Tag: پاکستانی شہریوں

اسلام آباد : پاکستانی سفیر برائے کویت ڈاکٹرظفراقبال کا کہنا ہے کہ کویت نے پاکستانی شہریوں کیلئے ویزہ کےحصول میں آسانی کردی ہے۔

تفصیلات کے مطابق پاکستانی سفیر برائے کویت ڈاکٹرظفراقبال نے اے آر وائی نیوز کے پروگرام سوال یہ ہے میں گفتگو کرتے ہوئے کہا کہ یکم مئی سے کویت کے حکام نے ویزہ سہولت فراہم کردی ہے، ویزہ سہولت کے بعد پاکستانی شہری کویت کا دورہ کررہے ہیں۔

ڈاکٹرظفراقبال کا کہنا تھا کہ کویت ویزے کے لیے اب پیپر ورک دنوں میں مکمل ہوگا۔

انھوں نے بتایا کہ کویت نے پاکستانی شہریوں کیلئے ویزہ کےحصول میں آسانی کردی ہے، پہلے کویت کے ویزے کا اجرا کا عمل بہت مشکل ہوتا تھا۔

مزید پڑھیں : کویت نے 19 سال بعد پاکستانیوں کو ویزوں کا اجرا شروع کردیا

خیال رہے کویت نے 19 سال کے بعد پاکستانی شہریوں کو ویزوں کا اجرا شروع کردیا ہے۔

غیرملکی خبررساں ادارے کی رپورٹ کے مطابق کویتی حکومت نے اعلان کیا تھا کہ جس کے تحت 19 سال سے ویزوں پر عائد پابندی ختم کردی گئی ہے۔

کویت کی جانب سے اب پاکستانیوں کو ورک، فیملی، وزٹ، سیاحتی اور کمرشل ویزے جاری کیے جائیں گے۔

اسلام آباد : وفاقی تحقیقاتی ادارے ( ایف آئی اے ) نے دبئی میں پاکستانی شہریوں کی جائیدادوں سے متعلق تینتالیس کیسز بند کردیے، سال 2018 میں تحقیقات کا حکم دیا گیا تھا۔

تفصیلات کے مطابق دبئی میں پاکستانی شہریوں کی جائیدادوں کے معاملے پر ایف آئی اے نے 43 کیسز کی تحقیقات بند کر دیں۔

ذرائع نے بتایا کہ وفاقی تحقیقاتی ادارہ 50 سے زائد شہریوں کیخلاف اہم شواہد اکٹھے نہ کرسکا، 6 سال کی تحقیقات کے بعد ایف آئی اے نے تمام کیسز بند کر دیے۔

ذرائع کا کہنا تھا کہ ان 50 سے زائد شہریوں کا تعلق پنجاب، کے پی کے اور سندھ سے ہے۔

ذرائع نے کہا کہ سال  2018میں وفاقی تحقیقاتی ادارے کوان کیسز کی تحقیقات کا حکم دیا گیا تھا، 50 سے زائد شہریوں کیخلاف تحقیقات شروع کی گئی تھیں، شہریوں کی دبئی میں جائیداد اور اکاونٹس کی تحقیقات کی جانی تھی۔

اسلام آباد : برطانوی وزارت داخلہ کے ترجمان سائمن ریڈ لے نے کہا کہ پاکستانی شہریوں کیلئے ویزا کے نظام کو مکمل طور پر آن لائن کیا جا رہا ہے۔

تفصیلات کے مطابق سیکرٹری داخلہ سے برطانوی وزارت داخلہ کے وفد کی ملاقات ہوئی ، سائمن ریڈلے کی سربراہی میں ملاقات میں برطانوی ہائی کمشنر بھی شریک تھے۔

ملاقات میں انسداد دہشت گردی اور انسانی اسمگلنگ کی روک تھام کیلئے تعاون کے فروغ سمیت قانون نافذ کرنے والے اداروں کے درمیان تعاون مزید بڑھانے پراتفاق کیا گیا۔

دونوں ممالک کے درمیان ملزمان کی حوالگی کے معاہدوں پر پیشرفت کا بھی جائزہ لیا گیا اور برطانیہ میں جعلی جامعات، اسٹوڈنٹ ویزا پر غیرقانونی مقیم افراد کی حوصلہ شکنی پر گفتگو کی گئی۔

سائمن ریڈ لے نے کہا کہ پاکستانی شہریوں کیلئے ویزا کے نظام کو مکمل طور پر آن لائن/ ڈیجیٹیلائز کیا جا رہا ہے ، پاکستان کیلئےویزانظام آن لائن کرنےسےآسانی پیداہوگی۔

ترجمان داخلہ نے بتایا کہ افغان مہاجرین کی برطانیہ منتقلی میں پاکستان ہر ممکن سہولت فراہم کر رہا ہے، حال ہی میں مدت سے زائد قیام کی صورت میں فیس کو 800 ڈالر سے کم کر کے 400 ڈالر کر دیا گیا ہے۔

اوٹاوا: کینیڈا نے پاکستانی شہریوں کیلئے وزٹ ویزا پروسیسنگ کا دورانیہ کم کرکے 60 دن کردیا اور یقین دلایا اس دورانیے کو ایک ماہ تک لایا جائے گا۔

تفصیلات کے مطابق کینیڈین حکومت نے پاکستانی شہریوں کیلئے وزٹ ویزا پروسیسنگ کا دورانیہ کم کردیا۔

اس حوالے سے کینیڈین وفاقی وزیر امیگریشن شان فریزر نے کہا ہے کہ پاکستانی شہریوں کیلئے ویزہ پروسیسنگ ٹائم 802 دنوں سے کم کر کے 60 دن کر دیا گیا ہے۔

شان فریزر کا کہنا تھا کہ اب پاکستانی شہری کینیڈا کا وزٹ ویزا 802 دن کے بجائے 60 دن میں حاصل کرسکیں گے۔

انھوں نے یقین دلایا کہ ویزا پروسیسنگ ٹائم میں مزید کمی کرتے ہوئے اس دورانیے کو ایک ماہ تک لایا جائے گا۔

یاد رہے گذشتہ سال نومبر میں کینیڈا نے پاکستانی شہریوں کی سہولت کے لیے ویزا آفس ابوظہبی سے اسلام آباد منتقل کرنے کا اعلان کیا تھا۔

ذرائع نے بتایا تھا کہ کینیڈاکی حکومت نے ویزا آفس اسلام آباد منتقل کرنے کیلئے خطیر رقم مختص کردی ہے، کینیڈین حکومت نے 10 سال پہلے مختلف وجوہات کی بنا پر ویزا آفس ابوظہبی منتقل کردیا تھا۔