Tag: پاکستانی زائرین

اسلام آباد‌ : شام میں حالات خراب ہونے کے سبب سیکڑوں پاکستانی زائرین پھنس گئے ہیں، جس میں چنیوٹ کا ایک خاندان بھی پریشانی کا شکار ہے۔

تفصیلات کے مطابق شام میں سیکڑوں پاکستانی پھنس گئے اور ان کے خاندان والوں کے ساتھ رابطے بھی منقطع ہوگئے ہیں۔

چنیوٹ کا ایک خاندان بھی وہاں شدید پریشانی کاشکار ہے، متاثرہ خاندان کے نوجوان علی نے چنیوٹ میں اے آر وائی نیوز کو بتایا کہ خاندان کے پندرہ افراد زیارات کیلئے گئے تھے، اب ان سے کوئی رابطہ نہیںم حکومت سے اپیل ہے پھنسے ہوئے پاکستانیوں کی وطن واپسی کیلئے فوری انتظامات کیے جائیں۔

وزارت خارجہ نے شام میں پاکستانیوں کی سہولت کیلئے کرائسز مینجمنٹ یونٹ فعال کردیا ہے اور دمشق میں موجود پاکستانیوں اور ان کے اہلخانہ سے کہا ہے کہ پاکستانی سفارتخانے کے واٹس ایپ نمبرز اور ای میل پر رابطے کیے جائیں، ہوائی اڈا کھلنےکےبعدپاکستانیوں کی واپسی کو سفارتخانہ آسان بنائے گی۔

پاکستانی شہری ظہیرعباس نے بتایا کہ شام میں تین سو سے زائد پاکستانی زائرین پھنسے ہوئے ہیں اور کرفیو کے باعث حالات مشکل ہوگئے ہیں،زائرین میں خواتین، بچے اور بزرگ بھی شامل ہیں۔

ان کا کہنا تھا کہ کھانے پینے کی قلت پیدا ہوگئی ہے اور بزرگوں کے پاس دوا ختم ہوچکی ہے، شام میں پھنسی پاکستانی خاتون وجیہہ زہرا نے بتایا کہ ہمیں اپنے ہوٹل سے باہر نکلنے کی اجازت نہیں ہے، بہت مشکل حالات کا سامنا ہے، ہماری آواز کو حکومت تک پہنچائیں کہ ہماری مدد کی جائے اور زائرین کو جلد پاکستان پہنچانے کے انتظامات کیے جائیں۔

کنٹری منیجر شام ونگزایئرلائن طارق سلیم اللہ کی اےآر وائی نیوز سے ٹیلیفونک گفتگو میں بتایا کہ شام سے149مسافروں کولیکر لاہور آنے والی پروازمنسوخ کردی گئی ہے کیونکہ شام میں باغیوں نےایئرپورٹ بندکردیا ہے۔

طارق سلیم اللہ کا کہنا تھا کہ شام ونگزایئرلائن کےذریعےمجموعی طورپر 255پاکستانی مسافرپھنس گئے ہیں تاہم صورتحال ایک دو روزمیں واضح ہونے پروازوں کی بحالی کا فیصلہ ہوگا۔

اسلام آباد : عراق میں پھنسے 350 پاکستانی زائرین کراچی پہنچ گئے جبکہ باقی زائرین بھی آج وطن واپس پہنچ جائیں گے۔

تفصیلات کے مطابق عراق میں پھنسے 350 پاکستانی زائرین کو لیکر پرواز بغداد سے کراچی پہنچ گئی، عراقی ایئر ویز کی پرواز صبح چھ بج کر پندرہ منٹ پر کراچی پہنچی تاہم باقی زائرین بھی آج وطن واپس پہنچ جائیں گے۔

وفاقی وزیرمذہبی امورچوہدری سالک حسین نے عراق میں پاکستانی سفیر ذیشان احمدسےٹیلیفونک رابطہ کرکے پاکستانی زائرین کی واپسی کےلیے اقدامات کی ہدایت کی تھی۔

یاد رہے بغداد میں سیکڑوں پاکستانی زائرین پھنس گئے تھے اور زائرین کے پاسپورٹ گم ہونے کی خبریں گردش کررہی تھیں۔

وفاقی وزیرمذہبی اموروبین المذاہب ہم آہنگی چوہدری سالک حسین نے معاملے کا نوٹس لیتے ہوئے پاکستانی سفیر ذیشان احمد سے ٹیلیفونک رابطہ کیا۔

