفتر خارجہ کوصورتحال پرنظررکھنے کی ہدایت کی ہے۔

اسلام آباد : پاکستان نے بھارتی وزیر دفاع راج ناتھ سنگھ کے اشتعال انگیزبیان کی مذمت کرتے ہوئے وارننگ دی کہ ہماری امن کی خواہش کو غلط نہیں سمجھا جانا چاہیے۔

تفصیلات کے مطابق پاکستانی دفتر خارجہ نے بھارتی وزیر دفاع کے بیان پر ردعمل دیتے ہوئے کہا کہ پاکستان بھارتی وزیر دفاع کے اشتعال انگیزبیان کی مذمت کرتا ہے، 25 جنوری کوپاکستان نے بھارتی دراندازی کے ناقابل تردید ثبوت فراہم کیے اور پاکستان میں بھارت کےماورائے عدالت ،بین الاقوامی قتل عام کی مہم کے واضح ثبوت ہیں۔

ترجمان کا کہنا تھا کہ بھارت کا مزید شہریوں کو نشانہ بنانے کا دعویٰ واضح طور پر جرم کا اعتراف ہے، عالمی برادری کو بھارت کے ان گھناؤنے اور غیر قانونی اقدامات پر محاسبہ کرنا چاہے۔

دفتر خارجہ نے کہا کہ پاکستان کسی بھی جارحیت کیخلاف اپنی خودمختاری کےتحفظ کیلئے پرعزم ہے، فروری 2019 کو بھی بھارتی جارحیت پر سخت ردعمل کا سامنا کرنا پڑا تھا، اس اقدام نے بھارت کے فوجی برتری کے کھوکھلے دعوؤں کو بے نقاب کیا۔

ترجمان کا مزید کہنا تھا کہ انتخابی فائدے کے لئے بھارتی حکمران نفرت انگیز بیان بازی کا سہارا لے رہے ہیں، بھارت کا غیر ذمہ دارانہ رویہ علاقائی امن کو نقصان پہنچاتا ہے۔

دفتر خارجہ کے مطابق پاکستان نے ہمیشہ خطے میں امن کے لیے اپنے عزم کا اظہار کیا ہے،ہماری امن کی خواہش کو غلط نہیں سمجھا جانا چاہیے، تاریخ پاکستان کے پختہ عزم اور اپنے بھرپور دفاع کی صلاحیت کی گواہ ہے۔

خیال رہے بھارتی وزیر دفاع نے بھی پاکستان میں دہشت گردی کی تصدیق کردی، برطانوی اخبار دی گارڈین نے کہا بھارتی وزیرِ دفاع راج ناتھ سنگھ نے اس بات کی تصدیق کی ہے کہ بھارت کی جانب سے پاکستان میں دہشت گردوں کے ٹھکانوں اور دہشت گردوں کو نشانہ بنایا گیا ہے۔

گزشتہ روز برطانوی اخبار نے بھارت کے پاکستان میں شہریوں کے قتل میں ملوث ہونے کا اعتراف کیا تھا۔

اسلام آباد : پاکستان نے امریکی نمائندے خصوصی زلمے خلیل زاد کے بیانات پر ردعمل دیتے ہوئے کہا کہ کسی کے بیانات پاکستانی عوام کو گمراہ نہیں کر سکتے۔

تفصیلات کے مطابق پاکستانی دفتر خارجہ کی ترجمان نے امریکی نمائندے خصوصی زلمے خلیل زاد کے بیانات پر ردعمل دیتے ہوئے کہا کہ پاکستان ایک جمہوری ملک ہے۔

ترجمان دفترخارجہ نے کہا کہ کسی کے بیانات پاکستانی عوام کو گمراہ نہیں کر سکتے، پاکستان ایک پر اعتماد ملک ہے، بیرون ممالک سے کوئی مداخلت اور بیانات جمہوری عمل کو متاثر نہیں کر سکتے۔

ترجمان کا کہنا تھا کہ سمجھ نہیں آتا کہ کیوں حکومت پاکستان ایک فرد کے انفرادی بیانات کاجواب دے۔

خیال رہے امریکی نمائندہ خصوصی برائے افغانستان و پاکستان زلمے خلیل زاد نے سماجی رابطے کی ویب سائٹ ٹوئٹر پر اپنے بیان میں کہا تھا کہ لگتا ہے الیکشن سے روکنے اور پی ٹی آئی پر پابندی کی کوشش کی جائے گی، بظاہر حکومت نےعمران خان کو ریاست کا دشمن قرار دینے کا فیصلہ کرلیا ہے، ایسے اقدامات سے پاکستان مزید بحرانوں کا شکار ہو جائے گا۔

زلمے خلیل زاد کا کہنا تھا کہ پاکستان کوسیاسی،معاشی اورسکیورٹی بحرانوں کاسامنا ہے،بعض ممالک نےپاکستان میں طےشدہ سرمایہ کاری بھی معطل کردی ہے،آئی ایم ایف سےقرض ملےگایانہیں معاملہ اب تک یقینی نہیں،

امریکی نمائندے خصوصی نے کہا تھا کہ موجودہ حکومت کے اقدامات جاری رہے تو پاکستان کو مزید نقصان ہوگا، دشمنی اور تشدد بڑھے گا، امید ہے پاکستان کے سیاسی رہنما تنگ نظری سے خود کو بلند کریں گے۔