پاکستانی شوبز انڈسٹری کی خوب رو اداکارہ عائشہ عمر نے اپنے ساتھ ہونے والی بدسلوکی اور اس شخص سے متعلق سوشل میڈیا پر گردش کرتی مختلف قیاس آرائیوں پر وضاحت دی ہے۔
اداکارہ عائشہ عمر نے حال ہی میں ایک انٹرویو میں انکشاف کیا تھا کہ وہ 8 سال تک ایک ایسے شخص کے ساتھ رشتے میں تھیں جو انہیں دن رات گالیاں دیتا تھا، تاہم جب بات تشدد پر پہنچی تو انہوں نے اس شخص سے علیحدگی اختیار کرلی۔
اداکارہ کے اس انکشاف کے بعد سوشل میڈیا پر فین نے تبصرے شروع کردیئے، کئی صارفین کا کہنا ہے کہ مذکورہ شخص میڈم نور جہاں کا پوتا سکندر رضوی ہے۔
یاد رہے کہ ایک وقت ایسا تھا جب جس کے ساتھ عائشہ عمر کا نام جوڑا جاتا تھا۔
’زندگی کے قیمتی سال ایک شخص کی وجہ سے برباد کردیے‘
تاہم اب فوٹو اینڈ ویڈیو شیئرنگ پلیٹ فارم انسٹاگرام پر اسٹوری شیئر کرتے ہوئے اداکارہ عائشہ عمر نے بدسلوکی کرنے والے شخص کے حوالے سے سوشل میڈیا پر گردش کرتی تمام خبروں کی تردید کر دی۔
انہوں نے وضاحت دیتے ہوئے لکھا کہ انہوں نے پوڈکاسٹ میں جس گالم گلوچ کرنے والے شخص کا ذکر کیا وہ شخص سکندر رضوی نہیں ہے، بلکہ ایک فیملی فرینڈ کا بیٹا ہے جس کا میڈیا سے کوئی تعلق نہیں ہے۔
انہوں نے اپنے مداحوں سے گزارش کرتے ہوئے کہا کہ اس معاملے میں سکندر رضوی اور ان کے خاندان کو شامل نہ کیا جائے۔