پاکستانی سفیر کا کہنا تھا کہ پاکستانی مشن ساری صورتحال کو قریب سے دیکھ رہا ہے، امیگریشن، وزارت خارجہ، ایئرلائن، متعلقہ اداروں سے رابطے میں ہیں۔

انھوں نے کہا تھا کہ پاسپورٹ گم ہونے والی خبریں غلط ہیں، ٹورازم کمپنیوں کی بدانتظامی کی وجہ سے ایسی صورتحال پیدا ہوئی، تمام زائرین بغداد ایئرپورٹ پر موجود ہیں،کھانافراہم کر دیاگیا ہے۔

اسلام آباد : دفتر خارجہ نےایران میں ٹریفک حادثےمیں جاں بحق پاکستانی زائرین کےاہلخانہ سے اظہار تعزیت کرتے ہوئے کہا اسحاق ڈار نے زاہدان میں پاکستانی قونصل جنرل کو جائے حادثہ پر پہنچنے کی ہدایت کردی۔

تفصیلات کے مطابق پاکستانی دفتر خارجہ نے ایران میں ٹریفک حادثےمیں پاکستانی شہریوں کی اموات پر اظہار افسوس کرتے ہوئے زائرین کےاہلخانہ سےدلی تعزیت اورہمدردی کا اظہار کیا۔

نائب وزیراعظم نے زاہدان میں پاکستانی قونصل جنرل کوجائےحادثہ پرپہنچنےکی ہدایت کی، پاکستانی قونصل جنرل کوصورتحال کاپتہ لگانےکی ذمہ داری سونپی گئی ہے۔

پاکستانی قونصل زخمیوں کوطبی امدادفراہم کرنےکیلئےحکام کیساتھ رابطہ کریں گے اور میتوں کوپاکستان واپس بھیجنےکاانتظام کریں گے، متاثرین میں سےزیادہ ترصوبہ سندھ کےرہائشی ہیں۔

وزارت خارجہ نےمیتوں کی وطن واپسی کیلئےکرائسزمینجمنٹ یونٹ کوفعال کردیا ، تہران میں پاکستان کےسفیراورزاہدان میں قونصلرایرانی حکام کیساتھ رابطےمیں ہیں۔

یاد رہے ایران کے شہریزد میں پاکستانی زائرین کی بس کوحادثہ پیش آیا تھا، جس میں پینتیس افراد جاں بحق ہوئے ، جن میں گیارہ خواتین بھی شامل ہیں۔

اسلام آباد : ایرانی سفارتخانے نے محرم اور صفر کے دوران آنے والے پاکستانی زائرین کے لیے ویزا پالیسی کا اعلان کردیا۔

تفصیلات کے مطابق پاکستانی شہریوں کے لیے محرم اور صفر کے دوران ایرانی ویزا پالیسی سامنے آگئی۔

ایرانی سفارتخانے کی جانب سے کہا گیا ہے کہ یکم محرم سے 15 صفر تک تمام پاکستانی زائرین جن کے پاس عراقی ویزہ ہے، ڈبل انٹری ویزا کے لیے درخواست دے سکتے ہیں۔

سفارتخانے کا کہنا تھا کہ عراقی حکومت کے "خصوصی اربعین ویزے” پر تمام زائرین کو ڈبل انٹری ویزے مفت جاری کیے جائیں گے ، پاکستانی شہریوں کے لیے ویزوں کا اجرا معمول کے طریقہ کار کے مطابق کیا جائے گا۔

ترجمان نے کہا کہ پاکستانی زائرین جو زمینی سفر کا ارادہ رکھتے ہیں انہیں ایران اور عراق میں داخل ہونے کے لیے اپنی بس ٹرانسپورٹ کا استعمال کرنا چاہیے۔

سفارتخانے کے ترجمان نے بتایا کہ گروپ لیڈروں کو اپنی ٹرانسپورٹ کی تفصیلات، کارنیٹ ڈی پیسیجز، ڈرائیوروں کے بین الاقوامی لائسنس کے ساتھ ساتھ مسافروں کی مکمل فہرست فراہم کرنی ہوگی ، ویزوں پر گاڑی کی پلیٹ نمبر کا ذکر ہوگا۔

پاکستانی زائرین کو 20 صفر تک چازبہ کی سرحد سے عراق میں داخل ہونا ضروری ہے ، دوسری سرحدوں سے ان کا سفر ممنوع ہو گا۔

اجمیر شریف جانے والے پاکستانی زائرین تاحال بھارتی ویزوں کے منظر ہیں، وزارت مذہبی امور نے زائرین کو لاہور آنے سے روک دیا۔

تفصیلات کے مطابق زیارت کے لیے اجمیر شریف جانے والے پاکستانی زائرین کو اب تک بھارتی ویزوں نہیں مل سکے ہیں۔ ویزوں کی اطلاع نہ ملنے پر وزارت مذہبی امور نے زائرین کو لاہور آنے سے روک دیا ہے۔

وزارت مذہبی امور کے ترجمان نے بتایا کہ زائرین نے پروگرام کے مطابق جمعہ کو لاہور پہنچنا تھا۔ پاکستانی زائرین نے اجمیر شریف کیلئے 13 جنوری کو بھارت روانہ ہونا تھا۔

ترجمان کا مزید کہنا تھا کہ بھارتی ہائی کمیشن کی جانب سے اب تک زائرین کے ویزوں سے متعلق اطلاع نہیں دی گئی ہے۔

وزات مذہبی امور نے اجمیر شریف میں عرس کیلئے جانے والے زائرین نئی اطلاع ملنے تک لاہور کا سفر نہ کرنے کی ہدیت کی ہے۔ دونوں ملکوں کے مذہبی سیاحتی وفود 1974 کے معاہدے کے تحت سفر کرتے ہیں۔

ہرسال سینکڑوں ہندو اور سکھ یاتری پاکستان میں مذہبی مقامات کی یاترا کرتے ہیں۔ پاکستانی زائرین بھارت میں بزرگان دین سے منسوب 6 خانقاہوں پر حاضری دیتے ہیں۔

عراق میں پھنسے پاکستانی زائرین کی وطن واپسی کا معاملہ گھمبیر صورت اختیار کرگیا، بغداد میں پھنس جانے والے پاکستانی زائرین رل گئے۔

تفصیلات کے مطابق عراق میں پھنسے پاکستانی زائرین وطن واپسی کے لیے حکومت کی مدد کے منتظر ہیں۔ کئی دن سے بغداد میں پھنسے پاکستانی زائرین رل گئے ہیں۔

زائرین کا کہنا ہے کہ پاسپورٹ اور ٹکٹس دیے جائیں تو پاکستان واپس جائیں، عراق میں پھنسے زائرین کا شکوہ کیا کہ فلائٹ نہیں مل رہی۔

پھنس جانے والے شہریوں کے مطابق پہلے زائرین کے پاسپورٹ غائب کیے گئے، اب عراقی ایئرویزمیں سیٹس نہیں دی جارہیں، ہمیں کہا جا رہا ہے کہ 150 ڈالر فی زائرین ادا کریں۔

زائرین نے کہا کہ ہمارے پاس پیسے ختم ہو چکے ہیں، انھوں نے حکومت سے مدد کی اپیل کی ہے۔ واضح رہے کہ عراق جانے والے زائرین ایک ہفتے سے بغداد میں پھنسے ہوئے ہیں۔

بغداد : عراق جانے والے پاکستانی زائرین بغداد ایئر پورٹ پرپھنس گئے ، مسافروں کا کہنا ہے کہ ایئرلائن عملہ غائب ہے اور پاسپورٹ نہیں دیئے جارہے۔

تفصیلات کے مطابق عراق جانے والے پاکستانی زائرین بغداد ایئرپورٹ پر پھنس گئے، غیرملکی ایئرلائن کا عملہ بغداد ایئرپورٹ سے غائب ہوگیا ، جس سے پاکستانی زائرین کو بغداد ایئر پورٹ پر شدید مشکلات کا سامنا ہے۔

غیرملکی ایئرلائن کےمسافر کا کہنا ہے کہ عراقی حکام کچھ بتانےکوتیارنہیں، ایئرلائن عملہ غائب ہے اور پاسپورٹ نہیں دیےجارہے

ذرائع کے مطابق زائرین جب پاکستان واپسی کیلئےبغدادایئرپورٹ پہنچےتوعملہ نہیں تھا ، زائرین کا تعلق کراچی، حیدرآباد، لاڑکانہ، راولپنڈی ودیگرشہروں سے ہے۔